潮庭 (新城市廣場) (Closed)

野食都ok，不過態度真係麻麻地，同埋等太耐.一開波就落左3樣野食先，但就40幾分鐘之後先上左一樣 .....都算啦 可能人多.點知再之後再加單既時候 我順便問拒 拒就話咩我地落小左單（一開頭睇枱號果陣復左我地系叫左3樣野）.... 仲話咩你之後再加單就緊系漏啦.....咩邏輯 特別系果個女人..真係太冇禮貌 對住我地大聲夾惡 ，自問態度唔系差 .我只系想輕松咁飲個茶姐

点解会去嗰度食，？有两位亲友生日，所以一行12人去咗呢间食生日饭。新鲜程度：⭐️⭐️⭐️⭐️🌟卤水狮头鹅五彩盘：呢个拼盘1D都唔起，每件材料都非常认真，唯独挑剔一点，咸咗少少。沙拉梅羔酱烤骨：个名好靓，查实系沙拉骨，不过个烤骨的而且确外脆内软，沙律酱配妹酱嘅味道非常吸引。翡翠虾腰花枝片：最令人深刻嘅地方就系虾球同花枝片嘅数量都非常惊人。金汤海皇烩燕窝：我个人觉得今晚最深刻嘅地方，就系呢个金汤，因为佢真系可以称得上系一个海皇金汤，每一啖都食到海鲜，有少少料到多个汤嘅感觉。蚝王原只鲍鱼扣花菇：呢个餸就比较普通啲，但系只鲍鱼都几大只。茶树菇蒜蓉碎蒸沙巴趸：冇谂过佢将条鱼拆开来蒸，都可以有另一番风味；厚厚嘅趸肉，配以厚厚嘅鱼皮，肥美可口。潮莲烟熏稻草鸭：今晚另一个焦点，就系呢只烟熏鸭，外皮微脆，鸭肉充满住烟熏味，完全唔会鞋口，系少有食手到嘅烹调方法。上汤鲜菌浸时蔬：健康嘅。紫薯甜晶包：外皮非常Q弹，包心充满着满满嘅紫薯。总括而言，食物质素唔错，但间餐厅有少少离谱嘅，就系唔知点解可以咁多人都唔开冷气。你晒大嫂！ ！ ！ ！

星期日相約朋友到沙田晚飯， 我地唔熟悉沙田，睇Openrice發覺餐廳食肆超多，朋友提議食潮州菜，老公立即舉手贊成( 因開正佢嗰範)😅餐廳舒適但樓底較矮， 由於我哋經常食潮庭，所以對餐牌已很熟悉，我哋好快叫完餸，都係例牌嗰幾款，鹵水鵝片，蠔仔肉碎泡飯，方魚炒芥蘭，川椒雞，稻草鴨。可惜普寧炸豆腐漏左單😒鹵水鵝片 ~ 鵝肉太肥，水準一般 (由於太肚餓關係，來不切拍照😅)蠔仔肉碎泡飯 ~ 蠔仔肉碎比例啱啱好，好味道😋方魚炒芥蘭 ~芥蘭夠嫩口，炒得不錯川椒雞 ~ 好味，夠份量👍稻草鴨 ~ 皮夠脆煙薰味濃，好味但略為乾身😀

週日晚上，六大四小十人家庭晚宴，壽生指明要食呢間。訂枱是有點小插曲，攞位時話無我地個訂枱，但負責訂位既朋友又話今早都收到確認電話，總之口同鼻拗，好彩最後都有位，因為週日晚上六點都未有好多人，整晚來講都只有七成滿。是次最令人深刻的是脆卜卜的椒鹽九肚魚，不知潮式是否有所不同，跟平時在大牌檔食既有點不同，扁啲，無咁肥嘟嘟，勝在香口又脆。川椒雞都好吃，都算大碟，雞塊也大，炸香葉好味。用餐環境不錯，但不知道是否人手不足，點了五個白飯好耐才起。最後自攜蛋糕，叫左好耐都無人手有空送來，服務上令人有點失望。

星期日同屋企人諗住開開心心飲茶，坐了很久才來得一碟點心，叫夥計幫我地追吓啲點心，點知佢答話係好耐架，起碼半個鐘先有得食，我答話已經超過半個鐘，佢跟住再話呢度唔係得你一台客，成肚氣，我哋係俾錢嘅客人唔係求食嘅乞兒😡。Black list冇下一次。

