Chip In Fish & Chips (Closed)

周末難得約咗班朋友去西貢燒烤，時間未到有啲餓，就喺碼頭附近掃下街止下餓。有朋友介紹係公園既呢間小食店既Fish and chips，純粹想依下肚所以揀咗細份一齊share（$48）。可以喺揀三款醬內揀一款，想要多款醬既好似要加$5，而我揀咗他他醬。舊魚一落單先炸，肉質鮮嫩，炸皮夠薄，食落去唔會太油膩，無咁大罪惡感xdd略嫌薯條唔夠熱，可能因為已經擺咗陣。再者店舖可用作進食既位置較細，得幾張枱仔俾客人坐，其他人惟有企或者喺隔離既公園坐住食。

鋪頭好易揾，西貢市中心小巴站，向公園方面行幾十米就見到，每次入西貢經過都會想食，兩張枱仔簡簡單單喺路邊，食完覺得好開心揾到間好味又岩價錢嘅fish n chips!不同嘅組合都有分大細份量，可以正餐食又得，小食當tea食口痕去食又得！肥薯條炸得好好，cod fish都算係炸得外脆內軟，好香，炸漿薄薄一層，至中意配tartar食，好夾，另可選擇配茄汁，再配支IPA，完全係重回以前喺澳洲嘅日子💚食野食得開心，最緊要係有nice嘅老闆

一心歡喜打算食傳說好美味炸魚薯條，但係冇諗過有點失望。但冇諗過炸奧利奧比炸魚薯條好食得多呀⋯有餅乾的脆感，但係多左QQ的口感。另外，炸魚太結實，好似食緊雞肉，沒有味道，需要依靠茄汁。

聽朋友講西貢碼頭有間炸魚薯條幾好食，今日去開西貢碼頭放狗，順便就搵吓間鋪頭係邊度，原來間鋪頭就正正係公園仔對出唔係好難搵。餐牌選擇唔係話好多，叫咗一個英式炸魚套餐、魷魚圈薯條、洋蔥圈。英式炸魚套餐 ($75/L) : 叫呢款套餐有哈爾濱啤酒送，變咗個外國人咁，一面食炸魚薯條一面飲啤酒 😂 魚柳既口感同味道比出面食開果啲好唔同，厚肉得嚟幾嫩滑。👍🏻魷魚圈薯條 ($48)、洋蔥圈 ($25) : 洋蔥圈雖然得五件覺得有啲貴，不過好彩每件都好大件吓 ; 而魷魚圈幾新鮮，炸漿夠薄又夠脆，而且仲唔係用啲萬年油炸出嚟，睇色水就知 ; 另外職員仲會送張免費洋蔥圈既優惠咭俾你，等你下次幫襯有免費洋蔥圈 😍 整體嚟講其實呢間餐廳啲嘢都幾高質。

放假就緊係chill下四周圍覓食嫁啦😊😊 自從係英國番左嚟之後, 好耐都無食過Fish&Chips🐟➕🍟, 難得見到西貢有, 我同男朋友就緊係要試試佢😋😋 點左餐比左錢之後就可以坐定定等食🍴由於枱同櫈都係室外, 每張枱下面都有個驅蚊鹼, 幾貼心😊我地叫左一個大SIZE嘅Fish&Chips，同一份炸oreo😋😋 等左10分鐘到就有得食啦😆😆粗薯條同魚柳嚟到嘅時候都係好熱嘅, 魚柳厚肉嫩滑, 粉漿都幾薄, 而且粉漿同魚肉都無分離到!👍🏻我地揀左他他醬, 醬汁加埋魚柳, 絕配!😋 可惜份量方面就真係唔多😣到重頭戲啦～係男朋友想試嘅炸oreo😆😆 一咬落去同我地expect嘅唔同, 一般般, 好似一塊淋左嘅oreo, 不過炸左咁, 無咩特別~🙂

雖然依間係主打食fish n chips, 但比起依樣，我更鐘意佢個炸oreo😍本身唔太鐘意食oreo因為太甜，但估唔到oreo炸左之後係咁好食嫁🤤-至於炸魚既肉質係嫩既，但佢同薯條都冇乜調味要靠沾個醬，所以食落會淡會寡左啲😕奇怪既係炸魚應該配他他醬，薯條應該配茄汁，但佢就只能比你選一款😅點解要咁樣😭

今日放假，出去食啲嘢跟住買餸返屋企。搬咗入黎咁耐都冇食過呢間炸魚薯條。當我掙扎緊叫炸魚薯條，定係炸魚包配薯條，店員叫我考慮炸魚包薯條，因為今個星期特價只係賣$38，原價$48。炸魚包舊炸魚同普通炸魚一模一樣，加$5仲可以要一罐可樂，不過我自己帶咗水所以冇加到。等左唔使10分鐘就炸好，熱辣辣。你唔好睇佢個包唔係好大，份量絕對足夠，炸魚冇一般雪藏魚嘅雪味，魚肉煙煙銀銀，唔會碎濕濕，調味啱啱好，炸粉唔會過厚，唔會戒嗔你個嘴，啱啱好，麵包似English muffin，加咗少少牛油芝士同埋白醬，正。成個包食落唔會乾，我都係食咗得一大半先至飲一啖水。薯條先至出色，係粗薯條，配上自家調製嘅他他醬，真係好好食，不過太熱，要慢慢食。下次返嚟叫麥樂雞

今日放假無無聊聊走咗去西貢行咗半日，周圍睇睇，氛圍好西化，又有coffee shop，又有本地茶餐廳，充滿異國風情😁無意中發現有間食fish and chips嘅店，個店名叫🎈chip in fish and chips，再睇一睇，是外賣小店，但係店外面就有幾個sidewalk cafe位,好chill 餐牌唔係好貴，都幾多選擇叫咗個48蚊套餐， 薯條，魚配他他醬， 薯條好香唔油膩， 還有鱼都炸得好好食，粉不是太厚，最值得一讚，就係個他他醬，配合魚一起食，有少少辣味，唔錯，最驚喜係送哈爾濱啤酒輕輕鬆鬆坐低，慢慢食慢慢歎，做個開心的美食家，好舒服呀!

