潮興園

Open Now

Now Closed

諗住快快脆脆自己食碗粉行過見到啱心水 合眼緣就坐低有自成一角嘅一個卡位仔心諗 正啊正啊🤩🤪掛住講個外在環境其實要講係食物😂😂嗌咗一碗好簡單嘅牛腩麵有好多舊牛腩牛腩好入味 好香 唔會太硬 味道算係重口味嘅 但真係好好食 😋我覺得我下次再嚟都會再嗌 😬😬想講佢個份量真係好足料呢個價錢 喺太子旺區有張卡位坐 可以靜靜地玩吓電話食碗麵 真心正 樓面哥哥又幾好態度 落單埋單態度良好，上菜速度又快又準 附上幾張餐牌唔好意思，影到反晒光咁😅真係 我下次會再嚟食😋報告報告報告完畢🤭

點菜嘅時候叫左個牛腩河粉同埋個牛腩撈粗然後兩碗上到嚟都係湯嚟嘅然後我就問邊碗係撈粗然後個短頭髮嘅姐姐就話我冇聽到你嗌撈粗喎然後佢話得啦得啦幫你倒落去隻碟度試問有冇人見過撈粗係咁多水你自己聽唔到就算仲要想賴返我哋轉頭話我哋冇嗌撈粗一鍋粥就係會比一粒老鼠屎炒鑊咗其實其他員工都冇乜嘢係佢突然間用咁嘅態度同我講嘢令我覺得我嚟幫襯你哋仲要俾錢嚟受你氣第一次幫襯呢間舖頭亦都係最後一次難怪點解越嚟越多人會返大陸食嘢

崩沙腩夠油香，冇雪味冇腥味河粉實淨，唔會散碎面身彈牙，鹼水味足價錢合理出乎意料地好食，所以都冇影相，是那種下次經過會再入去試其他面的店。比起銅鑼灣渣甸街嗰啲粉麵檔好食三四倍

今日經過太子,打算回去同一個地點光顧以前那間出色的潮龍園，點知原來已經轉咗手新店叫做潮興園。 諗住唔考慮了食其他， 但係見佢廣告影啲相牛腩都幾靚質素幾高，心諗試吓應該唔會中伏掛，叫咗個牛腩河，墨丸河外賣行街，點知門口收錢那位大叔態度差到一個點， 叫佢分湯仲大聲夾惡，況且佢都仲未落單，叫定佢分湯仲好似搞到佢好多嘢做咁。 算數唔同啲粗人嘈，諗住如果食物OK受下氣都冇所謂。 點知返到打開兩個外賣， 個樣同佢啲Menu差九條街， 牛腩碎曬，一條條肉絲咁樣散開晒，貨不對辦, 識落又柴又硬，食咗一半已經放棄咗， 另外個墨魚丸我就比較正常！ 總括嚟講食物又差態度又差，唔明白呢啲咁嘅店點樣可以存在，實在令人費解

好明显生牛肉 阿姐望都唔望就话系牛肉系咁㗎 再次质疑下 阿姐唔情缘罗翻厨房大大声话 「要好熟好熟个只」罗出来仲要um um寻寻话「牛肉系要咁先好食㗎」仲用普通话 「介样才好吃」 话俾啲「大陆人」知牛肉系咁食的。食啲咁嘅嘢唔怪得呢度啲店员都咁精灵🤓。咁就唔该呢啲店员食多啲啦，食饱应该早啲上路。👎👎👎👎👎👎👎👎👎👎👎👎👎👎👎👎👎🤗🤗🤗🤗👎👎👎👎👎👎👎👎👎

下午4點去完婚禮，諗住求其食啲嘢。兩個大人加一個B 一坐低就有個廚房佬(應該係老闆)走過來話我個B:我個B得歲半，去餐廳如果冇BB凳，都係企喺度食。咁我哋講唔好意思即刻同BB除鞋。想叫崩沙腩個落單阿姐勁細聲話冇，完全聽唔到，搞到我哋落單都對峙咗好耐。BB想玩筷子，我哋已經即刻阻止。但係收銀個阿伯大大聲聲，叫阿姐:收起佢!全部收起佢!嚇到我哋嗱嗱臨攞咗兩對筷子，就比佢哋收起晒啲筷子醬油。。。想試吓佢哋啲辣椒醬都冇得。啲嘢食未到已經一肚氣，啲嘢食點食都好都唔會有下次。

響太子附近做野,之前食過呢間魚蛋河一次,覺得幾好食,於是今天特登行去買外賣俾錢之時,唔知收錢呢個係唔係老細,年紀老身型瘦,態度都幾差下,唔好期望講多謝,收錢時都幾悔氣,當然我唔會同佢客氣,掉低$30行出門口等外賣人流不多,唔駛等好耐已有得拎,有個亞姐拎外賣出來俾我,態度又係......好采食物味道依然不錯,魚蛋彈牙唔醒,魚片都好食,湯略咸都可接受如果你唔介意買野食俾人西面,貼錢買難受的話,呢間可以試下嘅

