曼菊泰國料理 (Moved) New Location

同朋友去咗葵廣搵好野食。下晝2點幾去好少人，岩曬我地可以肆無忌憚咁傾計！🤣🤣🤣我哋好多餐廳都有試吓，其中一間覺得好出色嘅就係呢間曼菊泰國料理！！本來諗住好多嘢都想食下，不過實在太飽，所以就淨係叫咗呢個泰式無骨酸辣鳳爪沙律！！🤣點知一食咗落去之後太過驚喜，呢度嘅無骨鳳爪超級方便，唔使桃骨，而且呢度嘅酸辣味啱啱好，唔會太辣！啱晒我😂🤣最重點係呢度嘅鳳爪分量十足，而且價錢又好平，所以食得好開心！！另外我哋仲叫咗串燒！！比呢度嘅串燒香氣吸引咗，忍唔住都叫咗兩全試吓，同朋友叫咗呢個豬肉串燒！豬肉味非常香濃，而且油脂分泌啱啱好，食落去豬油嘅香味完全深入左口腔入面入面！加埋呢個泰國嘅醬汁，真係會食上癮！下次一定要再過嚟幫襯下先得

不知所謂的木瓜沙律，要求將配料‘中’爛d，入晒味才好味，結果只係把配料切絲放入外埋盒便算，連調味汁也沒加入配料撈好. 叫食客食前自己撈，完全失去木瓜沙律的味道，這還叫做正宗😡😡😡！！！

相信大家都一定知道葵涌廣場入面有好多唔同嘅特色小店都係好正，除咗行街之外，掃街都係一流！今日放假都難得約咗個好閨蜜一齊去葵涌廣場入面數下街🥰🥰行吓行吓比呢間泰國嘢吸引咗，無端端好想食泰國嘢，而且呢間餐廳嘅性價比好高，望到啲食物都好抵食，所以就忍唔住入咗去試吓！！叫咗呢個冬陰功湯可拎走返屋企食！呢個湯河嘅冬陰功湯底非常香濃，味道十足，酸酸辣辣咁真係一飲就愛上了！而且配料非常充足，係好香濃嘅泰國香味！再加上呢度嘅蝦肉非常大隻，厚度同埋鮮度十足，咬落去10分彈牙！而且呢個湯河都只係買$48 ，以呢個價錢來講，絕對係性價比極高！一間值得推介又平又抵食嘅餐廳！

🎈曼菊泰國料理 🎈地址: 葵涌廣場2樓C07A號舖🎈 泰式炒粉絲 $40 ——————————————-葵涌廣場2樓新開左一陣子嘅外賣泰國料理cp值超高。之前我已經試過佢地大大盒又嫩滑嘅海南雞飯。今次買個泰式炒粉絲黎做晚餐🎈一打開就已經聞到一陣嘅香味係好有驚喜。而食落真係有泰式嘅香味而又一d都唔辣。配料超足有芹菜、香葱、甜椒、椰菜、紅洋蔥、炒蛋仲有大量泰式肉碎。粉絲又唔會好油膩。熱辣辣又大大盒。真係要大叫好好食又好抵食呀。回頭率100%呀!!!! 。 而且呢度嘅價錢非常平民，真係可以做一個長期食飯嘅飯堂！下次都要再試吓唔同嘅菜式先得！

無意中看到有芒果糯米飯決定買一份作為今晚宵夜。偷偷地見到整梗我盒芒果糯米飯糯米煮熟成飯之後，趁熱拌入椰漿與糖再把新鮮芒果切片與糯米飯一同再淋上椰漿(哇。。熱量相當高的吃法...😹)雖然好邪惡，不過太吸引啦！然後包裝好，把外賣送到我手上 。我心裏一直好想打開！😆終於到家了。一口把糯米飯與芒果同時放入嘴裡，溫熱的糯米飯配上多汁甜鮮的芒果，芒果甜中帶微酸的味道與椰奶形成一種恰到好處的妙不可言。柔軟的芒果配上香Q帶點嚼勁的糯米飯，口感非常平衡；而糯米飯中微微的鹹度，卻又引出更多的甜味卻不膩😋

