久久

Open Now

Now Closed

古早花雕雞卷麵麵條都幾煙韌彈牙啊，唔知道係咪烏龍麵嘅一種。雞卷面有有花雕酒嘅味道，都浸煮得幾入味。鹽酥雞滷肉飯朋友話鹽酥雞都炸得OK！每舊雞好入味，外脆內軟，好juicy，所選用的菜亦非常新鮮！飯所用上的汁的濃度適中，不會太咸或太淡古早榨菜肉鬆餅榨菜都真係幾傳統嘅配搭，肉鬆加埋都叫做夾～ 餅片都做得適中夠薄，食完都唔會覺得好濟。滷肉油麥菜這鍾意佢嘅滷肉唔會太多醬汁、唔膩。揸咗去油麥菜上，竟然食到油麥菜新鮮嘅味道。令我覺得可以下次試吓食佢嘅滷肉飯。紅棗桂圓茶加$12嘅飲品都真係比足料～ 有乾花和紅棗片～

寫明網上手機落單10分鐘內完成order， 所以就試吓。網上手機落單6分鐘，行過去睇睇有沒有自己嘅單點飯和麵，短髮戴眼鏡嘅服務小姐見我望下望下，就問我單號，然後大大聲話：「我哋只收到你個order 2分23秒，我哋要時間煮！啲野係生嘅，你要食就要等！」服務態度完全出乎意料， 食物賣相不錯， 但質素一般， 雞扒偏鹹

中環街市又有新店，今次係間台式茶飯館名叫「久久」，食物水準唔錯，算幾地道。項目吸引，不乏夜市小食，無需舟車勞頓，有好嘢食！最欣賞細細碗的「大腸麵線 $32」，很有台式風味，差少少可以媲美台北一間麵線名店。麵豉非常幼細軟滑，大腸軟棉，腸內有適當的脂肪增口感，不覺肥膩。另一推薦是「麻辣鬼椒起司雞腿蛋吐司 $58」，有辣有唔辣，我當然揀前者，但其實都係非常輕微的麻辣，外型非常吸引！芝香四溢，蓋着半熟蛋及燒雞腿，配合烘底吐司，口感豐富，味道一流。「麻辣鴨血臭豆腐 $48」 值得一試，污黑色的豆腐對比火紅色的辣油，外表非常地道，就是夜市的出品，入口唔算太麻但夠辣，所以建議慢慢吃小心中招！「蜜汁排骨滷肉飯 $75」 並非常見的細細碗，反而是足料惹味風格。蜜汁排骨香惹大片，肉質鬆軟；滷肉及滷肉汁亦豐富。味道都唔錯！吃飯麵可以優惠價享用飲品，我選擇了「紅棗桂圓茶 +$12」，足料紅棗杞子桂圓茶，暖胃之選。即點即做，等候時間大約5分鐘左右很合理；中環街市是舒適的美食廣場，價錢公道，值得重溫！

餐廳：久久地點：中環街市菜式：台灣菜餐牌：下午茶餐牌有古早手工麵，家傳滷肉飯，地道小食，甜點，飲品，價錢相宜麻辣鬼椒起司雞腿蛋吐司 $58麻辣鬼椒起司雞腿蛋吐司可走辣，我叫左走辣。起司雞腿蛋吐司即叫即整，熱辣辣！一客兩件，係烘底架，食落好香脆！入面有豐富煎蛋同多汁嫩滑雞腿肉，面頭加上眼見既芝士醬，食落脆中帶汁，正！吐司用紙包好，方便用手食。麻辣鴨血臭豆腐 $43麻辣鴨血臭豆腐有好幾片薄片鴨血，口感好爽脆，味道唔算太辣。面頭係6件黑色臭豆腐，加有蔥花同辣椒。久久麻辣牛三寶 $98久久麻辣牛三寶熱辣辣上枱。牛三寶包括腱心兩大條，牛筋三條，牛肚4片。腱心帶筋，牛肚好有口感，牛筋入口即化，滿嘴骨膠原！伴有入味滑溜滷水蛋一隻同鹹菜。面頭灑上蔥花同辣椒。我覺得呢個辣度可接受。滷肉A菜 $38滷肉A菜係油墨菜上面加好多滷肉。油墨菜份量足，滷肉份星多，菜又嫩又夠味！而滷肉帶肥膏同豬皮部分特別好味道！今餐特別滿意吐司同牛三寶，上菜快捷，價錢合理，地點方便。

