雞仔去骨海南雞專門店 (靄華大廈)

Open Now

Now Closed

公司在長沙灣, 之前一直幫襯舊店, 後來才知道元州街也有分店.分店的面積較大, 加上現在學生放假了, 這個星期又有限聚, 所以今天中午只有七成滿.叫了個B1豐富套餐,有湯/雞飯/菜/飲品.湯是椰子雞湯, 好飲,也應該沒有味精 (如有也只是很輕手).雞飯, 保持水準.菜 就淥得太耐, 扣分.飲品, 最差, 連一般街坊茶餐廳的水準一半都沒有, 希望他們改善一下.環境 : 因為人不多, 招呼算好, 落單後好快就先來湯,然後飯/飲品也很也送到.另外, 比舊店好的是付款可以用八達通, 舊店只收現金.

我地兩個人臨近10點行入鋪頭，入面嘅姐姐叫我地坐低。一坐好，個姐姐就氹我地嗌A1嘅大份雞飯，但可惜我地兩個一定係食唔曬，我地就話嗌兩份中嘅就可以。然後！個姐姐依然唔肯罷休，叫我地嗌大份，我只好解釋，就算嗌大份最後都係會食淨㗎啵！個姐姐就叫我地等陣然後走入廚房問，問完後先死死氣咁落單。你以為完？未呀！比單我地嗰陣仲要黑口黑面細細聲咁話會賣唔曬。吓？點解你地賣唔曬要怪客？唔通最後一枱客就有義務要幫餐廳買曬啲野食？再加上，嗌大份事小，問題係根本食唔晒！解釋完都要黑面，咁係咪你賣唔晒我就算食淨都要比錢買大份呢？？實在係過分，難道宜家連選擇嘅權力都冇？依種服務態度真係不敢恭維。

以前bubu係附近番工，會特登走黎食，lunchtime都好多人等位/買外賣拎番公司食。如果你有咩節日想慶祝，可以淨買雞/豬頸肉/ 燻提... 番屋企加料😋店內裝修同一般小店、茶餐廳大同小異，主力sell食物🤭.💁🏻‍♀️招牌海南雞 配油飯 $53有無人同bubu一樣都覺得海南雞最重要既係雞、油飯同沾醬，三樣缺一不可？🙋🏻‍♀️呢家海南雞叫得招牌真係當之係槐，雞肉同樣係嫩滑無骨，雞皮爽口，雞肉同雞皮中間有一層jelly，唔配醬汁食都可以食得出有雞味👍。油飯帶味而不膩，有少少偏乾，加埋飯上既乾蔥👍沾醬同平時食既一樣，有3款- 1醬油 2薑蓉3 紅色醬汁，醬油同平時差唔多，薑蓉陣味好出，但bubu略嫌佢有少少咸，但晒出色係佢個紅色醬汁❤️酸酸甜甜，雖然有辣椒但唔覺得辣，好有泰式酸辣汁既味道👍👍👍👍超喜歡，超搭配❤️.💁🏻‍♀️泰國特色豬頸肉飯 配白飯$53豬頸肉食落係熱辣辣，燒到外層係乾身但內層仍然係juicy 🤭豬頸肉肉脂感都好足夠，燒得剛剛好，唔會覺得油脂太重😊佢個沾醬同海南雞既辣椒醬一樣，由於佢酸酸甜甜，配埋充滿油脂既邪惡豬頸肉，好balance，bubu可以當小食食晒佢（店內確係可以當小食咁

星期日約左Daddy n mammy 食Lunch, 諗左好耐都唔知食乜好，呀媽介紹我過來呢度食個海南雞！😂😂未夠12nn 來到，唔使等位。Lucky~~~✌🏻✌🏻😝😝 坐低一打開餐牌，基本上都只係一個動作，因為來得呢度都係食海南雞，好啦，試下海南雞啦，見到肉骨茶，呀媽話想試，okay 試下啦，反正我都想食。😀😀😀 咁啱佢又有個肉骨茶+海南雞既set ($77), 就呢個啦，唔使諗。🤣🤣🤣🤣呢度上菜都算係快，幾分鐘碟海南雞飯就到！👍🏻👍🏻可惜上枱唔係熱嘅，不過都可以接受，就我本講，我覺得海南雞個靈魂係油飯，可以令一個本身唔係好食飯嘅人添多幾碗飯 （肥妹如我都忍唔到。。😝😝) 試下佢個飯先，面頭加左啲炸蒜本來應該會香啲，但好可惜佢勁痴牙，加上個油飯唔夠香，不過佢真係唔油膩，但我覺得麻麻，海南雞份量唔多，但滑嘅。 至於個肉骨茶，幾大碗，都幾多豬骨，有成4條，而且有肉，可惜唔入味，個肉骨菜個藥材味麻麻地，唔好飲。唔會再叫囉😫😫😫😫。。。另外，我地仲有一個海南雞set , 有湯送，係就係好似佢咁話無味精，但係一啲味都無，勁淡。。其實成餐我都覺得麻麻地。。最後，我見到佢地啲無味精既例湯完全無蓋

