春風撞奶舖 (Closed)

近期最hit既野飲莫過於黑糖珍珠奶茶，不過我就無話特別鐘意飲。台式飲品黎講，我反而鐘意飲啲好fresh既甜味飲品，例如水果茶。不過約左同幾個朋友一齊食飯，有人提議食之前黎呢間買野飲，佢話想飲好耐同埋好似好出名、好多人飲。於是就一行四人黎買。雖然一黎到既時候見到得幾個人排隊，都有啲覺得係咪伏伏地🤣。但千里迢迢係西鐵站行過黎，都係要買番杯先安心。我地幾個一致都係買黑糖青蛙撞奶，因為見到係間鋪既招牌飲品，咁應該都係最好飲既。先講下啲奶茶，甜度適中，奶味幾濃👍🏻。但係啲珍珠入面係硬既😭，唔知係因為煮完擺得太耐定點（我地去既時候係下晝五點幾）。珍珠係成杯野飲既靈魂，所以真係有啲失望😩。（佢地既珍珠似係粉圓多啲，唔係全黑，係啡色，有啲透透地個種）雖然杯野飲都幾大杯，珍珠都好多。但$29（成$30⋯）黎講其實有更多更好既選擇，我會選擇飲天仁茗茶好過，起碼一定有保證😭。