中環街市又一超正宗台式餐廳推介！小食味道超正宗之餘，麻辣小食亦好惹味😋！.▫️久久麻辣牛三寶 $98以麻辣汁長時間烹煮牛腱心、牛筋及牛肚，肉質軟腍又入味，搭配半熟蛋加分👍🏻.▫️麻辣鴨血臭豆腐 $43個人至愛！台式臭豆腐於香港實在比較難找到，口味正宗之餘烹調夠入味，風味十足！.▫️古早花雕雞卷 $56雞腿肉滑嫩又Juicy，以雞皮輕輕包裹所有雞腿肉，但雞皮不會太肥膩，必試！.▫️古早芋泥三色芋圓 $38芋泥肉超多，煙靭嘅芋圓配搭仙草，並以花奶作基底，難以想像甜品亦極其出色！.💬整體食物水準超高👍🏻雖然主打牛肉麵，但亦極力推介大家除牛肉麵外，亦一試其小食及甜品❤️

今次嚟到中環街市食food court，揀咗間台灣嘢食，呢度座位都好多，有梳化位，服務人員都好快手，好適合放工過嚟食飯，還有現場live show表演 😗久久紅燒牛三寶麵這個應該係他馳名的牛三寶麵，牛三寶有牛肚，牛筋，半筋半肉，所有牛都係好冧嘅， 尤其是牛筋真係好冧，真係入口即溶，另外半斤半肉都好好，有少少肉有咬口，鍾意食牛嘅朋友，必選，另外個面係手工麵好彈牙，煮得好好 😊鹽酥雞滷肉飯鹽酥雞粒粒都好大粒，成個波咁，外脆內軟裏面還有肉汁，上面應該還有啲話梅粉，酸酸味味幾好味， 另外肉燥飯都好多肉燥，放埋一邊唔使整到成個飯都係，想食幾多撈幾多幾好，味道都好正宗😍古早榨菜肉鬆蛋餅另外嗌咗款小食肉鬆蛋餅，榨菜和肉鬆各一半，入口有唔同嘅層次，又唔會太酸，面頭還有少少醬汁，配合得幾好😄芋香珍珠奶茶 & 自家芋泥鮮奶跟餐我們加了兩杯飲品，珍珠奶茶有芋香味，珍珠軟熟，奶茶香滑芋泥鮮奶配合得好好，芋泥份量都好多配合鮮奶好滑，甜到剛好，鍾意食芋泥嘅朋友可以試下

呢間食過幾次都係幾外賣幾次都係食鹽酥雞肉燥飯跟餐可以平啲價錢配到珍珠奶茶抵過出面叫 味道一般啦但都唔差既外賣係飯同餸分開既餸底仲有啲酸菜，將佢溝埋落啲肉燥到撈飯食加倍好食蛋入味好食鹽酥雞大粒，外賣送到嚟都仲脆，而且都好味！

蜜汁滷排骨滷肉飯，點解會係炸豬扒？？？舊豬扒好多炸粉，咬落去仲要好多肥肉，中間又唔切開又冇刀提供，好難咬，肉嘅味道唔新鮮，感覺完全係靠炸嚟掩蓋唔新鮮陣味，而且飯一上嚟已經係凍嘅，太肚餓所以夾硬將啲飯食落肚，但舊豬扒真係好唔掂，絕對冇下次。

約咗朋友喺中環睇戲，睇戲之前要快脆食啲嘢，諗一諗，就嚟咗呢度開餐🤣$72「鹽酥雞滷肉飯」：鹽酥雞炸得幾香口👍，滷肉半肥半瘦，撈飯食好夾🤩$46「古早榨菜肉鬆蛋餅」：蛋餅夾住啲軟腍腍嘅肉鬆，仲有脆脆哋嘅榨菜🤩$56「古早花雕雞卷」：叫得雞卷當然係捲成員柱體狀🤣，然後厚切一片片👍；啖啖肉，雞肉肉質軟熟，有花雕香味😋$38「滷肉A菜」：滷肉鋪喺A菜上邊，滷肉夠晒甘香，A菜新鮮又爽脆😋$38「古早芋泥三色芋圓」：唔係好甜，芋圓煙靭，芋泥幾香，燒仙草夠滑，朋友同我都話啱食🤣

點外賣double，想同商家講幫手取消，打電話長時間冇人听，打左8、9次。接左啱讲左唔到兩句就cut綫。真係唔知點講。明明係正常需求。平台又唔幫手處理，搞到好麻煩。

《久久》 中環 台式料理位於中環街市G/F的久久，主打台式牛肉麵，價錢親民份量足夠，味道正常，算係打工仔恩物。 久久川味牛三寶麵：三寶（牛腱心肉味香濃、牛根軟滑、牛肚口感麻麻但唔韌）。湯汁偏向香口的辣味唔算太辣，有榨菜提高左湯香。麵條有點軟咬感一般，亦唔掛湯令食落無湯汁味。 麻辣鬼椒起司雞腿蛋吐司：餡料為香煎嫩滑雞腿肉、煎蛋、燒熔芝士，外層麵吐司🍞香脆，鬼椒的辣味唔夠辣。 古早花雕雞卷：雞卷肉嫩滑配上輕微的花雕味，以冷盤來說幾開胃。 芋香珍珠奶茶：不輸外面的手搖店，濃厚的芋香，唔太甜，正常糖份量和出面半糖差唔多。

