智景車仔麵 (Closed)

本來去油塘打算食客家菜，但冇堂食，改為去食車仔麵，叫左幼麵，牛腩汁，魚片頭，豬大腸，羅白，魷魚及凍檸茶，麵比較淋但還可以，不難食，湯底清甜好味，魚片頭一般，羅白夠淋冇渣不甜算好食，豬大腸非常淋，冇咬口但調味也算OK，尤魚份量好少，一般般，整體表現中上

約咗個 friend 吹水，時間唔早，佢就返去食住家飯，我就一個人晚餐喇。黎到呢區，令我諗起杯「凍奶茶紅豆冰」，所以我又黎食呢間車仔麵。可惜今晚無紅豆冰，有點可惜。上次嗰杯係… 夠紅豆味，奶茶又拎到個 balance，夠冰凍又夠大杯，四個大字… 爽。講返今日食嘅，叫咗牛肚、牛栢葉、魚片頭，辣汁湯底、油麵。車仔麵就是要油麵，這個由街邊車仔檔食到入舖，我就是死硬要油麵至夠風味。風味也來自那，帶有辣味濃烈嘅牛腩汁湯底，呢間係做得到濃厚牛腩味而不膩嘅湯底。至於配料，月巴的我只能忍下口，其實我真係好想叫埋魚蛋、豬皮、蘿蔔呀。返黎… 魚片頭正常嘢，牛肚夠淋夠味，牛栢葉夠爽，正！一句講晒，味道濃郁，色香味俱全嘅車仔麵就是了。

今晚去咗油塘中心智景車仔面，叫咗一個卜卜蜆(火鍋)，湯底揀咗原味蒜香，湯底除咗蒜蓉，葱，芫茜，還有大概20-30隻蜆，蜆隻大致新鮮，只有兩隻無開，清潔得乾淨，每隻煮熟既蜆肉大概一元咁大，肉質同鮮味中上，火鍋配料有肥牛，肉片，腸仔，四種丸，蟹柳，一籃菜，兩個面，兩杯飲品，份量足夠，配料質量可以，唔差，但亦唔算好特別，如果住油塘附近，可以一試，如果要專程入去，又未必有咁需要現場環境都幾嘈，週圍有人猜枚，飲酒，如果你慣咗熱鬧就ok既。

平時來這裡是因為六時後的火鍋時間, 畢竟稱之為車仔麵也該去試試其麵吧! 店家小本經營, 五餸一麵五十元也是現在車仔麵店的Norm. 特別是其麵底選擇, 除了基本粉麵河外, 更有很有台味的關廟麵, 以及掛湯強的刀削麵, 點了關廟麵而她煮得剛剛好, 偏爽挻也合我口味. 辣醬帶少少甜和咖喱味, 辣度偏柔, 有小時候的回憶味道. 至於配料就是正正常常, 以少就是另一個代替油塘連鎖食肆的選擇就是.

踏入10月，開始有d秋風，就即刻要食羊腩煲其實有1段時間無打到食評，不過尼個羊腩煲真係令我燃起番要打食評既意志，因為實在好好味之前黎過尼間食店，已經知道尼度既海鮮係出名新鮮同價錢合理，所以見到佢推出尼個新野，我都好有信心。都係講番個羊腩煲先啦，羊腩唔會切得太大舊，味道好正宗，好入味，一d都唔穌。最重要係1d都唔會難嚼，就算瘦肉既位置都好淋。（感覺到佢地真係好用心去整）入面有好多荀同馬蹄，而且馬蹄仲好爽甜。配埋枝竹，索哂湯汁再食。另外，我地再點左個蟹同蝦，原來尼個配搭都出奇好夾，海鮮既鮮甜味同羊腩煲配合，會有一種濃厚而有層次既味道，（唔識點形容）你地有機會一定要試下甘try try。尼間我覺得係一間良心小店，小本經營，每樣食物都好有心同質量。值得一試👍卜卜蜆煲同粥底海鮮煲，都係我推介❤️😜

