久久

Open Now

Now Closed

我又和家人行中環街市，肚餓時當然是到地下啦，這兒有幾間不錯的選擇，今天就揀了食台灣菜。這兒是以food court形式，購票取物，自己找空位，有冷熱水供應，環境舒適乾淨，天氣涼快的話還可以坐在戶外，幾寫意的。久久是一間台灣菜食店，我們最愛它的下午茶，份量足又美味。今日我們點了一碗牛肉麵、一份吐司、一碗滷肉飯、一份蛋餅和一杯熱飲。🏅久久紅燒牛三寶麵（$69）牛三寶是牛𦟌、牛筋和牛肚，樣樣都大大件，入味又軟腍。🏅麻辣鬼椒起司雞腿蛋吐司（$58）這是太太的最愛，雞腿嫩滑，吐司香脆。麻辣鬼椒都唔係好辣，可以再辣點。🏅蜜汁滷排骨滷肉飯（$58）原塊排骨非常有氣勢，外層薄薄蕃薯粉令口感香脆煙韌，肉質嫩而不乾，味道濃郁入味，非常好食。巨型排骨之下還有滷肉，半隻雞蛋、青菜、酸菜和白飯。太好味了，價錢又平，推薦。🏅古早榨菜肉鬆蛋餅（$46）榨菜和肉鬆，完美配搭。🏅紅棗桂圓茶（$12）配料超多，有紅棗、桂圓、杞子、菊花和粉紅玫瑰，飲完自己再加添熱水，又或是加到自己的水樽中，可以飲一天。

我今日去左中環辦事，順道約同好友去位於中環皇后大道中93號中環街市地下G18號舖的久久食台式下午茶。環境寬敞舒適，座位是食街型式，先購票取物，自己找空位入座。我點左個久久紅燒半筋半肉麵$63，好友點左個久久紅燒牛三寶麵$69，小食是古早花雕雞卷$56，古早榨菜肉鬆蛋餅$63。紅燒牛三寶是牛肚、牛膀及牛筋，各樣都炆得軟腍入味；紅燒半筋半肉是一半份量是牛筋，而另一半份量是牛肉，牛筋和牛肉都是炆得軟腍，好有咬口；花雕雞卷好香酒味；蛋餅煎得香脆，好味又好食！

平時收工喺中環一帶💼，都成日去中環街市食埋dinner先走🥢，貪佢一次過有唔同檔口嘅嘢食可以揀👅。今次我哋就嚟到呢間台灣菜餐廳🇹🇼，以呢度嘅物價，價錢合理💰。.🍜久久紅燒半筋半肉麵($82)湯底夠晒濃郁😆，紅燒就係食佢嘅香口紅油🔥，同埋濃郁肉味加油脂味嘅湯底，仲食到台式酸菜嘅香味🥒。麵嘅質地都唔錯，食落彈牙🫦。而且仲一次過可以食到軟腍嘅肉質感👅，同埋好有膠質嘅筋位質感。.🍵冷泡阿里山烏龍(+$12)係圓樽嘅冷泡茶🍼，而且茶味香濃，又唔會澀✌🏻，帶有紅茶嘅甜香味。啱晒食咁濃郁嘅牛肉麵嗰陣飲😝。.🐮久久紅燒牛三寶麵($88)同樣係牛肉用咗牛腱部位🤩，而且處理得好好，夠晒軟腍🫦。牛筋同樣係大大條，好有膠質，食落好有口感💕。牛三寶仲包埋金錢肚🐄，牛肚同樣整得夠腍、夠入味，索晒湯嘅濃郁滋味♨️。.🧋芋香珍珠奶茶(+$16)芋頭嘅紫色望落真係好吸引💜，飲落甜香嘅芋頭味同埋奶味好夾🥳。配埋夠咬口嘅珍珠🫧，真係好有台灣夜市嘅感覺。.🥬滷肉A菜($38)份量都唔錯，兩個人食都可以嗌嚟share當小菜🙌🏻。本身菜夠爽脆，煮出嚟口感幾好😋。加上配埋滷肉嘅油脂感，同埋濃香嘅滷水調味🧑🏻‍🍳，夠惹味。

小編今日到中環街市探店，貪佢坐得舒服，又多選擇，今次就選擇了一間台灣餐廳-久久。餐廳有多款台式食物所選擇，主要有小食、主菜和飲品。久久紅燒半筋半肉麵 $82小編每一次食台灣菜，都會食半筋半肉牛肉麵。牛肉牛筋各兩件，每一件都非常入味，而牛筋則有滿滿的骨膠原，煮到非常淋身，認真不錯！非常欣賞呢間餐廳嘅牛肉唔係一片片牛腱，一件件牛肉相對會比較有口感！蜜汁滷排骨滷肉飯 $75排骨非常大塊，香脆可口，炸粉唔算太厚，加咗蜜汁甜甜地非常好味！滷肉飯亦相當惹味，唔會太油膩幾好食！古早花雕雞卷$56雞肉非常腍身，富有雞味，還有點淡淡的花雕味！紅棗桂圓茶/黑糖薑母茶 跟餐$12非常有誠意，用料十足！

