潮州王牛什粉麵

Open Now

Now Closed

某晚經過買左碗墨魚丸麵($16)外賣加一！價錢比起附近的粉麵店貴。食落碗麵，d 麵淋左少少，可能係我拎到返屋企先食，攪到索左水啦…d 丸都ok，食唔出有同其他既有咩唔同，算係唔錯，但最後飲d湯先發覺d 味好濃，好有味道，感覺真係好似落足料煲，不過就唔知係味精黎啦=.=~不過值得一提就係果度既伙計態度幾好。

呢間其實係位於聯和虛0既最外圍位置. 就0係爵士拉麵附近佢日頭只賣粉麵, 夜晚就倣打冷我次次都係夜晚去今日就以佢作為最後一站同平時一樣, 只係叫蠔仔粥$20碗, $40窩好足料~蠔仔肥美, 方塊魚比出面0既落得重手, 又脆又咸香~ 肉碎, 鮮魷都無欺場, 仲有當然係唔少得兼具我最鐘意0既薑, 蔥, 芫茜啦~我次次都落好多胡椒粉架, 正!今次坐正門口, 見個師傅斬鹵水鵝, d肉汁係咁滴, 睇落好正~鄰桌仲好多都有碟炒蜆, 搵次真係要試試呢兩樣=)另老細幾好人, 同我地傾計講笑, 仲見佢幫隔離"木台" 斟啤酒tim~