忠哥叉燒皇

Open Now

Now Closed

啲叉燒油乾有柴就算咬到都係起晒渣完全配唔上咩叉燒皇可能我係就咁經過買半斤，完全冇被重視但冇理由俾啲咁嘅嘢俾客絕對係no next time 就當浪費咗$70抌落鹹水海

有日經過見到呢間忠哥叉燒王，想去食好耐。一入到去，未order已經有碗例湯飲。既然慕名而來梗係揀叉燒食啦。叫咗碗叉腩飯加臘腸，佢半肥瘦叉燒好香，燒腩仔好脆，臘腸好正，成個飯都好香。有驚喜。

好食！路過呢間店見到櫥窗有好多好多存貨應該生意唔錯（一般我都會咁選）。燒腩皮脆肉鬆化，瘦叉唔乾夠軟熟。送咗個西洋菜湯無味精幾好飲。無伏而且價錢合理，路過呢頭可以再幫襯。

平時唔會打食評都忍唔住要投訴。一開張個時，佢叉燒真係好好食，但越做越差。依家無論係斬料定盒飯，每次叫肥叉都一定係比瘦，仲要嚡熠熠，肉質又唔靚，失望！枉叫自己叉燒皇! 唔會再幫襯！

【102】用家感受，不是打手。Walk In 唔駛等，一半坐滿。4️⃣0️⃣CP值，2023/6/5/一/18:16，平日晚飯時段二人埋單(免加一)HK$142，平均每人$71。位置在大街，比佢個靚門面均左入去，室內空間偏少，坐位偏迫，正常茶餐廳裝修，算光猛，但雜物亂放，太多大紙皮，台面肥淋淋，欠衛生。招呼可以，上菜快，但明顯係比啲下欄嘢生客(見住伙計同幾台街坊客吹水，完全唔同質數)，欠老實，睇人搵笨，生客勿去，我不會再去。我同你啲街坊客都係比一樣價錢㗎！2️⃣0️⃣乳豬五寳飯$80，乳豬3片，仲要皮+肥膏，無內嘅。叉燒係全部邊位，乾晒個啲位，其實係掉個啲位。雞紅腸咸蛋正常。20分係比排得靚嘅，吸引過一陣。6️⃣0️⃣叉燒飯$48，比正常質素，算好食嘅。7️⃣0️⃣跟餐餐湯，好飲嘅，但見到佢哋啲衞生，飲咗2啖。5️⃣0️⃣罐裝可樂，另加$ 6。

話說小弟早排拎咗架車去附近嘅萬里達車行幫自己架電單車做保養，職員話要等返個零鐘頭，為食嘅小弟決定喺附近睇吓有冇啲下午茶食，順便吹下冷氣等夠鐘。見到對面街有間燒味舖，就決定過馬路去幫襯一下，見到招牌寫住叉燒皇，諗住寫得做舖頭名嘅話，一定唔會太差，點都有返咁上下先會做招牌。所以小弟即場決定叫返個細碗嘅叉燒飯，過下口癮，再配埋杯凍檸茶消暑。叉燒飯一上到黎之後，喳喳林食咗一嚿，放入口嗰一刻覺得味道果然高質，決定配返啖飯食。點知一食就發現出事，無論係叉燒飯嘅飯，定係隔離嗰條菜，甚至乎係杯飲品都係麻麻地。小弟決定咗日後如非必要，應該都唔會幫襯佢叉燒以外嘅嘢。

一睇餐廳個名就知叉燒是必食的，我們二人叫了一個例牌$118的叉燒，再叫了一個油雞飯。因為我已經第二次來，一早就知佢嘅飯大大碗，所以就醒目只叫一個飯兩個人食！其實我好鐘意飲湯，我地只叫一個飯餐，店員都俾左一人一碗湯我哋，正！例湯係西洋菜豬肉湯，好有住家感覺，好足料，每碗湯都有一啲菜同豬肉的！另外，就係主角：叉燒。叉燒好香蜜汁味，亦夠「林」。大家都可以一試，真係唔錯手。相對地，油雞就不過不失。整體來講，食餐便飯都係唔錯嘅選擇！

