祥榮餐廳

Open Now

Now Closed

📍 祥榮餐廳 Cheung Wing Restaurant🌍紅磡黃埔天地奇妙坊(第1期)地下G7A, 7B 及7D號舖Shop G7A, 7B & 7D, G/F, Amazing World (Site 1), The Whampoa, Hung Hom📝整體評分：9／10翻新左，光猛左，乾淨左，舒服左，仲更加好食，平靚正！！！⤫ 大馬站煲 ⤫ ＄８８即係豆腐火腩煲，燒肉半肥瘦，外皮仲有少少脆身，好大方落重蝦醬，味道更濃厚卻唔會過鹹，大口吃肉，簡單純綷～～炸豆腐外皮煙韌內裡軟滑，吸收哂芡汁~⤫ 祥榮酸菜魚 ⤫ ＄９８無咁油無咁辣，食唔到辣嘅人都會食到。魚片勁嫩滑又多，魚皮帶少少爽脆，湯汁奶白唔會嗆口，飲落好順滑，有啲似譚仔三哥湯底，卻多左份花椒香，湯飯超好食~⤫ 咖哩牛腩煲 ⤫ ＄88呢家咖喱係我最愛之一，咖喱汁勁香勁濃郁，撈飯真係無得輪，會忍唔住想食多碗飯。

以前讀書年代成日會黎食飯，貪佢多選擇又平靚正。之前聽中學同學講裝修完，隔左十幾年再黎，味道依然啦！以前細個唔會噏豪華食鐵板餐，今日趁佢裝修完，心血來潮試下食扒餐先！都算抵食，叫雞扒餐有三塊中型size嘅雞扒，茶記黎講算係叫多，起碼我唔食個意粉都會飽。我個中同friend就叫個大蝦牛柳餐，塊牛柳都大塊，同扒王/金鳳之類嘅港式西餐差不多！至於裝修完環境，的確係乾淨左、光猛左、企理左。喺黃埔咁多年嘅老字號，算幾好！

星期日早啲起床，嘆個早餐時間就更好洗～ 去咗黃埔區老牌茶記「祥榮餐廳」，最近重新裝修，裝修後環境好多了，光猛咗，卡位座舒適咗，感覺上衛生都好多了。點了最愛嘅「金牌沙嗲牛肉公仔麵」🍜，配炒蛋腸仔多士，再加個茶走，就係我最愛嘅早餐組合😆 沙嗲醬夠晒濃郁，牛肉份量都唔少。炒蛋都夠香滑，最啱配搭多士一齊食。「茶走」其實就是奶茶+煉奶，茶底夠濃郁，而且是滾熱辣，大讚👍🏻📍 祥榮餐廳 (紅磡)紅磡黃埔天地奇妙坊(第1期)地下G7A, 7B 及7D號舖

以前讀大學嘅時候，間中都會嚟呢間茶餐廳，貪佢位置方便夠哂就腳，好耐冇嚟過，發現裝修有少少唔同咗，比起之前更加光猛乾淨，同屋企人有少少肚餓就去咗食晚飯小菜套餐：椒鹽豬扒 $78雖然有啲熱氣，但係真係幾好食，只係食茶餐廳，我嘅要求唔算好高，味道唔會太鹹，豬扒夠淋唔會黐牙，而且賣相都唔錯，最正梗係加埋杯凍檸茶，小菜套餐的例湯質素也不錯，當日選的是羅宋湯，勁多料，個人認為小菜套餐最值得推薦乾炒牛河即叫即炒有鑊氣，份量比起一般茶餐廳大碟，色水幾靚炒得幾均勻器，最怕有啲茶餐廳河粉黐埋一舊，始終餐廳經營左咁多年，質素穩定楊州炒飯因為有小朋友一齊食飯，炒飯粒粒分明幾香口，仲有唔少粒粒叉燒，炒飯唔會太乾身，味道OK—————————————————祥榮餐廳 (紅磡)紅磡黃埔天地奇妙坊(第1期)地下G7A, 7B 及7D號舖—————————————————#hkfood #hkfoods #hkfoodstagram #hkfoodshare #hkfoodlover #hkfoodie #hkfoodieblogger #hkfoodies #hongkong #hongkongfood #香港 #

