潮江春 (怡和大廈) (Closed)

今日中秋節成team就去食返個飯，通常咁多人既時候，中菜係唔錯既選擇。大家今日都好似餓餓地,所以都叫左好多野食。有小菜，滷水，點心，蘿蔔糕，菜等等……餸菜來得好快，搞到成枱都冇位擺。我兩個餸特別喜歡，一個就係沙律蝦，個擺設都好靚，個醬汁好好味。而蘿蔔糕好大粒，濺到外脆內軟，加埋XO醬，好惹味。叫咗好多餸，最後都食唔晒，要打包拎走。

好耐無約舊同事食飯，間餐廳都尚算近地鐵站，同埋比較容易book枱。中午就有點心、小菜、炒粉麵飯、燒味等等...既選擇。我地就叫左燒賣、蝦餃、兩面黃、炒腸粉等等....點心同小菜都唔錯，雙面黃唔係好多地方有得食，喜歡加糖加醋食，不過最喜歡佢個紅棗千層糕，佢係薄薄咁有好多層，夠煙un。食完甜品就好滿足。Lunch食中菜，呢間都係一個好選擇。價錢就每位百幾蚊左右，係中環食飯呢個價位都差唔多lu~~~~~

雖然和記大廈已經拆咗，但係中環想食潮州菜仍然有喺怡和大廈的潮江春。今晚叫嘅都係一般菜式。滷水拼盤選了鵝肉拼豬大腸。鵝肉鹵得入味，豬大腸拿去了的腸裏面大部份肥膏，減少了罪惡感。咖啡骨一上枱已經聞到浸咖啡香味。但食落咖啡味並無蓋過本身嘅肉味，味道剛好。 潮式蠔餅用上地瓜粉，口感煙韌，呢度唔似其他一般潮州菜館，蠔餅似乎係半煎炸，冇咁油膩。另外點了一碟翡翠苗。清淡口味配合其他餸啱啱好。傾吓講吓不知不覺又過了一個愉快的晚上。

香港人上茶樓是尤來已久的飲食文化，質素好的茶樓，周末等位是一件苦差事。要避免人多擠迫的區域飲茶，中環是首選，雖然價錢會稍貴，但勝在可以訂枱。今天和家人來到中環怡和大廈的潮江春。此店的卡位非常搶手，因為自成一角，舒適寧靜，與家人一邊喝茶，吃點心，一邊閒談，樂也融融。此店的點心、小吃、粉麵和粥飯都相當出色，雪山叉燒包焗得香脆，餡料冶味。椒鹽狗吐魚炸至金黄色，魚肉鮮嫩，入口溶化。XO醬炒腸粉鑊氣夠，嫩滑的腸粉加入冶味的XO醬，簡直絶配。鵝片撈麵、𧐢仔粥和魚蛋粉都是我們的至愛。人均消費$133，享受如此環境和美食，絕對是不錯的選擇！

Long story short, disappointed on:a) Hygiene - hair found in foodb) Waitress taking order attitudec) Food was very salty & oilyIt is not even worth visiting..

喜歡潮江春的裝修，不過午市比較吵，要大聲才能聽到朋友說話。所以見客就免在這裡吃了。先上一碟開胃菜和茶，開胃菜挺香口😚叫了點心🥟拼盆，什麼也能試，蝦🦐餃皮薄餡靚，岩哂想什麼都試的人。再叫了2碟菜～菜心炒牛肉和腐竹白果浸波菜。2碟份量都算大同埋係健康之選。但有點失望😞是這家主打潮州菜的兩面黃水準下跌了很多！以前是脆卜卜的，但現在卻只有油和毫不脆😢希望下次來時會有進步。今次吃了每人$160。中環飲茶價吧

假期前夕到處到full book , 好彩潮江春仲有位。我們三大三小6:00到，未見人潮，即刻入座。自選四拼，好精緻，可惜份量太少。食潮洲菜，點少得招牌鵝片，頭盤鵝片得三丶四片，於是單叫多碟鵝片，切得好薄，啖啖肉。菠蘿醬燒蝦球，得六粒，略少，蝦肉爽滑，醬汁酸酸甜甜，好入味。咕嚕肉，無乜甜酸味，味道一般。蠔仔粥，粥好鮮甜，落左好多蠔，d蠔夠大隻。南乳炆粗齋，味道普通。蒜片牛仔粒，牛仔粒好淋，啱晒小朋友味道。

