章記香港仔魚蛋王

Open Now

Now Closed

呢間真係唔會再去，我覺得似俾人呃咗咁第一次去呢間買淨牛雜拎嗰時見佢用細圓兜裝，已經問清楚係咪$108嗰隻淨雜，個阿姐答我係，話岩呀 $109 丫嘛（加$1 外賣盒）返到屋企打開，見到全部得幾舊😰😰😰😰😰同我買兩份牛雜麵走麵差唔多，咁點解我要俾咁多買淨雜呀？🤬🤬🤬🤬🤬🤬究竟係我唔知價丫，定佢呃我…我未試過去其他麵舖買淨牛雜係得咁少 🥲🥲🥲🥲🥲🥲其他都係用長盒裝到勁滿，份量起碼一倍有多😩

我用手機落單叫咗外賣，喺門口出邊等緊。阿姐行出嚟問我要乜嘢，我話等緊外賣。阿姐話冇收到單啊，又話我搞錯咗，話我落咗對面嗰間魚蛋鋪。我信咗阿姐，喺大雨之下等紅綠燈過馬路，去到對面嘅舖頭問，對面舖頭又話冇，我攞出手機打返電話去問地址，果然係章記！我行返過去等，阿姐見到我，狡辯話啱啱冇收到單，到我拎到外賣嘅時候，見到佢有清晰嘅落單時間，明明我喺出邊等外賣之前已經落咗單！阿姐唔check單，又老點我，以後都唔會幫襯

呢間一直食早餐，無來食個幾月，今日一坐低就發現早餐餐牌加咗價($2)，咁都會照食嘅。叫個食開嘅鮮蝦雲吞河，一上枱，粒雲吞起碼縮咗兩個碼，之前食個成粒乒乓波咁大(塞滿匙羹)要分兩啖，而家一啖食晒好輕鬆。又加價又縮水，同麥記走同一路線喎！依然無變嘅係凍熱飲同價。

去買外賣，緊係入鋪頭等落單。入到去前面有2個人排隊比錢，咪照排囉！ 本來好快既事，點知第一個客比完錢，又問有無油菜，收錢阿姐又要講多次有咩菜，幾錢。就係呢個時候，有個帶眼鏡阿姐一句無問就對住我大大聲話： 係咪落左單，等外賣既出去等！ 我話未落單。佢話，咁你行過呢邊呀，唔好阻住我！ 其實我真係唔知有無阻住你，鋪頭唔大，我入得黎買野比錢，緊係鋪頭入邊排架啦！ 但就算真係阻住你都唔駛咁差態度。完全係貼紙買難受！ 已經唔係第一次，上次又係咁。食茶記我知無service, 但唔係入黎比你呼喝！

好耐無食過魚蛋粉，咁岩見到附近有間新嘅魚蛋粉，就決定試下叫左爽滑魚蛋米線，米線韌度都ok ，吾會太淋或者太硬魚蛋就吾係想像中咁爽，有少少軟身，但都有啲咬口，另外都多蔥 ，又有魚片，整體都ok ，價錢吾算貴，好合理👍

喺office做嘢做到夜… 望下個鐘已經0：00😑唔記得咗自己未食晚餐…拿拿臨落樓梯有咩買先…點知周圍都閂曬門…得番便利店😑但又唔想食叮叮, 三文治呢啲嘢…行行吓突然見到呢間粉麵仲開住門可以買外賣…而且有客人等緊拎…一於入去買返個外帶返上公司再食啦….叫咗牛筋河粉！等唔夠五分鐘已經有得拎走😃要一讚好有效率而且店員有禮！餓到痴咗線快啲返去開動先！一打開蓋ok喎😍😍牛筋夠色水又唔會碎濕濕！咬落仲有膠原嚼勁！另外河粉幾有口感…唔係腍到一口粉果種…而且湯頭唔似有味精…食完冇渴喉👌🏻👌🏻

呢間好似好多分店都食過，不過不失，想像唔到都會出事，點咗一個魚蛋河加腩汁，另外單叫一個紫菜湯，先嚟紫菜湯，用匙羹撈一下，真有啲嚇一跳，同魚蛋粉一樣大嘅碗，但紫菜似正常粉面加紫菜嘅份量一份多少少，仲要收二十蚊碗，真第一次…！ 味道也沒什麼特別，比同區幾家同類粉麵舖差好遠。魚蛋河就正常水準，冇乜驚喜。