祥榮餐廳

Open Now

Now Closed

茶飯供應到6點。去到嘅時候重趕得切。嗌左兩個茶餐。❤️咖喱牛腩飯咖喱好香口唔辣重帶少少甜味～🥰薯仔夠粉嫩～牛腩燜得夠腍身又入味～😋❤️焗茄汁豬扒飯飯內有炒蛋。焗鮮茄還有芝士🧀。豬扒好大塊，鋪在飯上蓋住整個飯！茶餐奉送咖啡或茶。特飲加10元。我加左$10嗌杯紅豆冰；朋友加左$10 嗌杯什果冰。紅豆冰紅豆🫘份量足，煮得夠腍十分粉～嗌左小菜：❤️XO醬西蘭花炒花枝落左XO醬唔會好辣，入口好香～還有紅蘿蔔🥕、洋蔥絲🧅、蔥和韭黃等配菜。西蘭花🥦爽脆清甜；花枝同樣脆口。小菜奉送白飯和是日餐湯。是日餐湯原來已列明在牆上。有三款，我嗌左羅宋湯。羅宋湯用料豐富，酸酸甜甜十分開胃。

突然落起雨，近近地去左黃埔港的鐵站旁的祥榮食晚飯，貪佢店大易搵位😝隔離左右個個點鐵板餐，香味傳晒過黎，我地一於都點一份啦。⭐餐湯 & ⭐餐包跟餐有餐湯，中湯係紅蘿蔔豬骨，西湯有羅宋或忌廉，揀左羅宋湯，香甜杰身幾正喎。⭐鐵板美式雜扒鐵板餐一上枱伙計就淋上醬汁，揀左黑椒汁，偏鹹少少😂雜扒勁抵食，肉類有牛扒、豬扒、雞扒、煙肉、雞翼、香腸，伴碟仲有翠玉瓜同一堆薯條，個餐仲有飯添呀，超大份量根本吃不完！⭐芙蓉蛋飯另外仲點左碟頭飯，芙蓉蛋有蝦仁、叉燒、火腿同芽菜，淋上少少甜豉油已經好好食。同樣碟飯係勁多，兩人份都夠食，又係食唔晒…⭐凍鴛鴦 & ⭐凍檸茶凍飲走甜，爽。有經驗啦，下次一定要叫少飯😝

去完旅行番香港 好想食中菜同港式野 一個人快靚正之選莫過於茶餐廳吧！平日經過呢間祥榮餐廳 見到好大間而且門口餐牌好多選擇 就入去試下呢間晚餐餐牌花多眼亂 有鐵板扒餐、焗飯、中式小炒、蒸魚等等 我都諗咗好耐 千挑萬選下選了個煲仔菜*XO醬茄子牛仔骨煲* 會跟埋湯同白飯首先是中式靚湯幾好飲 唔似味精湯 到XO醬茄子牛仔骨煲上枱熱辣辣 好足料 有大量洋蔥蒜頭青椒茄子 十分惹味 主角牛仔骨都好多舊 夠腍容易咬開 但仍然保留牛仔骨口感 整個煲仔菜好送飯 是白飯殺手😆

講到地道茶餐廳，黃埔祥榮餐廳港味十足！試咗佢嘅海南雞飯，雞肉嫩滑到誇張，皮爽肉嫩，配上油飯同特製辣醬同薑蓉，香氣撲鼻，食一啖即刻有種置身海南嘅感覺🍗！飯粒油潤分明，吸晒雞汁，啖啖都係滿足感！仲有嗰碗清湯，簡單但好暖胃，完美配搭！西冷扒配薯條🥩又係驚喜，牛扒煎得外焦內嫩，肉汁鎖得啱啱好，肉質軟嫩又juicy，配上濃濃嘅黑椒汁，惹味到爆！薯條炸得金黃香脆，份量多到兩人都食得飽，重點係呢個牛扒套餐竟然唔使$100，性價比高到飛起💰！餐廳環境係典型茶餐廳嘅復古風，坐位舒適，服務快手又親切，坐低即刻有種親切嘅港式feel。😋