同朋友去完AIA🎡🎢🎠🏟️好肚餓，梗係要快快手搵間餐廳醫下肚！😆😜我地行到嚟中環街市呢邊睇市集，順便食埋下午茶！呢間餐廳係值得一去試下嘅，食物質素唔錯，價格以中環嚟講唔算好貴。👍🏻我地食完呢餐，過幾個鐘之後就直落食晚餐！🛎️😝😋😳麻辣鬼椒起司雞腿蛋吐司 $58呢份真係超級誘人！睇完餐牌即刻決定要試下! 芝士🧀同雞腿好飽滿，配上半熟嘅蛋，真係好好食! 而且有選擇可以有唔有辣嘅，我自己就喜歡有啲麻辣嘅滋味。😳紅燒半筋半肉麻辣拌麵 $75拌麵份量都係好多，麻辣滋味好正好爽！牛腩嗰塊肉中間有啲爽脆位，,而且牛筋都係好軟同味道正。最好食嘅係嗰個溏心蛋，啲蛋汁好邪惡！😈😳自家芋泥鮮奶 $32😳芋香珍珠奶茶 $28芋泥唔算好滑，味道好重。相比之下，我自己鐘意呢杯芋香珍珠奶茶多啲，味道唔算好artificial。珍珠好滑好Q，飲落覺得整個嘴巴👄都係芋頭味！久久中環皇后大道中93號中環街市地下G18號舖

「久久」是中環街市底層美食內廣場內的一家台式食店。餐牌選擇豐富，提供古早手工麵、家傳滷肉飯、各式地道小食、芋圓甜點及多款台飲，加上價錢實惠，已回訪數次。今次正值下午茶時段，點了蜜汁滷排骨滷肉飯 ($58)，排骨超巨型，中間切開吃起來很方便。排骨外皮炸得酥香，蜜汁鹹中帶甜超惹味，加上滷肉拌飯，滿滿一碗也吃得一顆不剩。朋友點了麻辣鬼椒起司雞腿蛋吐司($58)，名字看起來很厲害其實也可以選擇不辣版本。吐司橫切面滿滿的芝士醬甚是誘人，雞腿肉澎湃滑溜，加上一咬爆漿的半熟蛋，必須要不顧儀態才吃得盡興。花蓮地瓜酥 ($42)一客六件，本以為是地瓜條，但吃下外脆內裡煙煙韌韌，口感有點像夜市的地瓜球，吃下更厚實。如果加上梅粉定會更美味。甜品點了古早芋泥三色芋圓 ($38)，中央大大球芋泥口感綿密，芋頭丸、南瓜丸及紫薯丸Q彈帶嚼勁，仙草條滑溜，加上鮮奶整體不會太甜，三人分吃剛好。下午茶可以特惠價加配飲品，自家芋泥芋香奶茶 ($22)相倍芋頭味，奶茶香稍稍被蓋過。黑糖珍珠奶茶 ($22)茶香及奶味平衡，珍珠帶黑糖香，選少甜剛好。

下午茶時段來到中環街市地下一層的Food Court 「Dining Ground」覓食，看到台式茶飯館【久久】，主打正宗台灣味道的古早手工牛肉麵，還有各式地道小食及芋圓甜品，一於來個下午茶。久久紅燒半筋半肉麵 ($63)牛筋Q彈，牛肉炆得軟嫩、紅燒湯頭濃鬱不膩，喝下不會令人感覺口燥。麵條粗身，掛湯力強，軟硬度控制剛好，吃下質感Q彈。鹽酥雞滷肉飯 ($58)鹽酥雞新鮮炸起，圓渾飽滿非常吸晴，酥脆惹味但不會過鹹。滷肉飯肥瘦得宜，有油脂香氣，非常下飯。滷蛋半流心，酸菜酸中帶甜，帶來一份清新感覺。古早台式烤香腸 ($48)香腸預先切成8片方便食用，夾著蒜片吃特別滋味。滷肉A菜 ($38)A菜清甜爽脆，加上滷肉汁的脂香，味道即時提昇。紅棗桂圓茶(熱) ($12) 黑糖薑茶(熱) ($12)兩杯熱飲非常足料，上面舖滿紅棗片及花瓣，喝下有淡淡的花香，甜度很低，養生滋潤。

2023年7月食過，當時感覺滿意，味道不錯，份量也足。今日經過中環街市，打算回味下，於是叫咗同上次一樣嘅大腸麵線同芋圓。今次芋圓味道份量沒感覺有咩大唔同，但係大腸麵線就真係偷工減料好嚴重，湯好稀，料好少。我搵返上一次影嘅相，發現目測都感覺到大腸麵線份量少咗好多，而芋圓上次個擺盤好用心，涼粉擺得好均勻（黑色果啲係埋叫涼粉？），以及同色團子擺一起，今日就求其。失望，「久久」不再是良心店家。總括一句，不會再幫襯。