520既晚上，雖然我地無特別慶祝，但都同老公去左撐枱腳，等待老公放工後，一起去感受下街頭浪漫，選擇左油塘既智景車仔麵 ，雖然佢中午時段係車仔麵，但到夜晚會有粥底火煱同卜卜蜆。我地選擇左坐露天，不過上面有帳篷，下雨都唔驚。叫左卜卜蜆，奉上4種海鮮同自選6種打邊爐食材，2人份，每人168。但海鮮非常非常新鮮（要強調兩次），鮑魚彈牙，蝦有彈性鮮甜，貴妃蚌亦係鮮甜無比，蟹雖然係肉蟹，但竟然有好多膏，結實鮮甜。（發現自己用左好多個鮮甜字眼，但請容許我詞窮，因為真的很鮮甜，唔識用其他字形容詞形容）此外，魚皮餃亦係推介之一，非常有咬口，咬洛下有汁。仲有，不得不提，佢地既麻辣調味料，如果喜歡食辣既朋友一定要試試，有麻有辣有層次。520既晚上，一路慢食，一路啤酒，一路感受旁邊既雨聲車聲。其實都係一種地道既風咪。（雖然係大排檔feel，但衛生非常乾淨，同服務亦很貼心）如果住係附近既朋友，有興趣可以一試，可以說海鮮真的性價比高，其他野都不錯，一起感受坐街邊打邊爐既情懷。

事實上，算係平價美食~31蚊兩個餸，35蚊三個餸~有大約30個餸揀（沒有特別）~唔包飲料，汽水8蚊，熱飲12蚊，凍飲14蚊~有清湯，麻辣湯，滷水湯，腩汁，辣汁，五樣揀一樣☆牛腩有五粒，有啲肥，但好香😚☆刀削麵幾好食，唔會過軟，有咬口☺☆蘿蔔雖然只有三粒，但無楂👍好甜☆麻辣汁係就係好香，但有啲似現有產品，可能是自家造吧🤷‍♂️總括黎講，佢細細碗，那些細食的人會感到高興，但若是大食就要加底了，其實平平哋，試吓無妨👍

原本諗住同男朋友嚟食車仔麵，之前都食過幾次，車仔麵質素都唔錯，湯底夠惹味，餸同麵又多選擇😋見到佢新出打邊爐，就試試佢啦，本身有啲都懷疑，車仔麵檔打邊爐喎，得唔得㗎🤨結果超出預期，啲蜆又多又新鮮，啲瀨尿蝦嚟到仲識郁，價錢都相當親民，抵食！最後同男朋友食淨咗個麵餅，兩個人食啱啱好☺️超多蜆！睇落以為唔多，但係同男朋友食都食唔晒，食淨咗個麵餅。瀨尿蝦嚟到仲郁緊，有隻仲差啲成功走佬😂價錢親民，每人包一杯嘢飲😋

炎炎夏日，坐低就叫咗杯紅豆冰飲。由於呢間餐廳嘅紅豆冰用咗鐵杯裝，以致見唔到紅豆冰紅白分明嘅經典招牌賣相，少咗一個打片位，亦見唔到紅豆同奶嘅比例。但就係因為呢種薄鐵杯冇隔温效果，杯紅豆冰一上台就會有好多倒汗水，隻手同隻鐵杯接觸嗰刻，可以完全毫無保留地Feel到杯紅豆冰有幾冰凍，飲落特別消暑，感覺有別於飲一般用膠杯裝嘅紅豆冰。裝紅豆冰嘅銀色杯身鐵杯配上同樣係銀色嘅鐵羹組 合，喺隨意中畀人一種不隨便嘅感覺，而且好環保噉唔係用即棄膠羹or攪棍。杯紅豆冰冰嘅比例非常適中，飲到底都仲見到少少冰，由落台到埋單嗰刻，杯紅豆冰依然係好凍嘅。由於杯紅豆冰本身就好濃郁，唔使驚啲冰溶咗，令杯紅豆冰太淡嘅情況出現。杯紅豆冰好重奶味，紅豆亦煮得夠溶，整體嚟講係偏甜嘅，關注血糖人士要注意，不過好味。唯獨飲太多會有啲漏，不過好彩佢分量啱啱好。呢間餐廳走塑成功率好高㗎！我今次走飲管又成功咗，仲歡迎自攜食物盒買嘢食。不過佢會照收加一蚊外賣費。

