一線軒

Open Now

Now Closed

好少寫食評！但為咗少啲人中伏真係要寫返個食評俾佢！店員門口食煙勁臭態度差都算，我叫左個$30熱拌紅薯粉+$7雲吞+$9腩肉+外賣$2八達通俾錢計我$50唔明點解$50就問店員，店員答熱拌所以$32，明明寫住係$30點樣係$32🤔我又諗多左陣可能佢將外賣$2加左落去，但都收多左$2，之後我又再問店員，佢就答我熱拌加外賣咪$32，我話都係計多$2蚊，佢先話我唔係腩肉豬軟骨咩，我話係腩肉同雲吞，佢望一望張單退返$2俾我，博人唔為意亂咁收真係勁差！仲要一句唔好意思都冇！最後食呢個薯粉得4塊腩肉同埋嗰2隻雲吞係叔既！不過佢榨菜花生同埋啲肉碎都多嘅，但我就一定唔會再有下次🙂

突然間好想食米線，咁啱Search到呢間店即使街坊話差都照試吓啦打算，晚上8:30打電話去外賣自取，叫咗個熱拌米線加蘿蔔鮑片走花生走韭菜走蔥，結果拎完返到嚟打開一睇！！！走配料有走啱晒喎竟然出奇地個麵底錯咗變咗紅薯粉…最慘係本人唔食得薯粉但返到嚟已經一睇個外賣過咗九點試過打過去舖頭已經無人聽…即係要我因為佢哋嘅疏忽埋單而我成碗麵係無食到嘅wt…f呢間嘢真係可一不可再第一次同時亦都係最後一次，無下次

一點幾見到門口有大約五，六人等位，入去舖頭門口位想落單叫外賣，等左一陣廚房有把男人聲問我堂食定外賣，我答佢外賣，佢極不禮貌喝我（你出去外面，唔好係度阻住條路！）你可以叫我出面等，但唔應該咁喝我，我都想落完單喺出邊等，但單都未落，我二話不說轉身離開，永不幫襯！好多年前有幫襯開，自問唔該前唔該役，有一次唔記得乜野原因又係比個男人用惡劣態度對待，估唔到都係冇變，永遠永遠Blacklist😡😡😡😡😡

住左係土瓜環2年，一線軒一直係我晚餐救星，因為住得近的話係可以送上門的，唔洗經外賣平台。我哋多數叫天下第一重慶酸辣粉，轉紅薯幼粉。佢啲紅薯粉有咬口同彈牙，揀幼粉純粹因為容易夾啲，口感上粗幼就冇乜分別嘅。湯底方面好濃味同惹味，酸同辣有取到平衡點，香味真係會成間屋都聞到！不過都幾肯定重味精，因為次次食完都會口渴，但真係上左癮咁會不停返啅。餸菜方面，推薦鴨胸。煙鴨胸都厚身，陣鹹香同個湯底好夾。大腸唔靭，滷水味。娃娃菜就會吸曬湯嘅味。車仔麵叫法，大家鐘意食咩就叫咩啦。

米線中伏篇～人生第一次寫食評～究竟我叫中麻辣，你呢啲叫辣油喎！腩肉係咁既咩？豬軟骨味似罐頭五香肉丁，仲要一粒粒散既！牛輾柴到呢！湯底一味得個咸味！人生路不熟既地方，食之前都openrice咗一下！12個人贊、6個ok、1個喊既口面！又睇到小店食飯時間都有一半入座率，咁都中伏！😫服務態度又麻麻，一入去諗住坐卡位！點知阿肥姐叫我坐搭枱位，心諗算啦！小店位唔多留比佢做生意囉！約十幾分鐘後有個阿叔又係坐卡位，肥姐又一樣叫佢搭枱，但個阿叔話係咪唔坐得先？如果唔得就話走，肥姐之後改口供，坐得！吹脹，人善被人欺，好人無好報！根本成程都無坐滿過！😤無下次！

一線軒嘅堂食就食得多啦佢嘅堂食都係好好食嘅好有特色但係自從疫情之後就多咗嗌一線軒嘅外賣可惜外賣嘅質素真係令人失望喺食物方面一線軒都保持到堂食嘅水準但係佢用嘅外賣膠兜係唔合乎標準㗎因為個外賣送到黎啲湯已經將個外賣發泡膠嘅內層溶咗溶到凹凹凸凸所以個外賣最後都冇食到因為啲發泡膠已經溶咗入湯入邊希望一線軒可以考慮轉用耐熱嘅外賣器皿硬膠兜令食客食得安心放心 因為其實而家市面上好多餐廳湯麵都轉左用耐熱嘅塑膠兜最後都要補充番一句 佢哋嘅堂食係好味㗎

前幾日經過，已經例入可試餐廳列表，今日就特別過嚟食午餐，要了我最喜歡的撈薯粉，中辣，沒有加任何配餸，等了一段時間，薯粉送上，賣相好好唔錯，見到不同配菜，有芽菜，酸菜，花生，九菜，肉醬，蔥用匙放在碗上。先來一口薯粉，我要了粗粉，麵身較厚，十分有咬口，但有部份則感到太厚了，味道上雖然叫了中辣，但對我來說也不算辣，味道都十分好，可以話啱我口味。十分欣賞多種配菜，撈起來食，十分有層次，特別係酸菜，很爽又不太酸，真心覺得好食。

