川味香

Open Now

Now Closed

呢日ot收10點幾，番到去屋企附近啲餐廳基本上都閂晒門，於是係OpenRice覓食就搵到呢間串燒店，食肥野一定要有人陪先得，拉埋住得近既同事過黎同我一齊食🤣過到去11點幾依然好多人食，而且不停有外賣訂單，餐廳開到凌晨4點，岩晒啲夜貓子同鍾意食宵夜既人(◍•ᴗ•◍)▪︎麻辣炒鴨舌 $78💰極度驚喜，份量勁多，仲要有四季豆同青紅椒，即刻自我感覺健康左飲食均勻咁🤣味道有啲似麻辣雞煲味，香辣惹味，而且鴨舌大大件好肥美，好彩叫一份黎食，完全係一食就停唔到口🤤為左呢份鴨舌我絕對會不停回訪買份番屋企送酒睇電影食🙊▪︎川北炒米粉 $68💰好有鑊氣，而且食到底都冇大量既油但又唔會乾噌噌，連同腸仔、生菜、雞蛋炒埋一齊，配料雖簡單但味道一絕(っ˘ڡ˘ς)▪︎多春魚（6條） $48💰▪︎雞全翼 (2串） $38💰▪︎燒脆香魚腐 $15💰▪︎土豆片 $13💰▪︎四季豆 $13💰▪︎豆卜 $15💰另外仲叫左少少串燒黎食，叫左小辣，每款味道都發揮得幾好味道幾正宗，而且仲有陣甜甜既味道，感覺似汁燒完再落辣粉孜然粉好好食😋▪︎烏龍茶 $15💰▪︎加多寶 $15💰

🍱餐廳：川味香🏫地址：紅磡德民街29號德民大廈地下J1號舖☎️電話：54034700朋友喺紅磡呢頭返工，佢好鍾意食串燒，就係佢附近來一個串燒晚餐🤗～薄切牛舌 $25每串有三大件，燒得很香口，帶有獨特的牛舌味，香口惹味👍～白鱔$40每串也有三大件，真材實料，鱔片是厚切的，肉質鮮嫩，調味適中，也爽口彈牙呀😁～燒安格斯牛仔骨 $58一份又係三大件，燒得香口不太乾，加了適量的孜然粉，帶有炭香味，內裡肉質嫩滑，好味之選😊～魷魚筒$65喺燒烤店必食之選，廚師燒烤的時間剛剛好，上檯熱辣辣的，魷魚軟硬度剛剛好，口感新鮮，值得一試！～雞腎串$28$28有兩串，燒到外焦內嫩，咬落去可以感受到外層的酥脆口感，內裡仍能保持細嫩多汁，口感細膩！～芝士年糕$28$28有兩件，煙煙韌韌綿密的年糕配搭濃郁的芝士，口感順滑，食完串燒後吃這個甜品真係大滿足❤️

突然想食串燒,  又再番食紅磡呢間串燒.  食物質素唔錯即開新鮮蒜蓉大生蠔好大隻, 勁多蒜, 超香，隻蠔好飽滿，脹卜卜幾肥美，一口一隻 超正好新鮮.  必食! 原隻火箭魷魚筒燒得啱啱好,唔會太乾, 口感好. 配埋辣粉一流. 芝士原條茄子 平時食開蒜蓉茄子，今次試下芝士  , 估唔到芝士份量會咁多. 毫不吝嗇，真係有驚喜 好好食，芝士控必食. 玉子燒   軟熟好香蛋香,  少少甜味好食 全部即叫即燒，好高質,  值得番食.  川味香 -  紅磡德民街29號德民大廈地下J1號舖

工作太忙，冇得北上😵‍💫～抽起條筋想食串燒！😅記得黃埔德民有一間，味道都唔錯 ！今日行開呢頭，就嚟食啦！！🦐鹽燒海蝦：保持一貫高水準！燒得好香～口但係又唔會太乾～今日啲蝦仲要鬼咁大隻～認真抵食！！🐸燒田雞：係我嚟呢間必食嘅！！今日嗰隻又係超巨型！！啖啖肉！嗰隻田雞髀，好似雞髀仔咁厚肉～👅厚燒牛舌：又係正到痺！！非常好味！！燒到外焦內嫩！！好鬼juicy，又好淋！！🐚蒜蓉粉絲燒元貝：原本$50/隻，而家$80兩隻，原來佢一個星期每一日都有一個特價菜😋🍗雞中翼：燒得都唔錯～外皮好香脆！再叫埋啲蔬菜：翠玉瓜、四季豆、金菇、香菇、雞髀菇、魷魚鬚、菠蘿同魚腐，就啱啱好啦！！🍺：冰凍啤酒配串燒，簡直係絕配！！佢仲要$48買一送一，點可以唔叫返兩杯呢？？

