川婆婆 (旺角中心第一座)

Open Now

Now Closed

收工收得晏，好彩有外送如果唔係真係唔知有乜好食。今晚叫旺中嘅川婆婆，好耐無食麻辣嘢，見佢地唔係太貴就試一試！我叫左2人麵餐，另外加個酸菜魚同鴨血。講真本身都係抱住ok唔難食嘅心態就算，但今次真係唔難食，由其酸菜魚，又大碗，又多料，$88蚊真係唔差。而其他都算叫 ok, 份量都多，佢地係做車仔麵型式， 配料上講真都算多，我覺得最特別係啲蒜蓉醬， 撈埋落去啲麵度食又真係幾好味，可能本人鍾意食蒜🤣。配料：雲吞（同粉麵店舖嘅雲吞無咩分別）。腩肉片（其實係煙肉😑），醬爆肉丸，黑椒牛丸（唔係粉團咁🤷🏻‍♀️）， 枝竹。。。。！講真，配料同其他車仔麵店無嘅分別，佢地既湯底唔係好咸， 辣味因為我叫小辣所以都唔係太辣。而魚旦同鴨血上面果啲都只係辣粉，一啲都唔麻，但$20幾蚊都叫 ok。😆😆😆😆😆😆

相都廢事影，叫咗兩送米線（肥牛）分湯，小食：紅油抄手，麻辣牛柏葉同口水雞。米線個啲肥牛一食就知係劣牛黎，鞋烚烚！食完飲左大量既水，好口乾，湯底重味精到不得了！紅油抄手其實係雲吞，唔知點解會浸係湯，本身啲餡都還可以但浸湯真係唔知咩玩法，仲有啲懷疑佢煮唔熟因為食落口有啲凍既！口水雞仲痴線，直頭有幾舊係生既，見到啲透明粉紅色生雞肉，成碗倒左冇食！唯一好小小既係牛柏葉但唔夠腍身，好難咬開！呢餐買左百二蚊，換黎中左伏既經驗！係中大伏，唔會再幫襯！仲好口乾呀救命！

幾年前已經係尖沙咀食過川婆婆外賣店，佢地既麻辣燙可以話係我食過最好食既。佢地係旺角中心開左咁耐，第一次去試，水準都無變。今次去叫三餸加紅薯粉，麻辣湯底。以前都會食大辣，但係太耐無食已經食唔到咁辣🙈所以揀左小辣。餸方面揀左芋絲，午餐肉同埋響玲另上（記得要另上，如果唔係會變淋哂）。有點可惜既係，外賣拎到返屋企已經吸哂啲湯，如果可以分開面同湯放會更好！紅薯闊粉同幼粉都好推介，好吸到陣麻辣湯底既味。個人覺得加左蒜係好食啲，因為以前試過無加，成碗麻辣燙唔同左味。如果第時川婆婆可以開返間堂食就好🥳

特登去旺中掃街，見到有麻辣燙，就即刻買黎試下。兩餸（肥牛、冬菇）+紅薯細粉 $35揀咗麻辣中辣、少紅油、多蒜。好鍾意佢呢度可以咁customize咁揀要幾多紅油同埋幾多蒜。湯底唔太辣但係好好味，蒜味係慢慢滲出嚟。肥牛好多塊，大概有七八塊，味道可以。冬菇切半，有四塊，姐係總共兩舊冬菇。紅薯粉煙韌，好好食。一食完已經好想買多碗。

響旺角想食酸菜魚，上網search，見到依間穿婆婆就買來試吓,冇乜酸菜魚嘅味道，但係啲酸菜好辣，完全唔係嗰啲味道，有兩舊蓮藕片幾條海帶絲同埋芽菜，不過幾十蚊係咁上下

真係一路都Craving for黃嘅酸菜魚🤤估唔到係旺中會畀我搵到呀！～～～🐟酸菜魚($68)我　的　愛😍麻、酸、香、辣樣樣齊，超有水準！魚片滑得黎唔會醃到無晒魚嘅肉質，但大部份魚片都好多骨😓下次可能試下雞肉。底下仲有娃娃菜同蓮藕，超多料🤩今次買返屋企食🍲夾起魚片後煮咗個粉絲落去，吸晒啲湯超好食！～～～♥️麻辣鴨血($28)嗜辣者必食，鴨血嫩滑又啖啖麻香🌶辣味後勁好強，記得準備飲品先食呀！

