李家 (Moved) New Location

本身同男友諗住返大埔食肯德基，但突然醒起尖沙咀有李家，把心一横走去買外賣回家嘆。由於車程都需要一段時間，所以都預咗不會好似堂食咁熱辣辣，幸好有鍚紙既保溫，仲有微暖，但食到一半，我同男友都發覺除咗两隻雞翼及雞鎚之外，點解全部都係胸嚟既！？而且仲好乾呀，好似食緊煲完湯d瘦肉咁！希望佢地之後會改善一吓喇！

李家炸雞...成日都見到門口大排長龍....今晚決心黎排一排...意外唔算話太多人！半半炸雞，原味炸雞同甜辣炸雞各一半。原味炸雞無咩特別..甜辣就好好味...其實隻汁係有啲似甜酸排骨既味... 唔算好辣！ 仲叫左個芝士蛋卷...食完好滯！ 好厚既蛋充滿住芝士田....加埋茄醬同芥辣醬....甜甜地...好食..但最尾3個女仔都係食唔哂🤣 鋪位好細間...但座位好闊落...仲叫左支韓式清酒，慢慢同朋友吹水...無趕客！

想食呢間好耐，但之前一直都大排長龍，所以冇機會食。今日經過竟然唔洗等位，諗都唔洗諗即刻入去食。通常韓國店嘅小食都係泡菜，但呢間係沙律菜同酸蘿蔔。可能預左我地食辣雞，所以小食味道較清新開胃。芝士雞蛋卷 - 都好大𡚒，芝士餡好多唔吝嗇。要趁熱食，唔係凍左芝士變硬會冇咁好味。半半炸雞 - 一半原味一半甜辣炸雞。個脆漿做得好薄，炸得好脆好香口。甜辣醬個人覺得辣左少少，但味道不錯。不過食左兩舊已經覺得好膩。因為啲雞好辣所以飲番杯啤酒好正。整體而言，雖然餐牌每樣食物都好似過$100，不過佢每碟都好大份所以都OK。

之前都聽過李家炸雞好出名，所以今次專登來左尖沙咀食。好彩今日係平日，所以都唔使等位。叫咗個甜醬炸雞，價錢＄160都覺得幾貴。但係個份量好多，兩個人完全食唔晒。醬汁味道好好，配上炸雞會覺得冇咁熱氣。我哋仲叫咗芝士海鮮年糕，成個碟嘅份量要成三四個人先食得完。芝士好多，成個年糕上面都鋪滿，亦都能夠拉絲，超好味。最後我哋兩個人＄430買單 食剩嘅嘢都要拎走，因為份量實在太多。

雞件當然要擺個全雞宴,完成公司工作後跟朋友來這間已心儀很久評價挺高的韓式炸雞店.下午到店不用排隊.總括炸雞為推荐物.其他可以跳過芝士雞蛋卷最先上菜的芝士雞蛋卷.視覺效果不錯.大大的一卷.面層鋪滿蜜糖芥末醬跟蕃茄醬.增強食慾.中層為滿滿的芝士.蛋卷夠熱,蛋入口夠鬆滑.可惜完全沒有芝士味.大大降低蛋卷質素.難得的還吃到一點蛋殼芝士粟米如相一樣滿滿的芝士,夠熱.同樣可惜芝士味不足甜辣炸雞份量夠多.熱辣辣的烤雞鋪滿甜辣醬.的確能做到的韓國味道.甜辣味道平均.不會只偏向一邊甜或辣.超食超吸引.BBQ炸雞當炸雞遇上BBQ醬會變成濕雞=不脆口.適合不愛脆口食物的人.但食炸物當然要夠脆啦,因此可以直接跳過.BBQ醬香濃D效果會比較好.蔥炸雞出手豪爽.葱量極多.大葱瑤配炸雞辣辣又香口.獨特的青蔥香味,讓人口齒留香

