春風撞奶舖 (Closed)

近來目標很清晰，要試盡嘗盡黑糖珍奶，試過過江龍，本地薑都不可忽視。港九新界不同不少台飲店新開張，當中有名氣D既就有呢間元朗小店，作為屯門友的我，近水樓台點可以唔試試呢間元朗台飲小店呢。元朗名店當然不乏人流，入夜仍有不少捧場客招牌的當然是熱門的黑糖珍珠鮮奶，假日入夜排隊，20分鐘到手。黑糖珍奶到手，目測對比度唔算明顯，底下是黑糖珍珠，上面是黑糖鮮奶，不知是否已混合在一起，所以顏色變得奶茶色，只見淡淡黑糖紋路，相機📷未見好味！但是樣子同味道怎可相提並論，當然要飲左先講飲完真是心情一沉...甜！甜到一個沒法用筆墨形容的點。是的！甜度是不可調的，但我認知的黑糖珍奶，裡面的甜是有層次有個性，不只是甜，有焦烤香氣，有餘韻，甜得黎不搶喉，而它的甜只是滿滿糖漿的感覺，再講珍珠，太淋了，不煙韌甚至糊口了，根本整體是不行的，作為黑糖珍奶，真心令人我認為不能只是人做我做，先不算市場飽和問題，人是有舌頭有味蕾，對手這麼多，您憑什麼得我歡心，出品前還是好好調教吧

傳說中既春風撞奶😂😂😂古早黑糖珍珠奶茶有別於其他嘅奶茶鋪，呢一間奶茶嘅甜度係劃一嘅，所以係叫奶茶之前都有擔心過味道會唔會過甜，但係食完一啖之後就發現呢個擔心係多餘嘅🤗🤗🤗。因為佢奶茶嘅茶味比較濃而且香，無苦澀味，令到茶味同埋奶味好融洽咁樣出現係個口入邊，加埋甜甜地嘅黑糖珍珠作為調味，同埋增加口感，令到成杯奶茶都好好飲。👍👍👍黑糖青蛙撞奶傳說中既飲品！賣相固然好，撈均後奶味好重！可惜甜左啲，黑糖多左。但黑糖珍珠係好有口感又唔點癡牙😂😂😂都幾鐘意佢既奶味同珍珠，可惜真係甜左啲，又冇得叫少甜，價錢偏貴😗

喺元朗食完晚飯，周圍行一行，經過依間野，鋪頭外貌好似台灣嘅珍珠奶茶店，黑糖珍珠奶茶好似好吸引，買一杯黑糖珍珠奶茶試一試，$22杯，叫左少冰，好彩真的少冰，因為有啲鋪頭叫左小冰都係好多冰，奶茶味香濃而且黑糖味好出，珍珠非常彈牙，好有囗感，正，下次試其他先

職員無禮貌，又唔識笑。岩開戈時幫襯過，青蛙撞奶唔錯，係淡左啲，奶味重，珍珠okay 撞黑糖整得幾靚。今次想買但係就俾職員話呢樣無嗰樣無，又唔可以加野，無得加珍珠，無得加仙草，無得加唔緊要，但黑口黑面，問多句好似會阻佢時間咁☹️做生意唔係咁既態度，連笑容都無，仲要少少耐性都無，真係幫老闆倒米，岩開戈陣時大排長龍，職員好有禮貌同埋好溫柔，但宜家大不如前，無人排隊，所以以後都唔會再幫襯，寧願幫襯啲小店，都唔幫襯呢間野😤反正元朗有大正既珍珠奶茶舖頭😫

呢間新開既撞奶飲料店去潮聖完後感覺小伏🤧.有喝過鹿角巷 珍煮丹 老虎堂就有對比了這杯的黑糖珍珠還可給分至於奶 真的淡 而且冰的份量很多沒有深究是用哪種奶 但味道沒太濃而且黑糖醬很少 沒有髒髒杯的效果啊‼️我想可能是材料有限的關係吧.下班時間人流不算十分多但黑糖珍珠在煮 也要等十多分鐘🤔.如果不是很想很想喝撞奶而又沒其他選擇應該唔會再飲了