今天和媽媽下樓買一些家庭日用品，突然看到一間新式泰國快餐店💖見到非常吸引，而且呢間泰式餐廳喺店外門口已經聞到好香好香嘅味道，所以都忍唔住一定要走去試吓！相信不少人到泰國，都吃過一道泰式炒粉絲。❤️❤️所以今次我都叫咗呢個泰式炒粉絲，去懷念同埋回味一下喺泰國去旅行嘅味道先💖我我都好鍾意呢度嘅炒粉絲，首先呢度嘅粉絲非常有咬口，而且味道香濃，加上泰國嘅香料本身都已經非常重口味，非常適合鍾意濃味嘢食嘅我！！而且再加上呢度嘅炒粉絲入面有好多唔同豐富嘅配料，有蝦肉有雞蛋有肉碎，仲有少少花生碎添，令到成個味道層次都非常豐富！每一啖咬落去嘅時候亦都食到熱辣辣同埋有少少辣味嘅粉絲，雖然係一間好地道嘅小店，不過食物質素依然係非常出色，值得推介！

第一次見到有專做泰國菜嘅快餐形式餐廳，泰國菜本身中價位，可以以平民嘅價值嘆到泰國菜，真心想佢開係我屋企附近😂必定會成為每晚飯堂😬選擇都唔少架，仲可以揀餐添😚位置都算多，自己點完餐再係櫃枱自取。 但係好多人都叫外賣拎返屋企食。今次我就叫咗呢個青咖喱豬頸肉配白飯❤️青咖喱好惹味，唔會太辣，食唔到辣嘅朋友仔或小朋友都啱食。本身都已經好鍾意食青咖喱嘅味道，估唔到喺呢度嘅地方小店都可以試得到，仲要係好食添！豬頸肉厚切啖啖肉，蔬菜配料亦好多。可以建議大家去買件法包有蒜香，熱辣辣，沾上咖喱一齊食，一定無得輸啦😛

眾所周知，葵涌廣場入面有好多好特色嘅小店，都係好高質，我今日就去咗試下葵涌廣場入面嘅其中一間好出名嘅泰國菜，叫做曼菊泰國料理😊小店來講，呢度嘅菜式都算非常豐富，而且有好多唔同種類嘅泰國菜式！今日就叫咗呢個香葉肉碎大蝦飯同埋金邊粉😋😋即叫即整，所以鑊氣十足，非常熱辣辣！而且呢個金邊粉好出色，有好多肉碎都係好惹味！好可口！加埋呢個金邊粉非常彈牙非常爽口，撈埋一齊食簡直係絕配😋！至於呢個香葉肉碎大蝦飯亦都好好食！都係用返同樣嘅豬肉碎，不過送飯今次亦都係好夾！泰國菜就係有呢個好處，啲香料非常正！所以拎嚟送飯送乜都一流😋加上有隻太陽蛋，一齊撈飯食好正！兩個人食嘢一舊水都唔使！超開心超抵食！

我自問真係芒果糯米飯達人嚟㗎！呢度嘅芒果糯米飯好正喎！👍🏻我食完之後都忍唔住打包拎返咗屋企比屋企人食😀呢度嘅芒果糯米飯有黑糯米，同白糯米。黑糯米比白糯米有嚼勁及煙韌。佢嘅芒果超級口肉又大嚿。一啖咬落去啲芒果汁滴到成件衫都係。我建議都係外賣返屋企食啦🤣🤣🤣同埋呢建議芒果糯米飯應盡快享用完畢，如果不能馬上吃，要將芒果及椰奶醬放在雪櫃冷藏，而糯米飯可置於常溫，如果糯米飯放在雪櫃或隔夜後會變得又乾又硬，風味變差😁！大家嚟到葵廣一定要試吓呢個甜品啦仲要$38咋🤫性價比好高嘅芒果糯米飯啦！！

仲記得以前有一段時間每個禮拜都要食泰國嘢先會開心🤩基本上好難抗拒，可能本身因為鍾意食比較龍尾嘅食物，所以泰國嘢真係啱啱好！而且仲要唔算好貴，所以成日食都唔會心痛👏🏻今日嚟咗葵涌廣場嘅呢間曼菊泰國料理，試吓呢度嘅其中一個招牌小食香葉肉碎大蝦飯！基本上呢度嘅服務質素都好用心，諗唔到食咩嘅時候佢都有介紹哈哈哈哈😂講返呢個飯先，呢個香葉肉碎大蝦飯分量十足，而且呢個肉碎真係超級多，基本上每一啖飯都可以食到好豐富嘅肉碎！而且呢個肉碎有少少香辣到十足！再加上呢個太陽蛋，撈埋一齊食真係超正！！🤩🤩而且呢個肉碎亦都做得好入味，基本上係好高質素嘅肉碎飯！而且大蝦亦都好好食！！

