祥興記上海生煎包 (Closed)

別以為去到food court就只可以食頹飯，今日去到將軍澳pop corn商場既food court都有米芝蓮美食〈祥興記〉生煎包！！除左米芝蓮外都有其他奬項獲選，勁喔！除左有正常款式的生煎包外還有鮮蝦同黑松露味，老婆話幾樣都好吸引！而且還有套餐！簡單12隻大字就可以表達到生煎包有幾正，簡潔有力！講返正題生煎包，$30有4隻，絕對不貴。生煎包外皮煎局得香脆乾爽不油膩，內裡超多肉汁，一咬下去差d噴到一咀都係，超誇張！！肉質鮮味，口感彈牙，超！好！食！！正價$13都加杯烏梅汁俾老婆，無法啦鬼叫佢鐘意酸酸甜甜既飲品。雖然睇落顏色不吸引，但飲落出乎意料好飲！唔算甜有烏梅味，而且還有一絲絲真的烏梅碎在內。比超其他食肆即使俾$13都只係飲化學糖漿顏色水來得性價比高！！期待祥興記多開更多分店，咁我們就不用特意誇區來吃啦！！

祥興記的生煎包向來很出名，所以今日經過附近的我當然要試下！呢間店鋪位於將軍澳 PopCorn 的 food court，所以食飯時間比較多人，堂食要霸位。我地叫咗兩個餐，一個係咖喱牛肉粉絲湯配 4 隻生煎包 ($50)而另一個是 排骨麻醬拌麵 ($40)，兩個餐都包括飲品一杯的。首先先講生煎包啦！賣相來說都算挺吸引，表面有少量蔥和芝麻。底部則煎至金黃色，看上去十分香脆呢。咬開了一小口後，可以看到入面的湯汁十分多，濃濃的香味慢慢地撲向鼻子來。包皮做得很薄，而且肉餡也很好食。整個生煎包都煎得很香，吃的時候記得用湯匙盛住，以免湯汁溢出浪費了 >< 除了湯汁，我也被生煎包的底部吸引了，咬的時候很香脆，不知不覺四隻就比我吃光了! 還覺得不夠喉呢~而在咖哩牛肉粉絲湯方面就做得比較遜色。咖哩的味道不太濃，而且淡，牛肉的質感也比較粗糙，賣相亦一般般。排骨吃的時候感覺到太過油膩，食落太冧不夠香脆乾身，而且味道同粉絲湯一樣有點淡，整體不太推介。而在烏冬方面加了一條條的類似紫菜來做點綴，但是烏冬的包澤不太佳，食落偏冧了些，不像日本的烏冬般煙韌彈牙（是我要求太高？）。我覺得除咗生煎包之外啲嘢食

Located in PopCorn Food Court, TKO.Super delicious Shanghai style buns, very juicy.A good technique to eat them is required haha.I didn't try the other meals but other people tasted a beef curry soup and it was good (but need to wait longer...)

popcorn foodcourt 就有好野食，今次要介紹的就是祥興記6點幾去沒什麼人，也不需要排隊。平時7點幾8點去已經人山人海，要等位，幸好今日早去不用等4個人去食，大家都聽過祥興記，想試一試。我買了招牌生煎包4個$40，價錢幾貴，但真心推薦不過4個不算飽，通常我會再買其他小吃填肚呢款就是招牌生煎包每一隻都很燙，小心一咬開，皮薄多汁，啖啖肉，而且皮底很脆，每一粒都很精美，非常美味。是我吃過最好吃，最有誠意製造的生煎包

第一次食到咁好味的生煎包！今日經過Food Court覺得有少少肚餓，又見好耐冇食過上海嘢，所以就單點左四隻生煎包來食。價錢方面，4個要36蚊加一杯冷飲另外都有豬排面（湯面或撈面）同樣隻生煎包嘅套餐，價錢大約50-58。食物菜式不多，只有以上各種，主要都係賣番生煎包呢樣特色菜。生煎包有醋可以沾，個底煎到金黃色、有啲脆，食落去十分好味。包底外脆，包頂內軟。咬開包頂，汁多肉嫩，好似灌湯小龍包咁。可以見到入面有好多汁，一咬就流哂出來。呢個包確實係小龍包同生煎包嘅完美融合，食4個確實係唔夠！！！其實一D都唔底食，4個包要三十幾蚊，不過因為味道同質素嘅關係，底食指數一定要俾番4星！太好味喇！