平日嘅午飯時間黎到😳唔算多人🙈小店應該係主要做外賣🥡生意因為都冇乜位置堂食🙈得細細個立食區今次已經係第二次黎食第一次食完覺得好好食 回味無窮😋所以再黎食第二次佢有粉麵套餐或者係淨餸套餐☺️因為唔係好餓所以就叫淨餸套餐叫左4️⃣餸 $31餸嘅種類都有好多款今次叫左芝士腸 肥牛 薯仔 白菜仔湯底方面都有𠱸唔同辣度揀上次叫bb辣今次叫小辣其實係叫錯左😂😂因為小辣嘅湯飲落去真係有啲啃不過好過癮🤣🤣餸嘅份量都幾多 都差唔多放滿成個碗🙆🏻‍♀️整體來講係幾好🤣可以過下我想食麻辣嘅口癮🤤🤤

小店傳來陣陣川辣香氣, 主打多款四川麻辣小食, 喜歡川菜或麻辣既人士要試試!自選四餸, 另外配一款粉麵, 可選烏冬、粉絲、米線、拉麵或紅薯寬/細粉。自選配料選擇多, 例如有鴨血、雲吞、響鈴、墨魚丸、鮮牛丸、魚片頭、肥牛、玉子豆腐等等。湯底有BB、小、中、大及菊花辣🌶, 亦可選不辣的湯底。麻辣魚蛋 - 一共有6粒, 魚蛋口感彈牙, 充分吸收到辣椒油既味道, 辣度強勁, 夠惹味!口水雞 - 擁有麻辣香, 食落令人開胃, 雞肉肉質軟嫩。麻辣鴨血 - 是必點的麻辣菜式之一, 有點像果凍的質感。蔥油雞飯 - 雞肉肉質嫩, 有油香。

本人到川婆婆旺角中心分行買咗水煮雞柳食，本人是透過openrice的訂餐服務外賣自取，取餐期間本人詢問該分店男員工時，該名男員工的態度很差很差，好像不願意幫助本人般，完全沒有服務業應有的態度；川婆婆的水煮雞柳好難食，完全俾我感覺係求其整咁，貌相不討好之餘，味道亦難吃，當初以為川婆婆很好吃，但我發現其實是名大於實，之前本人都有光顧川婆婆尖沙咀分店，但貌相和味道都沒有旺角中心分店那麼差，本人是不會再光顧川婆婆旺角中心分店的。

以前中學成日食 而家畢業都好掛住😭 經開旺角終於忍吾住立食都要食😂 佢系主打麻辣燙同麻辣小食！麻辣燙我今次揀左3餸 魚腐 羊肉 玉子豆腐 寬粉 BB辣😚 湯底其實應該係味精湯 因為真係好好味 會想飲d🤭 BB辣就小小辣 小辣會再香d 但越辣會越多紅油 所以記得叫佢小紅油☺️ 最中意寬粉 因為好有咬口 索晒啲湯 又煙韌👍🏻 啲餸就都系咁 魚腐好大舊好索湯😋 羊肉就好有羊味即系好夠蘇！但其實都系食個湯同粉🤤 多食就好冇益 但間吾中一次就ok la! 用goodmalling的app落單 仲會平啲添😌

呢間川婆婆本身有一間專門係火鍋的，火鍋果間我就未食過，但聽聞火鍋係唔差的，但事實鍾意麻辣既都會覺得佢個湯底係唔錯，而係旺角中心呢間就專賣麻辣湯粉面，湯底係ok既，但實在真係太細碗，價錢唔算平，但完全食唔飽，如果大家係好肚餓既話，買之前要諗諗😓

