川婆婆 (寶勒巷) (Closed)

終於約到好耐冇見既朋友！驚佢ot，專登揀左尖沙咀食飯！川婆婆呢間店一直都係我target list啦☺️我地揀左中間價位既set！💰328/位～新鮮農場靚牛串串套餐🍢😋😋仲要加多個鴛鴦鍋：香辣湯+菌菇湯套餐有包：🐮牛頸脊/牛小排/伊比利亞黑毛豬肋條（三選一，我地揀左牛小排～）：牛有牛味！好好食🦐時令海鮮：有海蝦，鮑魚同埋花甲🐔雞煲：可以選辣味，我地揀左小辣其實食晒上面送既都已經飽飽😆😆但係其實仲有好多嘢可以揀，而且都係串好左，好方便：黃喉、牛肚、肥牛卷、羊肉串等各式丸子：墨魚丸、貢丸、魚蛋等各款菜：娃娃菜、生菜、萵筍仲有響鈴🔔真係好多嘢揀😚😚

我們選擇了$328元的新鮮農場令牛串串套餐,包海鮮, 雞煲, 蔬菜飲品任食。雞煲雞煲醬料唔會太辣, 味道香濃, 聞落好香, 食落好惹味. 非常吸引。食材有香菜, 洋蔥等等, 都比較正宗! 邊爐有兩款湯底提供 – 一係辣 二係中式湯底。開頭我以為辣既湯底會超辣, 但竟然唔係, 而且冇果種食完好口渴我地可以先揀牛/豬, 揀左牛小排, 另外加錢要埋牛頸肴。牛小排花紋都幾令, 薄身, 而且好多塊, 份量足; 而牛頸肴就較厚身, 身長較短。我個人中意牛小排多d。至於丸/菜, 可以去自助巴到拎, 款式都好多, 如有生菜, 娃娃菜, 金菇等等~ 飲品都係任飲, 我揀左蜜桃烏龍,都係唔錯。如果想飲酒可以搵店家~~海鮮有蝦, 蜆, 鮑魚等~~ 蜆大粒同埋新解, 而鮑魚就好爽口~個人覺得呢個餐又送雞煲同配海鮮真係幾抵食

好凍既天氣 同朋友食川婆婆想食好耐啦 食過得外賣既川婆婆好鍾意但次次想食呢間 佢都就閂門唔比入今次早左去 終於有得食 不過都有人排隊凍冰冰 得室外既位但打住邊爐都OK佢既湯底有茶底 感覺熱氣之中無咁熱氣湯底勁香 不過落左薯粉搞到好焦..佢既野食係自助入去拎有款牛係落單果陣叫埋 牛好香肉味 好好食入面既野食都好多款 有熟食 有生野要黎打邊爐仲有海鮮送 不過海鮮麻麻地

川婆婆幾年前已經知佢喺尖沙咀，但因為辣唔係個個都食到一直都未有機會去試今次終於搵到鍾意食辣嘅朋友陪我去試吓佢個串串火鍋100分鐘茶底辣鹵串串火鍋放題任食串串，邊爐同燒烤都得，食夠100分鐘😍佢有幾款套餐，我哋揀咗中間嗰款，會包牛頸脊，牛小排，時令海鮮除咗套餐嘅嘢之外佢額外仲送多咗個麻辣雞煲我哋加咗$30轉鴛鴦鍋我哋揀咗麻辣火鍋配養生菌王雞湯呢個邊爐不得了，係用咗茶底麻辣火鍋茶底既邊爐真係第一次聽，本身打邊爐好熱氣，用咗茶底就好似清熱解膩一樣👍👍出面有多款串串可以選擇，又有不同嘅肉類，豬牛羊都有，而且味道唔差打邊爐打到悶嘅時候就可以嗌佢換鐵板，食落更出色店舖少少估唔到飲品都款式幾多，仲有好耐不見嘅玻璃樽汽水，一路嘆冷氣食辣一路飲汽水真係人生一大喜愛，好爽呀整體食物其實真係唔錯，係服務爭啲，可能係人手唔夠嘅問題但食完之後全身都好有麻味🤣🤣