🐽 五花腩肉串肉質唔會太硬亦都唔會太肥,可以整全咬落一粒一粒,啲肉面好香脆🐽 燒豬頸肉燒得好滋味,豬頸肉質幾乎係全部嘅脂肪流出嚟,所以脂肪好肥美,咬嗰陣溶晒喺口🐽 厚切嘅牛舌心厚切咁就可以保留佢嘅Q彈口感,保留本身嗰種嚼勁,咬落去牛味好重🐽 和牛粒牛油脂感十足，啖啖肉好香口🐽 雞軟骨同雞皮都燒到酥脆無比,質感已經由深層由軟滑變到脆硬🐽 韭菜燒到青綠翠綠,仲有啲清香味🐽 金針菇落咗蒜蓉,就已經係肯定幾重口味啦,又香又香呢種菇類就完全同蒜味揉合埋啲,令到佢有種獨特既滋味🐽 司華力腸嗰層外皮好脆,同埋辣粉食好香口🐽 炒出前一丁雞蛋同餐肉炒到香噴噴,加埋蔥花同椰菜健康同 鮮味兼備

喺我認知串燒係用火燒的。。點知點菜後聽到炸嘢聲🤨食品出來了。。顏色均勻😑我無聽錯。。係炸的😑不過。。炸野來說都好味。。😭不過我想食燒㗎囉。。唉😔傻豬做一次好了。

今天黃昏，我和哥哥到位於紅磡德民街的川味香享受著串燒作為下午茶。我們點了大海蝦6隻，芝士年糕兩件，蒜蓉原條茄子兩條。店裡環境溫馨舒適，讓人感到放鬆愉悅。串燒上桌時，散發出誘人的香氣，讓我們食指大動。大海蝦外皮烤得酥脆，內裡鮮嫩多汁，每一口都充滿了海鮮的鮮甜味道，令人回味無窮。芝士年糕則是熱騰騰的，芝士和年糕的結合讓口感更加豐富，入口即化的滑嫩觸感令人驚艷。蒜蓉原條茄子則是燒得恰到好處，茄子的香甜和蒜蓉的香氣融合在一起，令人胃口大開。在川味香享受串燒下午茶的時光，我們不僅品嘗到了美味，更享受到了放鬆愉悅的氛圍。這個下午茶時光讓我們充滿能量，帶著滿足的心情返回家中。期待下一次和家人朋友一起來到這裡，再次感受串燒的美味與幸福。

呢個串燒店位於黃埔的美食集中地，一出地鐵站就係，好易搵到🫶🏻呢間串燒店開到好夜，如果想去食宵夜就啱晒☺️串燒必點之選：🌟蒜蓉燒茄子🌟燒牛舌心🌟燒雞軟骨另外，我哋仲叫咗其他嘢食💛燒多春魚💛雞肉棒💛翠玉瓜💛台灣小香腸💛鰻魚炒飯💛焦糖燒香蕉 每一款串燒都好野味香料很多，喜歡淡一點的，可以叫店家減少香料。🙈另外鰻魚炒飯也不錯，飯粒粒粒分明，分量十足。☺️🫶🏻川味香 (紅磡)紅磡德民街29號德民大廈地下J1號舖

今日心血來潮想食下串燒，朋友話今次由佢帶路，黎到紅磡一間串燒店，店舖唔算大，坐落不繼接外賣單，食物質素不容置疑啦。蒜蓉茄子：必食之選，孜然粉同蒜蓉簡直係最佳拍檔，蒜入晒味，茄肉嫩口，惹味可口。多春魚：魚皮烤到焦脆，酥脆香口。燒脆香魚腐：魚腐外酥內軟，口感細膩。五花腩肉串：口感嫩滑juicy ，五花腩肥而不膩，燒雞軟骨：雞軟骨口感爽脆，帶肉汁有嚼勁。菲菜：烤到剛好，漏上七味粉更好食，咬落爽脆美味，爽爽聲，地道惹味。土豆片：口感軟轜清爽，營養豐富。虎皮青椒：青椒好大隻，口感爽脆可口，辣度剛剛好，好正。🔎川味香 (紅磡)📍紅磡德民街29號德民大廈地下J1號舖

朋友推介來到一間川式的串燒店來到食宵夜，店舖開業至凌晨4點鐘，越夜越熱鬧，價錢合理，不乏街坊客過來捧場。🍢🔥😋🙌🏼✨ 五花腩肉串（$30/2串），燒過的五花腩肉質鬆滑，帶點脆口，油份豐富。🐷✨ 牛肉串（$28/串），牛肉味道很濃郁，用孜然粉調味，更加有川式的風味，香料的味道好突出，與平時食開的日式串燒有截然不同的感覺。🐮✨ 肥牛金菇串（$28/串），肥牛包住金菇，金菇的菇汁豐富，整條串燒串住3條燒，好重身。🐮🍄✨ 鹽燒鯖花魚（$40），鯖花魚的外皮燒得好脆，有種食薯片的感覺。魚肉甜滑，而且有香濃的蒜香味道。🐟🧄✨ 錫紙花甲粉（$65/份），份量大大兜，有辣有唔辣的選擇。辣的花甲粉滿滿的辣油，但又唔算好辣，反而是花椒的麻多過辣，絕對是過癮。花甲超過四十隻，雖然細細粒，但味道幾鮮甜。粉絲、金菇、娃娃菜都有浸入了花椒油的辣椒風味，食到最後整個嘴巴和舌頭都感受到「麻麻地」的感覺。🍜🐚🌶️✨ 燒菠蘿（$28），菠蘿鮮甜多汁，食完花甲粉再食菠蘿，可以即時解辣。🍍💦整餐串燒大餐都令人覺得幾滿足。☺️🍢🔥！

