祥興記上海生煎包 (擺花街)

Open Now

Now Closed

今日係公司叫咗祥興既外賣作為我的下午飯 祥興既係一間永遠唔會令人失望嘅生煎包專賣店 今朝亦都冇令我失望 食生煎包我最怕乾爭爭 冇肉汁 而祥興既嘅生煎包好似去佢個盒咁講 內有熱湯 一咬落去基本上都係肉汁 而且就算叫外賣亦都好夠熱我亦都叫咗咖喱牛展粉絲 咖喱味湯底好好味 牛展亦都好入味 重點係豆腐卜 佢吸收晒濃厚嘅咖喱湯汁 食起上嚟每一啖都係咖喱湯汁嘅味道最後想提一下 生煎包除咗有原味 亦都會有黑松露味道 但個人覺得冇原味咁好味 所以之前叫過一次就冇再叫過啦

食完lunch經過祥興記又未飽就嗌咗盒生煎包外賣翻公司食 話說祥興記就係同事介紹食過一次咁大把，印象中係好食既！唔知今次外賣翻到去又會係咩味先！買到翻公司差不多15分鐘車程，望上去賣相仲好正溫度仲係暖既 即刻食舊試下先！第一淡咬落去已經爆咗好多汁出黎，外脆內軟皮唔厚，肉質都算嫩既 味道就咸咗小小 個人接受到 之後第二淡肉汁係繼續有既 呢個係幾意外 通常爆一次肉汁就無乜同乾哂總結，外賣翻到公司食都咁好食 如果即刻食既應該不得了！

想要光顾很久了，今天终于有机会买了咖喱牛展粉丝汤。 牛肉嫩滑入位，粉丝汤暖身。中午吃，简直绝佳选择。不过分量有些小，所以，又有空间可以给到饭后甜品🍮 为了下午的工作补充能量！

很久之前在一個FoodCourt裡認識祥興的生煎包，而最近才發現中環有分店，所以就決定午餐的時候再去嚐嚐！　中環這家分店就只有企位，吃著吃著也漸漸的擠滿了人呢⋯本來就很愛吃餃子包類的我，對祥興的生煎包實在毫無抵抗力！「皮薄、汁多、餡鮮、底脆」寫在宣傳照上的標籤，個人認為真的樣樣都真確 哈哈！首先要在招牌生煎包的頂部咬下一小口，把膨湃的肉汁給喝下（應該說是湯嗎），再慢慢品嚐香脆又厚薄適中的皮，  和鮮嫩超多汁的肉！另外還點了一份麻醬菜肉餛飩！菜肉餛飩的皮很薄，而菜肉的餡料也不少。上面的麻醬很香，充滿花生醬的感覺，再加入蔥粒點綴，整體還不錯吃的。我想過了不消一會又會為了招牌生煎包再要回頭光顧了。

劣食指數: ★★☆☆☆早在去年於上海嘗到當地傳統的生煎包後，便一直想在香港找回同樣的味道，奈何這間生煎包是預早煎好，底部煎得不夠脆，甚至有點硬，跟上海那些即叫即煎的有很大差距。幸好生煎包內充滿滾熱的湯汁，於這方面並不比上海的生煎包遜色，只是要小心被湯汁灼傷。一直覺得黑松露好比一把雙面刃，份量使用恰當能夠提升菜式味道的層次。可惜這次廚師沒有讓黑松露演好自己配角的角色，過量的黑松露搶去主角的地位，完全遮蓋了肉餡的味道。生煎包這種平民食品，卻硬要配上黑松露的濃妝艷抹，將原本平易近人的鄰家女孩帶走，塑造成不倫不類的MK妹。

獲米之蓮推介的祥興生煎包的確好食😋生煎包皮薄而包底煎得脆脆der...不過有少少硬，肉餡豐富而多汁👍🏻👍🏻一個人食曬4粒全部無難度🙈😈.💕溫馨提示：生煎包入面熱湯好易爆汁建議咬一小口，小心啜湯汁😉

今次買左即刻係街邊食，4粒生煎包＄38大元。店家另附醋及豆瓣醬。皮薄，多湯。煎好後即食一定要小心燙嘴，否則後果自負啦食過好幾次，水準仲keep得幾好。筆者認為招牌（原味)最好食，希望可以繼續保持水準啦。

很久沒寫食評，不過這次值得一寫。第一次光顧的黑松露生煎包底部比餅乾還硬，家中黑松露狂迷幼兒咬不開要吐出來，向店員反映即將是次惠顧的黑松露生煎包半價收費以作前次補償，讚！二次光顧均為外賣自取，生煎包早已在鑊煎好待售，下班時間即買即走，不像上海的要排隊等很久真的生煎，一如HK style：快！招牌生煎包($35/4隻)：皮脆不韌，回家吃時裡面的湯汁還是㷫的，還一咬噴汁(浪費了點湯汁)，很好吃。黑松露生煎包($17/隻，2隻起)：第一次光顧時底部超硬，但裡面的湯汁是很濃重黑松露味的，$17/隻沒欺場；是次光顧由於主動向店員表示前次不快經驗，要求挑選較新鮮煎好的，那便不會吃到超硬底了，這次的很好，軟硬適中，湯汁香濃。還會再光顧的～