以前有食過幾次，但見佢剛剛裝修好，就同老公放工嚟食晚飯！新裝修令餐廳更加整潔明亮、座位舒適，夥計服務態度熱情殷勤，不錯嘅第一印象！店員推介我哋點鐵板T骨牛扒餐，隨餐會跟例湯，我哋點咗中湯係消暑冬瓜湯，湯煲得好夠火候，材料豐富，有冬瓜、瘦肉等，消暑健脾！隨餐仲有餐包配anchor牛油，送上果陣仲係熱辣辣呢！鐵板T骨扒好大份，即使係鐵板上都唔會過熟，生熟控制得啱啱好，肉質嫩滑，唔會太韌，亦唔係落咗鬆肉粉嘅牛扒嘅質地。食港式鐵板餐例牌係配黑椒汁，祥榮嘅黑椒汁非常足料，有粗粒黑椒同蒜蓉，剩下嘅汁可以送飯，平時唔食飯嘅我都食咗一大碗！$152一個鐵板牛扒嚟講真係物超所值。三葱爆滑雞煲經洋蔥、蒜頭爆香，非常惹味，而且肉質鮮嫩，啲肉一咬就離骨，唔會太鹹，份量適中。配合港式茶餐廳風，我哋仲點咗紅豆冰。紅豆冰嘅紅豆粒粒渾圓完整，未算超軟腍但勝在有咬口，附粗飲管方便吸啜。但冰塊就略嫌太大粒，如果係碎冰會更好，不過勝在紅酒份量多，唔會俾奶嘅甜味蓋過紅豆味！適當我哋捧住個肚出返嚟，最後二人埋單都係$255，好抵食。

$200細細個已經成日放學就去食祥榮茶餐廳下午茶，大個咗搬離開呢區，自自然然少食咗，今日番去黃埔區揾舊同學，順便一齊試下，揾下童年回憶😊😊😊呢間茶餐廳似新裝修完，好多座位，仲有唔少卡位，可以坐得舒舒服服，餐廳內部環境都光光猛猛，乾乾淨淨，感覺好衛生🥹🤭我地兩個人叫咗一個肥牛雜菜煲和粟米雞茸𡙡，仲加咗一杯特飲，特飲有好多選擇呀，加$12 就有一杯，我地揀咗菠蘿賓治🤭🤭肥牛雜菜煲- 正！ 好多肥牛！ 雜菜又多品種，有唔少我最愛既小白菜🥬和芥蘭😊😊 粉絲又多！ 新鮮熱辣送上枱面！ 正！粟米雞茸𡙡- 估唔到$68就有一個大大個既羹，我地兩個人每人食咗三四碗，不過好好味呀，粟米味濃，又多雞肉，不停食過唔停口。菠蘿賓治餐廳仲有唔少小菜同扒餐，感覺都好吸引。呢間餐廳真係唔錯，仲平靚正！值得推介！祥榮餐廳 (紅磡)紅磡黃埔天地奇妙坊(第1期)地下G7A, 7B 及7D號舖

呢間餐廳每到週末晚餐就超多人，因為真係好方便，大把街坊都會落嚟食飯，夜晚可以叫小菜，亦都有鐵板燒餐，常餐同埋蒸魚都有，選擇十分之多。今日我哋就選擇咗叫古法蒸桂花魚同西蘭花帶子，兩個送到包餐湯，我哋叫咗一個中湯同一個羅宋湯，兩碗湯都係熱辣辣咁樣上枱！桂花魚蒸得剛剛好，唔會太老，我地今次要左古法蒸，有埋肉絲同冬菇，比起平時屋企自己蒸更加好吃。而西蘭花帶子都炒得好好食，帶子熟度剛剛好，西蘭花炒出嚟超級清脆。

