千葉鳥

Open Now

Now Closed

細佬話樓下商場有間日本菜，午市好抵食，所以今個星期六就同佢落去試下！上到一樓一睇就知係呢間，外邊已經好有日本氣氛，掛滿哂啲燈籠，入邊環境都唔錯，枱之間都唔算太密每人仲會派一個口罩袋俾你方便食嘢嘅時侯放口罩，讚！Lunch menu都好多款式，有拉麵、烏冬、定食、壽司同魚生飯等等，每個套餐都包咗一款小食或者飲品，仲要唔洗加一㗎！心大心細咩都想食，最後就揀咗一個壽司set, 有8件壽司，再配一個迷你烏冬；細佬就揀咗鰻魚飯，配生芥茉八爪魚手卷，同埋佢話一定要加配特大赤蝦刺身，話好新鮮好甜㗎喎壽司set比想像中好食呢，有唔同嘅魚生，仲有燒粟米壽司，開頭覺等好奇怪，點知又幾夾，燒粟米甜甜地配堆沙津醬幾特別㗎！細佬個鰻魚飯都話好好食，我都試咗一啖，都算燒得香脆，又夠多醬汁！個赤蝦刺身先係最令人驚喜，真係超新鮮超甜，仲要好大隻㗎，足足有兩件壽司咁大，啖啖蝦似好滿足😋😋果然真係唔錯，但都好多人排隊等位㗎，所以weekend嚟食都最好早少少去就會好啲！

今日同朋友食飯去咗天水圍， 一入到去已經覺得有人山人海 既感覺，叫左牛肉鍋一上到嚟，嗰種澎湃嘅感覺迎面撲過嚟，佢裏面有非常之多嘅蔬菜，而炸嘢就有 炸蠔炸蝦壽司同埋 炸軟殼蟹牛油果卷，個炸蠔炸得啱啱好，個皮非常之鬆化，炸蝦壽司配上壽司飯去面頭仲有少少沙律醬，食落去真係有唔同嘅層次，而炸軟殼蟹牛油果卷牛油果都幾新鮮，隻軟殼蟹啱啱炸起， 陣陣香味滲透出嚟，而啲刺身都幾新鮮， 嗌咗佢哋一個廚師嘅推介醬漬三文魚壽司，食落去三文魚嫩滑有醬油醃製過嘅味道上面仲有少少蔥去調味，真係令到三文魚既層次增加咗好幾倍

估唔到原來天水圍都有間咁高質嘅日本嘢！今次喺天澤商場發現咗一間好多人排隊嘅日本嘢，所以今次就決定入去試吓，一入到去發覺呢一間日本野嘅裝修真係好似日式嘅居酒屋，好有日本嘅氣氛，服務員嘅服務態度十分之好，好多人食。今次食嘅時候係午市時間，所以可以食到午市嘅套餐，價錢真係好抵食㗎，所以顧客都好多，都需要等位。今次揀咗兩個午市刺身飯套餐，第一個係二品刺身飯，分別揀咗鮮帶子同埋碎蔥三文魚，第二個就揀咗吞拿魚七色丼，而每個午市套餐都可以配小食或飲品一款，所以今次就叫咗紫心薯餅，同埋雪糕泡芙甜品。首先係個鮮帶子份量真係好多，好新鮮好甜所以好推薦呢個丼，而個三文魚都好好食，蔥同埋三文魚配合得好夾，成個丼都可以比好高分。而必食嗰個就係呢一個吞拿魚三色丼，無論係魚生定係個飯所有食材都好新鮮好好食，呢一個真係10分推薦。而兩個小食分別係紫心薯餅，同埋呢一個雪糕泡芙，都好好食，紫心薯餅炸得來唔會太油膩，而配合埋個雪糕泡芙真係可以清晒口裏面嗰啲油炸味，所以兩個都好推薦。

