潮記粉麵 (晴朗商場)

Open Now

Now Closed

咁話說今日我哋叫外賣我嗌咗個牛雜擔擔麵一嚟到得個面同湯完全冇牛雜，跟住後尾話退返$15真係見識到咩叫魚柳包冇魚柳 今日真係食咗個$35嘅齋麵 真係唔會再叫下次⋯⋯⋯⋯⋯

其實我一向中意食呢間牛腩面，味道好好，但今日令我開眼第一次喺香港遇到基本禮貌都唔識嘅員工。買咗個牛腩牛雜面，同我落單嘅係長頭髮阿姐，之後行開咗買嘢飲，翻黎都未見到有，包外賣果個好短頭髮嘅員工包下包下亂嚟，長頭髮職員姐姐話咗我係腩雜麵，佢同第二個客d外賣撈亂咗之後打開再睇過先比我，我咪信佢lor，結果翻到屋企，好啦，變咗牛腩米好彩住得近，又落樓行多轉，話比錯咗，果個短頭髮嘅阿姐打開仲話少咗牛雜姐，比翻牛雜你就得。 我話我要嘅係面啊！當場嬲上心口。之後佢叫師傅整過比我啦，比我果時一句聲都冇，我仲要問句：冇錯啦嘛？佢先答一句：冇錯。 嘩，我從頭到尾一句sorry都冇聽到，我需要嘅只係一句你犯咗錯之後 我理所應當要嘅對唔住呢d職員留嚟把鬼

開心啟德終於有魚蛋粉食！今次試咗牛腩魚蛋米加凍檸茶($50)，牛腩入味、魚蛋有魚味之餘仲好彈牙，米粉條條分明，配埋自家製辣椒油一齊食非常正，如果早餐都食到就好啦

今日係嚟咗啟晴邨睇吓有咩食，係啟德1號行過嚟都係5分鐘到，見到之前的江仔點心變咗江仔美食，依家變咗潮記粉麵。叫咗牛雜炸醬麵，牛雜相當之入味。有牛腸、牛草肚、牛肺、牛膀，一共有12嚿，份量相當充足，炸醬亦都十分惹味。價錢仲好抵添，雙拼加凍飲只係$50。我見到有個老師傅有幾十年經驗嗰啲，應該都係好好食好正宗嗰啲。所以應該會成為街坊飯堂，我都會嘗試吓推薦啲朋友嚟試吓，不過地方細啲都係外賣好啲嘅，以後多一個食粉麵嘅好選擇 唔只有車仔麵食啦。