松記糖水店 (Moved) New Location

天氣不太凍, 又可食至愛的Summer了, 原本加了價, 現在是$18.選了紅豆及芝麻味雪糕, 好靚, 顏色豐富, 雪糕亦好大球, 芝麻味比想像中好, 好香濃, 紅豆亦好, 配合新鮮生果及大粒西米, 有口感又清新, 真是好食又抵食, 有時其他地方$18都食不到兩球雪糕啦, 更何況仲有生果添, $18仍繼續捧場.

食完晚飯陪朋友搭搭下巴士返屋企忽然想食糖水! 諗起呢度, 即刻落車, 走入去.由於這店太多選擇，我地花左好一些時間先揀左兩個甜品：要左雪山及幻彩明珠雪山我就要左曲奇味雪糕，幾好味，仲有西米同椰汁糕，所以好飽lor幻彩明珠有好多料有芒果汁，仲有生果涼粉同西米.味道亦非常之唔錯呢度既甜品我覺得唔錯好好食.不妨試下

我們的site在公司的annual dinner拿了裝扮獎…所以今天就用那筆錢買糖水…因為大部分的店都不肯送來公司…最後選了這裡因為肯送…雖然要claim返的士錢…不過大家開心就沒什麼所謂了…單看menu甜品的款式都很多…近來不知道為什麼突然熱愛起湯圓來…是日我又想試試這裡的湯圓…因為前陣子在電視看到阿蘇的節目試湯圓…說有一間在油麻地附近很好吃的…而且又是綠茶奶皇的…心想應該是這裡吧…我貪心…想試多幾款…所以就叫了六寶丸 ($15)....如果我沒有吃錯味道的話…六寶裡面應該有奶皇湯丸, 花生湯丸, 紅豆湯丸, 芝麻湯丸, 紫米奶皇湯丸和綠茶奶皇湯丸….最期待的當然是綠茶奶皇湯丸…我是沒有吃過奶皇饀了…我一心是以為大概會像流沙奶皇飽的餡…至於綠茶皮呢…是因為新年的時候和朋友自家製了綠茶湯圓….覺得有淡淡的綠茶香非常之能夠中和湯圓的甜…所以特別喜歡綠茶皮…可惜是…大家可以在圖中的左下角可以看到那顆綠茶湯圓…放在其他白色圓圓滑滑的湯圓旁邊….賣相很不吸引…因為像是生了”豆皮”的臉….一口咬下去…我只可以說我不喜歡這裡的奶皇…奶皇和湯圓糾纏在一起…湯圓可能因為浸了一段時間所以變得極淋…整個口

我尼呢度食甜品係因為覺得佢平尼到店很多人我們二人要坐最入面冷行有陣怪味 (刻意用香劑來蒞住) 原來門後係大家都用得的廁所!! 我地打算唔食走人,好在門口又有位了天氣其實仲係涼涼的, 但我地都叫左summer 18蚊 , 雪糕叫左 芝麻+曲奇仲有一個6寶湯丸(好似15蚊)個summer來到, 有兩支黑白配係上面, 用尼"new"雪糕特別好味d雪糕唔太甜啦, 幾好味ga, 又有生果,好似西瓜咁啦, 仲有大西米, 幾得意好味, 但天氣似乎未係時候食summer, 食完好凍!!個6寶ok, 除左粒綠色綠茶味我唔鍾意之外,其他都好味

食甜品其實易肥的食物,但我覺得這款成份有芒果件,芒果漿,棷汁及有少許甜味流離(即水晶珠),真係好好味又不會太甜,水晶珠口感爽口得嚟好特別,是我至愛甜品

金融海嘯下，cash is king!!!所以食野都唔再食得咁豪……住，尤其係可以食得好貴又唔飽肚0既甜品，所以，幫襯多左d街坊舖頭0既甜品，好似松記就係其中之一。0係電影中心睇完戲後行左一陣，就黎到呢度食碗糖水暖下肚，好好彩0岩0岩有兩個位，唔駛等，我叫左椰汁紫米露，朋友叫左黑白，我地隔離兩個姨姨已經食哂檯面0既野，店員好快咁收拾抹乾淨檯面，但佢地一d走0既意思都冇，所以我見d店員都有d為難0既樣，因為門口已經企住5、6個人喇!一直企0係門口招待客人0既兩個店員唯有俾定menu佢地諗定食咩，同埋不時望入店內仲幾大聲咁講「就快有位架喇!等多一陣就得」不過我地隔離兩位姨姨真係當佢地耳邊風我地兩碗野都好快黎，我碗糖水紫米好足料，仲有dd西米添，椰汁可以多d就更好，不過10蚊雞一碗都算平喇~朋友碗黑白睇個樣都唔錯，當然滑度就唔夠公和比，不過公和冇芝麻糊嘛同埋11蚊食到兩樣野仲想點丫!真係幾抵。所謂「己所不欲勿施於人」，我地都食得幾快，就起身埋單喇~而隔離0既姨姨仲係坐得穩如泰山呢

