松記糖水店 (Moved) New Location

與友人由旺角徒步到佐敦, 邊走邊傾, 不經不覺便來到。 小妹提出想到松記吃糖水, 友人都大表贊成。 離遠已望見人潮, 但一場來到無理由放棄吧! 只好默默地等。 過了十多分鐘, 終於有位, 又是細檯, 不用同人迫真是太好了。甜癮作祟, 竟然要了三樣東西。 哈囉$15: 只看名字無可能聯想到是什麼呢! 材料超多, 有黑珍珠、椰汁糕、涼粉、大粒西米、雜豆, 加上芒果汁和花奶, 十分豐富。 我試了數口, 味道唔錯, 相信吃光的話會幾飽。 熱芝麻糊豆腐花$11: 另還有紫米露、紅豆沙、綠豆沙、馬蹄露等的配搭。 熱度夠, 芝麻糊很幼滑, 芝麻味濃, 不會過份甜膩。 豆腐花很滑, 豆味未被搶去。只是吃到尾難免會出水, 溝稀了芝麻糊。 六寶湯丸$15: 有六款口味正合小妹心意, 其實餡料只得四種: 紅豆x1、花生x1、芝麻x1、奶皇x3, 另外兩粒只是外皮味道不同 (紫米和綠茶皮)。我們想了個辦法去分配湯丸, 就是猜包剪揼, 嬴了的可先揀。我試了的分別是紫米奶皇(奶味重)、花生(幾香口濃郁) 和紅豆(一般,甜味多於豆味)。湯丸皮都較為稔但很滑身, 皮厚餡少。薑湯都無點試, 因為實在太飽。 基本上這裡的

食過咁多間糖水鋪, 我ge首選仍然係松記! 今日男朋友等我放左工就陪我lai當宵夜, 叫左幻彩明珠同summer, 2份分~呢2款甜品依然係我ge至愛:幻彩明珠: 最中意食因為貪佢樣樣材料都有d, 涼粉, 大西米, 黑珍珠, 各式什果,簡直係一次過滿足晒我所有願望~~加埋面頭個d芒果汁同花奶, 撈埋之後食直情正到流油~ 放工後食真係arm晒, 食甜品當減壓~~至於summer:入面d材料其實差唔多, 但就多左2球雪糕~正! 不過同一款甜品, 但佐敦lai間松記貴過深水步幾蚊~下次都係返深水步到食~

25-09-09跟友人吃完亞龍之後, 便立即去食松記, 唔好比佢停!由於我覺得太飽的關係, 所以二人只吃了一個幻彩明珠要奶同埋要多芒汁真係好好食, 同埋好抵食!原來多芒汁都不用加錢, 都係正價$16, 真係抵!唔記得影相, 但總之都係咁大碗同埋咁足料不過唔想等位的話, 8點一定要來到, 一過8點就勁爆, 係突然間爆左, 誇張!

尋日同fd 去電影中心睇戲. 之後冇野做, 就一齊去食糖水.唉, 我竟然唔認得路. 真係唔似我作風XD好彩最後都冇白行.好耐冇食過松記. 所以一有得黎食就好開心次次黎親都係食summer $19其實哩個甜品真係好難整得唔好食. 因為樣樣野本身都好正常, 冇乜花巧朱古力同曲奇雪糕好味. 但就凍到食到一粒粒冰. 哩d 現成雪糕點都冇總店自家制咁正. 珍珠夠彈牙加埋d 芒果汁真係超正!$19 食到咁多野又勁飽, 真係超值. 點講都係總店吸引d.不過哩度就腳, 有得食都好好啦!