在一星期前，到店舖叫了2杯外賣黑糖珍珠奶茶。首先，奶茶味道一般，太甜及珍珠沒有那回彈。但最差是店舖員工態度，黑口黑面😡，十問九唔應。沒有再光顧的理由，想信該店舖也不長久!🤬

同朋友去元朗，熱到一身汗，想買野飲，在鳳琴街體育館側邊，見到春風撞奶鋪，一人買一杯試試。鋪頭細細，但招牌大大個，行過路過實見到。原來飲品就係呢10款，用唔同的材料來撞奶，第一次光顧，見識下如何的撞奶先!先在櫃台落單俾錢，再等叫no.攞飲品。我點左宇治抹茶紅豆$36係貴d, 但我喜歡飲茶，綠茶應該啱我口味多d。每杯飲品都會貼個貼紙做標記邊張單no.,咩飲品，確保不會搞錯。抹茶紅豆飲品的味道，有很濃的綠茶味，奶味就淡一點，紅豆份量少左d, 所以最突出都係綠茶味。而最初估杯飲品質地可能好濃好杰，但原來質地算稀同清，感覺是冰綠茶，這就對，要咁樣先解渴的。太多奶我又覺得會變奶茶，喜歡飲清清地口味就啱飲呢杯。朋友點的招牌青蛙撞奶，餐牌說明青蛙撞奶即是黑糖珍珠，知道台灣好流行黑糖，但我不喜歡食珍珠，試左一啖，估不到，覺得好飲過我杯綠茶！有好香濃的黑糖味，甜度是固定的，微甜，不會搶去牛奶的味道，而黑糖珍珠真係好軟綿綿，食落每淡都是黑糖味，唔錯喎！對珍珠改觀呢！總結，下次我都會飲招牌青蛙撞奶，真係幾好飲；宇治抹茶紅豆由於太少紅豆，平時飲慣紅豆冰多紅豆食的，就給比下去了。

去元朗行街，走時路過春風撞奶，見到冇人排隊，同朋友即刻叫番兩杯飲品消暑。春風撞奶個招牌好sharp, 夜媽媽，行過一望就見到，開張左一段時間，今晚終於有機會試下。店舖就是賣這十款飲品，最平$19 都有杯黑糖仙草奶凍。最貴的是宇治抹茶紅豆$36。朋友叫左宇治抹茶紅豆$36，味道係超重綠茶味，茶味多到掩蓋了奶味，紅豆份量較少，所以相對紅豆味冇咁突出，宇治抹茶就真係完全唔慳皮，俾足料，勝在夠凍，味道夠清，即時消暑。如果鍾意飲綠茶的話就啱飲呢杯。我點了一杯招牌黑糖青蛙撞奶$29,青蛙其實就是黑糖珍珠，取其珍珠似兩隻青蛙眼睛咁大嘅意思。 大大杯，黑糖在奶裡混合，見到好靚的雲石紋。味道方面，非常不錯！之前聽人批評過說唔好飲，但我覺得味道很好啊！比平時的珍珠奶茶，茶味較淡，但奶味重；黑糖令整杯飲品有濃濃的香甜味，但甜度適中，怕甜的朋友試左都覺得好飲。 珍珠好煙韌，剛剛做好的時候，在杯裏還是暖暖的，用飲管拌勻後飲，黑糖味更加突出，而且黑糖珍珠份量算多，吸啜時見到一大堆黏起，所以一定要拌勻，飲完好飽啊！總結，這裏的撞奶其實味道不錯，只是隨自己口味選擇什麼味道而已，而且用料完全唔慳皮，第一次飲感覺也不錯。

其實知佢開係元朗已經好想去試架喇奈何我帶住丫女天氣又熱到爆仲要次次經過佢都多人到門口都見唔到係邊今日又博飲.終於見到個門口喇.我終於飲到喇.我叫左黑糖青蛙撞奶同黑糖仙草奶凍好抵飲.2杯唔洗$50🙈🙈我起初以為係好淡味.點知唔係囉..係勁奶味至真..珍珠仲要好多好大粒...青鞋其實係珍珠...黑糖仙草奶凍.真係第一次..我鐘意仙草奶凍多過坊間既仙草奶茶..呢間真係好正..勁奶味既佢.鐘意奶味可以試試