飯後過黎食甜品...原本想試summer...但因為天氣太凍了...還是試幻彩明珠...幻彩明珠($15), 買相已經相當吸引!!!極濃芒果汁加上大西米....煙煙韌韌....還有很多水果...芒果, 西瓜, 奇異果, 蜜瓜...底部有很多黑珍珠...還有涼粉...以$15的價錢...真係相當抵食!!!如果去滿X, 發X...真係要差不多$30....還想試雲石豆腐花...(留待下次)朋友試木瓜雪耳...也是$15...抵!會再黎...因為太多款甜品了...好多都想試~

上兩星期才來過，今天路經時又心思思入了去。今次只叫了合桃糊，味道淡了少少，甜DD會更合我心意。合桃味也不夠濃，只是知道自己在食合桃糊；質地算滑身，但與上次的幻彩明珠，來得有些失色。今次職員的工作態度很好，很友善。

今日又咁岩5點幾係佐敦，心郁郁又去左松記(只係隔左2日)，入都去都係好多吉位。因為夜晚有飯局，所以食得light d。叫左熱黑白 (芝麻糊+豆腐花)。整體感覺好個滿記好多，因為滿記每次都係話有熱芝麻糊但只有冷既豆腐花，所以每次一熱一凍加埋就覺得唔太掂。豆腐花有豆味，但芝麻糊就唔夠濃，雖然texture好杰，但只係hk11，平過滿記好多啦。見到隔離食璃琉，個樣好得，下次又試下先。

前日(17-1-2009Sat)原本飲完茶同家人陪爸爸去請昂坪散心,點知大嫂臨時有事唔可以同行,爸爸見咁少人就話去住.唉!浪費咗一個天朗氣清嘅一日.男友就陪我去紅磡買嘢畀媽媽,之後去佢公司整嘢,而我想食雪糕,佢話呢間多選擇,所以嚟呢喥.我要咗雪糕紅豆冰,加$5.00加多一個雪糕球,要咗朱古力同士多啤梨味,男友就要咗花生湯圓.我嘅先嚟到,先試士多啤梨雪糕,好似普通咗啲,都係有朱古力粒嘅朱古力雪糕好味啲.而紅豆今次唔夠腍.我冇食到男友o既花生湯圓,佢就話薑糖水好味.埋單:$33.00

第一次去都唔知見乜野好，見到店裡的單張介紹就叫左summer同紫米奶皇湯圓。summer係2個雪糕球+大西米+雜果+芒果汁+花奶+2條朱古力卷，大碗西米又好好咬口，只係hk$18紫米奶皇湯圓配薑湯，時間就要等耐小小，因為係即煮，皮薄奶皇係吉士，自覺甜左小小，hk$12有5粒。見到menu同相，有個甜品叫六寶丸(係六種唔同味包括湯丸，有花生、芝麻、奶皇、紫米奶皇、綠茶奶皇同紅荳)，如果早一步見到，一定會試。唯用留番下次去。可能我係下午5點幾去，又唔使等位，仲唔迫人。

由於我朋友請左我食飯所似我就話請佢食甜品啦結果佢叫左個可樂Jelly ($8)佢真係蝕囉不過佢話真係feel 到個Jelly 係有氣裡面咁勁 ?!我就唔係食得咁飽既關係我叫左兩個甜品(對!! 今次真係肥死我啦!!!!)幻彩明珠同貴妃茶幻彩明珠真係好正$15 多料到喊好似驚你食唔飽咁我再加左q果堅正呀至於貴妃茶又係另外一種唔同既甜品佢好滋潤 最啱呢間間時食內有蛋, 桂圓, 紅棗,糖冬瓜正!!!!!佢既蛋好入味唔係淡而無味的下次希望我捨得叫其他野食啦

前晚14-1-2009Wed男友買埋甜品o黎我屋企食,佢買o左1.熱芝麻糊畀我爸爸,我拎畀我爸爸時仍熱,o係咁凍天氣下同咁遠路程仍保持到,真厲害.呢個我冇食到,爸爸一個食晒.2.雲石豆腐花個樣係幾似雲石,不過一睇就知係芝麻豆腐花,啲芝麻係加埋入豆漿o度整,所以融埋一齊.另附上兩包黃糖.食落,仍食到豆花味,芝麻味亦食到,質感好滑,但原來芝麻豆花咁樣混埋加糖水,味道唔係咁好.3.燉蛋燉蛋都好滑,味道濃,但我覺得漏.我諗我都係鍾意食燉奶多啲.4.榴槤班(卓戈)呢個留到今晚(16-1-2009Fri)同男友食完晚飯食.榴槤味好大,食落,反應嗅到香香o既忌廉味.榴槤我就覺得硬o左啲.總共$4X.00

今晚放學去食糖水一行四人叫咗 番薯糖水 $10腐竹雞蛋糖水 $10花生糊 $10哈囉 $15 (呢個真係要講下丫, 比起深水埗果間,d料少好多..... 味道又唔同....唔好食丫........)我唸我不會再嚟呢間食"哈囉"

1.6食完泰國菜, 我們3 個也飽到撐著肚子。但是我們也由旺角行過來吃糖水, 哈。等了一會兒也有位呢。因為我真的是太太太太飽了, 所以點了太極豆腐花吃。太極豆腐花, 是芝麻 + 豆味 的豆腐花啦。芝麻: 有很香的芝麻味, 而且滑滑的。整碗豆花也很甜, 其實不加黃糖也足夠呢。吃完糖水後, 我們3個女仔也大叫很飽, 飽到想嘔。真的是別理我, 我犯賤。