中環街市最底個層係FOOD COURT ,價錢合理又多選擇, 係上面行完街就落左去搵食。見到間台式野唔錯,叫左個紅燒半筋半肉麻辣拌麵 同自家芋泥奶茶 ·紅燒半筋半肉麻辣拌麵 $82紅燒肉煮得好腍身, 基本上一咬就斷, 連牛筋都係,牛筋既膠質好豐富, 伴菜仲有咸菜, 咸菜係猜甜味, 可以中和到整個辣味。除左大塊既牛肉同牛筋之外, 底仲有好多細肉, 足料的說。 拌麵用左粗麵, 麵質軟硬度岩岩好, 唔會過多水份,辣度我選擇左小辣, 都多辣椒, 好惹味。 自家芋泥奶茶$22佢真係落左3分之一杯既芋泥, 覺得佢真係用芋泥打出黎,因為食到一粒粒既芋頭粒, 食完麵再飲埋呢杯真係飽到一個點, 但係好滿足。

以food court形式運作嘅中環街巿，幾樣嘢都想試食。排骨絕對一試難忘，難怪一路食一路keep住有人買。塊排骨，個脆漿薄，排骨肉身厚薄適中，炸時候啱啱好，肉汁好juicy得黎，個脆漿面乾身，而且調味好，唔太鹹，加上佢配有酸菜，中正我favor如份量多D仲好，個滷肉就過份肥美，我鍾意5，5 肥瘦，今次食係7成肥咁，建議店家可以幫個滷肉減下肥....但都好味嘅，係感覺問題啫，咁肥美可能令人唔敢食下次。要改善，仲有個蛋凍左D，如可以keep住温度好些。但一定要講下個蛋餅，肉鬆炸菜無可能有問題，係個蛋卷，“林”，無乜味，呢個真心哂錢，如唔係好鍾意食，可以不叫。

講起係中環返工 有時諗唔到食咩我都會去中環街市搵好西食今次要為大家介紹既係 - 久久久久係位於中環皇后大道中93號中環街市地下G18號舖餐廳主打食台灣菜為主食物個方面 今次分別點左:-古早花雕雞卷-久久紅燒半筋半肉麵-蜜汁滷排骨滷肉飯-冷泡亞里山烏龍-冷泡台南高山綠茶個人大愛佢地個古早花雕雞卷佢地個酒味好香濃而且個雞肉都好嫩滑@chewtaiwan Location : CentralPrice : $150-$200/p.pEnvironment (10 is chill): 7/10Yummy (10 is delicious): 7/10

.‼️❤️ 記得CLICK我PROFILE關注我呀 ❤️‼️.😋 Fɾσɱ Tαιɯαɳҽʂҽ Nιɠԋƚ Mαɾƙҽƚ ƚσ TαႦʅҽ @ 🌟 久久《👽食神大媽食台灣菜》.💁‍♀️ 圖片展示美食為：麻辣鬼椒起司雞腿蛋吐司 HKD 58古早榨菜肉鬆蛋餅 HKD 46久久紅燒半筋半肉麵 HKD 63蜜汁滷排骨滷肉飯 HKD 58芋香珍珠奶茶 HKD 16.👽 大媽自從發現咗中環街市呢個新大陸，就成日嚟呢度搵食，今次呢就試吓呢一間台式餐廳。.🥪 除咗牛肉麵，大媽最鍾意食嘅台式美食就係佢嘅嘅澱粉質！叫咗一份「麻辣鬼椒起司雞腿蛋吐司」，淨係個橫切面已經令人非常興奮，超級多芝士好邪惡。咬落覺得啲雞幾好味同埋幾足料，吐司夠脆。.🫔 另一款一定要叫嘅澱粉質就當然係蛋餅，試咗呢度嘅「古早榨菜肉鬆蛋餅」。餅皮略嫌有少少硬，不過裏面嘅料真係好粥同埋好好味。.🍜 主菜當然要叫餐牌上推介嘅牛肉麵，揀左「久久紅燒半筋半肉麵 」。牛肉都算大舊同埋有好幾塊，啲筋好軟熟，同埋好大碗。.🧆 食台灣嘢必須食滷肉飯，所以揀咗「蜜汁滷排骨滷肉飯 」。最驚喜可以話係呢一份，因為塊排骨大過我塊面，炸粉唔多，味道真係堅好同埋唔會硬。滷肉