紅磡德民街超近地鐵站 黃埔站A出口行2分鐘就到 係一條成條街都係地鋪嘅食街 茶飲店、小食店、茶餐廳、日式餐廳……今日 我食串燒小店！🍢韭菜 ($15/串)串燒必食 韭菜餃我唔食嘅係燒韭菜先食 真係別有一番風味🍢土豆片 ($13/串)外脆內軟 唔會燒得好幹身🍢雞皮 ($26/2串)呢度嘅雞皮唔算肥厚 所以燒得較脆🍢翠玉瓜 ($15/串)燒翠玉瓜好味 放題串燒我都必點🍢五花腩肉串 ($30/2串)五花腩好抵阿 $30有2串 半肥瘦唔錯🍢燒豬頸肉 ($28/串)豬頸肉好爽口🍢原條蒜蓉茄子 ($38/條)原條燒茄子係我嘅愛❤️蒜香加孜然粉&辣粉🍢燒紐西蘭羊架 ($45/隻)羊架帶少少羊騷味 完全無羊騷味唔好食嫁🍢燒鯖魚 ($40/條)鯖魚含有豐富營養 我成日都煎鯖魚食嫁 呢度環境雖小 但好街坊小店氣氛我哋2個都食到飽先係$250

上次紅磡開飯…走時遇到川味香。行去昅下d野食都幾有東北燒烤feel…價錢又係好親民嗰隻…今次就過黎試下狀態麻麻就點少少野食下…全部要左中辣…一聽到就夠哂惹味…一路食一路抹汗…因為呢晚幾熱下娃娃菜 燒到菜啱啱microsoft…菜本身好甜…加埋辣就好好味魚腐外脆肉軟豆卜 燒到脆卜卜就是好味司華力腸 呢樣野就無乜難度既…重點用既腸好脆口🤩🤩雞皮…雞軟骨…燒饅頭都正常發揮雞翼 皮脆肉嫩燒茄子 燒得夠火喉…一夾就離皮每樣野都燒得唔錯…夠地道…價錢唔貴…今晚仲可以偷聽隔離檯講故仔…差d聽到唔捨得走。無計…有人客黎就 …唯有自動起身留俾下一批聽眾🤣🤣🤣

紅磡小巷串燒德民街呢間小舖好出名，未黎之前就聽過呢區朋友推薦。店舖雖小不過串燒種類豐富。我地嗌左椒鹽燒賣（20HKD），五花腩肉串（30HKD/2），燒金菇肥牛卷（28HKD），燒雞軟骨（28HKD/2），蒜蓉娃娃菜（45HKD），台灣腸（18HKD），燒日本紫薯（18HKD），芝士年糕（28HKD/2）。其中我最鍾意既係五花腩肉串，肥瘦比例岩岩好，燒烤程度適中，肉質緊實，鮮美！椒鹽燒賣都好有特色！外皮酥脆，沾滿燒烤醬料，內裡好彈牙，火候岩岩好！兩人買單大概240HKD，如果嘴饞，呢度可以嘗試！

少少人但又想食多多款，串燒就最啱！川式串燒辣辣地夠曬惹味，一於擼個串，密密傾💕平時川式串燒好容易過鹹，但呢間小店嘅串燒鹹度適中，味道亦夠，兩個人唔係話太大食嘅話，兩三百蚊都已經夠飽！食到8-9點左右都爆場幾多客，早少少容易啲有位。⋯♡⋯⋯⋯♡⋯⋯⋯♡⋯⋯⋯♡⋯💰💲244⋯♡⋯⋯⋯♡⋯⋯⋯♡⋯⋯⋯♡⋯♡大墨魚咀 $28 🥢彈牙唔韌♡厚切牛舌心 $38 🥢熱食果陣軟硬適中係幾好味，但唔小心攤耐過會變硬，所以襯熱食！♡虎皮青椒 $13 ♡蒜蓉原條茄子$38♡芝士年糕2件 $28♡菠蘿3件 $22♡錫紙花甲粉 $65 🥢金菇、粉絲、同好多花甲仔！雖然錫紙兜望落細，但入面啲料都多架♡可樂 $12

今晚出街，與哥哥走到紅磡黃埔附近，走到一間燈光火猛的串燒店，於是坐下吃點東西當作消夜，我們叫了茄子，粟米和羊肉。燒烤即叫即制，熱辣辣好好味，而且配上特制酱料香辣的感觉很爱好美