Chibee Chicken and Beer (Closed)

要陪韓迷C奶陪飯,次次都要食韓國菜走唔甩,今次係厚福街韓國餐廳,環境十分好,高層開掦又少人,的確唔錯既地方門口有位型型地既OPPA,haha地方好舒適餐牌都係靚仔oppa增加左一點童真菠蘿冰,好爽,甜甜地帶少少酸,開胃又清新年糕  好濃郁醬汁,有粉絲年糕煙煙UNUN,正部隊鍋,勁大份,好多午餐肉,腸、芝士、泡菜,餃子、金菇等等魚糕湯少少嘅辣帶有鮮甜好多魚糕,好好咬感韓式餃子多肉多汁內有粉絲、高麗菜醋小小辣,味道更出

一講到韓國 除左oppa同oppa之外 最出名既當然仲有炸雞啦唔係講笑 如果你想一次過滿足兩個願望 你就要黎Chibee因為呢道係一間有oppa駐守既韓式炸雞店餐廳既裝修令人好想係道chill一個下晝因為餐廳位於厚福街h8大廈既高層尖沙咀既境色一覽無遺但好可惜小編去個日係下雨天韓式炒年糕小編一向喜歡吃辣但係小編覺得香港食到既年糕應該唔會好辣 所以就放下左戒心點知一放入口辣味就開始出黎了雖然係辣 但醬汁帶有甜味 好易入口 食耐左就覺得唔辣了年糕本身係無味 全靠個醬汁調味煙煙韌韌既年糕加上帶甜味既腐皮同行既朋友都大讚好食呑拿魚飯團當oppa為我地送上飯團時候 小編同朋友都互相對望左一下因為我地都覺得搓至球狀再放上紫菜條既飯團 賣相非常討好除左賣相可愛 味道都有九十分飯團加入左沙律醬伴勻 每一口都有沙律醬既味道 中間放有呑拿魚餡料一百分有十分扣左係呢個沙律醬同飯團既組合道因為實在太邪惡 令人不禁一口口吃下黎到主角炸雞 果然oppa整既炸雞無論外貌同味覺都係非常吸引雞塊既外皮炸至金黃色 入口鬆脆再食得深入小小 雞肉鮮嫩當中既雞油令雞肉更嫩滑炸雞旁邊配有甜醬同韓式辣醬小編喜歡點甜醬多啲 因為甜醬

It's not cheese at all, but cream (忌廉醬). This is reli disappointing. I asked for a refill to my cheese pot, and the waitress told me in charge for $28, which is so unacceptable.Excuse me! Who says this is good. We just ate 2 chicken pieces, and no more 'cheese' already, which is not even cheese. I add another pot, and the cheese sauce didnt even reach half of the pot!Conclusion: 即溶芝士醬 = 忌廉醬. 好差

其實我不嬲好鍾意食韓國炸雞，今次朋友生日，佢哋帶我來呢一間韓國過江龍，我份外興奮！真係好有韓國炸雞店嘅風味。首先嚟咗一個泡菜鍋，入邊材料好豐富，有餃子、金菇、午餐肉、紅腸、大量蔬菜同泡菜。開火大約5至10分鐘已經滾起！泡菜嘅香味撲鼻而出！簡單攞咗幾款材料入碗，聞落已經香噴噴，泡菜又淋夠辣好惹味， 成個湯底都有泡菜嘅香味，餃子好大，入面嘅菜同肉都得得好細緻，有小小咬口。呢度嘅蒸餃子肥嘟嘟又脹卜卜！皮薄又煙韌！唔錯！ 肉同菜嘅比例大概一半一半。響度食嘢當然唔少得要炸雞，我哋要左一份原味嘅！皮香肉滑！肉質仍然保留響炸粉入邊。旁邊嘅沙律亦都減低油膩感！令我好開胃！外面炸粉不算厚，好香脆！飲品亦都有好多唔同嘅選擇！呢度價錢唔貴，充滿韓國風味，我之後又多一個飯堂了！

