潮興旺生滾粥

Open Now

Now Closed

今次是親自買外賣的，門外可停車，方便。第一次幫襯，買了5款食物，先講髮菜蠔豉粥。蠔豉鮮甜兼足料，應該用咗皮蛋瘦做粥底，成個粥好豐富，好好味。炒麵在一個鐵板上即叫即做，麵質軟硬度、味道、油份適中，正！葱花腸粉、油條正常，應該是怎樣便是怎樣。我坐在旁邊等外賣之餘，見店內員工、師傅大都是上了歲數的姐姐輩，但每位身手敏捷，頭腦清晰，手勢乾淨俐落，製作認真，出品快靚正！我已對其很有信心。見他們也有接外賣平台的生意，單子有點多，他們非常小心處理每份order，確保沒有錯漏才打包，讚！總結此店性價比相當高，很有誠意，值得支持！

叫咗皮蛋瘦肉粥，同埋髮菜蠔豉粥，酥炸鯪魚球所有粥底都係好多料，好綿（試過其他粥店只係米漿）病咗口淡淡食都覺得好味最鍾意就係髮菜蠔豉粥，啲蠔豉都幾大隻酥炸鯪魚球都OK非常新鮮熱辣呢一間已經成為我經常食嘅外賣舖頭🙆🏻‍♀️

早幾日經過搵食……好耐冇食粥喎！行左過嚟……望一望……個名唔同左既，可能真係太耐冇行呢個位置，但又覺得個店名有d熟，試下啦。及第粥上枱既時候，已經睇到碗粥好綿，再撩下睇睇多唔多料，都幾多下：豬膶微滑仲有少少原本個質感醃得幾好食，粉腸豬肚夠晒淋，豬肉丸豬腰合理味道，肉片就普通，個粥本身都好重味，我個人覺得可以。炸兩嚟既時候仲微熱，油炸鬼少少脆既，即叫即整，豉油又分上超有誠意！！我食既係下午茶時間，人少少靜靜地。上網睇番，原來潮興旺舊址係上水，記憶中出品一般般，今次食我覺得幾好，個價錢又平。

尋找老粥店的味道如果您正在尋找一家老粥店的味道，這裡就是您的最佳選擇。這家粥店擁有懷舊的裝修，雖然簡陋，卻很有親切感。最重要的是，您可以在這裡品嘗到一碗正宗的老粥。這的粥非常好吃，而且價格實惠。如果您正在尋找一碗正宗老粥店風味的粥，這裡就是您的不二之選。

潮興旺，原舖係上水時已經日食夜食，最精彩既係宵夜時段😍以前好熱鬧，同一班朋友宵夜好開心🥰上水加租，老闆休業左一排，竟然俾我發現在聯和墟開左新舖，好滾動呀，敢說上水粉嶺冇任何一間粥舖可以好味過潮興旺！老闆好！職員好！仲係以前的人情味同味道🥰🥰🥰🥰🥰🥰🥰🥰🥰🥰🥰🥰🥰🥰由單身食潮興旺食到拍拖結婚跟住到仔仔十幾歲了！牙仔都似我地愛食潮興旺😍😘

今日巧遇此店，見係街坊小店，看似有啲水準，感覺實在不花巧，就試一試啦！確實沒有失望。會再光顧，及推薦俾朋友。魚腩粥新鮮，唔腥。腸粉皮薄，滑口。價錢親民，服務又好。

正值晚上時分，在聯和墟下著微微細雨，想食一點溫暖既食物暖一暖自己個胃。路過看到這間新開既粥品鋪（前身是水上人），正呀喂我們點了一個魚腩粥，雞粥，油炸鬼，同炸鯪魚球。魚腩粥：好多魚腩，魚味好出，唔腥雞粥：雞夠滑，大大舊粥而且好熱咁上來，綿綿的，好正！配上油炸鬼一絕。推薦炸鯪魚球：面頭鋪上米糠去炸，好鬆脆係世上最好既宵夜再來粉嶺都會想回味。個人感覺評分：食物味道 - 食物賣相 - 餐廳環境 - 店員服務 - 性價比 -