雞哥媽韓國料理

Open Now

Now Closed

我自己都估唔到咁快又再返兜呢間韓國餐廳，因為真心喺廣東道佐敦一帶韓國餐廳真係一隻手都數得曬，選擇唔多，但另一個原因當然都係因為上次試過呢間餐廳，覺得佢嘅質量唔錯，所以今日想食濃味嘢就即刻諗起呢度上一次食咗石鍋拌飯，所以今次試咗佢嘅招牌豬肉泡菜湯，我覺得都好味喎個湯一飲就飲得出有用肉淆過，好香濃，而且辣度適中，帶有淡淡泡菜味，仲有大量嘅五花腩片，一隻水煮蛋，真係相當唔錯，最重要係性價比高，60蚊仲唔使加一，去邊度搵

一入去有少少被嚇親，因為佢寫住韓國菜，但係入面樓面圖廚房都冇韓國人，全部都係南亞裔人，而且菜單亦有一部分尼泊爾菜，所以有少少唔係好明白，不過我哋都坐低咗諗住試下分別叫咗兩個拌飯，我要咗配芝士炸雞，炸雞有三件，粉漿唔會厚而且炸得香脆，比我想像中好食，另外石鍋拌飯嘅賣相非常好，味道亦地道，好足料而且有飯焦！！另外朋友因為係食素嘅,所以佢本身淨係叫左一個拌飯，但係店主覺得佢好可憐，於是贈送咗一碟粉絲春卷，令我哋覺得好窩心雖然成間鋪頭嘅感覺唔韓或，但係食物嘅味道又幾韓式喎，所以會再返去

去完西九參觀故宮博物館，出返佐敦揾食，行過這間小店，店內不大，只有一圍枱食客，憑藉幫襯小店觀念，盡管去試一試。叫了3～5人B餐，份量十足，紫菜粉絲卷夠香口，明顯是即叫即炸；炒粉絲份量十足，味道不錯；無骨炸雞唔會乾身感覺juicy，拍得住某某連鎖店；特色蛋捲煙煙靭靭，口感有彈性；部隊鍋食曬先記得影相，口感似茶餐廳餐蛋麵；最後來個無骨豬手 ，啖啖肉啱曬今晚啲男士。 總括來說：整體食物不錯，套餐份量足夠，唯獨餐廳比較細小。後記：雖然來的時候，只有一台食客，但我們走的時候，是坐滿食客，證明信譽不錯，若行開這區，不妨也來這小店光顧支持。

今日與同事路過，打算Lunch 用膳，食店前身是尼泊爾最近𨍭至韓國菜，店名相當有趣，Korean Fried chicken 雞哥媽，腦海第一聯想到係從前熱爆的電子養雞玩具，”她媽哥池” ，與同事已笑作一團，一於入內試試⋯⋯全日一個餐牌，只是分午餐和晚餐兩個不同價錢，簡單易明，一讚。細看下，有尼泊爾Manu ，店員又是尼泊爾人，相信和前食店都有關。大部分的裝修和前食店分別不大，只是牆上黑板畫上可愛的公仔，店內大大聲地播放韓劇歌曲。韓式餃子$45~餡料是粉絲、菜絲加肉碎，味道其實唔錯，奈何炸得過火，帶點濃，質地乾身且硬。韓式牛肉炒粉絲$59~單單是切菜，切得很粗壯，沒有菠菜，欠缺韓式風格，味道還可以。辣泡腩肉配白飯~白飯軟身略腍又唔太熱⋯⋯