星期日收工想到尖沙咀喜來稀肉食飯，誰不知竟然兩間分店都已拉上大閘重門深鎖 T_T，失望，好彩仲有穩陣之選李家。一直都喜歡其炸雞，每次都點半半炸雞及啤酒，唯獨今次發現了原來餐牌上生啤的容量是 500cc，即0.5L，但侍應上菜時承載啤酒的啤酒杯上面的刻度是0.45L，可能是侍應卙酒時未有留意杯的大小吧，給他們一個機會，但向其詢問了一下。結果得到解釋強差人意，一名男侍應解釋，若果把杯子斟滿了就是 0.5L 啦～ 泡沫也計算其中啦～ 全香港所以啤酒杯都是這個 size的啦～難為他可以說出這種屁話。第一，0.45L 刻度至杯頂的容量真的有50ml嗎？第二，卙開酒的人都知道啤酒應該卙到刻度或以上，然後才出泡，下圖為啤酒放了一段時間後的樣子，當然為表公正一啖未嚐，連 0.45L都不及。第三，不要當其他人是傻瓜吧，我們一行人都是從事酒吧行業的。聽畢其無稽之談，就此作罷，不打算向店家追究什麼，始終菜還未上 哈哈，但一定會向消費者委員會投訴，做生意一定要講信用，誠信最重要，慳返少少啤酒，得失了客人，最緊要是信譽都像泡沫一樣消失了。半半炸雞 $160一半原味 一半甜酸個人最愛肉質嫩滑，甜酸醬質地濃稠，多吃

是咁的，本身都食過幾次係李家既堂食，一直都覺得味道唔錯，所以先有Encore過1丶2次。話說今日同屋企人行經尖咀一帶，有少少口痕之制諗起李家有外賣部，所以打算比$28蚊買個炸雞粒+汽水啦。點知去到加左價，加埋汽水要35蚊，所以都只係比$28買左個炸雞算。點知個炸雞...我真係嬲到震左出黎。首先，個雞係溫溫地偏向有少少凍咁...凍凍地既雞有幾難食大家都可以諗到！雖然蜜糖芥末的醬汁味道唔錯，但係凍既炸雞真係好難食好難食！雞肉勁乾勁鞋口，油膩味好重，而且凍冰冰。老老實實...M記或者KFC D炸雞粒丶麥樂雞都好食過今次李家呢盤雞...

方便快食的李家雞1杯2食用真係做得不錯上面係熱啦啦既雞再架番茄汁同芥辣汁真係5錯 下面就係飲機水又用又要攞多隻手揸住支飲品佢嘅辣雞都好好食係用甜辣醬整好食過係銅鑼灣個間 不過就無得堂食要打包忘了影相

約了舊同事一起飯聚，但經驗不太好。預約了3人，到門口時侍應說用餐時間1.5小時，心想也沒所謂，周四晚上還要上班也不會吃太久。叫了盤「醬油炸雞」，等了10分鐘才上，味道還可以，但略縑味道偏咸，不太夠香；吃了一半不夠喉，再叫了盤「蔥炸雞」和「海鮮芝士炒年糕」，年糕不錯，但「蔥炸雞」略嫌不夠味。經典的是食物來得有點慢，叫了5瓶啤酒，但時間真的剛剛好1.5小時就拿帳單過來叫人走，但我們的年糕還不算吃完，酒還有剩，起身看時餐廳還有一半位置是空著的。要是有食客等候我可以理解，但上菜的時間又不快的情況下還這樣「叫人走」 (是的，你沒聽錯，侍應是跟我們說「時間到，你們要結帳「走人」了)，我認為這已不是原則問題，是禮貌問題了。下次再吃韓式炸雞，還是乖乖回到西環吃好了。

李家嘅炸雞大大份👍🏻 熱辣辣！KF x 冇得比 叫左一份蔥炸雞 甜辣炸雞蔥炸雞 即係原味 D蔥好難咬 D炸雞開頭食唔錯 啖啖肉😋😋 不過之後就有D乾 甜辣炸雞 有汁 所以冇咁乾口 偏甜 個醬同甜酸排骨個醬可以話一樣 不過兩份雞嘅份量實在係太多 🙈本身想叫芝士焗年糕 但佢話冇芝士 所以冇叫到李家D選擇有啲少

