吉之家 (Closed)

早一晚以打算打定肚再入石澳游水+BBQ於是同朋友早一晚睇OPENRICE先來呢度一試佢既平價下午茶一黎到先發覺 好鬼似係吉之島果D FOODCOURT入面食拉麵咁一行四人叫左四個下午茶餐, 炸豬扒拉麵, 炸餃子拉麵, 同兩個冷麵兩個拉麵 炸豬扒拉麵同炸餃子拉麵 食落比吉之島果D FOODCOURT好少少啦有D似係屋企買果D即食拉麵煮既味道 湯底都係普通味精湯 不宜多喝而炸豬扒好硬 要淹一淹湯先可以吃 而且無醬汁 醬汁另叫要$5餃子味道不過不失 有五隻都算抵食 好以一吃而朋友說 冷麵反而幾好吃 而且仲有隻鵪鶉蛋比你撈同埋日本鼓油 好似又OK WO總括來說 係比吉之島FOODCOURT好DD 而且都幾平下仲有綠茶係任飲架一試無彷

平時嚟到openrice都係得個睇字 今日見到呢間嘢 真係忍唔住手比返d意見!!!正如標題一樣 呢間嘢d食物真係物超所值 下午茶都係22!!! 之前係20 不過而家加2蚊真係無可厚非 我本身都住筲箕灣 所以由呢間嘢一開舖我已經開始幫襯 難得咁多年d嘢都keep到味道 廢話少說 介紹下先生疆豬肉飯就大家都知好食 唔多講 另外我最鐘意既係燒牛肉飯定燒牛仔骨飯 一絕!!! 唔係好熟形容 總之好好食!!! 另外呢度d拉麵都好好食 湯底又好飲 我慣左加d7味粉同胡椒粉 yummy一個定食送埋面豉湯同非常惹味的小辣芽菜都係35-40 個人認為去筲箕灣一定要試試!!! 今次未有相住 下次補返

我學日文果陣,成日厘筲箕灣食野,有次想食日本野,我d fd介紹我厘呢問食,我咪試下囉,叫左個咖喱豬扒飯,好正,好坻食

今日同男朋友行完山落返筲箕灣,個肚餓餓地.想食下午茶但諗左陣都唔知食乜好.突然間我諗起了哩間食店!見價錢又ok,就試下啦.反正平平地,唔好食都仲可以去第2間.我叫左生牛肉拉麵,男朋友就叫左吉列豬拉麵. 2樣都幾好食亞!$22,響哩個樣樣都貴既香港都算係唔錯啦!而且拉麵大大碗!就算唔係下午茶,平時都只係$3x到.抵啦.仲好過去個d味x拉麵呀.不過湯底油左少少,但接受到.野飲就得杯普通既茶,不過汽水一罐都係$6.完全接受到呀!我同男朋友都吃得很開心!

由中學喺柴灣道嘅中學讀書開始食到依家，以前中學Lunch time仲要走落去霸位。以前最初啲滑蛋豬扒飯好好食，唔知係因為大個咗口味變咗，定係佢真係差咗，依家覺得啲滑蛋豬扒飯太濕，搞到啲飯淋得滯。自己一直以黎最常食嘅都係佢既生姜豬肉定食，個醬汁好惹味，送飯亦一流；另外，佢嘅咖喱都做得好唔錯，唔太稀，咖喱味ＯＫ，但如果怕辣嘅人就未必啱，因為食落都有少少辣，但係我自己就好鬼鍾意。飯堂形式，大家排排坐；雖則佢有啲位係可以一邊4個X2邊，可以坐到8個人，但Lunch time好多人幫襯，所以如果同同事去食晏，多過4個人就比較難搵位。

大年初三,街上的店間間都唔開,想搵野食真係有d難度,剛剛食左2個生煎包,中係有d餓,行到天悅估唔到吉之家竟然有開差唔多有4,5年冇去過了,勁想去回味下 今次點左咖哩雞扒定食,估唔到咁耐中可以保持到咁好的水準,唔似一d店出左名之後就差左,D雞扒炸到好脆,之後先淋咖哩汁,食時仲好脆,咖哩因為係日式咖哩,所以微辣,但係勁香 唔知WHY我次次食咖哩一定係落暴雨,D汗仲多過黑雨,但係唔係佢地的錯,所以吉之家的野食仲係90分^o^咖哩雞扒定食如下:白飯咖哩雞扒湯(好正宗,好正,好香好好飲推介呀)開胃菜(我想應該係芽菜,我係食肉獸唔識分菜類)