經過尖沙咀見到呢間餐廳外面裝修好靚！於是入去試一試！我哋試咗B晚市套餐有牛頸椎/牛小排/黑毛豬肋條可以選擇另外仲有海鮮同埋雞煲會送第一次見到有兩個煲咁樣嘅設計一面係雞煲，一面就打邊爐超級豐富！外面仲可以拎一啲串串返嚟打邊爐香港好少見到有呢種串串邊爐我同朋友都覺得好特別～雞煲味道唔錯雞肉都好嫩滑好入味邊爐一邊就係麻辣 一面係雞湯兩個湯底都唔錯～海鮮質素都可以 蝦肉彈滑！另外飲品都係任拎總括而言個人覺得選擇真係好多如果有時咩都想試吓呢間餐廳就好適合啦另外位置寬敞 都好啱同朋友一齊聚會～川婆婆【尖沙咀店】地址：尖沙咀寶勒巷26-36號地舖

網上 bookmark 左依間麻辣燙好耐，今日終於約左朋友黎食，位置係尖沙咀寶勒巷，夜晚平日 6 點到黎到卜左位唔算太多人，食完真係忍唔住要推薦一下首先一邊上左份雞煲，份量都幾多下，雞肉嫩滑，辣辣地幾開胃而火鍋底分別係養生菌王雞湯同埋麻辣湯底，有大量串串選擇，款式超多，用料高質，加湯更係用上玫瑰花或者桂花茶，好有特式望落好似唔大碟但原來都幾多下，牛頸脊同牛小排既牛味都好香濃，肉質軟腍，好出色另外串串中意食幾多就拎幾多，好玩又好食，其中羊肉串好值得 encore, 羊肉味一 d 都唔會太騷岩岩好，肉汁鮮甜，另外有我最愛既台灣腸都力推。海鮮選擇都有唔少，連飲品方面都超多選擇，最中意既係蜜桃紅茶，絕對會食到回哂本店員服務有禮友善，裝修都好有古色古香風，坐得舒服食得開心，最後兩個飽住個肚走，超滿意

值得推介超級好食同抵食二百零蚊就有任食放題仲有埋雞煲鐘意打邊爐鐘意麻辣一定要嚟 🌶️ 飲品仲要有得揀樽裝飲品 超正 🥤 仲有仲有 服務相當之好本來100分鐘無人等位仲可以坐耐啲 👍🏾

超愛麻辣火鍋的我今次來到川婆婆吃全港首創茶底麻辣串串火鍋放題，100分鐘放題，價錢由$288-$358不等，7:00pm前離座或9:30pm後入座有9折，我和朋友6:00pm左右到不用等位，但吃了一會便全場滿座，不想等位要早點去了。湯底點了雙拼鍋：茶底麻辣鍋 ＋ 養生菌王雞湯茶底麻辣鍋有普洱茶(解膩)／菊花茶(清熱)／高山紅茶(回甘)，用茶去泡製湯底，可令湯底更清香，而且感覺會減少熱氣。麻辣鍋用上很多辣椒和香料，香氣十足又夠麻香，香辣惹味養生菌王雞湯，湯料裡有很多雞肉和菌菇，十分足料，而且很香濃，用來滾蔬菜類很合適，兩款湯底各有特色。送秘製雞煲一上桌香氣撲鼻，雞件份量很多，肉質鮮嫩，醬汁濃郁，雞很入味，辣度不會太辣，超惹味牛頸脊份量很多，有十多片，牛肉油花分佈平均，入口充滿濃郁牛味，肉質爽滑鮮味牛小排牛肉很新鮮，肉質嫩滑，油脂均勻，肉味香濃自助區已串起一串串，非常方便，串串區選擇非常多，有牛肉串、羊肉串、金菇肥牛串、牛肉娃娃菜卷、腸仔、午餐肉、風琴豆腐、丸類、菇類等等另外還有用盅仔盛載的食物區，有肉類如羊肉片、豬肉片、牛肉片，魷魚、蟹柳、鴨血、牛柏葉、鵪鶉蛋、蓮藕片、海帶絲、薯粉等等粉