長沙灣呢邊都幾多嘢食 今次就揀咗呢一間去骨海南雞飯專門店 隔離就係之前東張西望有介紹過嗰間餃子店 二選一嘅情況之下就比海南雞吸引咗啦佢有兩款唔同一人套餐 63蚊呢一款係有埋湯嘢飲菜同一個雞飯因為份量太多我哋揀咗另外一個餐 就係雞飯加飲品或者湯二選一當時我哋三個人每人揀咗一款嚟試下 雞仔招牌海南雞飯 $53我自己就揀咗招牌飯 啲雞算幾滑 但雞味唔係好濃 個油飯味道都係比較淡 同埋太乾身秘製口水雞飯 $55口水雞個汁幾惹味 唔會太辣 撈飯真係啱曬金沙香蒜雞飯 $55相對嚟講 香蒜雞飯真係好普通其實叫咩好味嘅雞 都係原味雞再加啲醬汁上去 所以建議如果下次試都係食番原味好過總括嚟講 都算ok 配埋個住家湯真係加曬分 海南雞去曬骨 啱曬我呢啲懶人

我的飯堂 #雞仔🐥，隱世平民小店🙈呢間餐廳出名食#海南雞飯 ，Eg人生食過最好食既飯🙊。雖然環境較細，無得打咭，但食物味道真係世界級😍。1.雞仔招牌海南雞飯 $53👅👅👅👅👅海南雞飯有得選大、中size。油飯和白飯。有三種醬油和數粒青瓜，雞量份量多，大size岩男士👦🏻，中size岩女士👧🏻。。2.雞仔燒豬頸肉小食 $42👅👅👅👅👅燒豬頸肉同出面泰國菜餐廳差唔多。仲好食啲添呀！豬頸肉燒得好香，與醬料的味道十分配搭，超好食！。3.雞仔獨門酸甜青瓜 $30👅👅👅👅👅我係青瓜控，而且試過海南雞飯上配送既青瓜覺得絕不夠喉，所以單點左一份青瓜，青瓜上既蒜泥醬超級邪惡🤤清新配上甜做酸酸，十分開胃🤤🤭

夜晚睇完戲喺附近搵嘢食 朋友推薦呢間海南雞飯唔錯 茶餐廳 位置都比較迫 餐牌亦唔算多選擇 好快已經揀好咗招牌海南雞飯 睇到佢啲皮都好有光澤 皮薄肉滑 果然係招牌菜式 醬汁方面中間嗰隻紅色醬汁 有少少甜甜辣辣咁 好開胃 朋友就叫咗金沙海南雞飯 蒜香炒埋一齊食落又係另一種滋味 南瓜湯 食過咁多次海南雞飯 有南瓜湯比較少見 幾有心思由於啲海南雞都幾送飯 所以食到最後得返啲飯冇晒啲雞 如果唔係大食嘅朋友記住提佢小飯啊埋單百零蚊 啱晒冇乜時間又想食好啲嘅人

二人叫了一個海南雞配油飯，一個豬頸肉飯，海南飯滑但無乜雞味，豬頸肉很乾配跟餐的醬汁食，問題是泰式醬汁放的味精應該很重手，食完勁口渴，到夜晚舌頭仍然很乾很麻。$62個飯份量很少，根本唔飽。另外，完全沒有服務可言，問攞杯水都黑口黑面。

呢到既招牌海南雞飯係我既最愛 成日lunch都會過黎食每次都超多人等位 但因上菜速度快 等位其實都好快有得入係到食飯通常有得跟湯呢個湯飲得出好住家味 而且碗碗足料😋絕對唔係hea貨 飲完都唔會太口喝佢既油飯比較硬身 但粒粒分明 我好鍾意至於雞雞無論係雞髀定雞胸都係咁滑仲要去哂骨 食落啖啖肉 爽同埋塊雞皮直情係精髓 勁香雞油味 唔食走寶海南雞飯配左三個醬紅醬既香料配搭得幾好帶酸辣好開胃 我唔食芫茜都覺得正右邊係少少杰既甜醬油 普普通通無特別其實食原味都已經唔錯

只是初生之犢，同王者相差太遠11點50去到仲有三張枱，但一到12點開始就滿座和要等位，一方面是食飯時間，當然地方不大亦是原因。所有食物賣相普通，不吸引食慾，香味當然也欠奉啦！服務落單同上菜都吾係好清楚，要問客人。海南雞飯（3分）- 走胸（吾係要肶）都要加6蚊比較奇怪，雞肉比較實同吾滑，吾乜雞味，雞油飯比較硬同吾香味，。暫時都係佐敦栢檔最好。煎鹹魚肉餅飯（2分）-毫無鹹魚香味，肉餅食完覺得吾知道系咪豬肉，吾得。滷水元蹄飯（2分）-滷水偏鹹，豬滷得太淋，接近煲過湯。吾得。豬頸飯（2分）-豬燒得比較蕯和乾，味道也是偏鹹。只有個例湯南瓜味幾好幾甜。咖啡水汪汪，一D味道都無。