3月3日揾食肥華約咗靚媽，收工後到此店朝聖，一嚐此店名物，叉燒皇，及其他燒味，先講個叉燒皇，肉質鬆軟，有蜜汁味，仲有少許燶邊位，雖然質素及，瓏苑洒家，個款黑毛豬叉燒，但同一般燒臘飯店相比，此店確勝一筹，至於燒鵝就平平無奇，乳豬肥華就嫌佢大簿身，得塊皮，至於白切鷄算Ok，但係翼位見到有好多鷄毛未清，而此店舖位狭窄，枱細，櫈細坐得唔舒服，場面亦見混亂，如坐唔到卡位呢度都唔係一間，理想用膳地點，此店一試無妨，再試就無謂，嘞‼️

呢間燒味店開咗唔夠半年，每次路過我都會買半肥瘦叉燒半斤，打開盒有陣陣炭香，睇相就知有幾正！注意～佢～係～有～燶～邊～架！火喉剛剛好，師傅經驗老到，半斤$70足夠3-4位用。如果你路過開太子轉車，可以買一盒番屋企加餸！🐷🛎️ 必試指數 : 9/10🌟

叉燒必食勁juicy，肥瘦均勻，味道岩岩好，唔會太鹹，如果要買叉燒一定揀呢間🤩另外炒海鮮都好有鑊氣，尤其避風塘炒蟹超級惹味，避風塘炒蟹的蒜粒仲可以打包返屋企 撈公仔麵，一流👍👍

本身都好少寫食評，但係真係想review 返真心好食嘅燒腩仔同叉燒 😍😍燒腩仔個皮真係皮脆鬆化，燒腩仔肉亦都多汁唔會覺得太chewy 或油膩。超好味，鹹度適中 👌🏼呢一樣真係必食! 叉燒就一定要嗌半肥瘦， 真係肉嫩多汁🥰 覺得廚師真係做得有心思不像傳統燒臘店~ 環境乾淨，店內比較細所以rush hour /lunch time 都要早少少去啊！價錢都大眾化，超級近太子地鐵站所以交通都好方便。 一定會帶埋朋友再嚟食! 🥰💯

第一次遇到呃稱呃得咁明張目膽嘅舖頭！路過見到諗住幫襯下，買左一斤叉燒$138返屋企。買嗰陣明明已經稱好曬、斬好曬，喺淋汁之前個叉燒師傅居然喺個盒度拎返起幾舊出黎🤯🤯🤯🤯睇到我眼都凸埋，嚇？已經稱左啱數，最尾仲要當住個客面前攞起幾舊，呃稱使唔使做得咁明顯？🤬🤬🤬🤬祝你好生意，反正我以後唔會再幫襯👎🏻👎🏻👎🏻………………………………………………………………………………..

朋友推薦叉燒皇，花心之選，乳豬五寶飯，叉燒鬆軟甜口有焦香味，其他四寶也不錯，乳豬皮脆肉不咸，乳豬醬亦好味，雞不過不失，配上葱油都唔錯，紅腸同咸蛋就大路貨色，今日早去無乜人，舒服進食，路過會再食 😋

The roast goose was great too, the skin did just right and the meat was so tender and tasty, the suckling pig was fantastic with good crispy skin, and very tasty meat.The restaurant was very clean and had good service as you'd expect at a local casual place. We will definitely visit the place back and eat with my friends!$60  乳豬拼雞脾飯皮脆、肉厚，完全冇肥膏，唯一可惜放耐咗唔係熱的。$48.  貴妃雞飯粵菜中的，是白切雞的變奏版，用白滷水來把雞浸熟，豐富了白切雞的，又香又嫩Good!

開張時燒鵝大隻嘀有肉吃都好味於家....連續幾次燒鵝飯都係吃肥膏吾知係唔係做燒鵝優惠關係，嘀鵝細隻左不但止還全部係肥膏，本身就無幾夠，還要夠夠都係肥膏真係把鬼火，越做越差