呢度比我想像中細, 但係裝修都幾有心思, 牆上有兩副好靚既塗鴉, 玻璃窗上面都貼左啲好韓系既貼紙, 有啲係韓劇見到既餐廳咁🙃 呢度食物選擇都算多款式, 仲有我最愛既水冷麵😍韓國特色蛋捲🍳($88)今次揀左芝士二重奏, 厚厚既玉子包裹住滿滿融左既芝士, 再加埋面頭既紫菜同木魚碎食落軟綿綿好滿足😌大韓無骨豬手🐷($138)豬手本身味道偏淡, 但質感都做到好似韓國食到果啲堅挺既效果, 仲配有生菜去包住食, 不過配既兩隻醬汁食落味道怪怪地🥲泡菜煎餅🫓($88)煎餅過份厚身, 食落煙韌但係泡菜比例偏少🧐炸雞冷麵🐔($88)炸雞食落好juicy配既醬汁都好夾, 水冷麵既湯底好清爽, 麵質唔錯唔難咬開, 配料都好豐富, 係香港要搵到好食既水冷麵真係唔容易嫁🤩甜辣年糕跟粉絲🍲($78)份量好多, 味道同口感都係屬於正常冇咩太大驚喜🧐呢間小店既質素屬於中等啦唔算太突出, 但係呢個價錢食到咁多野係幾抵既🤓

同老公出佐敦買野心血來潮想食韓國菜即刻openrice睇下附近有咩食揾到間開左無幾耐嘅『雞哥媽』好似幾有特色一於試下先🤩門口好搶眼外面望入到真係好有韓國街頭嘅感覺😍😍😍餐廳內部都設計得好有心思成件事好「韓」👍🏼餐牌都算多選擇你諗到嘅韓國菜都有齊🤭仲有唔同份量嘅套餐揀而且價錢唔貴幾抵食！【五花腩泡菜炒飯拼太陽蛋】炒飯好夠味，辣辣地入面勁多泡菜、洋蔥等蔬菜配料味道豐富之餘仲好有口感有腩肉爽彈、有泡菜辛辣、又有蔬菜呢清脆加埋隻太陽蛋無論味覺定視覺上都同碟飯好夾⭐️【粉絲卷】即炸粉絲卷熱辣辣記得攤凍少少先好放入口🫢粉絲卷本身巳經有調味就算唔沾汁都夠味炸到外層乾身、香脆入面嘅粉絲就好軟糯😋【牛肉炒粉絲】$78都幾大碟，而且好足料😍甜甜地好有韓國風味牛肉唔靭，灑上芝麻就更香了粉絲好QQ加埋大量蔬菜一齊炒每一啖都好有口感，好香口服務同環境都唔錯店員好主動又有禮貌環境乾淨舒適仲好有韓國feel食物好食又抵食下次聚會又夠個選擇了🤭

追韓星絕對唔係少女專利，我身邊嘅阿豬媽（即係A姐）等左兩年幾，終於等到放寬旅遊限制，佢話佢要即刻飛去韓國搵佢嗰啲Oppa喇！為咗隆重慶祝，阿豬媽話梗係要食返餐韓國菜黎慶祝一吓啦！我哋今日就去到佐敦嘅雞哥媽韓國料理，餐廳主打炸雞等韓式地道美食，甚有風味！甜辣炸雞（一人套餐）雞哥媽韓國料理嘅炸雞嘅口味有甜辣炸雞、蜜糖芥末炸雞、牛油蜜糖炸雞，鍾意食辣嘅我哋就揀咗甜辣炸雞，味道又甜又辣，雖然辣度唔算好強烈，但就非常惹味。炸雞即叫即炸，脆漿一啲都唔厚，非常脆口，雞肉嫩滑，勁juicy，最正係炸雞無骨，咬落去啖啖肉，令人食唔停口。牛肉大醬湯（一人套餐）大隨湯絕對係韓國菜嘅一大代表，大醬湯入面有翠肉瓜、金菇、牛肉、洋蔥、豆腐、蛋花等，味道濃香清甜，熱辣辣嘅大醬湯最正就係加碗白飯，變成飯桶們至愛嘅湯飯啦！五花腩泡菜炒飯拼太陽蛋炒飯入面嘅五花腩肥而不膩，而泡菜亦炒得十分均勻，令每一粒飯粒都沾有泡菜醬，如果太陽蛋夠流心嘅話就滿分喇！

D雞炸得都唔錯，外脆內軟又有肉汁，但個醬汁真係出哂事，無牛油味，無蜜糖味得黎仲有陣好怪既甜酸味。淺嚐左一啖，頂唔順好鞋先吞到落去，之後就無再點過個醬。永不錄用！！！

