Video
4-min walk from Exit B1, Tsim Sha Tsui / East Tsim Sha Tsui MTR Station
continue reading
Telephone
38535504
Opening Hours
Today
11:30 - 22:30
Mon - Sun
11:30 - 22:30
Public Holiday
11:30 - 22:30
Public Holiday Eve
11:30 - 22:30
Above information is for reference only. Please check details with the restaurant.
尖沙咀午市時間周圍都人山人海🤪，咁啱見到呢間台式餐廳竟然唔使等位，就入去試吓😆，喺收銀落完單就可以搵個靚位等嘢食送到🤓❣️麻辣鴨血肉燥寛粉配芙香蘋果茶 $64鴨血非常嫩滑，但麻辣味就唔係好多，相反個寬粉就辣好多🤩，因為吸咗個湯，但提提大家要盡快食，如果唔係就會好快索晒啲湯變得太腍唔好食🥸，寬粉份量好多，欣賞餐廳嘅肉燥係切粒嘅豬腩肉，肥瘦加埋一齊食更加香🤪❣️三杯蜜汁烤雞扒湯麵配芙香蘋果茶 $64呢個就較為普通，雞扒有啲嚡，湯麵正常味道，略嫌湯底有啲淡🥸，幸好有少少肉燥調下味🤣❣️芙香蘋果茶 味道有啲過酸，蓋過咗茶味，唔推介🙅🏻♀️❣️懷念鹽酥雞用App登記做會員有個迎新優惠🤩，可以免費獲贈一客鹽酥雞，鹽酥雞鮮嫩多汁，加上炸咗嘅九層塔調味，呢個小食有驚喜，復刻到台灣嘅味道😆🏦是次消費總額 $128（人均消費 $64） 👅好味度：7.5（10分滿分）喺尖沙咀用呢個價錢食到一個午餐係十分抵😀，而且份量同個價錢成正比，味道中規中矩，下次可以試下餐廳主力推廣嘅台式便當🤓
continue reading
‼️勁抵又好近我，所以呢間我成日都食，原來佢個儲分制會員app可以換嘢，有唔同discount 嘅coupons，同埋top up 有回贈嘅預付卡‼️ PS 會員迎新優惠竟然送鹽酥雞，升級優惠仲送$20現金券⭐️紅燒牛頰肉便當 $72 配珍珠冬瓜茶牛肉大大件又軟腍，油而不膩，伴菜勁豐富，粟米粒、蘿蔔絲、粉絲、炸肉丸、小棠菜，珍珠米煮得啱啱好～呢個價唔加錢已經可以配埋手搖茶系列嘅珍珠奶茶特飲，抵呀⭐️台灣蒲燒魚腹便當$68 配槴子花綠茶新出！精心蒲燒，甜甜哋嘅汁同燒鰻魚勁夾，超大塊兼鮮嫩，風味滿滿，啲伴菜同其他便當一樣多，冷泡茶系列嘅槴子花綠茶係幾清新嘅香味⭐️夜市炸魷魚 $42用鹽酥雞做法咁炮製，外脆內煙韌，係除咗醬茄子以外我最鍾意嘅小胖小食==============================Follow @nnthrive #筷筷和你搵好西==============================#食在尖沙咀 #小胖台灣便當
continue reading
餐廳位於尖沙咀加連威老道，小胖台灣便當主打正宗台灣美食✨ 由台灣總廚主理～ 堅持使用台灣直送食材想打造古早台灣味道，有多種便當系列，有多款特色選擇！ 每款便當中有很多配菜在附近上班的，我經常不知道中午吃什麼就會來吃這間，平時都是點他的蜜汁雞扒便當，今日看見新品豬扒腸仔便當就試一試。不過都係平時嘅蜜汁雞扒便當比較好食。可以選擇飯或者麵，不過我比較推薦飯，便當中嘅配菜在伴埋飯一起吃，味道很好，而且有飲品，抵食
continue reading
最近去尖沙咀The one睇戲，見到附近一間有個可愛肥仔Logo的小胖台灣便當餐廳，主打古早風味的主菜的正宗台式便當，忍唔住去試咗。餐廳環境乾淨舒適，單看門口，不知原來上層幾闊落。台灣鐵路大排骨$68早年台灣長途火車提供嘅便當最受歡迎款式就係特製嘅大排骨便當，排骨柔軟入味，肥瘦適中，配上滷蛋，粟米等多款嘅配菜，飽肚又滿足，拌飯一流。三杯蜜汁烤雞排$62雞排外皮薄脆香口，肉質嫩滑細緻，配上特製嘅三杯蜜汁，飯粒吸飽鹹中帶甜的醬汁，即時令人食慾大增。便當追加小食$16梅香脆地瓜厚切蕃薯質地密度高，香甜粉糯，咬下去特別外脆內軟，撒上酸甜的甘梅粉，極之醒胃。便當套餐附冷泡茶或熱飲加$6升級手搖凍飲凍珍珠奶茶奶和茶融為一體，茶味濃郁，口感順滑，珍珠煙韌彈牙有咬口。
continue reading
本身諗住抽完血直接返工，不過都出咗嚟就索性 enjoy埋 lunch先返工😚⭐小香腸烤豬肉便當 $62便當包埋冷泡茶或者熱飲，又幾好喎唔洗加錢💖便當嘅搭配相當豐富，半隻滷蛋、蔬菜、粟米同南瓜，烤豬肉質感唔錯，唔會乾柴但都冇咩肉汁，小香腸反而唔錯，外皮微微焦香，咬下去時肉質結實，味道香甜，Juicy得嚟有微微甜味，唔錯！-整體上就中規中矩啦，唔算特別驚艷，份量足夠，價錢都合理，Lunch都滿場，望落都似係唔少打工仔嘅飯堂😲
continue reading