粉紅水門雞 (中海日升中心) (Closed)

今日喺觀塘到開工，即刻嚟試試呢間粉紅水門雞嘅海南雞飯🐔。海南雞飯嘅飯香茅味好香，雞肉質地比較淋身，但係都食得出有好香嘅雞味，以$36呢個價錢來講係超值👍🏼👍🏼👍🏼下次想試埋佢嘅豬手飯❤️😊

自從搬左office去觀塘之後，每日中午都出街食飯，呢到附近既野食都幾抵食，又多選擇。呢日居然可以喺觀塘搵到$36既海南雞飯，簡直就係糧尾恩物啊！睇睇餐牌，呢到選擇唔多，但貴精不貴多，唔驚有選擇困難症，而且又抵食。雖然價錢平，但絕對足料，而且水準都好高，雞肉好嫩滑，配埋好香既油飯，正。除左海南雞飯，正宗滷水豬手飯同埋Grandma咖喱牛腩飯都係36蚊咋，去邊到搵啊！呢度既飲品同小食都好抵食。小食點左芒果糯米飯同埋鳳爪！

専食海南雞店。 叫咗個海南雞$36 再加杯野飲$12 賣單只係$48， 超級抵食。不過餐具用即棄餐具，感覺唔係太環保。 海南雞食落軟滑，油飯飯香都十足。中午想食個海南雞值得黎試下。

平時喺呢頭返工，成日都會去呢度附近嘅餐廳食嘢，今日俾個女同事帶咗去呢間度食，佢話好好食，一部份啦，海南雞飯喺可以嘅，係鹹咗少少姐同埋嘢飲上都有少少來大致上都OK

觀塘新開海南雞小店。午餐只有3個餐，點咗海南雞飯。 飯係油飯，雞份量大約係6分1隻。雞都滑，唔算太肥。點個泰式醬味道都唔錯。 賣單都係$36 免加一，咁既價錢冇投訴啦。

身為觀塘友，點可以冇試過呢間水門雞飯！$36一個飯，仲要唔係迷你版，d飯又多又香，濃郁既香茅味令我好快就ko咗佢。貼心既無骨雞肉方便大家進食，唔怕整損個嘴。雞肉仲好滑，不過大食既朋友就可能唔夠食。食膩咗既時候可以食返鋪係雞肉下面既酸蘿蔔青瓜解膩，咁就唔怕食得辛苦了。其實雞肉上面仲有d芫茜，不過我唔中意食，就夾咗比朋友店鋪入面乾淨企理，雖然唔算好大，但都唔會坐到好逼好唔舒服，有d高凳，都有d普通既座位。性價比咁高，絕對會再encore啊

粉紅水門雞飯，想像一下去左曼谷。餐牌非常簡單，三款飯，每款都係$36：A. 粉紅水門雞飯B. 滷水豬手飯C. 咖哩牛腩飯另有小食青木瓜沙律$12、芒果糯米飯$18飲品有汽水及冷泡茶($8)、柑桔蜜及檸檬薏米水($12)就係鍾意佢夠簡單又抵食，叫晒成個餐牌嘅野食都唔使200蚊。價錢雖然平，但味道都不錯，水門雞飯雞肉嫩滑，油飯有雞油及香茅味，雞醬是正宗泰國味道，份量亦夠飽。店面裝修簡單，以此價位真係無投訴，是實而不華的餐廳。

之前上網見到有間新開既平價水門海南雞飯今日就終於黎左試下海南雞飯 $36海南雞 ： 呢個價錢黎講算唔錯,，結實唔“鞋“，雞肉份量都正常，但男仔食可能會有 d 唔夠飯：好有心思，唔係普通白飯，係有香茅味汁，份量好夠秘製醬汁：酸酸甜甜帶少少辣，當然無得同曼谷既正宗醫汁比，但都好惹味，份量偏少，唔係太夠用黎點全部雞，如果份量加番多啲就好最後試埋佢既陳年金橘蜜 $12酸酸甜甜，好開胃，值得一讚佢係無冰，唔驚溝淡左味道，夏天飲好冰涼整體性價比高，依加出街食飯都好難搵到$40樓下，味道又幾好，環境舒適衛生，下次再黎

Weekend黎觀塘搵食兼行下，男朋友知道呢道新開左間泰式餐廳，就帶我去try try😛餐廳喺日升中心地下，招牌好突出好易搵😃😃Menu選擇唔算好多，但勝在價錢好抵食😊全部飯都係$36咋！！就算喺觀塘都好難搵到價錢咁貼地嘅良心餐廳㗎啦😆食物質素方面都係超水準😎👍🏻👍🏻叫左粉紅水門雞飯同滷水豬手飯都好好食🙈🙈係豬手稍稍咸左啲，其他都十分好！推介加配埋佢地啲飲品，都係$8/$12，好好飲好高質🥰白桃烏龍味道好清香，香茅檸檬薏米水健康清新，一定唔可以錯過👍🏻

