CHIMAC (企業廣場)

Open Now

Now Closed

今日阿仔生日，帶佢去完MegaBox溜冰，就打算加餸食豐富啲，見到巴士站對面有間新開嘅韓式炸雞店CHIMAC，就順路買啲炸雞返屋企搞個mini party。呢度主要係做外賣，不過都有幾個座位可以俾人喺度速食。CHIMAC嘅炸雞口味相當豐富，店員仲話有啲係期間限定，會不時轉吓新口味。除咗炸雞，仲有其他韓式小食同主食。今晚表哥表姐都嚟，所以叫咗全隻蜂蜜焦糖炸雞，份量真係超多，一打開仲見到比翼雙飛。蜂蜜焦糖炸雞外層非常香脆，加埋甜甜嘅蜂蜜，班嘩鬼同我清晒全隻雞。而我就揀我自己鍾意嘅口味，細份經典甜辣炸雞仲配有薯條，啱晒小朋友。經典甜辣炸雞味道相對較濃，而且其實係香大於辣，非常惹味。另外我哋仲揀咗幾款小食。炸紫菜粉絲卷入面扎住滿滿嘅粉絲，又香脆又飽肚。炸芝士條當然係俾細路食，拉絲芝士個個都鍾意。魚糕串有兩串好抵食，如果可以浸喺個熱湯入面就更加正。香腸年糕串分別有香腸同年糕各兩件，串埋一齊最好味係佢嘅醬汁。

前排六合彩中秋金多寶有成8000萬獎金💵💵，歸家前點都要買返張電腦票博下中獎！返屋企經過一間韓國炸雞店，即刻被吸引，見到價錢覺得十分抵，就外賣左兩款炸雞同屋企人一齊食住雞等中獎！😋 原隻炸雞（蜂蜜焦糖）$128好多唔同味道選擇，店員推介左蜂蜜焦糖味，一試果然好好味！醬汁少少甜唔會太漏，原隻雞去炸，一啲都唔會乾身！咬開仲睇到ｄ肉汁，好香，好JUICY！最緊要係由店鋪返到屋企，Ｄ雞仲卜卜脆，真係好似堂食咁正，食到索索聲，真係好YUMMY！‼️好食指數9/10‼️推介指數9/10😋炸雞腿肉（甜辣）$58驚１隻雞唔夠食，另外再叫左份細份既炸雞脾肉，但份量一D都唔細，打開都成８，９件，咁既價錢真係好公道！甜辣醬十分唔錯，都係食開嘅味道～雞腿肉肉質相當嫩滑，熱辣辣食真係無得輸，另外仲有D薯條伴送，好好味，十分脆！一定要推介係呢頭返工嘅人order！食完做野士氣滿滿！‼️好食指數9/10‼️推介指數9/10🍽️ CHIMAC📌 九龍灣常悅道9號企業廣場地下1號舖部份☎️ 2865 1038⏰ 星期一至日 11:30 - 20:30

企業廣場一期富臨集團的新店，是炸雞外賣店，位於地下馬路旁邊。店內有三個堂食位置，買外賣回家更方便。原隻炸雞全隻 | $128 原隻炸雞有骨，等侯約15分鐘。有6款味道選擇，選了乾身的洋蔥芝士炸雞🍗。原隻炸雞份量算多，外賣回家都幾重。洋蔥芝士其實是炸雞加上芝士粉，洋蔥味較淡，雞肉炸得夠乾身。炸雞腿肉 | $58細份雞腿肉是無骨的，把雞腿肉片出來炸，有8件，每一件大約兩口大細。這一份選了濕的蜂蜜焦糖，醬汁當然是甜甜的蜜糖，底下有薯條，沾滿蜜糖變淋了不會覺得熱氣。可樂 | $12汽水跟炸雞放在同一個盒中，有些擔心會令炸雞變凍，幸好路程不算太遠，而且炸雞以錫紙包裹着，不算太凍。

諗住附近新開左呢間韓國野諗住試下，見到人人拎住盒炸雞好似好吸引咁。而今日Lunch就去買左盒「醬油豬手飯」食，睇佢張相係有沙律同埋泡菜，套餐係包泡菜、酸蘿蔔同飲品。但番到公司一打開盒野，火都黎淨係得豬手同白飯，仲有盒酸蘿蔔同野飲既，但完全冇圖中所顯示既泡菜同埋沙律，離L晒譜！成盒飯仲要唔熱，啲飯又硬，好似攤凍左好耐咁，十分難食！本身想下次試下佢既炸雞，但一盒普通既飯都可以整到咁，好令我卻步，我諗唔會再有下次。

🧡🧡🧡Chimac 🧡🧡🧡中午行過聞到炸雞🍗🍗嘅香味，仲要難得見到韓式炸雞唔貴，即刻就俾佢吸引咗入去韓國原味炸雞 $58（8件） 🤩8/10落咗單之後好快就送到😝😝，原本以為應該係放咗一陣啲炸皮應該好淋，但啲炸皮十分之香脆。炸得好脆仍然保有肉汁，唔會太乾😉。如果薯條份量多少少就更加好啦。蜂蜜焦糖炸雞 $58（8件）🤩9/10就咁睇個樣，同原味好似冇咩分別😝😝但食落去個味有好大分別，蜂蜜嘅甜味將炸雞嘅油膩感降低咗，感覺食極都唔夠🤤______________________________味道😋: 9/10環境👀: 7/10服務👨🏻‍🍳: 7/10抵食💰: 8/10