糖室 (Closed)

來南山邨扮文青拍風格照，順道來吃個甜品開心一下！女孩子對棉花糖的魔力真的無可抗拒，更何況是這一份色彩繽紛的棉花糖吐司？鐵鍋棉花糖吐司 HK$58最想知道的是甜品師傅怎能控制到每一顆棉花糖都烤烘得金黃色？而且呈半溶狀態，外脆內軟！面頭舖上士多啤梨、藍莓粒、粟米片等，再加上糖粉及朱古力醬，更為吸睛！棉花糖底部舖了切成正方形的吐司粒，也烘得香脆可口，配上半溶的棉花糖一口咬下，確實是滋味爆滿的享受！*不過要提提大家：這份棉花糖吐司份量也不少，2人分享最好不過！川貝蓮子海底椰 配 桂花凍 HK$36友人另點了這份傳統滋潤甜品，最特別的是旁邊小碟的桂花凍，有點樣蒟蒻的口感！QQ彈彈的，也富有濃郁的桂花味道！店子有戶外及室內位置，這天坐在戶外的小桌椅，看著隔鄰的客人們玩搖搖椅，旁邊亦又有另一家熱鬧地道的飯店，整個人就放鬆在這悠閒的氣氛中。

日前經過南山邨，在冬菇亭見到這間靚靚的Chillazy Dessert，在四周都是市井食肆中顯得與別不同，於是便入去嘗嘗。Menu上的甜點相片拍得好吸引，最後點了個檸檬夾心餅心太軟。等了好久好久之後終出場，份量真係幾細小，但賣相都唔錯。味道方面幾refreshing，黃黃的流心餡顏色及味道頗誘人，配搭的白桃乳酪雪糕都好清爽，儘管我Feel唔倒有桃味。我去那天是非假日的黃昏時段，店中計埋我得三個客，雖然menu上已說明心太軟要等十五分鐘以上，但我最終卻呆等了超過三十分鐘心太軟才出場，期間完全冇人理會我，絕對超出預期。雖謂慢工出細貨，但頗擔心此店人多時怎麼辦。

食完晚飯當然要食甜品，見到呢間糖室，被個名同舒適裝飾吸引左入去。因時間尚早，七點個個仲食緊晚飯時，我已經進行飯後甜品。從門外見到佢圖上既梳乎厘已經諗都唔使諗入去了。雖然得我地一檯客，但都好有禮貌招待。梳乎厘制作需時30分鐘，所以一坐底就先order,非常好味，特別推薦梳乎厘，外脆內軟，極香蛋味。第二款苿莉陳皮燉蛋，一杯苿莉茶放在燉蛋旁邊，先喝一口苿莉茶再品嚐燉蛋，很香的陳皮加上口內的苿莉香味，這個燉蛋變得不平凡。最後麵包布丁，生果下層麵包再到布丁，很香滑，味道配搭一流。鋪內環境好舒服，裝修簡潔很有味道。播著柔和英文歌，配襯甜品很思意另有自助水區。

Blue Monday 偽文青帶你去甜💁🏼甜品賣相勁吸睛 👀甜入心❣️.1️⃣宇治抹茶心太軟配海鹽牛奶雪糕🍦抹茶控💚抹茶溶岩慢慢流出來 勁治癒 加上海鹽雪糕 咸咸的 更帶出抹茶味🤗2️⃣鐵鍋棉花糖吐司🍞賣相超靚 亦都超甜😃棉花糖下有吐司 一齊食會無甘甜 要多人分享會好d😎..三個90後吃貨不斷開心share美食💓📍OpenRice: 3bad_foodies#愛吃也愛分享 #三個90後吃貨 #3bad_foodies#三個90後吃貨_石硤尾美食推介

老實講，香港屋邨冬菇亭逐個消失，好彩南山邨由房委會管理，脫離了領展的魔掌，每次去南山邨都好似返番80年代。今次竟然係南山邨冬菇亭找到一間甘有 feel 的甜品鋪，好佩服店主的大膽嘗試，在舊式屋邨開西式甜品鋪。點了一個宇治綠茶心太軟，綠茶味幾濃郁，因為即叫即整既關係，需要等十分鍾左右~店內仲有好多甜品選擇，期待下次再去試其他出品。綜合評價: 環境>食物>員工*綜合性價比: Wow! 物超所值(幾好啊!唔錯,有機會一定再來)*性價比1. 抵!(不代表平)超乎想像的驚喜(嘩! 無論怎樣一定要再來! 抵啊)2. Wow! 物超所值(幾好啊!唔錯,有機會一定再來)3. 正常, (可以, 但這個價錢坊間有很多選擇)4. 物次價高(都不是太差, 但這個價錢坊間有質量更好的)5. 有比較大的改善空間(填胞肚算, 失望)