由於朋友非常熱愛某韓國女星，所以要求我同佢去食韓國菜🇰🇷我哋去嘅時候係新開業，所以做緊全單九五折嘅優惠‼️如果喺OpenRice買套餐優惠券套餐仲有八五折，佢哋嘅嘢食算幾大份，而且有好多全日套餐， 一人至八人套餐都有，真係好抵食😝入到去個店員好熱情咁招呼我哋，服務好好又貼心，今時今日服務態度最重要(｡･ω･｡)ﾉ因為呢間唔係啲咩大餐廳，所以店舖比較細 得十幾枱左右。牆身主要以黑色調為主再加上一個餐廳名稱嘅塗鴉，唔知係咪自己畫上去嘅呢！天花仲掛左一啲韓文嘅旗仔，令客人有種去左韓國嘅感覺(⁎⁍̴̛ᴗ⁍̴̛⁎)整體嚟講都係一間親民糧尾之選(⁎⁍̴̛ᴗ⁍̴̛⁎)但係質素上都仲有可進步嘅空間！有機會都會再試下🥹==============================〖 韓式一人套餐 〗💰92 (經openrice 買)有兩個套餐可以選擇(｡ì _ í｡)1.五花腩泡菜炒餅併太陽蛋&粉絲卷&飲品2.韓國炒粉絲(牛肉/腩肉)&炸魷魚鬚(蜜糖芥末/牛油蜂蜜/甜辣)&飲品 ☜︎☜︎我揀左呢個☻︎༄韓國炒粉絲 (牛肉) ✰2.8/5牛肉嘅份量都好多，差唔多同啲蔬菜配料一樣多，不過口感就偏韌，如果再淋少就好少少🤫除咗紅蘿蔔絲

上網睇到油麻地有間超級抵食嘅韓國餐廳，評價又幾好，適逢舊同學聚會，就預訂呢間餐廳試吓。值得讚這裡店員服務態度真係超級非常好，食物種類多，味道好，我們點了兩個餐，有芝士二重奏蛋卷（這個真的好好味）😋，芥末蜜糖無骨炸雞👍甜辣無骨炸雞（半份份量原來已經好多）👍紫菜粉絲卷👍腩肉炒粉絲👍部隊鍋👍海鮮煎薄餅👍太陽蛋泡菜炒飯👍無骨豬手👍全部食物看得出用心製作，小店經營，店內裝修佈置具韓國特色，值得推介👍👍👍

抵食佐敦韓國菜同朋友行街禁啱見到裝修幾特別嘅韓國餐廳於是膽粗粗入咗去試吓😊. 入到去先送來小菜，泡菜好好味，似自己做的😋之後我地叫左半隻無骨炸雞, 竟然吃到久違了的韓國味道，又脆又香, 醬汁蜂蜜芥末也做得非常出色，有陣陣檸檬味👍🏻 重有韓式蛋捲, 有蛋香味和超濃芝士. 呢個好飽呢！另外我地重叫左牛肉石鍋飯, 牛肉入味得來超柔軟. 最中意拌飯溝辣汁食。三個餸都係二百幾蚊, 以出色的韓國菜來講真係好超值👍🏻

我認為幾抵食，兩個人吃到飽，買單500有找，冷面簡直透心涼，而蜜糖芥辣炸雞好吃外，而且薄皮有汁，無骨豬手嘅量幾多下，另外服務員態度好好，我哋有剩會幫手打包，外賣亦會等到我哋吃到差唔多先整，確保是熱辣辣