之前同朋友傾開長沙灣有咩好食，佢介紹我食依間嘅海南雞，平時行過確係幾經常要排隊，今晚難得唔使排，決定入去會一會佢😏招牌海南雞飯 (一人餐) $62>個樣麻麻，不太吸引，但個碟幾得意，成個油畫調色盤咁>雞算幾滑，不太油，但雞味較淡>油飯幾香，亦不太油>油菜都ok細碟>湯係幾好，足料，味濃，飲完唔覺口乾==================推介指數 🌕🌕🌕🌘🌑以依個價錢食到質素不俗嘅海南雞飯再連湯、菜同熱飲，定位都算好大眾化，難怪成日都排長龍🧐不過好怕排隊嘅我，如要排隊先有得食呢，就未必會為佢嘅海南雞而等lu😛

海南雞飯係我至愛之一尤其充滿香氣的油飯令個胃都變黑洞，食極唔飽 😂為咗滿足口腹之慾於是跟住朋友給我的list展開尋找好味海南雞飯之旅第一站嚟到長沙灣搭巴士嚟會近少少地鐵站就要行一段路無骨食落好方便雞肉好嫩滑個油飯的味道剛剛好適合一般香港人口味以我喜愛重口味的，個飯可以再重手d濃味d要讚吓個湯一入到去坐低就有碗湯飲先係好屋企湯feel，有家的味道 😜同場見到有人食燒豬頸肉下次可以再嚟試吓

今晚收到去到近附食海南雞飯。例湯足料, 多瓜, 甜, 濃味。海南雞飯依有啲誠意, 收50蚊齊汁齊醬, 配埋酸菜, 油飯我略嫌唔夠味, 雞油味唔係好夠, 但飯粒質地唔錯, 軟硬適中, 雞肉滑身, 油分好香,  汁醬正正常常, 水準之作。肉骨茶飯與係新加玻食嘅肉骨茶有好大唔同, 依到食嘅藥材味唔夠濃, 但好足料, 我諗係為迎合返一般香港人口味而作出減少藥材味, 但配埋個白飯一齊食, 飯米飯嘅甜度同肉骨茶又出奇地咁夾喎。總括而言, 佢哋係抵死又唔差的撰擇, 唯係就係選擇嘅菜式少, 但不影響我會再嚟食嘅。

每次經過都見大排長龍，今日終於試到🤪依間嘅海南雞有三種：最普通嘅招牌海南雞飯，口水雞飯同埋金沙蒜雞飯。本身見個金沙蒜雞飯好似好吸引咁，不過問左職員佢話其實係有啲炸蒜喺面，感覺上唔係好夾，所以就無試。跟餐可以揀野飲或者湯，本身都以為係啲hea湯，點知個湯黎到嘅時候我即刻雙眼發光呀！🤩雖然個湯好明顯有落味精，但都好入味好好飲仲好香椰子味😻招牌海南雞飯 (3.5/5) ($52)個飯一到就對隻碟好有興趣，佢分開曬啲醬黎放，等我可以根據個人口味黎點雞食，啲雞好嫩，都算多肉，不過餐牌明明話係無骨海南雞飯，我就唔明點解會有隻有骨雞翼喺到🤣同埋海南雞飯個精髓在於個油飯，點知佢個油飯令我覺得有啲失望，個飯太乾身，一啲都唔香又唔油，大打折扣呀🤢口水雞飯一黎到就見到有好大pat辣醬，本身都驚太辣，點知食落又ok，佢個醬係又甜又辣同埋好香，好惹味，完全係會食到上引😍不過個油飯依然係唔夠香唔夠油😐依間餐廳出菜好快，坐低一落單就好快有野食到。落單到埋單都係20分鐘😂 所以就算食飯時間出便好多人排隊，其實好快就可以等到位😌P.S. 講起海南雞飯個人推介元朗嘅孖寶去骨

今次點左細份海南雞配油飯👌🏻$46蚊 連埋跟餐個椰子雞湯份量岩岩好啊♥️先講下個湯先～食完都無口渴 應該無落味精既，飲哂成碗。因為個油飯挺身 所以有幾啖都拎泥撈飯食～浸淋少少啲飯～雞油湯飯禁啊。黃油飯 都香噴噴 係略嫌佢有少少硬。而去骨海南雞呢 食得好方便咖 配黑豉油就好咸 佢唔係甜個隻～蔥油都新鮮，最中意點佢辣個個汁 開胃醒神。間鋪既姐姐一坐低即刻問你食咩，餐牌都未望多過兩行，再問。如是者連問三次先落單成功。建議初食可以係門口熟讀個餐牌啊。因為呢度既節奏偏快，坐低唔洗5分鐘都上餐，係速食！