同事為咗追女仔而剩下我地三個麻甩佬自己食晏, 因為之前去南山邨品香樓見到糖室午餐menu有蜂蜜肉醬意粉好似好吸引就決定去糖室, 我原本order咗蜂蜜肉醬意粉, 而同事order咗意式鴨胸意粉, 但因頭痛唔覺意食咗同事個意式鴨胸意粉, 鴨胸好味, 意粉一般, 個汁係茄汁, 我麻麻。後來試番同事個蜂蜜肉醬意粉, 冇蜂蜜味。餐飲我地三個揀咗熱柚子蜜, 不過太少, 好似飲水咁。坐室外唔錯, 好開揚, 好彩冇人食煙

有壓力！未解決！食甜品！解放下！去年的年末和年頭剛開始就比較忙碌，也有較多的事情發生，不過小女子一直都認為食是可以令人愉悅起來(至少我是吧…) ，是晚和日夫婦來南山邨晚膳，沒有爬鋼架，沒有拍照呃like，只是和母親大人在談論舊時的屋邨設計…食過晚飯後看到有雞蛋仔的小食車、中式甜品的檔口、燒雞泡魚乾，這些才算是美食車阿！！！！！(好吧，題已離…)由於上一頓還未消化，但又礙於有最低消費，所以只點了宇治抹茶冰($42)、陳皮焦糖燉蛋($34) 和檸檬心太軟($46)，大家分享心太軟制作時間至少要十五分鐘，所以吃著抹茶冰等囉~抹茶冰滿滿一碗，但抹茶味道不濃，好像只撒了綠色的粉在上面，但冰很軟綿綿，和綿花冰沒兩樣。店內的Top5之一：陳皮焦糖燉蛋，令我充滿期待的，入口第一個感覺是淡淡的陳皮味，但再吃下去時就被蛋味蓋過了。燉蛋是很快便會滯膩的甜品，但這裡的燉蛋配了一杯熱茶，足以令進食者減少對自己的罪惡感，雖然小女子對茶的認知甚少，但總知道是可以幫助一下消化喇~~~至於檸檬心太軟，心太軟做得不錯，一下子篤下去馬上做到流心的效果，不會失望，相反伴碟的雪糕則細小了點，三爬兩撥的就吃個清光了…而且雪糕溶化

今日同frd黎糖室食lunch, 我叫左個香蒜海鮮炒意炒, 佢就叫左個卡邦尼意粉 香蒜意粉就超級超級乾 好難食 我哋兩個仲嗌咗兩杯特飲 一個係白桃梳打一個係鹹檸蜜 兩杯都好難飲味道好淡每人都係食咗四十幾蚊 呢個價錢嚟講其實都叫做平既.........不過質素就真係唔係咁好啦今次試完之後我諗下次都唔會再試佢個lunch啦..... 始終我諗西餐都唔係佢哋嘅主打 我諗佢哋可能甜品會比較出色嘅...............

紫蘇櫻桃草莓冰以前讀書成日喺南山邨開飯...學校後面行落去就係...不過食嚟食去都係品香樓, 原來冬菇亭開咗間食甜品, 咁潮...唔試唔得啦.餐牌選擇唔算多, 裝飾以木色為主, 感覺幾好, 係店員hea咗啲.驟眼睇一定以為只係得蜜餞覆盆子淋上冰面, 其實內有乾坤, 食到中間北海牛乳雪糕就出現, 再有士多啤梨🍓, 紫蘇香味幾得意, 痛出微微的酸味, 實仲有粒冧酒櫻桃🍒, 刺激味蕾呀!!

跟朋友飯聚後，一行8人來吃甜品由於我們太多人，只能捱著寒風坐在戶外的座位。我和朋友叫了兩個甜品share：檸檬夾心餅心太軟配乳酪雪糕、法式陳皮焦糖燉蛋檸檬夾心餅心太軟，檸檬味不夠，而且有點太甜，不過配上伴碟的檸檬乾一起吃，就立刻添了些風味。反而乳酪雪糕味道不錯，清新香滑法式陳皮焦糖燉蛋一開始是覺得以陳皮入饌很特別，於是叫來試一下，不過試過卻覺得沒什麼特別，感覺很像在吃橙味的雪芳蛋糕LOL朋友叫的玫瑰杞子雪耳露，賣相不錯，朋友說好吃。甜品的價格相宜，算抵食之前見到這裡有LUNCH有PASTA，希望下次有機會來試試

位於石硤尾的糖室，是一間甜品店。曾去過觀塘的分店，在那裡睡過教，感覺舒適今天和朋友休閒地一試這裡的甜品😝點之行錯路，一點都不休閒😂好友選的刨冰，以玫瑰花，白桃蒟蒻，玉米片，白桃乳酪雪糕組成😍這刨冰味道清新，乳酪雪糕酸且足味出色帶有驚喜配上玉米片較有口感