祥興嘅生煎包一向高水準，所以亦係我成日會幫襯嘅鋪頭之一，呢排見佢出左黑松露生煎包，緊係要試下喇黑松露生煎包比普通生煎包嘅價錢貴得多 所以我只係叫左兩個。生煎包外表同平時果啲冇咩分別，但係咬開之後就見到一堆松露係豬肉上面，分量都唔少。松露生煎包同樣係外面香脆，入面充滿湯汁，入口都feel到有黑松露味，但就唔係特別強烈，感覺同普通生煎包分別不大。 個人覺得黑松露生煎包價錢略貴，味道亦唔值呢個價，建議大家都係食番普通生煎包又平又好食。

米芝連既祥興上海生煎包🍴A1餐 招牌生煎包2隻 老上海雙檔粉絲湯 玉米汁一杯 hkd48 😀🔥粉絲湯完全冇味好似用水煮咁😞完全唔得..but佢啲配料都幾特別，之前未食過既。類似啲豆卜咁，入面都係包住啲肉😂應該係啲上海特式野～不過佢啲生煎包就真係超級好食👍🏿👍🏿👍🏿外脆內軟，入面多餡，汁又多😍唔怪得入到米之蓮！堅好食！另外佢既玉米汁都有驚喜😆好綿蜜，好濃郁既栗米味，又唔會有渣，推介💕

在 PopCorn 地下超市隔離的 Food Court ，見到＂祥興記＂，墻上掛著 ＂2016年 米芝蓮推介＂的牌，好醒目。［招牌生煎包］$28 /４只，皮薄底脆，內餡為一只大大舊的肉丸，咬落滿口肉汁香再加粒粒芝麻香，正👍！只是不夠熱辣辣，包的頂部塌陷咗，外表略嫌不夠飽滿。［咖哩牛肉粉絲湯］$30 / 碗 ，純正的黃咖哩，鮮辣味濃，薄薄的４片牛肉切片香腍，粉絲有彈性，仲有３只飽浸咗咖哩湯的大大只豆卜。［鳥梅汁］$13 / 杯，口感類似酸梅汁，多酸少甜，解油解膩絕佳。食完有口渴的感覺，估係落調味料重手咗啩。

終於有機會一試，要親自去將軍澳一轉。有蝦的生煎包好好味!有時想食light 少少，食個生煎包同一碗粉絲就剛剛好! 可惜粉絲湯有d 淡~下次會試黑松露味道! 經開將軍澳值得一試~~

市面上愈黎愈多食到生煎包嘅地方，講到表表者點都會數到祥興記。但自從荃灣、元朗店結業後，都有一段時間冇食過。期間不時都有試其他食店嘅生煎包，水準參差，所以有時都會諗番起祥興記嘅味道及其爆射湯汁。今日去到將軍澳，本來係想食早餐，去到food court，咁啱見到呢度有祥興記，二話不說就坐低。比起舊時佢地都加入左啲新口味，例如黑松露、鮮蝦生煎包，可惜剛剛售罄，未有機會一試，只係點左套餐。套餐包括4粒生煎包、上海雙檔粉絲、柑桔汁，定價 $60。生煎包賣相、大小同以往差唔多，根據經驗，都係先咬一小口，飲左裡面嘅湯汁先，因為咬開，都有爆汁效果。而且湯汁熱辣辣，肉汁香，相對以前，湯汁係少左，但肉餡份量多，食落唔會太鹹，而且唔油膩。生煎包皮都唔算太厚身，底部煎得香脆，配埋辣醬正。上海雙檔粉絲上海雙檔指百頁包肉、油麵根包肉，加入粉絲、蛋絲、榨菜、蔥花製成湯。湯頭點都有味精感，幸好唔會太鹹或者泛油，肉餡或多或少跟生煎包嘅肉同出一徹，味道都唔會太差。唔係好多地方食到呢類傳統小食，感到滿足。柑桔汁清新唔甜，有助解膩。雖然食祥興記生煎包冇以往咁有驚喜，但至少味道好對辦，依然比一眾後起嘅食店出色。