叫咗個水煮雞柳同酸菜魚外賣 問店員有冇跟麵或者飯 佢話冇 咁我哋就問佢可唔可以加麵 佢話要個淨面要加18 咁冇所謂加比佢 另外再嗌咗個兩餸麵然後叫佢分湯 跟住佢態度惡劣咁話：下 邊有人分湯㗎 分湯會變咗一pat野㗎喎 咁我同返佢講正常係分湯㗎喎 因為我搭車返去好長時間 浸咁耐會淋曬跟住佢就話冇分湯 我完全係一頭霧水 同佢講明明餐牌寫住加兩蚊分湯佢先死死氣比我哋分湯……然後同佢講 一個要大辣一個要菊花辣佢又話咩大辣菊花辣呀我話乜唔係可以揀辣度㗎咩佢先話哦係 然後佢轉身同後面整野食個姐姐講話全部大辣 我講返比佢知一個係大辣一個係菊花辣 佢就話冇㗎啦一樣㗎啦 完全係黑人問號 如果辣度係一樣嘅咁點解要分兩個辣 食過尖沙咀嗰間兩隻辣根本就唔同 不過同佢講完佢都懶得理你 等嘅時候我認真睇返餐牌先發現原來係有跟飯嘅 咁我就同返佢講個餐牌寫住跟飯㗎喎佢好似唔知咁 跟住先話係 咁我就問佢點解一早唔講 問佢又話冇 我要取消返啲麵 佢就起曬鋼咁話點知你呀 煮咗啦喎 跟住用勁衰嘅嘴臉叫我哋要講就同佢老細講 企圖兇我哋咁當然唔怕佢 等佢老細黎 老細問咩事我哋解釋番佢仲喺側邊係咁喺度大叫又話唔係又剩 總結 啲嘢

聽說穿婆婆好出名，見到旺角中心有，立即試一試。湯底是麻辣燙的重點，試了一口，除了鹹味，未沒有其他可以形容了，感覺是味精調教出來的湯底，非常差。食材就中規中矩。即使沒有座位，只有幾張枱在店舖外邊，識識吓，有一個女仔來到，想攞張紙點食物，可能他們已經準備緊收爐，就非常冇禮貌地大聲說：「收舖喇！」嚇得那個女仔彈開了。有客人幫襯，是好事，縱使是收咗舖，都應該禮貌地講一聲，這樣的態度，哪有資格打開門做生意呀！那些差的待客之道，簡直是趕客咁！全香港有咁多間食麻辣燙的食肆，湯底咁差都可以用這樣的態度做生意，利害！湯底又難食，態度又差，我以後都不會再光顧，完～

已經好耐冇去過打邊爐，適逢約朋友出嚟食飯，所以就嚟試下呢間聽聞裝修得好靚嘅餐廳。我同朋友大概7點鐘到，呢個時候餐廳仲冇咩人，餐廳嘅主調係粉紅色，帶着一種濃郁嘅少女風味，都幾適合打卡。咁啱我哋食嗰日係禮拜一，啤酒買一送一，所以我同朋友都買咗兩杯嚟飲。至於湯底方面我哋同行嘅友人唔食得辣，所以就揀咗蕃茄同埋麻辣嘅鴛鴦鍋。講真我對佢嘅湯底其實好有期望，但係上到黎就有啲失望。首先佢嘅麻辣湯底其實係不過不失，不過我略嫌佢唔夠香，雖然呢個都可能關我叫咗BB辣事，不過如果再香花椒味啲就好了。令我最失望嘅係佢嘅蕃茄毛蟹湯，首先上到嚟已經問唔到任何蕃茄味，然後我哋試嗰陣隱約見到幾舊蕃茄係湯底入邊，但係最後出到嚟湯底嘅味係一浸紫菜味，講真如果唔係見到佢幾舊蕃茄我真係唔會覺得佢係番茄湯底，所以我唔推薦大家叫呢個蕃茄毛蟹湯。之後我哋都叫咗幾個配料，有蘿蔔、蝦滑、雪花肥牛、娃娃菜同埋薯粉。配料方面我覺得最好食嘅就係蘿蔔，因為啲蘿蔔又甜又𣺉，推薦之選！然後佢就雪花肥牛都相當唔錯，油脂分布均勻，入口牛味都幾重，好味！而其他配料都不過不失。最後我哋一行人，因為食唔飽再叫多咗幾個配料，最後埋單每人$359，我覺得呢個介意

每次都被香味想的肚子饿最喜欢的还是麻辣汤底平时不喜欢蒜的可以可以走但有蒜比较香还有水煮鱼也是不错的麻辣鸭血简直了就是最爱自己偏重口味所以觉得汤底麻麻辣辣咸咸的很满意