湘川滬 (良景廣場)

Open Now

Now Closed

樓下良景商場新開了間茶樓《湘川滬》，聽講早晨孖寶套餐很抵食，一於來這裡試下飲個早茶先，早上人很多，需要拿票等位，等左十幾分鐘左右，就有位了，安排了我們坐在卡位，不過卡位設計非常狹窄，真係再肥啲都入唔到呀！🤦🏻‍♀️ 還要被安排搭枱，前後左右坐定定都動不了，留單情況嚴重，明明我來先，對面野食黎晒都未到我地，一問之下先發現未落，這裡的冷氣完全不夠，飲杯茶便開始出汗了，原本想好好嘆個茶，越飲越焗速，食到身水身汗，最後變成想快快食完即刻走人，完全沒了去飲茶的意義🤦🏻‍♀️

2025年首家被列入黑名單的餐廳——《湘川滬》午餐在良景商場覓食，經過《湘川滬》，看到門口餐牌上的午餐客飯居然有「炒鱔糊」吃，便被吸引進去，除了「炒鱔糊」，我們還點了我最喜愛的「上海粗炒」及「炸銀絲卷」。「炸銀絲卷」表皮炸得香脆，可惜內裡的麵包也被油滲透上，變得非常油溢。由細吃到大，都是第一次吃上這麼差的炸銀絲卷🙄當我們到收銀枱反映的時候，收銀員沒作回應，表現出好像聽不到的樣子，繼續看單子。可能真是聽不到吧！我就再跟她說多一篇，這次她終於回應了，她竟然這樣說：「同廚房講都冇用，係咁架啦！」，這種態度回應，完全顯示出這店不接受反映及改善，真係無言。這次經歷，讓我們對這間餐廳非常失望，決定將列入我們的黑名單。

見佢新開，想住2個人試下是日星期日就嚟2點。見唔係好多人等就想住試攞票既時候已經見佢A票2人枱係同一個號碼過左10分鐘。個號碼都完全無郁過旁邊醒目，2個人都攞3人票！然後見到佢B飛三人枱不停咁入去本身都以為無咩問題。等多陣點知佢B票3人枱叫到冇人入都要繼續嗌！人哋3個人即刻攞票即刻入去原來唔係計攞票時間！係計人頭。問店員係唔係唔會嗌店二人枱？定無二人枱？先至話卡位搭枱你入唔入旁邊2個老人家啱啱攞票2人枱即刻入左去見個卡位都幾迫就唔打算搭枱佢話咁唔撘枱就無辦法都叫做幫左2位老人家唔使等就有卡位坐，舒舒服服唔會試吓下一次了。因為無必要了反正良景好多野都好服務又好食雖然我未食過，但原本佢公司宗旨都做唔好『真誠相待，以心比心』。。

天水圍果間真係由細食到大 真心水準高 服務好依排良景開咗間 去咗食lunch座位迫就間間都咁上下😂可能始終地理的問題 這間附近都是屋邨 嘢食同服務方面都無咁高質？！唔知呢～反正嘢食同平時食開嘅唔太似嘢食質數似普通茶樓咁上下 如果可以揀嘅話 會寧願食返樓上嘅茶樓記得響天水圍食過個酸菜魚 真係幾好食依間…可以用無味來形容 連個色水都唔係好得魚係幾滑嫩 但湯底無咩味道 酸菜更加係唔掂🥟小籠包入面好多湯汁 依個係ok嘅🐟魚餅 食得岀溝左好多粉…

呢間係天水圍銀座已經係我成日去食 翻新左之後菜品仲多左！ 呢個星期食左兩次晚飯 一次早茶 😀每次去都係必點 圓蹄、雲吞雞、獅子頭、片皮鴨、小龍包 ～ 圓蹄好少地方整得咁好食 又咁抵食 片皮鴨略嫌個包住果塊餅皮太厚 呢兩次仲點左松鼠魚、小炒、甜品 松鼠魚真係好食 啲肉勁嫩 個汁調味做得唔錯 千島汁蝦球係小朋友最愛 而家$98好抵食 冇諗到最多人鍾意係臭豆腐 真係夠臭夠香口 計返價錢$68 有7-8舊 平過食街邊檔 第一餐6個人食左$1200 、 第二餐8個人食左$1500 幾乎全硬菜 覺得好抵食🤣🤣

朋友介紹這間新開的湘川菜，喜歡吃中菜的我立刻去嘗試一下，果然沒有失望，雲吞雞鍋足料，湯頭鮮甜，千島明蝦大大隻，小朋友都搶住食，瑤柱蛋白炒飯炒得夠乾身，鹹香十足，不過有些小菜也有改善空間，韭黃炒鱔糊唔係咁新鮮，蒜泥白肉雞絲粉皮也很鹹，希望可以改良一下，下次過嚟會再次光顧

良景廣場最近開了間湘川滬，門口人山人海，試下拎飛，好彩等了15分鐘已經有位。本來想試下午市套餐的擔擔麵或者回鍋肉，但見點心都不錯，就今次先試點心。首先當然先要小籠包，再要牛肉腸粉，牛肉球，蘿蔔糕，然後加個籠仔鳳爪排骨飯。全部味道都不錯，但一般食點心都是幾籠疊住上，但今次是一籠一籠的慢慢上，幾個點心已經食了成個鐘。可能是新店太好生意做唔切。

近日每次行過良景廣場，都見到新開的湘川滬門口有一大堆人在等位，所以沒機會一試。但今晚夜咗接近晚上九點才外出食飯，見沒有人等位便入去一試，叫了上海醉豬手，豬手非常爽口，味道不錯下次會再叫因小籠包沽清，便叫咗碟三鮮鍋貼，鍋貼皮比較厚，肉餡都不錯；還叫了碗四川擔擔麵，酸菜大腸湯麵。擔擔麵太腍，味道太濃還有麻辣味；至於酸菜大腸麵，真是唔掂，可能大腸炸得太乾，完全冇口感，啲湯底有無味道？下次早點去試試小菜。