忠哥叉燒皇

Open Now

Now Closed

行過太子道西, 剛剛下午茶時間, 見到呢間新開主打义燒嘅忠哥义燒皇, 好, 就入去試試啲义燒係唔係講到咁正先. 當然二話不說叫咗碗义燒飯. 下午茶比較細碗少少好正常, 但係主打义燒喎, 我叫义燒呀老細, 唔係叫舊炭囉！燒到咁燶架, 成舊炭咁點食得落口, 至癌架！ 而且又肥又無肉. 下午茶啫, 都要比返啲成意好唔好. 食咗一舊, 兩啖飯, 算了放棄… 連凍飲放低41蚊走人, 去第二間食算. 唔會有機會再食. 再見無下次. 仲叫自己义燒皇, 算把啦….

一連睇咗兩個YouTuber介紹呢一間叉燒飯，一間新開張嘅燒味店，果日首先喺旺角行咗成個鐘頭街先，之後去食呢一個叉燒飯，好多人買外賣，座位坐滿九成，我要求叉燒飯肥啲，果然送上來的飯係剛剛肥啲，所以都好啱我口味，啲飯都唔錯一粒粒，不過食到最後好後悔唔記得咗叫人哋走汁或者少汁，個例湯好正常，最開心係有一舊煲湯豬肉。

朋友介紹，話太子呢間燒臘飯店，平民化價錢食到星級食品立即從馬鞍山出太子會一會佢。門面簡潔明朗，柜內燒味見到己經流晒口水，細細間坐位唔多，但難得D待應招呼親切有禮。我一個人，雖然有空枱但仍然安排搭枱，待應嘅良好態度另客人没有一點兒不開心👍當然亦理解現時生意難做，煩忙時間坐迫小小亦在情理之内。講返D出品，燒鵝义燒瀨粉+凍檸水收$58，燒鵝义燒各五件，瀨粉份量唔少，加上湯底清甜美味，重要D餸用碟另上，想話佢唔係星級都唔得全部食物質素都比美高檔酒樓，只可惜重未有酒牌，如果有就啤啤佢，嘆返隻燒鹅肶就天下無敵

【#燒味達人】#忠哥叉燒皇近期討論區多咗唔少燒味粉絲，又乳豬又四寶，恰巧早幾日見網友分享依間店既下午茶幾抵食，店鋪位置亦都係我經常會路過，所以就馬上去試🤣依間店係新開，門口貼住外賣8折，聽阿姐講下午茶都可以外賣，咁區內既街坊又可以外賣返屋企。叫得叉燒皇冇理由唔叫叉燒，加上之前網友分享切雞都做得唔錯，所以就叫咗 # 叉燒切雞轉瀨粉 ，講明走翼，同埋附送熱飲 #熱檸水 ，$35。佢係粉同餸分開上，粉就幾大碗，有蔥花係面，湯都幾清吓，都夠味。瀨粉係煙韌嗰種，當然唔會太硬。餸就完全符合下午茶既份量😄 切雞有五件，叉燒有六件，都係細細件😂 味道都唔錯，叉燒夠淋，但唔係入口即溶果隻，色水夠賣相好，只要保持水準叉燒應該會好受歡迎👍可能係個汁偏咸，食完之後都幾口乾🤔熱檸水用三片🍋，都唔薄，冇苦澀味。熱檸水看似簡單，但只要🍋唔靚，杯水可以苦澀到飲唔到，係好多大品牌都試唔少。可能係新開張關係，員工唔太熟手，反應較慢，我坐底示意落單都冇人理我🤔 員工之間捱過飯市後互吐苦水，都令我諗返當日落分店幫手既情景🤣 雖然我係文官出身，但落到場後都有幫手包外賣，送餐，執檯等🤣 所以好理解前線員工既心情。忠哥叉燒皇太子太

很想搵一間在屋企附近好好味的燒味店，終於搵到了，試過他們的叉燒，很好味，外賣回家仲有八折添！今天試堂食下午茶，燒鵝油雞瀨➕熱奶茶，都好好味呀！熱奶茶也很不錯喔！

新鋪頭喎😏 我緊係要試下啦～呢排日日都要去附近辦事，行開行埋都見佢d叉燒整得好靚，門面都好乾淨光猛，俾人印象分好好今日天陰間中有毛毛雨，10點幾行入黎，都有幾個客食緊早餐坐晒卡位，咁我單丁就坐係中間C位啦😂✌🏻睇到佢打理得好乾淨，成間鋪用左淺色裝修擺設，感覺企理又舒服。叫得叉燒皇，緊係食佢嘅叉燒做早餐啦～叉燒米粉餐（跟多士煎蛋腸仔，熱檸茶）$35等5分鐘左右就黎齊晒，叉燒同米粉分開上呢下我幾suprise咁表示師傅有要求，唔俾熱湯影響叉燒嘅味道口感，等客人自己感受其實眼看都見叉燒比較瘦，以為會較乾同柴口不過食落又唔係喎～係越趙越有肉味，唔太甜仲幾香添！有舊燶邊位食落就甜dd，不過好甘香好好食米粉一睇就知係台灣新竹米粉，比較幼身同爽口，加上佢清清地嘅湯底，好正係我鐘意嘅味道！煎蛋同多士係正常野，條腸仔係食開果隻港人至愛嘅廚師腸牌子，好啱食淨係睇佢呢幾樣野就已經知道鋪頭對自己有要求，揀料用心，要俾like佢 叉燒一斤賣$138，半斤$70，11點幾時見佢都幾多街坊亞姐黎斬料，有回頭客證明都幾受歡迎。等我揾日都黎斬料加餸先

The char siu was so soft and flavourful, fantastic with the rice!The roast goose was great too, skin done just right and meat so tender and tasty, the suckling pig was fantastic with a good crispy skin, and balance of fat and meat.Restaurant was clean and service was as you'd expect at a local casual place. We will definitely be back and will recommend this place to our friends!