# #尖沙咀 @chuan_po_po🌶朋友好喜愛食辣, 但原來佢身邊得我一個食得辣!我倆都係第一次見茶底麻辣火鍋, 作為好朋友的我, 當然 “捨命” 陪佢啦!🌼以普洱茶、菊花茶、高山紅茶做茶底, 口味獨特之餘湯底無咁混濁, 食落有股清香! 🍢我們來個B餐 $328/位, 新鮮農場靚牛串串套餐, 有牛頸脊/牛小排/伊比利亞黑毛豬肋條, 再送時令海鮮及雞煲, 超多選擇, 仲任飲任食! 飲品係樽裝汽水, 讚! 我們點了牛頸脊及牛小排, 紋理分明, 肉質細膩, 牛肉味很濃, 十分滿分! 🍲秘製雞煲辣度固定, 約半隻雞份量, 味道不太辣, 醬汁很惹味, 雞肉嫩滑又入味, 朋友讚不絕口! 🍄湯底: 茶底麻辣鍋配養生菌王雞湯鍋! 雞肉也是超嫩滑的! 🥬自取區有很多串串, 蔬菜、肉類、丸類、海鮮…等等, 選擇很多, 有已調味的, 也有原味的, 任君選擇! 🦐最後換上鐵板燒海鮮, 有蝦、鮑魚及蜆! 肉質爽口彈牙又新鮮, 滿滿的鮮甜味, 讚! 🌟特別要提提醬料, 麻醬超正, 連不呷醋的我也愛上加醋! 

店名: 川婆婆地址: 尖沙咀寶勒巷26-36號地舖尖東站P3出口，行3分鐘環境: 3/5價錢:4.5/5味道: 4/5B餐+鴛鴦雙拼鍋$328一位+$30一鍋計呢個價錢包哂雞煲，火鍋，串串鍋同燒肉B餐包牛頸脊，牛小排同時令海鮮各一份🥰香港🇭🇰應該無咩地方做得到，但真心100分鐘唔夠食哂咁多嘢，會好趕時間🥺湯底我哋揀左酸菜魚同麻辣普洱茶(BB辣)，但其實無咩茶味，同麻辣湯偏咸，到後面我哋唔係加湯，係加水😕酸菜魚湯就比較好，無咁咸同無咁油，魚片食落都好滑好嫩🤩首先我地去自助區拎左各種串串，有肉類，牛栢葉，肥牛卷等等比較推薦肥牛卷，除左包金菇，仲有包韭菜同娃娃菜，好少見😝肉類食落唔太新鮮，同比較多肥膏😶火鍋配料大推毛肚同萵荀，兩者都好爽口新鮮，其他就不過不失😌佢送嘅牛比較靚，建議大家放係燒肉食，打邊爐嘅話湯底太濃，會蓋左陣味，燒完入口即溶，個口充滿住油脂同牛肉，好幸福😍👏🏻另外出面都有魷魚，雞軟骨等比大家燒😚#stitchfoodie尖沙咀

突然之間好想食酸菜魚，於是app叫左川婆婆，佢間唔中會有優惠，前前後後折埋$62一碗，好抵食。外賣嚟到之後，見到個兜勁大碗，入邊仲有超多魚！唔講笑真係有成十幾塊，以呢個價錢來講一人份量係超抵食。入邊配菜有芽菜，金菇，萵筍，酸菜，娃娃菜。不過個人覺得可以再辣多少少～CP值7.5/10⭐️⭐️⭐️⭐️

跟朋友行完尖東K11，經過寶勒巷有間設計好古色古香的串串火鍋店。紅色佈置好吸引到我眼球。見都差唔到7PM。就同朋友八掛下有咩野食，估唔到有茶底辣鹵串串火鍋放題。餐廳設計好有大排攤風格，不過係乾淨版。餐廳提供3款100分鐘任飲任食套餐選擇，所有選擇都送秘製雞煲。我地選左中間價位嘅B餐。醬料自行調配B餐：新鮮農場靚牛串串套餐 $328我地另加$30要埋鴛鴦雙拼鍋，超正既茶底麻辣鍋及養生菌王雞湯。養生菌王雞湯有大量菇菌，超喜歡食菇既我超開心，堅夠濃落足料。 以茶來做鍋底都真係未試過，好有創意。茶底仲可選擇：菊花茶 (清熱解毒)、普洱茶(去油膩)、或高山紅茶(茶味濃而帶甘)。一來就送上牛頸脊/牛小排。牛肉非常新鮮，脂肪比例平均，超夠牛味。仲附送秘製同時令海鮮(蜆、海蝦同新鮮鮑魚)。之後，可自行到出面去選自己喜歡的串燒、蔬菜(生菜、娃娃菜、木耳、豬紅、蓮偶、牛栢葉、南瓜片、蛋枝竹、響鈴、魚皮餃)及豆品類食物(枝竹、響鈴、豆腐)回去。串燒都唔馬虎，有豬肉包蔥、牛肉包娃娃菜、羊肉燒、牛肉燒。無論用火鍋或是用燒烤方法煮熟，都超好味。肉質亦非常新鮮，羊肉超濃羊味、好爽口新鮮，帶甜味。全場飲品任飲，最正係