星期日難得有朋友黎到天水圍，小妹決定盡地主之誼帶佢食天澤商場新開既日式居酒屋🏮餐廳內既佈置掛上燈籠🏮、浮世繪壁畫及掛簾等元素，充滿古色古香星期日既午市時間已經坐滿哂客人，我地等左10分鐘左右就入到去啦，服務員做事快手，仲好細心咁為我地遞上口罩紙袋事不宜遲，我地叫菜！！千葉鳥玉子燒（$19追加小食）蛋味濃郁，微甜味，入口軟滑蟹籽沙律（免費午市套餐小食）：作為前菜，食呢款爽口輕盈沙律，好開胃呀手卷兩件（免費午市套餐小食）：我地叫左三文魚&黃金魷魚🦑，餓底既我地三口就食完，推薦黃金魷魚，質感爽口吞拿魚七色丼：朋友叫左呢款色彩繽紛既丼入面有碎蔥拖羅、吞拿魚、海膽、油甘魚、大甜蝦、三文魚、鮮帶子咁多款海鮮，淨係望都已經覺得好靚好吸引用料食得出好新鮮，各種魚生份量分配得好平均，壽司飯上有香香既飯素，味道唔會太酸，配埋鵪鶉蛋液呢個飯簡直係色香味俱全滿分💯特大海赤蝦海鮮飯：小妹係個蝦迷，丼上呢兩隻有我手掌咁長既海赤蝦，加上周圍既刺身（三文鮮、油甘魚、吞拿魚、希靈魚），平時大食既我，淨係食完呢d咁鮮味既刺身未食飯，已經飽到9成，絕對稱得上大份夾抵食，嘿嘿食左咁多野，二人埋單都只係$242，居酒屋價錢黎講

I chose the Japanese restaurant in TSW to celebrate with my friend’s birthday 🎂 The restaurant is well decorated 👍🏻👍🏻😛and sticked full of menu. In view of the Covid-19, the restaurant gave each customer a paper bag to store mask. Very heartfelt and caring ❤️We only ordered three dishes. The starter is this 軟殻蟹牛油果🥑salad, yummy and healthy 地獄豬骨湯叉燒拉麵🍜， a well-known Japanese dish, must order~ the taste is strongFinally comes to chicken wings, crispy and juicy $38 for two , can dine eat with the salad

係天水圍天澤商場入面呢間日本餐廳一到午市時間就好多人排隊，見咁多人排隊應該唔錯所以就決定食呢間！甘就叫左廚師推介炙燒三文魚腩左口魚背脆脆飯，佢三文魚腩同左口魚分別都覺俾咗三四塊左右，魚生經過炙燒之後油脂出晒嚟，食落口感非常肥美，配埋個飯入面加咗一啲脆脆，食落口感非常豐富，成個飯都係好味ge😋另外我仲叫咗二品刺身飯，原本要三文魚腩可惜佢冇晒所以就轉左吞拿魚同海膽，吞拿魚同海膽食落冇腥味，食得出食材算新鮮，配埋醋飯一齊食非常夾同好好味，另外佢每個餐可以免費追加小食、甜品或者嘢飲，而我就叫咗紫心薯餅舖同綠茶蕨餅，仲加咗杯奶茶同燒雞軟骨！佢個薯餅夠脆同埋紫薯味好重，蕨餅ge綠茶味都重值得一試而佢個燒雞軟骨，燒得岩岩好唔會太乾身仲保留左啲肉汁都係值得推介，而且佢仲有口罩套跟埋俾你非常貼心！總括間餐廳嘢食價錢唔貴而且食物都幾好食，值得推介👍🏾

同朋友食飯梗係要食日本嘢㗎喇， 所以我哋今日就約咗去天水圍去咗呢間好有居酒屋風嘅餐廳度食飯，啲侍應的服務都幾好， 我哋兩個人都食唔多好多嘢，不過就見到好多人都嗌咗個牛肉鍋，咁就一於帶嚟試下啦 ，牛肉鍋一上到枱面 心裏面真係哇一聲成咗山咁高， 之後就嗌咗少量嘅壽司，炸蠔， 同三款刺身，吉列炸蠔一啲腥味都冇非常之鬆脆，刺身就叫咗三文魚甜蝦帶子刺身， 三文魚非常之新鮮爽口， 甜蝦就好軟糯，而帶子都幾鮮甜🤩🤩🤩🤩🤩

睇食評果陣比座牛肉山吸引住今日長途跋涉咁黎天水圍試下呢間居酒屋我地大約6點半黎到 已經差不多坐滿佢地食物既選擇好多，樣樣都想試下見到佢地有兩人套餐套餐又有我想食既牛肉火鍋 二話不說就揀左呢個餐刺身六品盛我最鐘意海赤蝦 大大隻啖啖肉 好鮮甜而紋甲魷魚最特別魷魚切直紋再將紫蘇葉夾係裏面自選四款壽司北寄貝沙律、碎蔥三文魚、三文魚同油甘魚最鐘意碎蔥三文魚加左碎蔥多一份香味，多一份層次外層既紫菜仲好脆燒日本廣島蠔+燒沙白大蜆燒到岩岩好唔會乾而且4隻蠔都好飽滿 食完好滿足到我期待已久既鍋物一座牛肉山好震撼除左色澤好靚，肥瘦均勻牛肉吸左湯底既味道 亦不失自身既肉香第一次食鍋物有羽衣甘藍甜甜地 又有口感 好好味雖然我地叫既係兩人餐但係佢地既份量我相信三人食都冇問題而且員工都好勤力 即使好忙都不忘主動幫客人加茶👍🏻

