私房蔡 (Closed)

昔日在大坑威振聲名的私房蔡在去年已搬到天后威菲路道。不是地膽街坊很難令人特意來吃個餐點個菜吧！以往不大喜歡來、原因是不敢恭維那名過於實食品、感覺價錢頗高。今非昔比的是當左鄰右里、隔離附近、各大小不同的食肆紛紛因物價高昂而你又加我又加時，猛然發覺「私房蔡」的可愛。午餐在這區抵食、送湯又送餐飲、食物水準維持不變、價錢是同區內算是廉宜。支竹火腩煲配白飯真要給個讚。少有的這麼多菜。津白加支竹很是配搭加上火腩。正👍大人小朋友無不喜歡、這個菜式被譽為最受歡迎的「麻乜套餐」😆😆

值得一去原本係大坑搬到黎天后更靜既呢到。比以前係大坑更易泊車。再唔係放係門口巴士站又得。摵粒花食飯梗係味味都係肉。要左招牌既清湯腩煲同咕嚕肉。加個胡椒豬肚湯暖下身。豬肚湯煲得出味。係胡椒可以再重手啲再辣啲。 咕嚕肉一黎即刻啪返舊。個汁酸甜平衡。酸味唔嗆仲有菠蘿同鮮茄既投入。炸皮就啲脆啲唔脆。但係舊肉直係得。脢頭夠腍之餘仲要有肉汁。食得過！ 牛腩煲上枱仲滾緊。一打開啲牛肉味就攻出黎。坑腩片鋪滿左兩層。底下係透曬身既蘿白。仲有啲津白。牛係坑腩位。切成約半厘米既片。裁短左纖維令口感滿足之餘不用多費牙力。邊邊既筋膜位滿滿膠原蛋白。啖啖肉香。蘿白津白夠甜。加上吸收左啲肉味。亦係搶手。埋單五舊。未算抵食但係絕對試得過。