雞仔去骨海南雞專門店 (靄華大廈)

Open Now

Now Closed

呢間餐廳自己同朋友都成日去，因為味道真係好好！首先跟餐會附送一碗湯。大家唔好以為係味精湯，並唔係！平時啲例湯重味精又無咩料，呢到寫明係無味精嘅！So far飲過咁多次後都唔會覺得好口渴，所以我覺得無味精呢點係成立！個人推薦呢到嘅南瓜湯(唔係次次去都係南瓜湯)，好好味，好甜好香！即使夏天熱辣辣都唔會加錢轉飲凍飲(平時我係會㗎)到戲肉部分！本人食過呢到嘅海南雞飯同泰式豬頸肉飯。兩款都各有千秋，好味道！但我麻麻鐘意食雞，所以通常叫泰式豬頸肉飯多！而家就同大家講下兩者味道！呢到嘅招牌海南雞飯係去咗骨，食落好方便，仲有4個醬俾你揀。啲雞件好滑好香，油飯亦都一樣！雖然海南雞飯好食但我更推薦大家試泰國特色豬頸肉飯！叫呢個飯要等5-10分鐘，因為豬頸肉係即叫即做，所以上到枱啲豬頸肉係脆卜卜！咬落唔鞋仲有小小肉汁！有日食完外面餐廳嘅海南雞飯，即刻覺得同呢個無得比。第二日就即黎呢到食翻！大家留意翻午市同晚市都多人黎食，要等位㗎！

返工返到燥燥哋，食返個好西先。呢間雞仔本身已經食過好多次，今次真係要寫食評讚一讚佢。今次我叫咗個口水雞飯外賣。呢個口水雞飯冇得揀辣度，只有一種辣度，我自己就比較食得辣，所以就覺得一啲都唔辣。雖然冇得揀辣度，不過個汁本身都好惹味，所以都好好味。雞嘅份量都幾多，夠哂食，而且每一舊雞都好滑，食咁多次都無一次係會鞋。呢個飯本來係跟油飯，但我就比較鍾意食白飯，所以轉咗白飯，價錢一樣。另外呢個飯仲有湯送，今次係南瓜湯，唔好以為例湯就馬馬虎虎，足料又煲得夠哂溶。👍🏻👍🏻👍🏻

雞仔去骨海南雞專門店這家小店，吃過一次之後，就會常常掛住它。每一次我都會來這邊吃它的無骨海雞雞加油飯，感覺十分幸福。今次我們點了一份二人餐，才$180左右，包括半隻海南雞、一份任選食物(我們今次點了豬手)、一份油菜、兩碗老火湯、兩碗油飯、兩杯飲品，實在讓我滿足。海南雞的脂肪都被去掉，淨下的是雞味超級濃郁的雞香，還有嫩滑無比的雞肉，每一口均讓人喜歡，連同粒粒的油飯一同食用，更是香濃。再者雞件的旁邊是自家製的醬料，跟外面慣常吃的截然不同，讓人一吃愛上。另外，今次還點了一份豬手，入口吃到的是滿滿的骨膠原，既淋身且充滿豬手的香氣，叫人喜歡，巴不得多點一碗油飯，把豬手下的醬料拌飯一同進食呢！

夜晚係長沙灣mcl睇完戲 就周圍行下睇下有咩食 行行下就見到有海南雞飯 見都幾多人食就試試佢 叫左一個海南雞飯 一個口水雞飯 可以揀跟白飯或油飯 同埋都會送湯 係椰子雞湯 個湯都係幾清 椰子味唔係太重海南雞飯 會有甜豉油 酸辣汁 薑蓉同拍青瓜拍青瓜無咩味 薑蓉都幾咸 我最鐘意都係酸辣汁 撈飯同點雞都好夾油飯都有味 唔會話好油 雞唔係脾 但舊舊都滑 唔太肥呢個係口水雞油飯 佢個口水雞汁比較特別 唔似出面咁水 係就咁一pat汁放上雞度 啲雞同海南雞係一樣所以都ok嘅 呢個相對上濃味啲 多油啲 而且應該都幾重味精 食完都幾口渴 如果下次有機會都想係個邊試多幾間 呢間都可以嘅