而家天氣咁熱，一起身都唔想自己煮早餐，於是就落樓下食，最鍾意呢間啲冷氣勁足夠，而家咁熱嘅天氣。呢度裝修完之後變得比較光猛同乾淨，坐得都幾舒服。食物食咗自選雙拼早餐，叉燒炒蛋烏冬勁好食，真係有以前細個媽咪喺屋企整嘅早餐餐咁嘅味道！炒蛋超大塊，叉燒都有唔少嘅份量。歐陸早餐要咗牛扒炒蛋同牛油厚多士，牛扒真係一啲都冇鞋，而且都好足夠嘅份量！紅豆冰真係香港地道美食，每個人都好鍾意，呢間亦都好好味，紅豆好大粒好粉，佢亦都唔會太甜。

📍 祥榮餐廳 Cheung Wing Restaurant🌍紅磡黃埔天地奇妙坊(第1期)地下G7A, 7B 及7D號舖Shop G7A, 7B & 7D, G/F, Amazing World (Site 1), The Whampoa, Hung Hom📝整體評分：8／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝外吃食菜同食魚都唔係好抵，但鬼叫我地2個唔識煮飯，港式茶餐廳較少見有蒸魚食，就算有都係鯇魚同鯧魚，唔知點解都有陣土腥味，唔太鍾意。間唔時想食魚就會黎呢到，供應6款新鮮魚，而已有4種蒸法。✿ 古法蒸桂花魚• 新鮮桂花魚魚肉滑嫩，無腥味同埋細骨，係我最愛~ 蔥薩墊底，爽肉冬菇鋪面，豉油不死鹹，清淡鮮美，保留魚肉鮮味！✿ 枝竹牛腩煲•  牛腩切得有啲大件但依然煮到軟腍，帶有濃郁牛肉香。枝竹吸滿醬汁，口感軟滑。醬汁厚實但餸飯可以再鹹返些少。

之前都嚟過呢度食lunch,不過自從上次見到一個食客同餐廳職員有爭執，我都嚇到走咗。今日嚟到附近又咁啱係食晏時間，雖然餐廳入邊都幾多人，見到餐牌入邊有海南雞飯套餐，就問侍應可唔可以走胸，佢話冇問題。😊啲嘢食嚟到見到碟雞都真係幾好，坐對面嗰個女食客，見到我碟雞咁吸引，佢都叫咗一樣嘅嘢。🤣我今日呢碟海南雞基本上係雞髀嚟嘅，除咗有幾塊啲皮下底有層肥膏之外，啲雞份量足，肉夠滑，味道都唔錯，仲要伴碟嗰啲花生好脆好香，如果個餐湯熱啲就更加好啦。

一向經開都想試，但點知一入去已經發現態度差！未到中午食飯時段，11:15仍有巨量吉位都要人坐指定位置，問阿姐可唔可以坐，竟然話要10個8個先可以坐！ 最後食慾大減，永不會幫襯呢間餐廳。

1月7號晚上，睇完戲路過肚餓搵嘢食，叫咗個肉眼扒，有兩三塊博薄地嘅牛扒嚟到，賣相已經唔似肉眼扒，其中有－塊靭到吞吾落，當香口膠𡁻完吐返出嚟，返到屋企再煮多個杯麵。

薑蔥魚腩：薑蔥魚腩的走油技法使魚肉更香，但粉漿太厚，可能影響了口感。此外，魚腩含有很多細魚骨，食用時需要小心😳建議減少粉漿的厚度，使魚肉更加突出。同時選擇魚肉較少細骨的部位，或者在烹調前細心去骨。XO醬茄子牛仔骨煲：這道菜的洋蔥和青椒配菜豐富，使菜品更健康。但牛仔骨的肉質偏韌，走油後油膩感較重，XO醬味道亦淡。建議選擇質地更嫩的牛仔骨，並適當控制走油的時間和油量，減少油膩感🥺紅豆冰：紅豆冰的甜度適中，紅豆很軟，口感令人滿意。