呢間好耐之前食過一次，最近見佢啱啱裝修完，所以再去食過。我叫咗一個鐵板餐，係自選嘅，我揀咗龍脷柳同埋大蝦，再配埋意粉。佢另外包一杯飲品、餐包同埋餐湯，所以真係食得勁飽。個鐵板餐一上嚟嗰陣時，佢就俾咗張紙巾我，叫我打開張紙巾拎住佢，然後佢就倒咗啲汁上去個鐵板到，哇，即刻冒晒煙。味道同平時食到嘅差唔多，但係佢另外仲有粗薯條，同埋好港式味道嘅意粉，真係好懷念。我屋企人就叫咗個小菜，豆豉鯪魚生菜，份量比想像多，估唔到豆豉鯪魚配生菜都幾夾，同埋用煲上嘅話佢keep到溫度。

呢間茶餐廳由細食到大，連黃埔未有地鐵時已經係街坊餐廳，近排新裝修後有左新活力，超多卡位，燈線光猛，餐廳內嘅職員都好好禮貌，一入門口老闆已經好精神咁講早晨，令到我都有個good morning。今日叫左早餐同一個全日早餐，兩個都保持到水準。早餐個沙嗲牛麵可以跟埋餐肉煎蛋配奶油厚多士，沙爹夠濃味，麵冇淋。而全日早餐都好豐富，有超酥脆嘅吉列魚柳，配埋滑滑炒滑蛋，火腿，法蘭克福腸，煙肉，茄汁豆同牛油厚多士。兩個餐都叫左凍鴛鴦，順滑濃郁好味道！

評級：超級差全程無服務，由入門一刻開始就沒有招待，點餐的年青侍應及穿著格仔上衣的男人（似是老闆）全程黑面，對的一點不客氣。 食物方面，我們點了海南雞飯及咖哩牛腩飯，海南雞的肉質十分硬實，不易入口。 雞油飯根本就是接近白飯。 另外，咖哩牛腩飯的醬汁算是好一點但，牛腩就是非常難咀嚼。 總結：餐廳整體服務食物十分差，如果要試，咖哩汁也值得一試，本人就不會光顧此店。

晨早流流肚餓，直接踩落紅磡祥榮餐廳食早餐之前有食過夜晚覺得水準不錯的反正近近地就去試吓， 不過其實黃埔一出地鐵站口，轉一轉完就已經到，其實都是非常的方便甚至乎我覺得他的對面住宅大廈更方便，祥榮屬於很多唔同款式口味嘅餐廳，都是一個比較多選擇嘅好地方佢早餐款有好幾款，但每間餐廳我通常都會想食咗沙嗲牛肉公仔麵先，是因為曾經有人教過沙嗲牛肉汁先係個重點所以通常都會食佢，跟住選又炒蛋餐肉跟烘牛油多士最後就緊係點杯茶走，都係我既茶記必選系列下次有時間再食埋個午餐yummy

一日之計在於晨，有個健康而豐富的早餐是必須的😍在人來人往的街上，走入熟悉的地道茶餐廳，服務態度親切，還幫忙找個窗邊位，陽光下嘆份～豐盛特餐鮮茄肉碎通粉色彩繽紛，用上清湯，但加上不同蔬菜，有甘筍🥕、蕃茄🍅、洋蔥🧅、西芹、燈籠椒🫑，仲有粒粒肉碎，食落更健康清新跟餐有香煎漢堡豬柳，流心太陽蛋🍳，伴碟還有茄汁豆、蕃茄及青瓜🥒另外亦有我最愛奶油脆豬仔包，奶油醬好多，咬落酥脆又香甜至於熱奶茶☕️，茶味比較濃郁，茶同奶比例適中，奶夠順滑