唔知點解韓國嘢定期都會突然好想食，但普通燒肉實在食得太多，睇開韓劇諗起好耐冇食過炸雞，就即刻心郁郁去搵一下！睇到呢一個標誌就諗起韓國地道嘅炸雞餐廳！夜晚大約六點，人流還未算多。呢度坐得幾舒服幾闊落。我地點左一份熱熔芝士炸雞，炸雞一開始上嘅時候就只有原味，沒有任何添加醬料。職員之後攞出剛剛燒熔嘅芝士淋上去，新鮮滾熱辣，已經傳來陣陣芝士香味！淋完芝士之後，建議大家要快啲夾來吃，因為芝士冷卻之後又會凝固。炸雞炸得好香脆，入邊嘅肉亦都仲好嫩好滑，能夠保留到肉汁！配上芝士嚟食份外上癮！魚糕湯鍋估唔到份量咁大，湯底好鮮甜有少少嘅微辣！魚糕煙韌彈牙！真係令人好懷念韓國街邊小食檔阿豬媽嘅魚糕串！最尾仲食埋粟米，有勁多芝士！粟米好香甜，一口接一口！呢度過咗八點之後越來越多人，當中仲有好多韓國人來幫襯，味道有一定嘅保證！

Chibee Chicken and Beer同朋友食晚餐  韓式餐廳環境寧靜 岩曬朋友之間一齊吹水食野餐牌都幾吸引唔只得炸雞食架~~仲有唔同既小食~叫左碟泡菜薯條, 蒸韓國餃子,忌廉羅勒香蒜炸雞, 野飲方面我自己就叫左杯香蕉士多啤梨薯條真係唔錯，新解烤起，再有醬料可以沾。沾完無咁熱氣^^炸雞一碟份量足料，絕對夠兩個/三個人食新鮮既醬料 ，一直熱住，因為有小臘燭係下面可以沾上^^餃子好似中式既小籠包咁大大粒﹗ 仲有汁配，內裡既肉量好足食兩粒都有D飽飽地 ,哈 抵食杯野飲好飲呀﹗岩曬我口味﹗成餐價錢都唔貴岩曬幾個朋友一齊食飯

今日走咗去尖沙咀厚福街食炸雞這個logo著實好「佬」牆上這卡通會否太正招待我哋嘅係一位韓國男士，主要講韓文同埋英文。問佢炸雞有咩推介，佢突然講咗句廣東話：「我鍾意食咸蛋。」 真係估佢唔到佢指住新加嘅炸雞有「黃金炸雞」，原來佢住在香港後愛上食咸蛋，所以將韓國出名嘅炸雞同香港出名嘅咸蛋來一個兩地交流！炸雞外另附上醃蘿蔔咸蛋同炸雞已混成一體，視覺上唔太明顯，但能夠嗅到淡淡咸蛋香氣，食落口咸蛋味會出些呢，這道絕對邪惡對咸蛋控來說一定鍾意！本來諗好要個沙律，但供應商今日無送貨所以無沙律菜⋯無蔬果食有點罪惡感，所以叫住杯生果乳酪特飲頂住檔芒果味士多啤梨味，看到嗎？有白雲在杯內啊。芒果那杯其實都有，只係對比不太明顯炸雞外仲叫咗個韓式年糕同韓式飯糰熱辣辣上檯除了韓式年糕，內裡有牛肉薄片和蔬菜，味道不錯 !這個韓式飯團係用咗Kimchi撈飯搓成球狀再灑大量紫菜，有Kimchi關係飯團相對濕潤，不錯！等升降機時四圍望，原來有好多即影即有相片掛著以作裝飾