一早留意到呢間店，但一直未試，難得放X'mas就來試試店入面環境舒適，灰牆加木傢俬好夾，好柔和，有點文青cafe feel,店內設最低消費，位位$26,仲有自助取水，幾得意今日假期只有糖水，平時lunch好似仲有熱食ga糖水menu分上下2part, 上面係中式糖水， 下面就西式， 仲有食物相片， 好吸引人。今次試左桂花桃膠燉雪梨 同鐵鍋棉花糖吐司， 前者桂花分開上， 可按自己喜好加，個糖水唔會太甜，好香桂花味，放係一塊黑色板上面，好特別。用來食糖水的木匙都好特別，個凹位好細，逼住你細細啖品嘗，好詩文 (∩_∩)個鐵鍋吐司上枱都幾靚，本來都好大期望，一粒粒棉花糖烤到外皮脆，入面就融融地，入口個種感覺好得意，面頭仲有點粟米片，底層就有麵包粒。但冇估到真係成盤吐司都係棉花糖為主，食頭2粒都仲ok, 但再食就覺得勁甜勁漏，加上又冇一開始咁暖，凍左更加漏(>﹏<)建議最好4-5個人share好點

新開左一後時間見無咁多人就入左黎試試。呢度格局幾舒服,飲水是自助形式,可以自已去攞杯飲水。MENU設計都幾靚,心機之作入面有好多款甜品,都唔知食邊款好!唔似舊式甜品店,佢入面嘅款式好創新又有D唔太HEAVY的甜品我地CHOOSE左心太軟,入面有一球咖啡味嘅雪糕,上碟時好靚,似幅畫,而且仲有脆脆食, 口感多玫瑰荔枝冰夠清新,同埋入面好多料,但其中一樣:粟米片就令我諗起早餐.....HA HA

呢間甜品店雖然細細間，但食品款式相當豐富，中式西式都有，適合唔同口味的人。老婆就鐘意試新野，叫左一客"鐵鍋棉花糖吐司"，我就鐘意傳統中式糖水，加上最近天氣涼涼地， 所以叫左"老薑蕃薯糖水"。老薑蕃薯糖水 $26叫呢款糖水的原因就係見到佢的介紹寫住"重薑味"。個人喜好食"蕃薯糖水" 一定要夠薑味，飲落口夠辣，喉嚨有"那那地"的感覺，然後吞落肚後會感覺到暖笠笠，好似有股暖流走遍全身咁。呢一碗就真係係無呃人，非常重薑味，飲一啖完全有頭先所講的感覺，成身都暖笠笠，非常好。當然另一主角蕃薯唔好似忽視，碗內有三大舊蕃薯，好足料，而且蕃薯夠腍又夠甜。食一啖甜的蕃薯，再飲一啖夠薑味的糖水，真係無得頂呀。鐵鍋棉花糖吐司 $56由於即叫即做， 制作需時約20分鐘。久候多時，一上枱就覺得等得有價值。 外觀相當吸引，七彩繽紛。外圈有焗至金黃色的棉花糖，中間有士多啤梨，藍梅，粟米片，仲有大大個的雪糕球，再霂上朱古力醬，睇外觀已經流口水了。初時我會擔心咁多棉花糖會吾會好甜？ 但係原來底層鋪滿面包粒， 面包棉花糖一齊食甜度就岩岩好，再加上粟米片脆卜卜的口感，相當吾錯， 中途又可以食返舊士多啤梨refresh一下，咁

已經係二訪糖室了，在IG上看到店子推出了鐵鍋綿花糖吐司，賣相甚為吸引，小妹都可算係烤棉花糖的愛好者，所以當天晚上又黎個甜品餐做晚餐。餐廳環境，今次影得比上次清晰。在云云的中/西式糖水中揀了數款當正餐，喜歡這裡選擇多價錢又不貴。近來天氣比較乾燥，便點了這個桂花桃膠燉雪梨 $34 滋潤一下。用上木紋碗子盛著的中式糖水，很日系的感覺！可見碗內非常足料，有不少具滑腸功效的桃膠和雪梨塊在內，還額外附上小碟桂花讓客人自行添加；燉雪梨的味道清甜滋潤，甜度剛好，帶陣陣桂花香，食完頓覺滋潤了。鐵鍋綿花糖吐司 $56新出品的即叫即整的鐵鍋棉花糖，所以要等一陣子。個鐵鍋上桌時真係熱辣辣架，底下鋪滿粒粒吐司，面頭就放滿粒粒棉花糖再去焗；再係上面加左雪糕、粟米片、水果等，賣相好澎湃又豐富！食落其實都估到係咩味，叫得烤棉花糖呢類甜品都預左唔會係少甜，估唔到配埋底下既粒粒吐司味道又幾唔錯！