祥榮餐廳黃埔站B出口一出就係，唔洗再行，交通超方便又就腳。嗌左個西芹雞柳小菜套餐。套餐奉送白飯和是日餐湯。除左西芹同雞柳重有洋蔥、紅蘿蔔同草菇。西芹爽脆清甜冇渣。呢道菜清清地，有種好似食緊住家飯嘅感覺，唔錯。想食熱辣辣嘅野可以嗌即炒麵/飯。即炒麵都奉送是日餐湯。嗌左個即炒星洲炒米，真係即炒夠曬熱。配料豐富，有火腿絲、洋蔥、炒蛋、紅椒絲、青椒絲、蝦仁等。用料足，一d都唔馬虎！👍🏻呢度重有焗飯！飯可以轉意粉。嗌左焗豬扒意粉🍝啱啱焗起熱辣辣。有兩大塊豬扒咁多！😍多到可以同朋友share。豬扒肉唔會過腍亦唔霉，夠新鮮，有口感又試得出豬肉嘅鮮甜，保留到肉汁。是日餐湯有三款選擇：青紅蘿蔔豬骨湯、羅宋湯或忌廉湯。我同朋友各自叫左一碗湯，分別係青紅蘿蔔豬骨湯和羅宋湯。兩碗湯都好大碗，又足料，飲落重辣嘴！飲完已經飽咗一半。😂🙈熱飲要另外加$5。加左$5嗌左杯熱檸茶。熱檸茶茶香而且檸檬夠新鮮。臨走見到唔少食客嗌左鐵板扒。食完個焗豬扒意粉覺得呢度d肉都唔錯，下次黎可以試下鐵板扒！總括黎講呢間餐廳食物款式多元化，不論小菜、即炒粉麵飯還是鐵板扒都一應俱全。

黃埔美食眾多，走入街頭巷尾都係食肆中西日台咩都有，但港式餐廳永遠不會輸香港口味就可去祥榮，餐牌上咩款都有，炒粉麵飯樣樣齊，鐵板亦有海南雞也有，最愛的蒸魚都有套餐添胃口大開兩人點了好多食物，有蒸桂花魚，生炒咕嚕肉，西蘭花炒帶子，樣樣都係必選中式菜，最後口痕痕加左個香茅雞翼雞翼見佢有5隻價錢親民又脆口，冇點錯另外桂花魚清蒸方式處理，火路剛好超滑亦明白店舖有專賣蒸魚既餐牌，很有說服力西蘭花帶子、帶子很滑 ，汁亦調配得很適中 ，有鑊氣最後有我最愛既咕嚕肉，啖啖肉 ，味道不錯此店中式水準不錯 又多選擇，下次再光臨

今個星期六在紅磡萬國參與了一場喪禮，之後就跟朋友去了茶餐廳吃飯。📍位置：近黃埔站B出口，行一分鐘就到了。🏠環境：綠色的招牌搭落地玻璃窗，面積大而容納多客人，大部分座位是卡座，普通茶記裝修，整體寬敞舒適。🤵🏻服務：人手下單，不收加一。🍽️午市：提供多國款式的套餐，真是花多眼亂，幸好有職員推介。🥢鐵板干蔥豆豉雞+白飯+羅宋湯+咖啡 $88套餐很豐富，羅宋湯的雜菜煮得很軟身，就算牙不好都可以吃到，味道濃郁。豆鼓雞醃製入味，鹹香十足，用來下飯一流，還有三色椒🫑和洋蔥🧅，非常蔥味，想不到鐵板除了扒之外，已經可以用來作炒小菜！🍴鐵板紐西蘭牛柳+羅宋湯+沙律+餐包 $136自選幾款醬汁，個人喜歡燒汁，牛柳大過手掌，厚身帶少許筋，肉質軟韌，熟度有九成，不影響味道，伴波浪薯條和翠玉瓜，不錯👍。沙律是水果加沙律醬，將小時候茶記回憶倒帶出來了😁！咸🍋檸七 $12解渴和消滯一流，味道酸酸甜甜。