12月25日揾食肥華同靚媽在黃埔睇完早場，諗住求其揾間食店用膳，路過此店門前，見到舖内除有大量座位外，更有窗邊街景卡位，啱晒肥華心水，於是就同靚媽選擇到此店食午飯，入舖坐低後見此店餐牌食物内容甚多選擇，而肥華就揀咗個(海南雞飯)套餐，靚媽就柯打咗個(海鮮焗飯)午餐。今餐最先上枱嘅喺兩碗一中一西餐湯，味道非常OK，質素及份量都高過市面一般茶餐廳一線。而個$60焗海鮮飯午餐，材料及飯嘅份量足夠，雞蛋炒飯焗得相當好，個白汁亦相當好味，靚媽揀今日呢個午餐喺明智選擇。至於$62個客海南雞飯套餐，就喺肥華近年，在茶餐廳用咁嘅價錢，食到最滿意嘅海南雞飯，主角碗飯夠油夠香，配角雞肉夠滑份量又夠配餐三款醬料味道亦正常，所以日間嚟此店食呢個餐喺低嘅，但此餐在晚飯時段喺要$72才食到，咁就冇咁抵食。今個午餐肥華和靚媽，坐到靚位食到好食抵食午餐，真喺非常開心。👍👍👍👍👍😋😋😋😋😋

本身以為只係員工服務態度差點知原來連老細都係上樑不正下樑歪 唔會再去下午茶時段 食咗一個茶餐碗麵少咗條腸仔 嘢飲走甜又冇走甜少冰又冇少冰同員工講 冇回應就行左去唔明白點解呢間舖頭可以生存至今

出世開始就喺黃埔住嘅我，呢間餐廳充滿童年回憶🤓🤓細細個同媽媽喺度食聖誕大餐 攞返屋企嘅玩具，大嗰啲同同學喺度食下午茶等等等等….希望佢可以繼續做得住，等我可以繼續回味童年🤫🤫佢係好典型嘅港式茶餐廳(有得叫蒸魚嗰種haha)今日同男朋友過嚟食個下午茶，叫咗經典終極經典-西多，乾炒牛河配凍奶茶凍檸茶。👍🏻👍🏻可能我好彩？西多即叫即整，熱辣辣上枱 非常好食☺️❤️人情味亦都十足 阿姐行過會問你夠唔夠食🤣🤣📍祥榮餐廳地址:黃埔花園第一期地下 7 號 A,B 舖

黃埔是個大型屋苑區，充滿著各種餐廳和服飾店，而且在這邊還有許多的學校，挺多上班族和學生下課下班後都會來這邊覓食，至於我這個區外人為了爭取時間血拼，因此是晚選擇速食文化當道的茶餐廳用膳。干炒牛河看似簡單卻非常考功夫，考驗廚師炒功，如何把鑊氣炒出來是關鍵，干炒牛河送來時鑊氣飄來，顏色看上來均勻，醬色雖深，但不死鹹，河粉吃起來滑彈，裡頭牛肉切得大塊，亦給得大方，肉嫩嫩的，一大碟吃得飽飽的。許多人對福建炒飯讚不絕口，甫上桌時讓我眼睛為之一亮，福建炒飯一嚐之後忍不住叫好，炒飯炒得顆粒分明，口感極佳，海鮮與雞肉比例剛好，福建炒飯吸附滿滿醬汁精華，是令人吃了之後還會忍不住一口接一口的風味。香茅雞翼一上桌就香氣逼人，祥榮餐廳把香茅雞翼風味發揮到淋漓盡致，雞翼本身炸得外皮香脆，雞肉鮮嫩，厲害的是香茅醃料飄散在空氣中，香茅雞翼豐沛的肉汁讓人吮指回味，真是很涮嘴的炸物小食。什果賓治和菠蘿賓治用料實在，雜果、菠蘿與冰塊獨立一杯，汽水橙汁由自己開罐倒入杯中，汽水橙汁遇上雜果跟菠蘿，透出艷陽般的橘紅，什果賓治及菠蘿賓治冒著小氣泡，果香細緻甜美，清爽的小泡泡是解飽膩的好夥伴。

餐廳好多款揀，眼花撩亂。基本d餐都包湯 同 包熱飲湯有3款 簡 中式，羅宋湯忌廉湯我同朋友揀咗忌廉湯，唔會杰撻撻，入邊仲有粟米蜜椒薯仔牛柳粒 $98一道結合了牛肉、薯仔和蜜椒醬的菜。牛柳好淋 ，外焦內嫩同入味， 同埋都幾大件👍🏻配菜洋蔥好正，搭配薯仔和蜜椒的甜香，口感層次豐富。四川海鮮煲 $89少少辣，十分惹味既一個煲，適合喜愛重口味的人入邊有魷魚同帶子同青口，好味🤤叫咗兩個小菜包白飯，2個送飯都係一流👍🏻野飲就正正常常～