老闆態度極為惡劣之店舖。本身純粹搵一搵朋友等佢出嚟，但朋友未食完所以才於9點半進店。本來不打算食嘢，但覺得入咗店唔叫齋坐唔好，打算要一碗魚蛋河，但是店內已售罄河粉及魚蛋。因此向姐姐打算要一枝豆漿就算，點知突然有個男人好大聲吆喝我：「廿蚊」 我有啲疑惑想問點解咁貴。個男人態度好差同埋用非常不禮貌眼光望住我，「廿蚊枝囉 最底消費！」事後姐姐同我講個男人係老闆。所以我叫多碟生菜$20，即係豆漿$10。呢個時候個老闆話：「豆漿$13喎！」我望一望餐牌寫到明$10，問姐姐就唔敢出聲，所以我指住十蚊嗰位比佢睇，佢先唔出聲出咗去。咁夜入鋪頭我明白好多嘢會賣哂，無睇清楚有最底消費就入鋪係我大意。但作為一間食店老闆，對待客人的態度都如此惡劣，更枉論點樣對待員工（啲姐姐好怕佢）。再者，整件事令我最氣憤嘅係佢亂噏嗰豆漿價格係咩意思？記錯嘅話一句道歉都無。此等惡劣態度，絕對不會再光顧下一次。

食碗粉麵都要受氣⁉️🤢🤮阿姐勁燥底 我一入座睇menu一秒都未睇完 阿姐就問食咩我好聲好氣話「睇睇先」佢都企係到唔走，死都要企係我隔離俾壓力我我是旦叫左個牛腩河但等左15分鐘都未有 隔離枱遲入座過我都食完了我追一追 阿姐話「等等囉 好多單丫嗎」轉個頭終於都有得食可惜d河粉好碎 用筷子都夾唔到幾多條牛腩正常 味道唔夠份量亦唔多另外要提一提！ 筷子筒拎出黎d筷子🥢濕漉漉勁核突要自己係自助區拎熱水 浸一浸再抹先好用呢間真係 不可一不可再👎🏿👎🏿👎🏿👎🏿👎🏿👎🏿👎🏿可以black list

有一講一，佢哋的牛腩飯係好食，但收錢阿伯態度極差，好似欠咗佢錢咁，又吾係多人，吾係幫朋友叫外賣，永遠唔會再去，食到一肚氣！俾錢買難受，其他丫姐都無野，可能老板大哂！

係太子行過，見到佢間鋪張相「招牌崩沙腩」好吸引😋，入去想試下，但居然冇位😣，下午4點左右都咁多人，等左一陣入到去，全程冇人service 😢可能真係太忙，有待改善。一心諗住食崩沙腩居然賣哂😭相當失望，最後迫於無奈叫咗個牛丸牛腩河加杯凍奶茶🧋。牛丸佢話係手打牛丸，食落佢去都有少少彈牙，但就好有牛肉味，比想像中好食😋大家可以試吓👍。牛腩-佢比我個部位就比較靭，味道不過不失。成碗麵賣單$44，價錢係太子黎講算平，性價比都高既。希望下次崩沙腩唔好咁快賣晒啦，下次再黎過😉

潮興園又係太子搵食既日子，唔知大家都鍾唔鍾意食潮州野呢？我間唔中都會想食🤣🤣————————————————呢間野係始創隔離。之前已經食過，今日再食。外賣叫左鎮店崩沙腩河（$46）。崩沙腩個量都好多，又夠晒淋，而且湯底好濃郁，夠晒入味🤤🤤🤤🤤今日咁凍，食碗熱野，飲啖湯，感覺好正。😳😳😳😳😳外賣送過黎速度快，性價比唔錯，係太子黎講，價錢中等，會再黎叫黎食❤️❤️❤️❤️❤️❤️

估你唔到咁彈牙🤤🤤🤤🤤🤤🌞🌞炎炎夏日🌞🌞去太子做野遇著個肚打鼓🥁已經唔想諗或者search有咩好野食所以係街到求其望到邊一間就食邊一間🤪潮興園係始創中心隔離好易搵個招牌又搶眼😎😎😎就試試佢啦第一次幫襯就貪心叫咩都有既一品四寶河咁就樣樣都食到好食既話可以翻桌😆😆😆一品四寶有2粒白魚蛋2粒魚皮餅1粒貢丸1粒墨魚丸老實既貢丸就唔洗試喇唔吸引墨魚丸就不過不失啦但另我最驚喜既係白魚蛋超彈牙又爽口啊！🤤🤤🤤又無魚腥味而且大粒正👍🏻👍🏻👍🏻👍🏻門口仲有魚蛋散買下次打邊爐可以去外賣😍😍

今日係太子食午餐叫外賣，唔記得咗叫佢分湯，叫左個牛什河粉，淋灑🙈🙈🙈 啲牛什無牛粉腸，牛膀得一小塊，不過性價比高，有兩舊腸兩舊肺兩舊肚，可惜我唔鍾意食肺，唔記得走肺，三十三蚊有一碗牛什河，份量合理，加九蚊有一杯凍熱飲。，我例牌叫左杯咖啡，咖啡☕️很醒神，唔苦澀已經收貨。外賣速度快速👍🏻值得一讚。潮州風味的河粉🍜最重要的蔥蒜味十分足夠，食完不算太口渴，辣椒🌶️油都幾香👍🏻四十二蚊整體而言okay！

這天跟友人去太子行街，想起了潮龍園既牛丸，發現已經改名潮興園，搬過了幾個舖同新裝修，裝修更整潔同舒服，入去都仲係熟悉的老闆娘面孔。點左4樣食物加2杯飲品。1）牛雜河 $32 -CP值高 大碗又多料2） 淨牛丸魚腐 $40-魚腐是新品，牛丸保持舊有水準，彈彈彈牙，爆汁的。最後忍不住買了一斤回家打邊爐，家人大讚。3）香脆帶骨魚皮- $38-一般粉麵店只提供魚皮，炸帶骨魚皮都係第一次，不太咸又脆卜卜，好正4）+$12 腐乳通菜 -正常水準5）+$8 凍飲-大杯，抵今時今日百物物價騰飛，$2x-$3x有甘既cp值實在難得，甘多年都係甘上下價格，要多多支持這類用心經營既店舖。