巴椒線 (Under Renovation)

難得有幾日假期，一早約左朋友坐高鐵上大陸玩，雖然唔係第一次坐高鐵，但次次到香港都好夜，所有食店都關晒門(晚上9點幾)。今次早左到港，決定食埋晚餐先返去，西九龍站其實真係冇咩好食，去到美食廣場，得3間餐廳，每間得幾個選擇..最後決定試巴椒線，點左個牛魔王麻辣米線套餐，同巴椒線麻辣米線套餐。明明人唔算多，但唔知係咪因爲晚上職員比較少，等左差唔多15分鐘先有。碗面一到⋯嘩⋯好紅丫⋯第一啖食已經辣到係到咳！而且碗麵其實一d味都冇，得個辣字！冇錯！係一d味都冇！米線係淡而冇味，湯底係清水甘，根本係將辣椒油倒落去就算。成碗面最好食係粒牛丸⋯d牛筋韌到咬唔斷，要成舊放入口。魚丸係硬，唔知係咪未熟。成程一路食一路鬧，食到個咀麻左，雖然份量好少，但辣到頂唔順。個套餐成60幾蚊，呢個價錢我出去食好過！

今日去咗圓方， 順便睇下高鐵站， 因為開張到而家都未去過， 初初就諗住行去試下春水堂嘅珍珠奶茶，後來因為個時間都比較晚，就去埋高鐵站個美食廣場食埋個晚飯 點知就中伏，因為從未食過咁樣的湯米線。美食廣場有好多嘢食選擇，諗住最穩陣就係個湯米線就叫咗兩款，一款係牛魔王麻辣米線，另外一款係牛魔王魚湯米線。首先，個麻辣米線有辣味但無麻辣味， 辣味係少小辣， 米線好碎，用筷子都難以夾起，最後要用匙羹食， 牛肉仲要得嗰一兩塊，牛筋唔入味，牛丸咀嚼嘅時候就好似有少少滑潺潺嘅感覺！！！！！！！！！！！！！！！！“！！！！！！！魚湯牛魔王米線個湯有魚味的，個湯係好過麻辣湯的，但米線又係好碎，真係好難夾！！！！！！ 一邊食一邊感到好嬲😠，甚至覺得有一種欺騙消費者嘅感覺， 真係好失望！！！！！！！以呢個價錢，完全可以係其他米線店食到更好的米線。。。。。。真係未食過咁差的米線！！！！！！！