今晚家庭聚會，因為我們的鄉下是潮州，所以我們就去了怡和大廈間潮江春食晚飯。我們一到就叫了不同款式的潮州菜，當然，有些是新潮潮州菜。 鵝片 $158鵝片鹵得入味，而且鵝味香濃。五香粿肉卷 $108炸而脆的肉卷，沾上酸甜汁，十分吸引。蠔仔肉碎粥 $138蠔仔肥潤，粥身夠實，飯一粒粒。兩面黃 $120加糖加醋，入口一流。南乳炆粗齋 $108南乳香而不蓋過粗齋的鮮味。咕嚕肉 $118餸飯一流！菠蘿醬燒蝦球 $198蝦身夠大隻，味佳。蒜片牛仔粒 $78肉淋而不硬。拼盤 $288咸酸菜 $29香片 @ $18$1600 結賬，價錢合理。

假日在中環飲茶，要檔次高而價格合理，格調優雅而可高談闊論，位置隱蔽而就腳，可選此店。它隱藏在怡和大厦地庫，在地面無任何招牌。怡和大厦旁的黃花風鈴木正盛開，告訴我春天已來到。我數年未來，門口的藍底金漆招牌和水晶燈未變，內部已裝修，添上書架作裝飾。此店的潮州菜無當年勇，反而廣州式飲茶有口碑。運作模式依然舊派，如銅水樽表層火熨，容易令食品誤觸而灼痛。點心紙（已上載）沒有標示推薦項目。「厨師推介」只屬小菜項目，亦是尋常之物。「精選點心」多達18項，原來是列出粵式蒸點心而已，標題應改為「粵式蒸點」。現把家族推介如下文 :🌊潮式點心-棵品潮式點心如蒸粉果，糯米卷，水晶包三款在香港普及性最廣，但此店出品無驚喜。潮州粿是重點推介。潮州粿，餡料、形狀多變，眼花撩亂，此店有三棵。潮州人重視米、珍惜米。除了作主食，還用米做出各式各樣食品。粿原是用來祭拜祖先神明，拜完了才作為吉祥物分食，是一種人神共用的食品。潮汕俗語「時節做時粿、時令防時病」，一年中各時節祭拜的對象不同，用來供奉的粿品也不相同。元宵節做鼠粿；清明節做樸子粿；端午節要做梔……。又會選用一些可治病的中草藥來做，紅粿可健脾、草仔粿可消滯。用料或餡料

中環飲茶嘅地方唔多， 近住中環中心有兩間，雖然唔貴，但係唔好食。所以我哋一班同事如果要去飲茶的話，我哋會揀潮江春， 價錢一啲都唔平，但勝在有質素。今日又係一大班同事每個月飯聚嘅時間，今次大家都一致贊成去潮江春。由於要搶食嘅關係，今日冇時間影好多相，只係影咗四款食物，希望大家唔好介意啦！點心嘅推介有蝦餃同炸兩。 蝦餃嘅蝦夠大隻同埋彈牙。炸兩個油炸鬼又脆口， 今時今日好難得。小食嘅推介有鵝鹵水鵝片 同埋椒鹽鮮魷。鹵水鵝片嘅味道同埋口感 都好食。椒鹽鮮魷都唔錯， 魷魚 冇煮過火。

Worst service ever, especially the woman who answers the phone call for reservation! Seriously, how hard can it be for you to get a decently polite staff to pick up the phone?! ridiculous

假日的中環少了一分緊張的繁囂，卻換來多一分異國的擠擁，但一樣無損我專誠到中環，因為我要食「潮江春」點心⋯⋯其實都試過幾間唔同嘅潮江春，總覺得中環潮江春點心最保持到水準、最好味。酒樓環境舒適，即使枱與枱之間距離幾親密，一樣無所謂。點心紙係假日獨有的，選擇的確非常之多。今次只食咗幾款傳統點心：炸芋絲春卷：外面少有的傳統芋絲餡春卷，外脆內芋香，超正街邊蒸腸粉：平時已好少食嘅街邊腸粉，可以係飲茶時候食到，風味不同但滋味依然蜜汁叉燒包：每次飲茶我的必食點心，超好食潮洲蒸粉果：潮洲點心必食嘅潮洲粉果，皮薄餡足，加埋辣椒油，勁正！山竹牛肉球：無咩特別，但一樣好食。點心岀色、環境舒服、服務平均，雖然結賬前嘅功夫茶上次自動供應、今次就消失咗，但如果要求，應該會奉上一碟六杯嘅功夫茶。無論如何，中環「潮江春」都係假日飲茶嘅一個好選擇！