有好多年冇去過西貢，今日老公提議去行吓。係旺角坐小巴$18，大約三十五分鐘左右就到達，總站落車就係西貢碼頭⛵️可能今日係星期日，碼頭海旁人頭湧湧，有坐🚢番嚟嘅，又有準備出海吊墨魚嘅及放🐶散步嘅👨‍👩‍👧‍👧周圍行吓，行到一條叫敬民街，有d民生小店，被一個宣傳牌吸引咗我視線。Fish and Chip 標榜來自英國的炸🐟薯條🍟，一定要試試🧐店前只有幾張枱，主打英式炸魚薯條、還有魷魚圈、洋葱圈、雞塊、腸仔等等。🔸英式炸魚薯條$48(細）🐟🍟用大西洋鱈魚即叫即做，表面粉漿薄脆，魚肉厚、有口感，有手✋🏻咁大塊。醬料有4款揀，我選咗他他醬，魚塊冇特別的調味，只點醬已足夠👍🏻而且絶對不油膩👏🏻🍟薯條剛炸起，熱辣辣，正✨新鮮嘅薯條外脆內軟，每條都肥嘟嘟😋剛巧店舖做緊推廣，仲有一罐哈爾濱啤酒送🤩，有驚喜😝

This is more a takeaway than an actual restaurant. There are a few seats with some tables just outside but it is better to take it away and eat somewhere else.If you want true British fish and chips, this is as close as you are going to get and for a decent price. Good thick battered cod with chunky chips with tartar sauce and malt vinegar. That is what it should be like. 

今次有事同男友入左西貢，順便搵好野食！上網睇呢間小店嘅fish and chips係好正宗同好食，所以我地今次就食呢間！其實我一次都無叫過英式fish and chips黎食！係一個新嚐試！我地叫左一份細嘅fish and chips takeaway，盛惠$48！有唔同醬可以跟，我地唔知頭唔知路就亂點左他他醬。等左5分鐘左右，我地就拎去海旁個邊睇住海食賣相睇落好乾身，但塊魚切開，魚肉唔會乾。塊魚都算厚身，食起黎口感更好。但佢炸皮同肉分離左，男友話英國食個啲唔會咁。我地揀嘅他他醬好大蒜同洋蔥味，唔多啱我口味，點左幾下就會點了。

今天路過來到此店，點了signature dish - fish and chips，但覺得再靚既魚柳也被糟蹋，炸粉超厚，塊魚柳完全無無味，薯條油到滴出來，完全失望!! 絕不會再回頭。

從不愛批評的我忍不住要打人生中的第一篇劣評給人引以為戒，事緣今日下午約四時，跟幾個朋友路經此店，於是打算一試，每次去西貢多選附近車仔麵及茶餐廳。今次見這間有不同選擇，於是就去落order, 事緣我見餐牌上有sausage butty with chips$48, 咁我就好快決定要這個然後售賣員問我: 要咩汽水?我望到旁邊個牌，寫+$10 汽水及薯餅，咁我就問: 係咪要加$10, 同埋只得汽水呀?售賣員回應我: 加$10，咁你揀咩款汽水?我不想要汽水，我再答：我唔要drinks啦。然後售賣員再回我，咁你揀咩汽水？我再答:我唔要汽水。然後個售賣員立即黑晒面，勁大力按部收銀機，當時另一位售賣員見狀，就走過嚟替代原本的售賣員。我以為有救星怎知另一位同樣好粗暴咁大力按收銀機，我問:其實我答錯你地什麼？兩個都不發一聲，只找贖給我，然后給我飛仔就轉身，我莫明其妙問我嘅朋友，其實發生咩事。。。坐底食廿分鐘，我地就離去，約十分鐘後我上了出牛池灣的小巴就開始胃痛，持續一個小時痛到直至我買了胃藥食為止。花半小時打這篇長文的目的，只是有緣見字就自行決定是否幫襯，食物不是出衆，服務態度惡劣，我不知是食物不衛生定

知道這間英國風味的小食店一段時間，沒吃過英國的fish n chips，所以一直想試。炸魷魚幾好味，薯條一般，太大條，食一條會覺得滯，「張」住個口，食一條就要飲一啖水。

自從在外國回來後，都沒有吃過炸魚薯條了。雖然是英式著名小食 ，但在香港依然有小店可以炮製出和當地同等的效果！炸魚的外皮十分酥脆， 魚肉厚身所以油炸後肉質不會過老 。而且保留肉汁，配上他他醬和麥醋味道一流。炸雞件都是用同一款炸漿油炸而成。相比起大型連鎖店的炸雞件，他們 表面沒有粗糙的顆粒，有一種順滑的感覺。雞肉 都保持原汁原味，不會乾身。最神奇的是他們會用同一炸醬 來炸Oreo！咬下去有種煙韌的口感，味道相信我都不用多說了。這塊曲奇無論怎麼弄都是可口的。在如此秋高氣爽的天氣可以在室外享用這些心機的小食，還有微風吹過真的很心曠神怡。