呢排疫情緩和，終於可以出街食下飯，網上睇到呢個地點位於天水圍既日式餐廳千葉鳥評價相當不錯，就同女朋友黎試下。晚上6點30分已經相當多人等位，我地揀左呢個自選極上二人套餐豆腐櫻花蝦溫泉蛋沙律溫泉蛋配合超滑豆腐，加上櫻花蝦配合芝麻醬既沙律，豆腐大大件，非常開胃刺身六品盛刺身好新鮮，海赤蝦好有鮮味，希靈魚非常爽口👍🏻燒日本廣島蠔、大蜆蠔燒得時間岩岩好，仲好有鮮味，而且係好大隻，正！個set 真係好抵食，仲有四款8件自選壽司，特別推薦北寄貝沙律，超好食牛肉火鍋（壽喜燒湯底）牛肉明顯係高檔次，好小肥肉，擁有鮮嫩既牛肉味，仲有冬菇、粉絲、烏冬等等既配料，呢個set 只係$405，可以講係超級抵食，包你食到捧腹而歸最後上埋朱古力碎泡芙，泡芙裡面係雲尼拿雪糕，相當滿足既一餐

早幾日同朋友食完天鳥居酒屋覺得幾好食，今日同朋友再去天水圍同一個集團既千葉鳥食dinner。千葉鳥既地方好大，坐得好舒服，環境唔錯，職員仲為我地提供裝口罩袋，好甜心。我同朋友嗌咗近400蚊既野食，我太肚餓既關係就嗌咗個火炙醬油漬三文魚腩左口魚背脆脆飯，我朋友就嗌咗個鹽燒青魚定食。唔好以為呢到只係一間偏遠地區既餐廳就唔食，呢到既丼同定食比出面好多餐廳都出色，份量又足。我地太肚餓既關係，另外仲嗌咗火炙三文魚醬油漬壽司、火炙特選蟹柳壽司(美乃茲)、自家製厚燒玉子、同埋半磅既三文魚腩刺身。呢到既刺身都好新鮮易入口，又抵食，而且食物黎既速度都算快。最後我地嗌咗319蚊既野食，就算全港黎講呢間都絕對係高質既居酒屋，屯元天人一定要黎！

蒲燒鰻魚飯，鰻魚好新鮮，咬落去有口感，同埋有好多魚油香香味。鰻魚汁適量，用嚟撈飯，就係最好嘅配搭。估唔到個鰻魚餐，90元有鰻魚飯，有一串串燒，另外仲要有嘢飲，性價比好高雞軟骨，剛剛燒出嚟，骨同肉嘅比例相當好，燒得好香脆螺肉，都幾爽口厚燒玉子，不過不失。流心蛋，做到留心嘅郊果。總括嚟講呢度係1間性價比非常之高嘅日式餐廳。另外，佢個裝修好特別，好有日式嘅感覺。呢度地方好大，但係都滿曬座，外面仲有好多人排隊等。

好想食日本野,呢間日本餐廳價錢實惠又有特色。呢度好多壽司可自選,食到唔同既味道。叫左幾件壽司。鰻魚肥美又多汁,玉子自家製,好厚身甜美。蟹柳小卷好好食,蟹柳高質。個櫻花蝦豆腐HOTPOT好正,勁多塊豆腐,高湯煮豆腐,櫻花蝦與淡淡既豆腐好夾!仲有好多Kale..好健康呢! 另外叫左個燒pineapple,都好抵食.份量多而且cut成一片片。另外叫左個波子汽水,真係有波子既呢!味道好好。好中意呢度既碟,有d係shell既shape,有d soy sauce碟有魚既樣,好別致。呢度好多食物既選擇,每樣都可以試下d

