潮庭 (新城市廣場) (Closed)

之前從未試過黎潮庭飲茶，今次本來都係黎隔離既翠園飲茶，但好多人要等位，見潮庭唔使等位，就試下。點心款式尚算多，除左有一般點心，仲有一d潮州小食。兩個人叫左4款點心1.原籠馬拉糕而家好多酒樓既馬拉糕都唔係用傳統庶糖做法，好多都係奶皇馬拉糕，我個人就對奶皇馬拉糕一般，因為重奶味，比較膩，亦都無咁鬆軟。潮庭呢個原籠馬拉糕就岩晒我口味，原籠細細個，又香又鬆，好味。2. 黑椒牛肚牛肚份量多，濃濃既黑椒汁掛係牛肚到，牛肚爽口，正3. 子薑皮蛋春卷呢個點心係其他酒樓都未試過，我仲意食皮蛋，所以就試下。結果無令我失望，子薑同皮蛋配埋蝦肉好夾，蝦肉彈口，唔錯唔錯4. 棗皇糕無特別驚喜，但都ok整體點心水準都好，以後翠園之外，多一個選擇。