自從中環街市化身為美食嘅好地方好鍾嚟呢度搵食呢間主打台灣菜下午茶時段都好抵食✨蜜汁滷排骨滷肉飯 排骨巨大塊用筷子夾起嗰陣都Feel 到重手添上香甜嘅蜜汁每粒米飯都均勻地沾上滷肉汁✨ 鹽酥雞鹵肉飯雞肉炸得香脆，炸粉厚薄適中配上香甜嘅酸菜，同滷肉汁好夾仲有軟滑嘅鹵水蛋✨大腸麵線 大腸同麵線比例恰好仲添加金菇同冬菇✨古早榨菜肉鬆蛋餅 蛋餅包著榨菜同肉鬆滲出啖啖蛋香．口感豐富✨古早台式烤香腸香腸切成長扁形夾著蒜片一齊食．味道超讚

中環街市 cp值不錯既選擇豬排炸得唔乾身，都幾juicy，肉質幾軟嫩唔難咬醬汁就咸左少少，但送白送又一流唔駛驚唔夠汁，佢地比既汁係超多不過朋友既牛肉麵就比較一般d麵好多好飽，唔係好識分係咪未煮熟，因為中間好似仲有d 乾粉感而牛肉亦唔係每舊都咁淋加錢可以連野飲飲品係支裝，好方便！呢個位置好似foodcourt咁，要自己搵位，不過都算坐得舒服飲水拎野食都係自己去，不過落單就可以scan code落cashier 態度都唔錯呀

餐廳唔肯換唔聽電話仲唔退款食食下有d毛係度勁嘔心個麻辣拌麵冇味仲要個牛筋係紫色食完全個口都一陣怪味打電話去餐廳無人聽電話仲要拒絕退款原因係已經出左餐勁失望永不再幫襯

出中環做嘢時最愛到中環街市食飯，除了因為餐廳選擇多，價錢又合理外，主要是因為坐得舒服和自由。今日做完嘢已2點，這間在中環街市地下的久久已開始了下午茶。非常好，價錢更加便宜。我和拍檔一於下午茶當午餐，叫多兩個小食分享。🏅士林咸蛋芋泥酥（$42）🏅大腸麵線（$32）記得小時酒樓有芋角點心，這個芋泥酥有點相似，只是內餡換了做咸蛋王。芋泥酥外脆內軟，帶點煙韌口感，好特別也很特別。大腸麵有濃濃的胡椒味，非常惹味。湯底清甜，大腸軟腍，作為小食真不錯。🏅麻辣鬼椒起司雞腿蛋吐司（$58）🏅久久紅燒半筋半肉麵（$63）我點了吐司做主食，麻辣鬼椒這名稱好嚇人，但其實只是少辣，芝士、雞扒、煎蛋和烘得香脆的多士，味道好夾。拍擋食牛肉麵，男士要大大碗才夠飽。他說牛筋和牛𦟌都有點嚼勁。🏅黑糖珍珠奶茶（+$22）🏅自家芋泥芋香奶茶（+$22）夠濃，好飲。

久久地址 中環皇后大道中93號中環街市地下G18號舖中環返工放lunch 好慘，遲一分鐘落樓，行到去餐廳不論堂食定外賣，已經進入高度排隊狀態。要開心食飯，今日得要搵comfort food！主食我點了個$58麻辣鬼椒芝士雞腿芝士toast !唔洗比麻辣鬼椒幾個字嚇親，可以轉唔辣！toast 好大份又足料，雞腿肉好滑又入味，擠了大量沙律醬極惹味，而麵包烘到表面脆脆地，當大口大口咬下，有來的風味與滿足感很實在。蜜汁滷排骨滷肉飯$75，台或排骨是先炸後滷，面層太白粉炸層盡情吸收滷水汁，極之下飯。豬排大片肉質軟腍。古早花鵰雞卷$56 和古早台式烤香腸$48叫來同同事share，酒香十足，食入口淡淡芳香。台灣腸甜絲絲，juicy 食得好滋味。

古早花雕雞卷麵麵條都幾煙韌彈牙啊，唔知道係咪烏龍麵嘅一種。雞卷面有有花雕酒嘅味道，都浸煮得幾入味。鹽酥雞滷肉飯朋友話鹽酥雞都炸得OK！每舊雞好入味，外脆內軟，好juicy，所選用的菜亦非常新鮮！飯所用上的汁的濃度適中，不會太咸或太淡古早榨菜肉鬆餅榨菜都真係幾傳統嘅配搭，肉鬆加埋都叫做夾～ 餅片都做得適中夠薄，食完都唔會覺得好濟。滷肉油麥菜這鍾意佢嘅滷肉唔會太多醬汁、唔膩。揸咗去油麥菜上，竟然食到油麥菜新鮮嘅味道。令我覺得可以下次試吓食佢嘅滷肉飯。紅棗桂圓茶加$12嘅飲品都真係比足料～ 有乾花和紅棗片～

寫明網上手機落單10分鐘內完成order， 所以就試吓。網上手機落單6分鐘，行過去睇睇有沒有自己嘅單點飯和麵，短髮戴眼鏡嘅服務小姐見我望下望下，就問我單號，然後大大聲話：「我哋只收到你個order 2分23秒，我哋要時間煮！啲野係生嘅，你要食就要等！」服務態度完全出乎意料， 食物賣相不錯， 但質素一般， 雞扒偏鹹