朋友愛食韓國菜，今晚又黎到尖沙咀搵食，到了Chibee Chicken，個人覺得呢度個炸雞幾好味，口味亦很多選擇。點了雞同部隊鍋，再點了特飲，餐廳不限時，可安心吹水。時間尚早未多人用餐，枱與枱間都幾濶落，不過二人枱還是有點小，香港寸金尺土也實在是沒辦法的事。Sky系列的特飲（$58/ea），左邊原味，右邊士多啤梨味，用cream做成雲朵的模樣，再放入沙冰，不算太甜，酸酸的幾好味喎，又可愛又好飲😋再來係韓國菜的名物部隊鍋（$220），附上gas爐暖住食。一打開就聞到濃濃的泡菜味，酸酸辣辣的感覺。鍋內約有一個辛辣麵，數片午餐肉，芝士腸片，四隻韓國粉絲餃，大量蔥片，同一埋肉沫。味道濃郁，韓國公仔麵真係好好味，煮耐左都唔會淋哂。仲有黃金炸雞（$168），不是普通原味來的，是加了雞蛋在炸糠中，食起黎更香脆。雞肉炸過後亦沒有乾身，啖啖肉食得很滋味。隨炸雞附上的配菜有沙律同酸蘿蔔，正好清清油膩感。食物好味，櫈亦幾好坐，不過韓國菜真的有點少貴，但不限時坐足全晚也是很抵啦。

為了找尋好吃的炸雞，我一連幾星期和朋友在openrice搜尋再覓食。chibee chicken在h8已經有好一段日子，要在兢爭激烈的厚福街站住腳，想必有個人之處。為了試出真章，我們點了幾款經典級（笑）的韓菜，首先有部隊鍋$220。我明，幾百元吃部隊鍋很笨，但個人是非常喜歡部隊鍋內的所有材料。chibee的部隊鍋，有大量午餐肉和芝士腸片，用料不吝嗇，大蔥有，金菇有，辛辣麵底比較彈牙和粗身，足夠四人分到一碗的份量。還有比較特別的是，內含韓式肉燥（？），帶一點咸香，可惜是多半掉到韓式辣醬湯底裡，而辣勁方面大概有五小辣程度，刺激但不太過分。沒有芝士，沒有魚糕，少了兩大我的最愛，扣了一點點分數。黃金炸雞看似平凡，但一咬之下發覺並不簡單。坊間炸雞均以炸漿加炸粉，而chibee的黃金炸雞，卻混了蛋漿，嘴刁的人一定吃得出來。除了白蘿蔔漬物，還有酸醋椰菜絲，加分。除了啤酒外，韓食店另一有名的必數特式飲料！Chibee不只有單一「倒轉插玻璃瓶」特飲，有這個一朵朵雲的沙冰（現場比相片美！）我選了士多啤梨味，淡淡酸甜味，非常解渴，而且我們一致認為它沒有過甜，雲朵是忌廉，滑溜之中又有冰感的沙冰碎，共四款口味！

韓國炸雞的效應就是由韓劇而來，而且我是煲劇之人，日睇夜睇就會自自然然想食炸雞我的好朋友提意在尖沙咀厚福街H8有chibee chicken，我已經急不及待了好有韓國feel,而且仲有oppa 即溶芝士炸雞$178和圖片上的一模一樣，溶岩般的芝士，與炸雞愛恨交組，雞肉一點也不膩，炸粉脆pop pop,雞肉嫩滑，雞皮炸得非常好，好像著片一樣脆，沒有半點油留在口腔了，所以一定會追著食芝士火鍋熱呼呼的感覺更吸引酸蘿白、沙律菜更覺食得健康點，企圖忘記芝士是脂肪魔鬼只溶系口的感覺仍然存在來個flash芝士粟米～看似簡單，但實情是很甜美滋味不敗的味道韓式餃子～友人和我讚不絕口，大大隻的餃子餡肉沒有肥膏但有肉香，夾著韓式粉絲、高麗菜，皮薄餡靚酸醋帶微微辣重料柚子梳打～友人說味道清新，柚子是韓國文化，必點之選奇異果香焦特飲～本人超愛奇異果，其味道帶酸甜、高維他命C,健康又美味，隨飽肚以外更減低罪惡感

