祥香園餐廳

Open Now

Now Closed

其實舊年5月22號佢未正式開張我就先試過，不過太早佢未有openrice頁面，所以我將食評放左係佢灣仔分店下面：22/5/2024 -行過西環見到紅紙中遮住招牌，但已開業。麵包準時七點送出，試左豪華極品早餐（公仔麵+菠蘿油+奄列）水準高過一般茶餐廳。服務快捷，態度好，早餐價錢$38-49，考慮埋質素係抵嘅。25.1.2025 -之後都常常再去，但見半年得一個食評咁少，所以再講多Ｄ。以茶記標準，佢嘅奶茶同食物絕對在平均之上，仲有自己鋪出嘅麵包，要加分。經過大半年，水準keep到，仲好似多咗麵包款式，所以由麵餐到飽餐都好多選擇，唔會悶。

話說搬咗嚟石塘咀幾年，試過晒石塘咀同堅尼地城嘅茶餐廳，一直都搵唔到啱心水嘅凍檸茶，港式茶餐嘅質素都係參差，搞到我平時要去上環先有得食終於俾我喺星期日發現咗呢間祥香園！連續試咗四日早餐同茶餐，食物嘅質素同凍檸茶都係維持到，所以決定寫食評表揚一下🤩呢四日都有食沙嗲牛肉麵，沙嗲牛肉配洋蔥嘅味道好夾，雖然唔係平時有花生粒嘅，但都係好好味！屋企人有食火腿通粉，早餐吉列魚柳，菠蘿油同提子包，大致上都係好味！之後都應該會keep住幫襯，試埋其他嘅餐，但都係會嗌凍檸茶飲🤪P.S. 少少建議，如果外賣麵餐可以麵同湯分開就Perfect，因為我Walking Distance來回要25分鐘，麵身本身都發脹晒，口感上比較腍。同埋吉列魚柳可唔可以有沙律醬？繼續努力！