喺觀塘返工嘅好處～就係間唔中可以食到啲性價比好高嘅lunch例如呢間粉紅水門雞佢嘅menu種類唔多，只有三款主食但全部$40內有交易，質素仲好唔錯添！今日嗌嘅係豬髀飯豬髀入味，好夠淋，點埋佢哋嘅酸辣醬好match，仲可以轉換吓感覺，唔會食到飽飽膩膩；呢度嘅飯我個人都好鐘意，用嘅米係泰國細長嘅米，煲得較乾身，加埋滷水汁一齊食口感啱啱好；配菜方面仲有啲酸菜同溏心蛋，溏心蛋係係溏心就好一時時，有次食過係全熟，但有時就係溏心不過雞蛋嘅外層冇浸過滷水，味道比較單寡如果雞蛋都可以浸埋滷水就好啦～

呢間野全日嘅餐牌都係30幾蚊，而全店都係應該得五款嘢買嘅啫，門口呢個水牌已經寫晒出嚟㗎啦！我之前買個海南雞飯同埋芒果糯米飯，不過唔記得咗影相。今次試咖喱牛腩飯，睇得出都幾多牛腩，真係純牛腩囉，想搵個牛筋都冇！而薯仔呢反而就好少啦得兩粒，我想食薯仔多啲囉！呢個價錢冇得輸嘅。咖喱唔係太辣。大眾化口味。青木瓜沙律，我其實係想中和返冇菜嘅餐。其實喺香港食飯係好唔均勻嘅！全部都多肉少菜，亦都唔多覺有剩菜嗌！呢個青木瓜沙律唔會好硬。因為以前食過青木瓜沙律係比較硬身難咬，而家一盒岩我口感！

今日約左個朋友係觀塘，見到粉紅水門雞餐廳，一於去試下。我地叫左招牌菜 - 粉紅水門雞飯（$36）同埋正宗滷水豬手飯（$36）兩個飯都算高水準，海南雞又滑又嫩，有兩碟醬，酸酸甜甜。我地仲叫左前菜同兩杯嘢飲。個前菜係青木瓜沙律（$12），有少少辣，不過食完好開胃。最有特色係兩杯嘢飲，好足料，我飲個杯係薏米水（$12），有少少檸檬味，個底有好多薏米，少甜，健康之選，純天然無添加。我個朋友飲白桃烏龍（$8），都覺得唔錯。最後仲叫左個芒果糯米飯（$18），雖然看起來份量唔大，但係食完一碗其實好飽，好滿足。芒果鋪滿一層，食得出好新鮮。加埋紫米同糯米，值得一試的飯後甜品！

呢間真係平靚正！1️⃣水門雞飯 竟然$36就得仲要質素唔錯～個雞係滑既～仲有兩個醬俾你掂個油飯又夠香.2️⃣正宗滷水豬手飯 $36相對水門雞飯就冇咁出色不過豬手都炆得幾霖係偏甜嘅滷水汁.3️⃣芒果糯米飯 $18個糯米飯仲係熱嘅所以好軟熟芒果如果可以甜啲就好加埋啲椰汁 不錯.4️⃣冷泡白桃烏龍茶 $8白桃味 唔夠出 但都好抵飲😂..總體 真係抵唔知D 即棄餐具又有泰國feel😂不過個匙羹有啲刮手👈🏻👈🏻👈🏻👈🏻👈🏻CP⭐️⭐️⭐️⭐️⭐️..粉紅水門雞(觀塘)觀塘駿業街56號中海日升中心地下N號舖

嚟到水門雞餐廳點可以唔試佢個水門雞飯我想講佢呢個飯真係好出色個雞夠滑啦又香然後嗰個飯超級香佢唔係普通嘅油飯而係加咗香茅係入邊 好少食到呢啲飯加分加分另外呢個就係我朋友叫嘅豬手飯個豬手飯啲肉好林 滷得好入味 我想講佢小食好平10零$20就可以解決到呢個青瓜沙律好清新之餘裏邊仲有啲花生🥜我覺得係幾出色呢個細細個嘅芒果糯米飯都係$18咋佢啲芒果好甜飯呢就會有紫米同埋糯米仲要係熱辣辣㗎 因為我食過好多間最多都係暖啦或者係凍嘅第一次食熱辣辣嘅 發現原來芒果糯米飯熱嘅係好好食㗎下次一定會再嚟食

粉紅水門雞飯 $36個雞都幾嫩滑既 但唔算好有雞味 個飯都唔錯 幾香香茅同雞油味 👍🏻 個汁好夾個雞❣️ 雞皮都幾滑～正宗滷水豬手飯 $36豬手飯既骨膠原滿滿🙈 不過相比下水門雞好食啲😎青木瓜沙律 $12小食同甜品份量好細 岩曬 可以比啲食客過過口癮同開一開胃已經足夠～芒果糯米飯 $18芒果個椰汁如果分開上會更好🤣 芒果一啲都唔酸 糯米有兩種 加埋有兩種口感都幾抵食～凍香茅檸檬薏米水 $12好清新既感覺 唔會好酸🤠陳年柑桔蜜 $12呢個反而係偏酸🤔