長沙灣呢間小店lunch hour經過成日都見到店外堆滿等位嘅客人全因裡面只有數張枱招牌海南鷄飯基本上每次黎都會食招牌海南鷄飯🐤可選配油飯或白飯雞嘅份量都算多肉質幾嫩滑 不過由於實在太多人等位通常匆匆食完就要即刻埋單走人 唔坐得耐如果lunch hour較長又想坐低hea下時間呢度就未必啱你喇

#招牌海南雞飯 $52聽咗好耐依間啲海南雞飯正今次終於嚟依到試喇🤩雞飯有大有細可以揀 咁就唔洗嘥野啦😝雞肉好嫩好滑 雞皮都好滑又冇咩肥膏小編最驚食到肥膏 好彩依到冇🥳而油飯都幾香 而且粒粒分明👍🏻值得一讚嘅係依到嘅店員好好態度 仲識同小編講笑添🤣評分:8/10

長沙灣其實都有好多野食，公司行落幾條街之後見到呢間餐廳每一日都好多人排隊，招牌十分醒目有隻雞仔，原來呢間餐廳專食海南雞飯！午餐-招牌海南雞飯（中雞-少份量）$46值得一提的係餐廳好貼心分正常份量同少份量比人揀，我今次就揀左少份量。出餐速度算快，lunch time都好快有得食。一人女生份量來說，呢個少份量的海南雞飯其實剛剛好。海南雞十分嫩滑，而且有雞味。加上油飯，兩者相得益彰，餐廳還貼心安排三款醬汁，整體來說，不過不失，值得一試！

尋找好食的海南雞飯長沙話灣真係好多好野食 好多隱世小店.招牌海南雞飯($50)去左骨嘅海南雞飯🎨賣相都好靚雞超滑冇血絲 調味適中 雞皮唔會過肥有三款醬汁: 黑豉油 辣醬 葱油(太咸)油飯做得不錯 可以encore仲送餐前湯同青瓜做前菜.燒豬頸肉飯($48)份量幾多 但略嫌燒得太乾 有啲硬另外佢嘅菜係芥蘭 食落一般般

我成日去長沙灣美味餃子店。完全沒留意隔離2個鋪有間雞仔店。早幾晚在D2 place睇完戲行去附近搵野食。夜猛猛吾知食乜好見到呢間。雞仔去骨海南雞專門店。入左去迫到飛起。店內姐姐幫您安排指定座位。基本上坐低左想轉個身都吾容易。食完要立即快閃。上次完全沒影相。因為上次個位更迫。攞手機都難。而且覺得吾好食的話費事嘥氣寫。其實呢種小店沒環境服務可言。如果食物吾得根本生存吾到會變死雞。所以我當時覺得食物應吾太差今日收工餓到肚打鼓。沒法等tea time (他3-5有細雞飯做下午茶)今日第2次黎。我叫左最基本的招牌海南雞飯(52蚊) 日間係包例湯/熱飲。上次係晚市所以只有例湯送。飲品另加錢。上次例湯係南瓜青紅蘿蔔湯。非常正常。飲落吾多似加味精。但我家常煲湯。所以今日我選左要熱利賓納招牌海南雞。有3種醬料。薑蓉。甜辣汁。甜豉油。配青瓜粒52蚊的雞飯(可以加10蚊要脾)。雞份量算吾少。黃油雞好滑。平日我吾食皮。但我今日偷偷食左3舊皮飯可以要雞油飯/白飯。正常都要雞油飯喇。香口好多。平日我在家成日整雞油飯。炒香蒜頭雞皮煮飯。我覺得自己煮的雞油飯好食好多。呢度d飯有少少硬。我最鐘意甜豉油加少少辣汁。好香

You know they are serious about their chicken rice when they have custom plates designed to hold 3 types of sauce and pickled cucumbers. $52 is very good price for the amount and quality of food. The rice stands out as well, cooked not just with chicken oil but also shallots which gives it that extra flavour. I would definitely come back again. It's quite a small restaurant, though, so don't expect to sit for a long time to chat with your friends. The place gets crowded quick during peak hours.