琴晚終於追完非常律師禹英禑，有冇人都鍾意睇呢套劇㗎？追完之後搞到我好想食韓國嘢，朋友就約咗我哋依間位於佐敦嘅韓國餐廳。呢間舖頭雖然細細間，但係裝修都好有style，牆上有唔同嘅壁畫同design，好有心思😍店員好快就送上啲前菜，有醃蘿蔔同泡菜，都好好味！🍽牛𦟌辣冷拌麵 $78今日嘅天氣好熱，最啱食啲冰冰涼涼嘅食物，所以就叫咗呢個冷拌麵。冷拌麵既份量好多，配有半隻烚蛋、四片牛𦟌，仲有啲紫菜、芝麻、泡菜同梨。麵條好夠凍，食落去透心涼，好消暑！牛展都唔會話切到好薄，另外配有醋同Wasabi可以點，食落酸酸辣辣好開胃😋！係夏天一定要叫黎食下！🍽一人炸雞餐 $108另外仲叫咗個一人炸雞餐，餐有炸雞一份揀左蜂蜜芥末醬，而湯品跟飯揀左牛肉大醬湯。炸雞一共有四件，件件雞全部都沾滿晒蜂蜜芥末醬，食落炸雞好Juicy，仲要係無骨炸雞啖啖肉又熱辣辣，去食韓國嘢真係一定要食炸雞！牛肉大醬湯入面嘅配菜都好多，有豆腐、牛肉、翠玉瓜、洋蔥同埋蛋，湯底嘅味道都好濃郁好惹味，送飯一流！跟餐仲有配一罐嘢飲，我就揀咗忌廉溝鮮奶，都係韓國其中一款好好味嘅飲品👍🏻📍 雞哥媽韓國料理 (油麻地)油麻地上海街42-46號忠和商業中

收工之後約表妹食dinner，後生仔女迷戀韓流，於是我就自作主張帶表妹食韓餐～大家肚餓，好快就嗌晒嘢食😎最偷懶當然係嗌套餐，我掛住韓式煎餅好耐，韓迷表妹緊係試炸醬麵😆1️⃣一人套餐：甜醬無骨炸雞+泡菜腩肉湯+忌廉鮮奶$108無骨炸雞（甜醬）外皮香口，雞肉軟滑。甜醬最怕是過甜而搶走雞肉香味，呢間又唔會！甜醬甜度適中，加埋芝麻粒香噴噴，我哋兩啖就食晒啲炸雞🤣最開心食到一半仲keep到油溫，而且食完都唔會有油膱味，證明炸嘅火候時間都控制得好好！泡菜腩肉湯好surprise，我同表妹對味精湯好敏感，一飲就知唔係求其煮嘅味精湯，撈埋啲飯做湯飯🍚好快見煲底😎傳統食材泡菜同腩肉一定無錯，韓國小店家庭味道，非常推薦！2️⃣五花腩炸醬麵$78有睇開韓劇嘅人對炸醬麵一定唔陌生，所以表妹話要試試佢😃炸醬麵嘅醬料係甜口，有節瓜同粒粒五花腩，既鹹香又爽口！3️⃣海鮮煎餅$88呢個好推薦😆見到一大碟已經知道小店好有誠意，有別於其他韓式餐廳，我比較偏好傳統韓國家庭嘅手藝。海鮮煎餅餅底有厚度，所以食落口好有咬口，蛋香味濃。餅面煎得香脆，加上蔥花同燈籠椒，層次豐富。本身以為食唔曬要打包拎返屋企食第二餐😂點知太好味食晒🤪果然女人成日

-好耐無食過韓國菜🤤見朋友介紹依間新開韓國餐廳就去試下😉-無骨炸雞🍗（半隻）（$108)食韓國菜點可以唔食炸雞呢🐣今次就食甜辣醬無骨炸雞，甜甜辣辣，新鮮炸起☺️好好食，外皮不算好厚粉香脆嫩滑，幾juicy🤩-泡菜煎餅✨（$88)份量正常(о´∀`о)食落少少辣，偏厚粉😗不算好油膩😝個人覺得可以煎得再酥脆dd(〃ω〃)-仲有前菜，分別係海帶和泡菜☺️-Name🏠:：雞哥媽韓國料理Chicken Mama Korean Fired ChickenLocation📌: 油麻地上海街42-46號忠和商業中心地下11-12號舖（港鐵佐敦站 C2 出口, 步行約3分鐘）價錢💰: 無骨炸雞（半隻）（$108)，泡菜煎餅（$88)