同朋友二個人去李家食嘢，凌晨三四點。隔離枱係三個韓國人，飲到好醉，不停拍枱大叫。我地要求換枱，因為感覺佢地準備打交有爭執。待應話無枱轉，但當時根本仲有卡位，未爆滿。我地再三忍讓了大概三十分鐘，強烈要求換之下先換俾我地。明白飲醉咗情緒會激動，但餐廳應該都要控制下場面: ( 這次經歷真的十分不愉快。

呢間野真係由開張講到而家先有機會幫襯到。朋友話食過覺得唔錯先叫我地一齊再黎，所以話口味呢家野真係好個人。雖然有幾間分店，不過聽講尖沙咀分店係比較好食嘅。當日被安排坐門口位，不停有人開門關門，比較令人煩躁。餐廳燈光較暗，影出嚟嘅相都唔靚，見諒。芝士雞蛋卷蛋卷賣相唔錯，裡面冇餡料，只係簡單配上芝士醬同蕃茄醬，芝士有微拉絲效果，不過芝士味薄弱，雞蛋尚算鬆軟。泡菜餅 $120泡菜餅煎得幾薄、香脆。原味炸雞 $150炸雞唔會有油膩感，不過唔會覺得滑。原味都算皮脆肉多。甜辣炸雞 $160甜甜地，辣味只係好少味道唔差，不過多吃會膩。芝士辣海鮮炒年糕 $150呢個都算唔錯，下面有烏冬墊底，屬於飽肚之選。醬油炸雞 $160一行6人食左兩碟雞都唔多夠，決定點埋呢款。醬油味唔錯，唔鹹，可惜炸到異常乾，肉少，有啲啃落去嘅感覺。飲品選擇唔多，我唔飲酒都冇乜選擇。朋友們點嘅濁酒就話唔錯，用茶壺銅碗飲，容易入口，但後勁強，所以都小心過量。

去咗食少少野，嚟到呢間叫做李家嘅食肆，咁就同朋友分享左一個，焗海鮮年糕伊面，伊面都幾得意啊，會濕濕地又唔會好乾焗海鮮嘅份量都算可以，乜都有啲，青口呀魷魚呀，新鮮度都唔錯。但係有年糕真係勁搞笑，估唔到年糕都可以要來焗伊面同埋海鮮。年糕係比較韓式年糕，唔係中國傳統年糕。有少少彈牙但係冇乜味道。啲汁都算幾多，味道都幾濃，不過整體唔算特別好味，普普通通一個食物。

自韓劇在香港大熱之後，便愈來愈多韓國餐廳在香港札根，而李家都可算是第一代以炸雞在香港打響名號的了！李家的老闆是韓國人，是一家正宗韓國餐廳。雖然不是位處一線大街，但每到晚飯時間，都會看見門口排了長長的人龍！我們先點了一隻蜂蜜蒜蓉炸雞！這個配搭雖然比較少見，但味道是不錯的！李家挑選的雞，雞皮本身偏薄，薄薄的鋪了一層炸粉便落鍋了！吃下去外層香脆，但肉質依然多汁嫩滑！另外，蜂蜜的清甜味中和了強烈的蒜蓉味道，吃完也不會覺得口裏留下了重重的蒜蓉味！對不愛吃辣的朋友來說，這是一個不錯的選擇！另外，我們也點了一個芝士辣海洋炒年糕！材料非當豐富，除海鮮和年糕外，內裏還有烏冬麵的，非常飽肚！配上芝士和韓式辣醬，辣得來又帶點芝士的芬香，不錯！唯一的缺點可能是份量太大了！若只有2、3個朋人一起吃（像我們是次一樣），吃完兩個菜後便吃不下了！若份量少一點，那我們便可以繼續品嚐他們的其他美食！

Ordered half & half chicken, cheese omelette, BBQ pork belly & spicy chicken cheese rice cake. Thought they were all pretty high standard. Together with 6 beer for 5 pax. Enjoyable meal with comfortable ambience.