同同事又去左雞食午飯，黎親都夾4個同事黎！4人餐開心食！我地今日落雨，唔太多人，一坐底即叫4人餐，要豬頸肉同咸魚煎豬肉餅，仲有一飯雞同一碟菜！每人一碗飯同埋一杯野飲，每人都係78蚊！好抵食！個豬頸肉燒到好香，襯埋個酸甜汁 👍🏻 個咸魚豬肉飯勁好送飯，正！隻雞一向都好滑，仲有黑豉油同酸辣汁薑蓉，都真係不得了 🥰🥰 菜我地每次都覺得好細碟 🤣👍🏻 好似唔夠咁！每人仲有一碗湯同野飲，都真係勁飽！同事成日都話食完晚飯都唔駛食，我個人就覺得誇張左 🤣🤣

一個星期僅有一次😂👍🏻👍🏻👍🏻👍🏻唔使諗野㗎諗唔到食乜嘢就搵佢啦✨✌🏻✨✌🏻因為有一定嘅水準💯💯💯💯次次都冇甩拖💯💯💯💯食海南雞飯就必定係油飯💓😬但係如果食豬手記得同佢講油飯啊😝如果唔係就變咗白飯😏我就好鍾意佢嘅油飯🍚🍚🍚🍚😋午餐係有嘢飲嘅凍飲加$3其實佢嘅餐湯都唔差㗎👍🏻😂👍🏻😂環境、衞生、服務態度都好好😬💓😬💓基本上經常都排隊嘅繁忙時間如果你揀非繁忙時間就會好少少🤩😚加油啊經常幫襯嘅😋😋😋😋

「雞仔。下午茶海南雞飯」紅雨過後。。。路過一間小店，因為接近3點加上大雨，店舖內唔算多人，員工都食緊飯。同朋友一人一set下午茶。呢到星期六日都有下午茶叫。好實惠！招牌海南雞飯（細） $34 包熱飲。凍飲加$3。雞肉好嫩滑，除咗雞翼，全部起哂骨。三款醬汁都好味。薑蓉正常。甜豉油比較甜，送飯好正。酸辣醬，少少辣、好惹味。油飯方面，色澤唔算太靚，但食落都有雞油香。下午茶份量比較少，食完覺得唔會太飽。見到隔離碟豬頸肉賣相唔差。下次試下其他菜式先。

又係長沙灣啦😂😂今次就發現左呢間名為雞仔去骨海南雞專門店————————————所以就一定試下呢度海南雞飯係咪真係咁有吸引力（A1.招牌海南雞飯$52）（日間時段11:00-17:30加凍飲+$3，夜市時段17:30-22:30加凍飲+$7）比我呢份咁啱係雞脾，你會食得出係厚肉地，雞肉滑嫩，而雞皮亦都好香唔太肥膩，因為平時我唔食雞皮都覺得呢個雞皮好好味😋😋另外仲配有三款醬，分別係薑蓉、甜豉油同埋甜酸醬，三種醬料配埋嗰招牌雞仔香油飯（或者揀絲苗白飯）真心好吸引，而且油飯粒粒分明，唔黏口👍👍呢個價錢食到呢種質素真係幾唔錯，overall嚟講真心值得

放工諗食咩晚餐，有時係一件好頭痛嘅事。今日喺深水埗放工之後，男友帶左我去呢間位於長沙灣嘅海南雞專門店。佢話平時都多人排隊，不過我地去到嗰陣都8點幾9點，雖然個場幾full，但就唔洗等位，搭枱就ok la😆。坐低左之後，我地都唔洗多諗，嗌左兩個海南雞飯、一杯凍柚子蜜同埋一杯凍奶茶。喺等野食嘅期間，店員先上左兩碗中式南瓜湯🤔，對於唔鐘意南瓜嘅我黎講，碗湯都算入到口嘅，有南瓜味但唔太濃，都唔錯👌🏻。野飲都好快上枱，凍奶茶味道正常，冇乜好評價，但係杯柚子蜜太甜喇😖！只能講水吧員工未免太俾貨，落得太多柚子蜜🤣，減少份量會更好！最值得一讚嘅係喺等野食嘅全程，鋪面員工都好好服務，隔5-10分鐘就請我地耐心等待野食，話因為油飯啱啱賣曬要等多陣，好有交帶，令我地覺得等多陣都冇所謂😆。大約等左20-25分鐘之後，終於有得食海南雞配油飯🥰，裝野食隻碟好cute，係隻腳板仔🤣。油飯啱啱煲起，所以好辣口，我個人覺得油飯味夠香濃，但男友認為可以再香啲。雞件就無可挑剔，雞肉好滑好香，點任何一隻醬都冇得輸👍🏻！雞、油飯加埋醬汁，真係令人食指大動🤤，所以我地兩個都清曬成個飯。呢間海南雞專門店好值得俾一個好評🥰，因為我地