台灣朋友黎香港3日2夜 因為佢酒店揀係中環 所以佢離港前帶佢近近地飲茶揀咗潮江春 因為之前分店食過 覺得唔差中環果然係中環 入到去 真係高貴咗11點30一開就入去 食到1點環境好舒服 服務周到 幾貼心 態度好好我同2個台灣朋友黎 叫咗燒賣 蝦蛟 流沙奶黃包炸芋絲春卷 叉燒腸 鳳爪佢地食到津津有味 好彩冇揀錯佢地話個前菜小食好好味叉燒腸好滑 叉燒好香 蝦蛟大大粒 好多蝦係裡面炸春卷真係好好食 香料加落芋絲到 又唔太咸鳳爪食落唔會霉 燒賣都唔錯唯獨最愛既流沙奶黃包 又冇流沙 又少奶黃 失望3個人食咗4百蚊 差不多喇..

Welcome lunch多數都揀飲茶，人多容易book位，今次揀咗潮江春。其實大家都覺得佢整體水準不如怡翠軒，無奈佢有招牌滷水鵝片同黃金煎伊麵，眞係不食不食還需食吖～不得不說，個人很喜歡它的開胃菜，微酸爽口～依舊還是以點心為主。蘿蔔絲酥餅本人不太熱衷蘿蔔製品，但lee款蘿蔔絲酥餅真係俾到我眼前一亮嘅感覺。外酥內軟，內餡有點香甜。值得encore～沙律明蝦角香口嘢總係容易引起食慾。角仔造型，炸至金黃香脆，邊位摺角位置可能略厚，嗰個位置嘅口感略硬咗d，餡料份量適中，蝦肉爽口。好百年滷水鵝片可能食得多，對鵝片有d味覺疲勞了，🙈唔知點解今次覺得鵝片肉質有d「鞋」。反而，覺得墊喺下面嘅豆腐好好味，吸收咗d滷水汁，但豆腐依然好滑。翡翠蟹肉餃翠綠嘅餃皮經一定調味，不錯，可惜依然存在一夾就爛嘅情況，如果可以再改進就好啦～ 內餡有蟹肉、豬肉等，不錯，有蟹肉的鮮，有豬肉的爽口。鮮蝦腐皮卷同屬炸物，也是金黃香脆，不過餡料略少，主要食腐皮為主，略感失望。潮州黃金煎伊麵唯一不變的是對煎伊麵嘅期待。煎到一面香脆的伊麵，蘸上所配的白砂糖、醋，冇得彈～ 水晶蝦餃皇蝦餃皮相對於蟹肉餃嘅皮，冇咁容易爛，內餡不過不失。（

美心中菜唔係話超級高水準，但整體質素都唔錯，而且水準穩定，所以中環呢間潮江春中午都長期好多人，好多時訂咗位都要等一陣。今日又來食晏，等左唔夠10分鐘就有枱，算快架啦！一坐低，侍應就拎左功夫茶俾大家，每人小小一杯，茶香濃郁。然後，我們把握時間落單，今日一行四人，叫咗滷水鵝片、炒菜苗、潮式煎麵、XO醬炒蘿蔔糕、蝦餃同埋另外兩三個點心。食物出得好快，落單冇耐就有嘢食，啱晒香港人嘅節奏鵝片切得厚薄適中，滷得嫩滑入味，滷水汁濃味而不過咸，好好食。可惜份量唔算太多，除咗面頭一層鵝片，下面墊底嘅就係滷水豆腐了。蝦餃亦唔錯，皮夠薄，不過略嫌個餡太多肥豬肉，蝦嘅份量相對少咗啲。XO醬炒蘿蔔糕係次次都會點嘅食物，蘿蔔糕切粒煎香，加上微辣嘅XO醬，惹味又好食！黃金煎麵係潮江春嘅必食推介，雖然頗為油膩，但個麵的兩邊都煎得香脆，麵質爽滑，撈埋糖同醋一齊食，口感同食其他兩面黃係好唔同的！跟住再食埋個菜同其他點心，飲埋杯功夫茶消下滯，就匆匆忙忙咁埋單了，每人$160，以中環地段來計算，都算係一個價錢合理而食物又好食嘅午餐