經過呢間餐廳，見裝修幾好，而且價錢又唔貴，就入左去食喇～～～入到去坐低，服務員就提供紙袋裝口罩用，細心又貼心嘅服務❤️❤️刺身方面，我地點左👉🏾墨魚刺身👈🏾呢個係廚師推介，係今日新鮮運到😱😱😱menu無的！！咁新鮮既食材，緊係要試下啦煙煙韌韌得黎，又有鮮甜味，新鮮嘅魚油香味😋😋😋仲有點左👉🏾黃金蟹膏鮮帶子👈🏾未見過有呢個組合，於是試下～～勁多蟹膏，而且蟹膏陣味勁濃郁！！帶子又肥又鮮🤩🤩🤩🤩前所未有咁好食！！好幸福🥰🥰而👉🏾帶甜蝦刺身👈🏾又係勁新鮮😘😘😘好甜好好食壽司方面，我地點左👉🏾三文魚壽司👈🏾三文魚勁厚身，唔需要點豉油都勁好食😚😚😚😚😚一啲腥味都冇而👉🏾黃金魷魚壽司👈🏾多餡到滿瀉晒😂😂😂😂想一啖食哂落肚都唔得～～正啊！！👉🏾牛油果軟殼蟹反卷👈🏾每次食壽司都一定會點呢個，因為實在太鍾意食牛油果同埋軟殼蟹，飯嘅比例唔會太多🤣🤣🤣nice呀～～～～仲有，我地點左個👉🏾蟹子沙律👈🏾好足料👍🏾👍🏾👍🏾勁多蟹籽😍😍蟹柳絲又夠多😁😁青瓜又好新鮮，一啲都唔霉～～～～二沙律醬嘅份量啱啱好，唔會過多因為我地大食既關係，除左以上既食物，我地仲點左個👉🏾三文魚三寶飯👈🏾入面有三文魚、蟹籽、北寄貝沙律、黃金魷魚

今次黎到天水圍呢間新開張既日本餐廳。用餐方式：只供堂食或外賣自取。輪候時間：平時約5-10分鐘;Remark: 貼心服務為顧客提供口罩袋裝口罩！！！食物方面：前菜：蟹子沙律（$30）：蟹子同蟹柳份量勁多。而沙律醬蛋黃醬嘅比例剛剛好，味道恰到好處，又唔會太濃味，正！推薦指數👍👍活墨魚刺身（6片/$75）： 即日運到既新鮮食材，即日廚師推介，果然鮮甜美味，肉質煙韌。新鮮墨魚刺身就是甘甜，必食！！推薦指數👍👍👍👍👍大甜蝦刺身（4隻/$38）：唔錯，甘甜，鍾意食魚生嘅你一定唔可以錯過。黃金蟹膏帶子（2隻$38）：勁多蟹膏，簡直係分量十足，濃郁嘅蟹膏，配上甘甜美味嘅帶子，鮮味十足，超好食。必食！！！推薦指數👍👍👍👍👍主食：哈蝦笑（脆蝦角及吉列蝦）拉麵（$65）：有兩種唔同嘅湯底選擇，分別係豚骨魚介湯同麻辣湯2樣湯底提供選擇。呢次我就揀咗豚骨魚介湯。CP值超高，平民恩物，份量多，味道好，營養十足，呢個價錢有兩隻炸蝦同埋三件蝦角，簡直係超值。推薦指數👍👍👍三文魚三寶魚生飯（$65）三文魚六片、蟹子、北寄貝沙律及黃金魷魚）：分量十足，又一CP值超高之作，黃姜同埋沙律嘅味道好夾，而且成個肺入邊有多款唔同

難得入黎天水圍，朋友介紹呢間位置天澤商場嘅日式餐廳。餐廳嘅裝潢好有居酒屋嘅風味，而且燈光同格調亦營造到居酒屋嘅感覺。而餐牌嘅設計非常值得一讚，每一樣食物都會附上圖片，連小食都有圖片。對於選擇困難嘅我，都幫上一點忙。但由於刺身丼都好吸引，都猶豫左好耐。最後叫左大大粒雜錦魚生飯 同 蟹籽沙律。魚生切得都好厚，真係大大粒，肥美鮮甜。份量十足，實物同圖一樣。如果想食刺身飯，又決定唔到食邊個，可以叫大大粒雜錦魚生飯，因為有成5種以上嘅魚生可以試到，一次過滿足晒。而朋友叫左 鐵板厚切低溫慢煮雞扒定食，食落好juice ，慢煮保留到雞扒嘅嫩滑。但唯一嘅缺點就係，肉與皮之間嘅肥膏較多。