夜晚係油塘有嘢做，要快快脆搵啲嘢食，行到去大本營巴士站出面就見到嘉華商場有幾間茶廳，朋友就話想食車仔麵就入咗去。舖頭好細，我諗可以坐既位置應該十個人都唔夠，不過唔洗等就不成問題喇。呢間車仔麵比較特別既係佢有得揀一啲另類啲麵款，例如係刀削麵同關廟麵，而且都唔洗另外加錢，不過公仔麵fans既我就都係揀咗公仔麵今次，同埋叫咗麻辣汁湯底，因為叫咗佢有得賣一樽既自家麻辣汁，我諗都會唔錯。麻辣湯底果然好惹味，不過都偏辣，我都要慢慢食先搞得掂。而牛筋佢俾咗好多，又好「林」，好鍾意！豬大腸都幾好味！另外都食咗朋友既一舊豬紅，雖然佢餐單上寫係辣豬紅，但係食落去都OK，唔太辣，豬紅都好爽口。另外我地都夾份叫咗個招牌口水雞，佢係用比較似麻醬味既醬汁，都OK。

上次我來到油塘，暫時進入和認識過的地方，就只有「大本型」商場而已。事隔不久之後，我再次回到油塘，本來是想找找「大本型」和「大本型」食店以外的地方，但結果我沿着港鐵站旁邊的道路一路走，最後還是回到「大本型」旁邊的「嘉華商場」。「嘉華商場」其實只是「油塘中心」的其中一部分，「油塘中心」相對「大本型」而言，只是一個歷史較長，設備較陳舊的小商場而已。但是對住在油塘的市民，或者在油塘工廠區工作的工人文員而言，「油塘中心」會否是她們平日必到的購物商場呢？踏入「嘉華商場」第一步，我立刻發現入口有一間賣港式車仔麵的小店「智景車仔麵」。「智景車仔麵」裡面的樓面位置有限，而且有一部很礙眼的電視機跟二十四小時新聞臺在恭候我「大駕光臨」。我實在跟電視的新聞臺不大相襯，現在真的看多他們多一眼也支持不住。幸好「智景車仔麵」和「嘉華商場」都有它們的好處，好處就是商場平日的客人不多，人流幾乎少得食店在商場通道擺放了檯櫈也不成問題。而且「智景車仔麵」主要的餐牌和點餐紙，都擺放了在餐廳以外的檯櫈和地方，所以即使坐在「智景車仔麵」店外通道的檯櫈，對食評實際影響都不算很大，甚至可以說「智景車仔麵」又是像紅磡「王X妹黔川米線」

天氣好熱，所以叫左外賣拎返屋企食涼下冷氣甘！！咁樣就簡左個３個餸食啦！！分別係蘿白啦，，牛腩同埋叫左墨魚丸，，，蘿白好夠味道，入哂味，夠甜！牛腩整得夠淋，都係入味，我見到格呢有人叫牛腩，，所以我又叫黎試下食，，食落又真係唔錯喎！最後，叫左個墨魚丸，，夠彈牛，又大粒！正我叫左個麻辣湯底！唔錯ｗｏｒ！！真係夠哂麻，又夠辣！！中意食辣既朋友，應該會幾中意呢個味道呀！！我覺得最吸引就係碗麵既湯底，麻辣湯底係必試

昨日黎左叫左碗淨水餃食，味道唔錯。。。。。。。粒粒水餃都大大粒。。好好味。。。一碗有6粒。。。分量都ok.......回味呀!！值得推介呀！！另外。。。我叫左個小食試下食，唔錯呀。。係個豆腐手撕雞。。。d汁既味道好特別。。唔知道係咪秘制呢?值得再試食下!！夏天食，都幾清新，上面有d 青瓜係度，幾好食，幾爽口嫁!！I like it very much ! 可以再去食呀。。。因為都有好多款野食試下。。。。。。。。。

口水雞又平又好食!!值得食既小食之一!!I also try the noodle with three ingredients!! chicken wings, fishball and cabbage!!!!!!!!!!they are so delicious! It is worth for eating !!!I also try the Siuchuam Saliva Chicken, because i like eating those spicy hot food. I think it is very yummy!I like it most!

手撕雞豆腐味道好,出面食唔到！正。。。。。。。。我唔太食得辣 但叫一碗面又唔夠喉。。。。。。 所有 我就叫左個小食試下啦 個味道好特別 出面又食唔到 所有我覺得值得再叫過黎食 。。。。。。。另外 。我叫左杯紅豆奶茶。。出面紅豆冰就飲得多。。奶茶就未試過啦。。。。幾特別。。夏天飲都幾岩呀。。車仔面都有好多款湯底。。。我覺得個牛腩汁都幾夠味道。。牛腩又夠林。。。。。墨魚丸都好好食嫁。。下次黎到我要再試下其他野食先得呀