1. 茶底辣鹵串串火煱放題100分鐘送雞煲 (小辣都偏辣🤣)湯底: 麻辣(高山紅茶)，酸菜魚B餐 (牛小排，牛頸脊)推薦指數:⭐️⭐️/5————————————茶底係幾吸引嘅，食物質素方面一般，跟餐嘅肉係好食嘅，不過其他配料一般，有啲唔係咁新鮮，飲品選擇唔算好多，酸菜魚湯底唔係好夠味道，麻辣湯底有一個茶包，建議食到咁上下要將佢撈出嚟，因為會穿。。。環境衛生方面真係好一般，會有蚊蟲飛嚟飛去。。。服務態度一般，最好可以早15分鐘講聲就夠鐘，而唔係夠鐘嘅時候催你走。

好掛住深圳嘅串串，睇到哩間鋪頭評價唔錯，咁試試啦。鋪頭裝修得幾網紅，好啱打卡。晚市有3款串串套餐提供，今次揀咗B餐。我同FD對雞煲麻麻地，嘗試問下侍應可否唔上雞煲，話當然可以啦，仲問我們燒唔燒烤，唔食雞煲嘅話，可以比燒烤盤比我們燒烤，咁一定要試試啦。小料台都幾豐富，有蒜蓉，香菜，香油等，同深圳果邊一樣。串串有唔少特色品種，香菜牛肉，泡椒牛肉，孜然牛肉，黑百葉等。飲品都有成個櫃可以揀，仲有紅茶花伝等少見飲品可以。今次揀咗麻辣同雞湯嘅鴛鴦湯底。雞湯用來煮B餐搭配啲海鮮，有蜆，蝦同鮑魚。海鮮用雞湯煲完，食落更加鮮甜。套餐揀咗牛小排，睇落已經好靚，雪花分佈好均勻，微微係麻辣鍋底燙下，已經可以食。食落牛肉味好香同埋都幾嫩，好好味。香菜牛肉同泡椒牛肉係串串必食，哩個同內地口味勁似，好like。白百葉微微煮下已經可以食，好彈牙爽口。魚片比預期質素高，不僅無骨，簡直係入口即化，真係攞多幾份。燒烤都算唔錯，試咗羊肉串同牛肉串，羊肉味好香，落少少辣椒粉已經調出羊肉味，唔錯。雖然宜家都可以返深圳食嘢，但係有時候收工都想食下內地口味，哩間係唔錯嘅選擇！

今次又同媽咪出黎覓食，餐廳位於尖沙咀寶勒巷，最特別係主打茶底川味串串麻辣火鍋😳可以選擇菊花、普洱或玫瑰紅茶，再配上麻辣湯底，佢比起普通麻辣湯底更清新解滯，而且茶既香味唔會太出🤤細細品嚐又會感受到，加$30仲可以轉鴛鴦雙拼鍋，有養生菌王雞湯，清甜足料🤤我地揀左B餐 $298，已包括自助區配料任吃，牛頸脊/牛小排/和牛肉眼邊（三選一）同埋時令海鮮盤，有海蝦🦐、大蜆同鮑魚，以冰碟上，新鮮又美味🙈自助區有超過80款配料🤩全用迷你兜裝住，另外仲有多款串串可供選擇，我個人最推介👍🏻豆卜、牛柏葉同鵪鶉蛋🥚等，一定滿足到各位朋友仔😍飲品方面有樽裝汽水、紅茶花沄、OOHA、竹蔗茅根等，好多選擇，得100分鐘真係唔夠食呀😩下次同朋友再食，食到飽🥰