潮興旺生滾粥

Open Now

Now Closed

早幾日經過搵食……好耐冇食粥喎！行左過嚟……望一望……個名唔同左既，可能真係太耐冇行呢個位置，但又覺得個店名有d熟，試下啦。及第粥上枱既時候，已經睇到碗粥好綿，再撩下睇睇多唔多料，都幾多下：豬膶微滑仲有少少原本個質感醃得幾好食，粉腸豬肚夠晒淋，豬肉丸豬腰合理味道，肉片就普通，個粥本身都好重味，我個人覺得可以。炸兩嚟既時候仲微熱，油炸鬼少少脆既，即叫即整，豉油又分上超有誠意！！我食既係下午茶時間，人少少靜靜地。上網睇番，原來潮興旺舊址係上水，記憶中出品一般般，今次食我覺得幾好，個價錢又平。