今日本身食完lunch去咗行街，入到葵涌廣場嘅時候行行吓比好香好香嘅串燒吸引咗😆串燒嘅香味真係喺隔離街都聞到，真係好吸引好邪惡！雖然食完lunch，但係都忍唔到口，好想去試吓🤣呢間餐廳嘅店舖細細間，不過入面嘅菜式都非常豐富！我叫咗一份串燒豬肉😆一攞出嚟嘅時候已經急不及待好想擺落口😆真係好香好香！而且呢個豬肉嘅油分好吸引！係好香好香嘅味道，再加上呢個肉燒得啱啱好，仲係有保持到外脆內軟嘅感覺，而且肉質非常豐富！配合埋泰式嘅醬汁一齊食，真係好爽！雖然食完lunch好飽，不過呢個世界太吸引，所以我都忍唔住食完之後再叫多兩串外賣拎走返屋企食哈哈😆

今日難得去咗葵芳見客，見完客之後仲有少少時間，就去咗葵涌廣場入面行吓街食下野！話晒都好耐冇試過掃街啦😋經過見到呢間曼菊泰國料理，啲嘢食好抵食同埋好似幾正咁，所以就入咗去試吓！！💛香葉肉碎大蝦飯之前有得去泰國旅行嘅時候，好記得泰國嗰度嘅肉碎飯好正！真係好入味，同埋拎嚟送飯真係一流！呢個肉碎飯嘅份量十足，係滿滿嘅肉碎，而且有少少辣味！食得好過癮！！加上呢度嘅肉碎嘅辣味，配合埋啲飯食真係一流！！而且呢個大蝦亦都非常新鮮彈牙💛係好食嘅大蝦！加埋呢個香葉嘅味道，識落係好香濃嘅泰國風味！！本來都唔算好肚餓，但係呢個飯真係食到停唔到口！冇預算過喺葵涌廣場都食到一個咁出色嘅肉碎大蝦飯！睇嚟呢度嘅菜式都要試吓其他嘢先得喇🤣

每當想念泰國的芒果糯米飯，就會想起那香甜軟熟的糯米，配上帶一點點鹹味的香濃椰漿，還有那個多甜少酸的芒果，簡直是甜品界的絕配！😍朋友介紹葵廣呢度有間買泰國聖物好出名，我咁鍾意食芒果糯米飯梗係要試吓佢啦，好平呀$38咋，仲要好大份，大大個嘅芒果！同朋友share一齊食！朋友都話覺得好正！而且呢個芒果糯米飯嘅糯米飯好軟熟，而且熱辣辣！啲椰汁椰奶亦都非常入味！甜得來唔會好樓嘅感覺！好爽！芒果糯米飯是傳統的泰國甜品，三大原素以芒果、糯米與椰奶醬組成，所以芒果嘅選擇係好重要嘅。呢度嘅芒果一啲都唔酸非常之甜，一啖咬落去仲好正，d芒果汁爆曬出嚟😋

不嬲都好鍾意定期就嚟葵廣搵好嘢食，係人都知呢度啲小食又好食又平，我心目中最好吃的泰式炒金邊粉🤩就係呢間曼菊泰國料理，之前成日都喺度食嘢，不過都好少會推介下！今日就喺OpenRice打下好評先👍🏻今日叫咗呢個牛肉船河呢個牛肉船可嘅牛肉湯好濃郁！真係好香濃嘅牛肉味！係飲得出用咗好豐富嘅牛肉食材去烹調嘅牛肉湯！呢度嘅牛丸亦都非常出色，冇諗過呢個牛丸會咁好食😌睇落去平平無奇嘅牛肉船河，本身都冇乜太大期望，但係真係會越食越滋味！！另外仲叫咗呢個泰式金邊粉，泰式金邊粉炒得好香，而且好乾身非常啱火候！而且味道都好香濃，好有泰國風味！金邊粉非常爽口彈牙！重點係超級多豬肉碎，一啲都唔孤寒！！性價比超高嘅一個泰式金邊粉😌😌

好耐未黎過葵行街，今朝好急出門口驚遲到，約咗閨蜜行街嘛，所以就早餐都冇食就沖咗出去，行街行左冇耐我哋就已經發現好肚餓啦，去咗啲小食店度睇發現一間小店係專賣泰國嘢食嘅。立眼見到有生菜包食，就即刻叫咗啦❤️❤️真係必吃的肉碎生菜包，用雞湯煮熟肉碎，再加入香草、葱、鮮青檸汁、魚露、辣椒等香料，惹味不乾身，較Juicy！而且亦都係非常抵食，$39就可以食到大大份嘅生菜包！！要特別推介佢嘅泰式豬肉碎生菜包，豬肉碎炒得香口而唔油膩，辣度啱啱好，配埋新鮮爽口嘅生菜食，非常開胃。❤️以前去泰國成日都會好想食好食嘅生菜包，今日終於比我喺葵涌廣場都遇到好食嘅生菜包！真係太開心啦！！