先不說食物，我來到第一眼就被這三個 鐵甲萬能俠 吸引了.太棒了。這是是一個 十分適合和朋友聊天的地方這杯士多啤梨 香蕉（$48） 很特別。韓國餃子（$60）我最喜歡這一道菜。外型有點像小籠包但實際上蓋肉餃子。進口啖啖肉的口感 非常特別而且當中有韭菜。 芝士薯條超級正。薯條就沒有什麼特別但是這個芝士十分好吃。一條條芝士絲， 沾滿在薯條上。oh my god這種口感難以形容。這是主菜韓式炸雞。我們點了辣味的炸雞 點上這個醬汁。這個醬汁很好味 加上雞嘅香菜最大點列配合得非常之好。而且十分貼心有酸蘿蔔。令到你更加容易入口。 免責聲明：本文章所發表的全部內容均屬個人意見及感受，並不代表該品牌之言論及立場。如需協助或希望獲得更多有關資訊, 請直接聯絡該餐廳查詢.如從而引起任何損失或法律糾紛，本人概不負責.

小編號稱無雞🐔不歡， 剛好朋友想吃韓國菜， 我們又在尖沙咀， 所以便來到厚福街H8的「Chibee Chicken and Beer」（下稱「Chibee」）吃炸雞🍗！😏 餐廳位於H8頂層， 近窗還可飽覽尖沙咀的街景，感覺相當有feel～ 餐廳主要以木系裝潢為主，簡單樸素， 牆上還掛了不少韓星海報， 店員大部分都是韓國人，很🇰🇷地道的感覺！ 「Chibee」顧名思義當然是主打炸雞， 口味有八款之多（$168 - $180）， 包括原味脆皮、香蔥、甜辣、大蒜豉油、辣味、鐵板芝士炸雞， 有部分更標明為無骨雞肉，幾研究。😳 另外還有兩款獨家口味：即溶芝士醬和忌廉羅勒香蔥，頗有特色。😎 朋友是芝士控， 所以見到這道🧀即溶芝士醬炸雞， 二話不說便默默地選了。😂 炸雞和醬汁是分開上的， 芝士醬以火鍋盛上，感覺很酷呢！☺️ 這樣便不會把炸雞🍗浸腍， 喜歡淨食又得，蘸醬食又得～ 炸雞份量不少，一份約有十件， 每件外皮炸得香脆可口， 裏面的肉質嫩滑多汁， 就算不蘸醬吃，味道已經頗不錯～ 蘸上芝士醬後更是另一番風味呢！😏 芝士醬入口比想像中輕盈， 又不會令人覺得太飽滯， 「芝」味又十足！😋

呢排食左好多火鍋、燒烤，約左朋友食飯，因為諗唔到食乜，所以建議佢去左呢間我之前都去過嘅韓國野。由於朋友喺佐敦附近收工，所以約又喺尖沙咀厚福街度食，揀左呢間韓國野，貪佢人流唔多，大家聚個舊都方便啲。我地四個人都唔係點左好多野，都係炸雞、部隊鍋、炒年糕同薯條已經夠食喇。1)炸雞我地揀左【大蒜豉油炸雞】，講真蒜味就唔係好重囉，豉油味都唔係話好重，帶甜，咁都好嘅，唔會太鹹囉。雞肉都幾嫩滑，咬落仲有啲汁，唔會話乾爭爭。而且新鮮熱辣，每人大約食得兩件多啲啦，多都食唔到，因為會覺得漏。2)卡邦尼炒年糕其實都幾好食，芝士味唔會太濃，加左啲年糕、煙肉、洋蔥等配料，預期之中嘅卡邦尼味，其實幾好食。3)泡菜薯條：新鮮炸起，配上泡菜忌廉，個泡菜味就唔係話好勁，如果再強啲，可能仲會覺得特別啲。4)部隊鍋：都唔洗多介紹啦，都係腸仔、餐肉、洋蔥、麵、金菇菜等等呢啲基本野，整體夠酸辣的話，一般韓國餐廳都唔會整得難食。不過當日就特別，因為韓國麵賣哂，結果換左一隻比較粗身，類似刀削麵咁嘅物體，因為平時我都有喺759買開呢種麵，所以覺得好似。始終都係覺得部隊鍋配番傳統韓國拉麵會好食啲。飲品方面叫左幾杯天空奶昔，其實味道都幾

