李家 (Moved) New Location

之前都聽過李家炸雞好出名，所以今次專登來左尖沙咀食。好彩今日係平日，所以都唔使等位。叫咗個甜醬炸雞，價錢＄160都覺得幾貴。但係個份量好多，兩個人完全食唔晒。醬汁味道好好，配上炸雞會覺得冇咁熱氣。我哋仲叫咗芝士海鮮年糕，成個碟嘅份量要成三四個人先食得完。芝士好多，成個年糕上面都鋪滿，亦都能夠拉絲，超好味。最後我哋兩個人＄430買單 食剩嘅嘢都要拎走，因為份量實在太多。