其實自問尼間野都唔平 一碗粉絲都要三十幾蚊 但佢sale自己米芝連推介 好啦 咁就買左招牌生煎包同雙檔粉絲湯 外賣返公司食 點知一打開 得半碗 我唔理粉絲有幾多條啦 起碼做個樣都應該有2/3碗湯下嘛？？咁樣同呃錢冇咩分別播？ 當時就即刻返轉頭搵佢地 問佢地會唔會覺得少左啲？ 佢地問返我覺得係咩少左 店長(疑似 因為得佢冇穿製服)仲即刻怪落個細既到 指住個收銀既後生仔既話 你話佢啦！ 但當時我睇住係店長親手炮製 點解我記得？因為佢係唯一唔帶手套頭套唔穿製服既人 最後加左啲湯（水？）比我了事Anyway 加左「湯」既尼碗野味道淡如水 仲差過我比幾蚊去百街買包福字粉絲黎食 生煎包持平 唔難食既🙄🤷🏻‍♀️老實講 中上環大把賣香港情懷既老店 大把遊客幫襯 都唔會做到你地咁 唔會再幫襯👎🏻👎🏻

招牌生煎包咁出名 當然要叫呢個啦幾好食 欣賞佢煎得香口大大粒 皮厚厚 咬下去有口感裡面好多汁 有最少一湯匙肉汁肉亦唔鞋身 亦都唔會太鹹麻醬菜肉雲吞本身好鐘意食菜肉雲吞 麻醬更加係一直鐘意嘅醬汁之一 所以滿心期待嘩 點知呢個真是麻麻地 有點中伏的感覺.....首先佢個雲吞外皮口已經感好糊狀加埋佢個醬 真是「傑」上加「傑」食入口個口感 說真的是一pat嘢好失望叫左呢個....直情冲淡了第一舊生煎包的喜悅感覺...6隻我只食左2隻就停左手了...

這些生煎包非常好吃！有原味，鮮蝦味和黑松露味。這間店舖獲2016年米芝蓮推介，值得一試！這些生煎包皮薄，餡鮮，汁多，底脆！除了生煎包，還有餛飩麵和湯，豬扒很脆，推介給你們！

這裡是新開，一個星期裡面我食左四次，次次都係食佢個招牌生煎包，仲要介紹晒所有家人去食，因為真係好好食第一次食果時唔識，汁多到彈到周圍係，熱辣辣真係超好食，個底仲脆脆地，真係超正，超新鮮，之後我聰明左，要在上面咬個lone先，咁就唔會爆晒汁出來。果度真係好好生意，有次堂食完四隻，諗住外賣返屋企比老公，點知轉個頭已賣晒，得返黑松露味，果度的職員態度很好，雖然咁忙仍好有笑容，又會同你講笑，佢地真係包到唔停手，煮到唔停手。下次有機會一於試埋其他野食

雖然係新開既但開左都其實好幾個月，今日終於抽到時間黎食啦～哈；入面鋪位唔係好大，但都有位置比3-4個人企係到食，依到好到唔洗排隊等，一落單即刻食得，好清楚見到師傅係到包既生煎包，新鮮製造一籠籠生煎包第一次食試下個招牌先啦4隻$35仲有好貼心咁教食法唔會被包裡面既湯熱到，就係咬開細細啖，再少少咁啜左湯汁先再享受個包，第一啖咬落去真係熱既喎，好多汁流出黎啜都啜唔住，個包底有d燶燶地好脆口由門口到店至生煎包個盒頂，周圍都見到米芝蓮既樣

同事外勤完成公務，途經一生煎包店，被那一整盤的新鮮煎起的生煎包吸引著，買了一盒四粒回公司與小人共享。兩款生煎包分別是黑松露味以及原味的。我們急不及待先試黑松露味，先談包子，溫度夠熱，包底還是脆的，小小的包子裏盛載著充沛的汁液，吃時要小心肉汁飛濺四射！黑松露多得誇張，香味相當濃重，喚醒了沉睡的味蕾。我們覺得黑松露味的已覺不俗，詎料原味更加超然！鮮鮮的豬肉香味於熱騰騰的肉湯裏揮霍，無法不令人感動起來，原味至勝！其實兩款生煎包俱是超品之作，難分高下。

十二點，以香港時間應未夠鐘lunch, 喺下午趕住開會又唔太肚餓之下，同事話不如買生煎包食啦。舖頭位於擺花街泰昌對面，當時人人都係望望下，未有真正落單。Menu八成係唔同嘅生煎包組合，如果唔夠，可以加配麵條。我選左個正常+黑松露包($45)，每款兩個。稍為等左幾分鐘就交到貨。行番公司三分鐘，番到去仲係熱辣辣，個包底少少燶，好脆口。相比之下，黑松露係好有味但肉汁唔夠正常嗰粒爆汁。整體黎講，$45四個，以呢個質素都幾好，但如果你係正常肚餓mode, 可能要加配，又或者諗定下午茶食咩lu