碰巧今天要去將軍澳買點東西，有點空閒時間便去了popcorn 商場走走，走到肚子也餓了。祥興生煎包？我也聽過得多次，好像有很多分店，但卻一次也沒試過。它們的套餐也不錯，我選了A2，但也需要$60，不是很便宜。招牌生煎包一咬下去便爆汁了！超燙呀，記住要小心吃喔。外皮煎得香脆，裡肉餡料份量夠多，真的很好吃，吃了四個好像也不夠。老上海雙檔粉線湯也相當不錯，粉絲有咬口，最後我把湯也喝光了。還配豆漿，但有點偏甜。

因為趕住要去睇戲的關係，又唔知食咩好……所以揀左黎foodcourt......諗住見到咩就食咩唔使等！行过見到e个生煎飽好多人，其實我很少食生煎飽，因為嫌皮厚。但朋友話一齊試下，所以我就点了招牌生煎飽。是有驚喜的！熱辣辣，一咬落口肉汁滿瀉在口腔，很鮮甜，皮亦不厚。个人認為值得一試。

大部分在香港有機會品嚐的中菜，除了廣東菜之外，我又吃過的菜系大概包括有上海菜、湖南菜、四川菜幾種。相對於口味偏辣的四川、湖南、貴州菜，上海菜口味已經不算很辣很重口味，適合一般人去品嚐。至於我一般經常會試食的上海菜式，通常都是小籠包、蟹黃湯包、擔擔麵幾種。我之前還不知道，原來生煎包都屬於上海菜系的其中一種，儘管我經常都有機會試食不同口味的生煎包，但最後印象都不太深刻。後來我在將軍澳站「Popcorn」商場的地下美食廣場，發現有一檔專門售賣上海生煎包的食店「祥興記上海生煎包」，讓我有機會專一地品嚐試食，不同口味的上海生煎包滋味。不過由於「祥興記」店員準備製造鮮蝦生煎包需時，所以店員告訴我暫時未能提供鮮蝦生煎包，要稍等一會兒才能購買。我光顧「祥興記」其中一個原因，正正就是為了品嚐鮮蝦生煎包的滋味。這樣於我而言都不緊要，因為我還有的是時間。當時我在樓上的戲院，買了電影戲票，所以等到電影播完散場後，我再去「祥興記」購買鮮蝦生煎包，應該也不會很遲。於是，我走到樓上的戲院看電影，等到電影播映完畢散場後，我再回到樓下美食廣場，看看「祥興記」的鮮蝦生煎包，跟原味生煎包是否已經可以賣。果然皇天不負有心人，

位於將軍澳廣場food court 之中米之蓮祥興記生煎包有散叫，有套餐熱辣辣嘅生煎包一咬開，肉汁即時爆出加醋加豆瓣醬一個字！正！原來佢啲豆漿都好好飲！好似有啲忌廉味咁😂

早幾日去將軍澳popcorn睇戲🎬係大商場唔想食咁貴💰梗係食food court喇🍆🥒🥕🍠🥐🍞🥖🥞🍖🥙🍦🌯🍜🍲揀左呢間米芝連平民小店食過荃灣果間分店都唔錯就想試試將軍澳呢間叫左個招牌生煎包🍘兩隻+鮮蝦生煎包🍤兩隻+1杯粟米汁🌽1. 招牌生煎包🍘底部包層皮略嫌太厚🍞以致生煎效果係硬而唔係脆口😆肉汁都算多💦感覺唔係太夠熱🔥2. 鮮蝦生煎包🍤情況同招牌生煎包差不多鮮蝦味唔突出3. 粟米汁🌽感覺幾fresh但唔太自然係粟米味但略嫌太甜