22/2/2019 @沙田潮庭星期五夜晚上同屋企人出街食飯，因為信用卡有折，所以揀咗去潮庭度食下潮州菜。好彩book咗位七點鐘，之後入到去好快就全場爆滿阿媽話好耐冇食川椒雞， 等咗一陣終於上菜， 賣相幾靚， 雞肉都好嫩好入味， 珍珠葉亦都炸得非常乾身，脆口又唔油 唯一就係覺得佢唔夠熱。菠蘿醬炒蝦球， 嗰時冇諗過淨係得六粒， 感覺有啲少，但係賣相都幾靚，而且蝦球都幾大粒。 呢碟熱辣辣上菜，蝦球有炸粉一齊炸，非常脆身， 但係略嫌炸皮有點厚， 蝦肉彈牙爽口，配埋菠蘿汁一齊食係非常開胃的一道菜。 伴碟嘅菠蘿亦都非常香甜新鮮。 黃金煎麵， 之前喺其他餐廳食過覺得好好食係一個非常出名嘅潮州菜。 今日食呢啲黃金之面有啲失望，因為正常黃金煎面(又叫 糖醋面)應該係兩面(底和面)都煎得金黃，但係呢度淨係面煎得金黃，底下仍然係"淋"的面， 雖然沒有韭黃一齊煎，但係感覺唔同咗。 表面係好香脆嘅，加埋糖同醋一齊食係好食的，但係就硬係覺得唔係正宗嘅糖醋麵 海皇美極粉絲煲， 上車嘅時候熱辣辣， 但係同想像中有啲出入， 原本諗住去先係 一大嚿一大嚿喺上面一齊炒的，但而家係海鮮全部都切到細細粒撈埋粉絲食， 根本食唔到

大年初一，出街食飯少不免，要喺沙田搵食，又要食中菜，美心集團嘅酒樓係我心水嘅選擇。過年食飯記得要提早訂位，而近幾年都會要求落訂$500，搵咗幾間嘅時間，最後決定訂潮庭。上到新城市上面，美心有三間酒樓喺樓上，哇...人山人海咁呀，加枱加到出走廊，好誇張呀！好彩訂咗位，不過都要等一陣。每年嚟美心集團食年飯有樣好，就係冇加價，同平時價錢一樣，只係冇信用咭優惠啫。鹵水鵝片都幾好味，有豆腐墊底，個人鍾意鵝片多過鵝件，因為啖啖肉😋魚蛋都可以的，不過偏鹹，什菜就有好多款：旺菜、白菜仔、小棠菜、紅蘿蔔同蘿蔔酒糟肋骨都唔錯，煮得夠林，件數都有八件左右最鍾意喺潮庭或者潮江春食嘅炒飯非欖菜肉碎炒飯莫屬，因為欖菜惹味，而且唔太油，所以次次都會叫㗎！☺️

之前從未試過黎潮庭飲茶，今次本來都係黎隔離既翠園飲茶，但好多人要等位，見潮庭唔使等位，就試下。點心款式尚算多，除左有一般點心，仲有一d潮州小食。兩個人叫左4款點心1.原籠馬拉糕而家好多酒樓既馬拉糕都唔係用傳統庶糖做法，好多都係奶皇馬拉糕，我個人就對奶皇馬拉糕一般，因為重奶味，比較膩，亦都無咁鬆軟。潮庭呢個原籠馬拉糕就岩晒我口味，原籠細細個，又香又鬆，好味。2. 黑椒牛肚牛肚份量多，濃濃既黑椒汁掛係牛肚到，牛肚爽口，正3. 子薑皮蛋春卷呢個點心係其他酒樓都未試過，我仲意食皮蛋，所以就試下。結果無令我失望，子薑同皮蛋配埋蝦肉好夾，蝦肉彈口，唔錯唔錯4. 棗皇糕無特別驚喜，但都ok整體點心水準都好，以後翠園之外，多一個選擇。

大年初三，因為是赤口，傳統不宜去拜年， 一大清早就去車公廟祈福，人頭湧湧， 非常熱鬧， 香火非常鼎盛！跟住去沙田飲茶， 真的是早起鳥兒有蟲吃，不需要等位， 真的太好了！ 新春飲茶會比平時貴一些， 這是慣常的做法。近日食得糕點多轉食點心， 份外覺得好味。 不過可能即叫即蒸的關係， 上點心比較慢。埋單後，已見酒樓門口排滿食客在等位！牙籤套上印了祝福語，人人見到都歡喜！

早兩個月來過，覺得呢度食物不錯，所以今天再幫襯，点知極度失望!!!話說叫左个咖啡骨, 点知轉頭話今日冇, 唔緊要，咁米轉菜轉咗個梅羔骨，點知等咗個半鐘，係個半鐘!!! 追咗單五次， 都話廚房整緊！！！結果等咗個半鐘都係乜嘢都出唔到嚟 今時今日咁嘅服務態度太差了吧結果只係食咗一碗蠔仔粥同鵝片就走了