我住係筲箕灣咁耐，都未知吉野家係食咩時，就對吉之家首先有認識。依家乜都話加價，但吉之家好似未受影響，價錢一樣。有好多食店都因為經唔起時間考驗，品質都keep唔到，但吉之家竟然可以！老闆似去過日本參加過d咩煮食比賽的，大大張證書掛係牆，好似要話比人知，佢唔係普通係屋企出來要開間日本餐廳的人。雖然佢d餐並唔係正中日本食物，但真係有誠意。佢d下午茶係好抵食的，$20有好多款拉麵、咖哩飯/飯比你揀，最受歡迎應該係咖哩豬扒/雞扒飯，$20已經是全日供應了，大大碟，d咖哩好香，塊豬扒/雞扒大大件，炸得香脆乾身。我至鐘意食佢o既日式赤冷麵，$20下午茶價黎講，個賣相算唔錯，有板有眼，有哂工具，味道還要唔錯添。另外佢o既辛辣雞粒拉麵都好受歡迎，收銀姐姐還會有溫馨提示，會問你要唔要小辣，依家凍凍地，食碗真係warm哂o架。地方不大，有食堂feel，所有野都係自助，綠茶烏龍茶任飲，汽水$5。有好多學生都好鐘意黎呢度食，因為可以平平地食日本野麻，包括我，當年學生時代都好鐘意呢度，有好多回憶^^

我好耐都冇黎喇~~~尋晚揸車過海接家姐...諗起我係呢度以前既常客最中意食既就係鯖魚定食....因為中意食魚既關係我會去好多間日本料黎度食鯖魚就算起SOGO買急凍返黎自己整黎食都不及呢度......唔駛整又超好味....拍得住...架佬整既燒SABAI....又平喎~~~只係$30多蚊便可以食到咁平既燒鯖魚喇正........值得推介

由細食到大特別喜歡她的炸餃子拉麵，但坦白說，近年的餃子的size 縮水了些少但味道依然炸多春魚都很惹味．．．說不上正宗的日本菜但普通下午餐　是不錯的選擇又不貴　又飽肚．．整間店鋪給我的感覺是清楚乾爽

呢度一直係我最愛食店之一，由學生時代幫襯到而家，原因係抵食夾大件，仲唔洗點等添，20蚊已經有豬扒飯、拉麵可以食到好飽，而且佢\仲有紅茶綠茶任拎。叫左個雞扒拉麵，雞扒剛剛炸起仲熱辣辣，咬落去好脆好好味，拉麵亦都幾有水準，食完好滿足。

今日如常去dine.e*~佢個麻辣雞定食真係好正停唔到口*=]!!!加多o左碟炸"搞子"...炸得"農"o左少少可過都好好食~其實最鍾意係佢d綠("抹"??)茶~飲幾多次都係咁正~

很久沒有來食o野啦!尋日終於有時間再來食,下午時段要了一碗“生牛肉拉麵”($20),裡面除了牛肉和拉麵之外,還有少許芽菜&海帶, 麵身好有咬口, 牛肉份量頗多, 牛肉係肥牛,所以碗麵都會比較多油。

牛肉拉麵$26 ~ 用的是肥牛,湯底都幾咸,麵質OK.磨菇白汁雞扒飯$28 ~ 磨菇都幾多的,但雞炸得好乾.個人認為飯類只是港式貨,所以下次只會叫拉.

呢間野o既下午茶好抵食架...我就最鍾意食佢o既日式咖喱豬扒拉麵... 如果熟地頭o既你就一定會問...下午茶冇日式咖喱豬扒拉麵架喎...冇錯... 我o既個人食法係... 先叫一個豬扒拉麵(20蚊)... 同時加個日式咖喱汁(5蚊)...咁你就會食倒好好味o既拉麵喇...因為日式咖喱汁好香濃... 而同豬扒分開上... 要食o既時候先點汁...保持豬扒鬆下次去你一定要試o下呢個食法... 包你話正~因為我搬o左屋...已好耐無去... 好懷念...

係筲箕灣住的話應該會知道呢間下午茶超抵最鍾意餃子拉麵及咖喱豬扒飯即使只係下午茶,份量跟正價一樣的多,餃子煎得夠熱夠香,亦會與拉麵分開上(別的地方以這種價錢,只能食到剩餃子)豬扒鬆軟,咖喱汁夠香濃茶(記得好像是綠茶)一早斟定,自行去取已好耐無去,好懷念