呢間撈水晶紅薯粉絕對係我最鍾意食嘅米線舖 無之一 有好香嘅肉醬同榨菜同埋花生粒 就算唔使加餸 都好開胃 肉醬勁好味炸菜脆卜卜 花生亦都好脆 今日點咗牛展 雞絲好滑 牛展夠淋 好香滷水味 凍凍地夏天食簡直一流 可惜呢間鋪頭 比較偏僻 如果唔係一定一日食

土瓜灣食肆林立，各式各樣的鏈所店都有，所有能夠䇄立不倒的小店，實力真的不容忽視⋯⋯ 香港人愛吃米線，米線食店一間又一間；要是你也是米線愛好者，一定不能錯過土瓜灣美景街「一線軒」。雖然店內裝潢簡單；但米線🍜絕不簡單。我點了c餐的酸辣米線另加豬潤及魚腐（$34），c餐米線($23)内有足夠配料包括：肉醬，酸菜，韮菜及芽菜。最令我回味無窮的是那個豬骨湯底，沒有大連所店的重口味味精，有種獨特的住家味，酸酸辣辣，岩曬我呢個米線人。

土瓜灣紅薯粉專門店， 紅薯粉配上豬骨湯日，2者非常夾，但因為食素關係，今日只能用清湯。今次試了紅薯湯粉，加豆卜， 什菇和木耳絲，仲有個涼伴皮蛋伴豆腐。一個人食的午餐，用左75蚊，仲要係土瓜灣區，真係有啲奢侈。

土瓜灣平價美食 。34蚊 兩餸  雞翼尖豬大腸蕃茄豬骨湯米線: 配菜有黑目耳絲，蘿蔔，芫荽，蔥花  。平時午餐時段都頗多人，所以我多數2點幾先去。我叫咗小麻辣，其實只係普通辣椒油係冇麻辣味，唔知同酸辣有乜分別。今次啲雞翼尖部份有少少怪味，平時都幾好食，可以係放太耐?!滷水豬大腸好入味，好味度，蕃茄質感有比較粉，蘿蔔爽甜。

四川風味小店，一次午膳時間路過，見到有酸辣湯粉皮，覺得幾新奇，平時喺其他米線鋪都唔係成日見到有粉皮，於是入去試試。當日我叫咗一個酸辣雞絲湯粉皮。職員服務態度都友善，落單後5，6分鐘左右就有得食。可能因為叫咗酸辣，湯底比起一般四川麻辣米線清，食到酸菜嘅甜味同埋 肉燥嘅味道，有別於平時只係感受到濃湯嘅味道。粉皮都好爽好吸到湯嘅酸辣味，雞絲都幾滑。整體黎講清得黎又帶有四川風味。不過食完始終有少少口渴，份量就岩岩好，去開土瓜灣經過可以試下。

因為佢地既餐單度寫住「天下第一酸辣粉」所以一直都好想試下！ 之前有次lunch hour 黎食 太多人冇位！ 所以我地就轉場食其他野！ 所以一直都心癢癢，想食到為止！ 今日終於食到！ 一個字 大 失 所 望 首先 份量好小！ 我已經不算大食，但都冇食完好飽既感覺！ 感覺唔夠 滿足！ 其次 口感普通！ 酸辣粉既感覺好普通，冇覺得好彈牙 好咬口！ 最後 連個酸辣度都太失望了！ 酸又唔係好酸，辣就更加唔辣！ 我冇野補充！ 加埋凍飲，埋單$42 蚊

星期六喺土瓜灣搵食時行過美景街見到呢間舖頭門口好多人等緊好彩佢地都係等外賣我同老公兩個人一入去就有位喇呢間舖頭出名食薯粉經過d食客見到大部份都係食薯粉既但係我同老公都唔係薯粉既big fan都係揀返穩陣既酸辣米線我嗌左個小辣兩餸要白菜同滑雞老公就嗌左中辣要豬肚同鮑片一黎到個湯底係好清既上面有幾粒紅油但都唔多唔似得坊間有d米線成層油喺面或者有d豬油粒浮浮下呢間既湯底相對比較清甜怕油既女士就最啱喇而且米線既份量都幾多男士淨食一碗都好飽肚～唯一係餐廳始終係小店既關係所以會坐得比較逼但係味道搭救！作為土瓜灣街坊，我地一定會再返黎幫襯！

我從來冇寫過食評，但今次我真係太嬲。其實喺呢間叫過幾次外賣，貪佢快又方便，今次叫外賣一肚氣！我係叫乾撈粗薯粉，一送到黎打開見到係幼粉，我立即打返去舖頭同佢講，有個女人聽電話然後我就同佢講返個情況，佢第一句就話同事冇落錯，但我100%肯定自己係叫粗薯粉，因為幼嘅我係唔食，個女人堅持冇錯然後再俾左個男人聽，我同個男人表示我而家要換，佢就話「一係你下次再叫過，因為而家都九點要收工」我呆左，咩叫下次叫過？即係而家係你怕麻煩唔肯換？何況我下次都唔會再幫襯你啦，明明係你地錯，冇認錯都算，第一下就自辯，仲推個責任俾我話我叫錯。雖然最後都有換返個粉俾我，但我發誓以後絕不再去幫襯！