朋友轉左工之後，都有一段時間冇見，今日襯收早少少約左佢地近近地去尖沙咀食野，揀左呢間韓國野啦，因為佢之前食過都覺得唔錯，可以再食。平日嘅厚福街比起星期五六日都靜少少，平時單單係等lift都唔知要花幾耐時間。呢間韓國野喺23樓，座位唔係好多，但都唔算好多人，基本上好自由，坐咩位都得，而且幾靜局，播住輕聲嘅kpop，唔會嘈到完全講唔到野，同朋友黎食下炸雞啤酒，傾下計都ok。泡菜薯條：薯條有兩種，又有曲薯又有直薯，少少粗身又未知於好粗，即時炸起都幾脆口。不過配上「泡菜忌廉」，味道唔夠濃，而且醬汁比較稀身，水汪汪，唔係好掛到上啲薯條度，應該做得杰身啲會好食啲。炸雞嘅款式都幾多，冇原味、甜辣、芝士、香蔥等等，我地諗左好耐都唔知叫邊款好，所以跟隔離枱點左大蒜豉油炸雞。大蒜豉油炸雞：賣相同圖片有少少出入，面頭嘅蒜片變左芝麻。炸雞即時炸起，都幾夠香脆，唔會太厚粉，份量足夠。大蒜味道唔會話好出，豉油甜甜地，幾好食，反而有少少似蜜糖。雞肉都幾多，我食果幾舊都冇骨，好方便卡邦尼年糕：年糕嘅份量唔多，大概兩人分享還好。面頭加左少少芝士粉，所以都會有啲芝士香氣。年糕煮得夠腍，煙煙韌韌，洋蔥份量都好多，好在都熟哂

又到weekend, 又是同班friend聚會吹水的日子, 今次我們去了一個新地方聚腳, 地點在尖沙咀的厚福街一幢食肆的頂層, 入到去, 4個人的座位都算是幾闊落, 座得都好舒服, 原來是食韓式炸雞啤酒的食肆, 啱晒我們, 有得飲有得食, 又可以慢慢座, D嘢食非常適合聚會傾解. 無幾耐, 我們已選好食物, 只等它上枱, 而我們幾人就開始互相述苦, 將數日的辛苦呻晒出來, 將想閙嘅人閙暴, 將喜愛的人贊到天上有地下無, 這就是好朋友的作用, 也是聚會的目的, 有聆聽, 有訴說, 朋友真好! 首先上來的是嘢飲, 我叫的是芒果乳酪沙冰, 入口凍冰冰, 好香的芒果味, 仲有乳酪酸酸甜甜, 最後是沙冰在口腔中慢慢溶化, 非常唔錯! 跟住, 韓式蒸餃上枱了, 韓國的蒸餃, 外型其實同我們中國的小籠包差不多, 我去韓國旅行時食過當地的蒸餃, 個個都是大大隻的, 有餃子型亦有蒸包型, 但統統都叫蒸餃. 但講味道, 我覺得中國的小籠包比韓國蒸餃要出色, 在香港本地食韓式蒸餃, 今次是第一次, 咬一啖新鮮蒸出來的蒸餃,點一點該店自制的醬汁, 哇, 好好味, 比我在韓國當地食的蒸餃要好食好多,