尋晚食完橫綱拉麵後,搵糖水食入到去，勁多人食.坐得真係好唔舒服, 又迫又窄.我點了紅豆黑珍珠.紅豆唔夠沙, 又唔夠甜.環境檯同椅都好迫.冷氣強勁.下次食都係買外賣好過喇整體來說都可以

今次再去松記係因為呢間糖水舖由細食到大，有少少歸屬感啦但今次真係勁失望。紅左，真係咩都唔同晒？店員既親切笑容冇晒，得番一個個「寸樣」，態度極唔好以前既人情味，冇晒！連野食都唔同左，d椰汁糕唔同左味道有個frd嗌左果d椰汁糕仲要係酸左既同個店員講，佢就拎多碗椰汁糕出尼話自己試過冇事好似想撻我地咁喎而家個問題係我地果碗椰汁糕有問題，同桌有三個人試過都覺得有問題咁唔相信d customers，點搞！？fine，真係好失望。 下次可以改去糖百府啦。

這間dessert的價錢好平, 味道不錯, 難怪大排長龍呢^^ 和男朋友吃完一街之隔的唯珍上海菜後, 轉戰這裡, 8時多, 店裡都坐滿了人客 名不虛傳呢! 吃了招牌dessert, 幻彩明珠, 我覺得味道還可以, 但非其他網友所說的這樣好 ^^;; 但單以價錢來算的話, 絕對好好 可以一試, 因為有很多生果, 也有珍珠, 涼粉.... 抵 ^^ 還點了咖啡木槺布甸, 味道不錯, 賣相也ok, 但和澳門traditional的不同, 布甸的質感不像疏扶厘, 有點失望~ 但可以一試 還有點了那個湯圓, 是一般的湯圓, 除了芝麻, 花生, 還有奶黃~ 我只喜歡芝麻, 其他的都沒有大興趣~

小鳥胃的西打哥往往吃完正餐後，已經沒有空間塞下甜品。人說女生都有兩個胃，正餐和甜品是分開容納的。如果真的是這樣西打應該可以多介紹一些甜點店。第一次吃松記是西打幾年前在佐敦學完二胡後和路人甲一起吃的，評便是又便宜又好吃！佐敦的是分店，之後西打大部分時間都去深水埗吃總店！滿記和發記....通通走開吧！佐敦店，西打吃完不倒翁便一行四人的慢步過去。遠遠便看到有一點點人，西打音時跑過去，搶後了最後一張桌。甫坐下，門外的人龍超恐佈！加了草莓果醬和花生碎的芒果棉花冰軟滑的棉花冰加入了炒過香脆的花生顆粒，有夠特別！西打已經吃過好多棉花冰，不多說了！收集了三人的甜點，西打刻意點一個不同的。六寶湯丸！一碗有六顆不同口味的湯丸，最適合貪心的人。其實松記一點都不隱世，沒記錯的話很多日本電視台和日本雜誌都有介紹過。餐牌裏每道甜點都有日語名字，很適合日本朋友去吃！松記真的又便宜又好吃，西打每次去深水埗都忍不住要吃一次！當然，除了松記，深水埗還有一家由小到大，吃了二十幾年的心儀小店！下次再介紹囉！更多圖片：http://blog.yam.com/ywjoseph928/article/22999291

今晚睇完戲後,行了過去佐敦的"松記"食糖水~12:00仍然好多人排隊等位,今次點了"Summer",有兩個雪糕+一些生果+大珍珠~另外點了"雪山"(忘記了個名),裡面有切了細細粒的椰汁糕+西米,食完後都好飽,因為好多西米~試食過後都覺得ok,我就幾鍾意"Summer",因為我鍾意食生果~p.s.但其實只不過是雪糕+生果,為何會這麼受歡迎?是因為它很多款式,同平宜囉

邊間係總店, 邊間係分店都ok啦, 反正係松記就好了我今次都係第一次幫襯佐敦的松記地方無甘大, 所以坐得好逼下加上人多, 所以招呼亦唔覺得好而且唔知是否心理作用覺得呢度的 哈囉 無深水步的甘好食綠豆沙亦係水汪汪的所以我地兩個男人, 原來想邊食邊傾下計的甘既環境, 食完都係急急腳走人了