12點幾來午飯，大堂的枱已坐滿，被安排在轉角處的房間，坐位很好，環境較清靜，唯獨冷氣很凍！挑選了五個潮州點心和小食，今趟食物很快就送來。"前菜"仍是咁醒胃！"潮州手打魚疍粉"湯底有少少鴨肉味，魚疍、魚片好爽口，好味。"潮式煎茶粿"饀是紫薯蓉，吃一個已有點滯，很膩，吃剩一個唯有打包。"鹽燒小黃魚"炸得又香又脆，澆些檸檬汁，不消一會兒，一尾小魚，幾乎連骨也吃掉！"潮州蒸粉果"水準一般。"黑白芝麻糕"看似麻將，黑芝麻的味道很濃厚，完全掩蓋了白芝麻的味道，食落仍有芝麻蓉的粒粒質感。

平時好多時會去潮庭食晚飯，沙田呢間第一次。衛生同服務情況，比起金鐘同尖沙咀就差咗一點點。不過食物質素，我就一樣咁好味我最愛嘅小食涼菜（用來送酒真係一流）鵝片 $148 （鵝片夠薄，食落夠林，滷水味道適中）蟲草花炒翡翠苗$88（今次炒得油左少少）芋頭南瓜茨實煲 $98（呢個真係要推介炆得好入味，芋頭夠鬆化，茨實有咬口）埋單都係$419，老公話食餐飯連free car park都攞唔到潮庭晚餐真係幾相宜，食物都係唔錯嘅

12點到這裡午飯，人尚未算多，不用等位。開了茶，送來一碟前菜，連忙選了4個點心。就這樣，聊聊天，喝喝茶，淺嚐前菜……直到前菜也差不多吃完了，點心也未送來。等了25分鐘，只送來一碟甜品，其他點心仍在製作中，唯有繼續等……前菜很醒胃，種類又多，有咸辣和酸味，味蕾也被喚醒，酸菜和青瓜特別好吃！30分鐘後，終於送來點心，香茜牛肉腸，質素真的一般。瑤柱菜苗餃，熱騰騰，三大隻，非常飽滿，味道清爽，不過蝦是雪藏的。最後送來的是鯧魚片肉碎粥，上枱時加了少許胡椒粉，魚片份量足料，可惜魚的鮮味被鮮冬菇搶去。"如果太多鮮冬菇，魚味就無訂企！"而且魚乾粒仍是硬硬的，對這碗魚粥有點失望！飯後最期待的甜品，千層咖啡糕很好味，濃濃咖啡味，又香又滑！

今天在潮庭出席朋友婚宴，想不到有兩個菜令我留下深刻印象，所以想介紹一下。可惜餸菜由侍應給我們過目後就分好一碟碟上枱，所以也不好意思影相。第一個驚喜是松露芝士花姿圓，大大粒的花枝丸，外皮炸得脆脆的，花枝丸肉質彈牙味美，吃到近中心更開始有非常香濃的黑松露味道，令人一試難忘，簡直是一大驚喜。之後到了魚丶雞等已沒有太大食慾，只想等到甜品才再吃，怎知來個名為潮式黃金煎伊麵，原來是糖醋麵，平時較少機會吃到，所以就試試，這個又是另一驚喜，面層薄薄而爽脆，底層厚厚而軟腍，口感一流，實在值得一讚。

🐼#chiuchow估唔到沙田都有好食既潮州野！好少黎沙田呢邊，新城市廣場永遠default翠園但依家可以食第樣！因為星期六午市翠園排隊實在太耐太耐，老人家又淨係肯食中國野，對西野泰國野越南野無興趣！就去左隔離試下新野，潮廷係真係好有驚喜！煎蠔餅係最近食過最好味！之前食過間明明寫住煎，但出到黎係炸既，嚴重欺騙！呢間就真係薄煎啦！蠔仔鮮又唔腥，個汁都好好味，兩三下手勢佢就消失左！乳鴿湯係服務員強烈推薦下叫左，都算幾潤，但因為其他菜出得嚴重地慢，斷估經理又落柯打叫服務員主力推例湯，俾d客飲個湯頂下肚。翠綠絲呢味野d菜係好生既，但咬落又幾有嚼頭，d金銀花都幾好食，食食下又成盤清。個醬雞不過不失啦，但實在係太油啦。。梅菜豬肉炒芥蘭幾得意，但普通好味啦。無計，最出色係蠔餅，搶曬鏡。#shatin 🧚🏽Follow my ig : @pandaeatshk 🐼 for more food rants! 😋🍑🍖🍕🌮🥘🍣🍮🍳🍜 #hungry #香港美食 #pandaeatshk #hkfoodblogger #hkgoodeats #hkfoodblog #hkfoodie #hkigfood #全