食完拉麵之後,朋友提議去"松記"食糖水,因為小妹未去過,所以,決定一齊去試下~入去到,感覺已經麻麻地........d staff冇咩禮貌.....之後,我叫左"蘆薈珍珠".....不過不失lor.....但係.....朋友o個個"芒果世界"就.......都唔明點解佢d白涼粉咁難食......真係"粉"lor......d芒果仲攪笑,而家仲邊有分咩季d生果最靚ga.......d芒果酸到不得了......oh......10間有9間糖水店都會o係菲律賓等o既地方訂芒果架啦......佢地o個d實好味ga ma~都唔明點解佢會咁好生意........各位話好食o既朋友,你地食野要求都真係幾低!!!!!!!!!!!!!!!!!!!!!!!!!!!!!!!!!!!!

考完試, 和朋友來慶祝一下晚上九時多, 二人位易就, 所以不用等, 其實都有幾多人等位要了個『雪山』 ($16) - 內有椰子味椰果, 西米, 雪糕選了 cookie and cream, 加奶。如果沒有雪糕及奶的話, 整碗也沒有味道。不過將全部東西撈埋都ok還要了一碗有不同顏色的湯丸 ($13) - 內裡有些是奶黃, 有些是芝麻... 奶黃的有些不太match, 怪怪的. 6 粒, 每人三粒都幾係野overall ok, 抵食囉, 經過食吓無妨, 不過由佐敦 mtr 行過去都好遠不過, 我們坐走廊位置, 近toilet & kitchen, 雖然沒有什麼『特別的味道』, 但感覺上不太潔淨…

買來與家人分享的糖水, 小姪女喜歡吃果凍Jelly 的食物, 為她買來了可樂Jelly, 小可愛看見後, 歡天喜地了一整晚, 為了這杯未吃過的啫喱, 感到新奇興奮, 我試吃了少許, 味道與真可樂沒分別, 只是以固體形態出現, 但口感頗特別, 頂層啫喱真的像有氣似的, 很好玩。 小姪女年紀太細, 哥嫂只給她吃一點點, 第二朝醒來, 還記掛著這杯可樂啫喱, 我想她是喜歡的啊! 芝麻糊是媽媽的心頭好, 打開蓋, 芝麻香味撲鼻, 原先以為味道會不錯, 不過食落却是另一回事,有點稀, 而且幾油, 可能下了芝麻油, 整體未算不好吃, 但我還是鍾情綠林的凍芝麻糊多一些,找個機會再去幫襯。松記還是幻彩明珠、Summer、Hello 好吃得多。

在旺角食飽飯.....行過去松記食甜品....大約7pm 到....好彩無乜人....(之前個fd 8點幾到就話勁多人等位..)幻彩明珠 $16, 竟然在海潚下加價呢....不用多說...還是好吃 朋友吃花生糊 + 兩位湯圓...$10 + $4...其實糊類都抵...大部份都係$10...朋友說ok, 我在隔離聞到好香!!! (下次試)走時還買了外賣幻彩明珠給媽媽...原來要加$1..但還是比其他甜品店抵食

又人有提議去松記，我對它興趣只是一般，但反正有人陪我食甜品，當然沒有無異議。未到9點時間尚早，門口早已排滿人龍。將餐牌翻來覆去後，我最終選擇朱古力、紅豆雪糕的Summer，雖然是雜麥牌雪糕，比起"師妹"無味雪糕，這個味道都算不錯，至於其他有朱古力條、各款生果、大粒西米、芒果汁等混合，材料好簡單難食有限。檸檬馬蹄露-看賣相已不吸引，朋友食後評語是淡而無味，吃了一半已放棄，他還是對綠林的馬蹄露讚不絕口。開心世界-大堆頭製作，幾乎可食勻松記所有材料，老友說是其中的杏仁豆腐入口很硬身，其餘就一般。芒果班㦸-有4/5忌廉，芒果肉只得1/5，看見已令我卻步。其餘人士的哈囉、楊滋甘露、芒果黑糯米等大路甜品，沒有評價好食與否，可見他們真是對甜品要求不高。