松記糖水店

Open Now

Now Closed

之前都食銅鑼灣果間過松記，都覺得唔錯，今次去左西環果間，食左 雜果芋圓仙草凍 同埋 雪曲哈囉。雜果芋圓仙草凍送到黎真係認唔出，問返店員係咩黎，佢話係咁架啦，指住底下個兩條芒果肉話：呢舊咪芒果囉。ok唔該晒。食落正常味道，但d芋圓好淋，口感一d都唔彈牙。雪曲哈囉送到黎，都係認唔出，好稀，同圖完全唔似。味道麻麻，好清淡，好似加左水咁。舊曲奇雪糕食落有d細冰粒，唔係咁好食。埋單72蚊。圖片只供參考。圖片只供參考。

等咗30分鐘，撞咗兩碗都係奶水+薑汁水，睇同飲奶冇分別，仲厚面皮都話冇問題。究竟識唔識整糖水架，反映俾佢聽，不但冇歉意，仲唔信顧客講。我唔會再去幫襯這間西環松記糖水店。

最差嘅糖水店,  影衰松記。薑汁辣到食唔到!!未食過d薑汁辣到咁嘅糖水。最差是人的服務態度, 已經無奢求佢地有咩禮貌友善, 求其正正常常我地都ok. 因一時無散紙俾左2個5毫銀仔,收銀個男人唔肯收態度也非常差, 完全唔尊重人!!用佢講係犯法也堅持唔信!!法例下面搵埋俾你你地自己睇! 唔好講犯唔犯法,咁嘅態度不如唔好開糖水舖啦。想開開心心正正常常食個糖水都要受氣不得安寧!人地去松記係欣賞深水埗/九龍灣松記糖水好味人又友善!完全影響松記個名!!好失望, 失望到極點,不會再幫趁!!我情願去Seven買支水飲,完全唔甜但起碼唔駛受氣。當然可能佢地根本唔在乎,對自己零要求.Hopeless.條： 2 屬法定貨幣的硬幣68 of 1999 01/07/1997附註：具追溯力的適應化修訂─見1999年第68號第3條(1) 行政長官會同行政會議可藉命令授權發行硬幣，其設計、面額、成分、準重量及可容許的公差，須於命令內指明，而只要該等硬幣沒有經過任何受法律禁止的形式處理，即屬作為支付下列款額用途的法定貨幣─ (由1999年第68號第3條修訂)(a) 以面額不少於$1的硬幣而言，所支付的款額不超逾$100

一直以嚟，松記比我印象都幾好，西環開一間分店，我本來都滿心歡喜，但點解開咗咁耐我遲遲未試呢？係因為太多負評，但我為咗想食芋圓，決定比個機會大家，結果令我大表失望🤦🏻‍♀️檸檬芝士木糠布甸+綠茶雪糕 $34🥢食得出有檸檬味，但芝士味欠奉，而木糠布甸硬過石頭😵，正常係香滑軟熟架嘛，至於綠茶雪糕不過不失啦，係奶味重咗d紫薯芋圓仙草冰 $30🥢紫薯有紫薯味，但就乾咗dd，芋圓又係實的的嘅😵，一d都唔軟同Q，幸好仲食到淡淡地瓜味，仙草就最正常不過，因為現盛貨西瓜冰 $26🥢🥢🥢呢個正常嘢零難度，西瓜汁新鮮香甜，全晚算最好二人共消費：$70(在 Klook 用 $30 買 $50 coupon)

中意食芋圓既朋友一定要留意松記既芋圓系列，呢款蜜瓜芋圓涼粉，係我食完又食既甜點其中之一呢間松記既芋圓煙un度岩岩好，唔會太硬太pat，口感十足，涼粉加埋奶，味道配合得天衣無縫，唔會太甜太淡，因為試過唔口加奶食就覺得有d淡，配埋粒粒紅豆，更加有咬口松記仲有其他有芋圓既甜品，不過我試黎試去都係中意配水果涼粉呢種，覺得味道好夾，而且唔利，飯後甜品一流，大小適中，唔會一種料特別多或少宜家松記開左咁多分店係全港，我試過唔同地區既都覺得水準keep 到👍🏻

放假放得我咁爽，我梗係又要出去搵個食啦。 都係嗰句今日嘅天氣唔食返啲甜嘢真係嘥曬，今次就入咗松記食我都好鍾意嘅綿花冰，我就咬咗豆腐花味嘅，綿花冰非常豆腐花嘅味道，但係同時係棉花冰口感，非常特別，而且加咗脆米等等嘅配料，令到成件事生色不少

西環無咩選擇...唔想行得遠只可以去松記。以前都黎過幾次，都不過不失....但經過今次真係以後有幾想食糖水都唔會再幫襯！叫左碗雪梨杏仁燉海底椰諗住潤下，一啲顏色都無...好似燉左5分鐘就攞出黎...見到都唔開胃。完全係清水加幾粒糖同幾塊雪梨，感覺好中伏。另外朋友叫左椰汁西米露，又係好水...椰汁好貴咩，碗嘢都收得唔平...駛唔駛沟咁多水落去？咁樣做生意堅係唔掂...侮辱消費者智慧。真心發誓唔會再番黎

第一次去食的時候糖水和服務都喺麻麻地，諗住俾多次機會去第二次結果都係一樣，我個朋友啲湯圓煮到爆曬出嚟。第二次去的時候服務員係咁咳感覺有點欠缺衛生，收銀女士服務欠佳。

話說晚餐食完酸酸麻麻辣辣，好想甜下個口，所以我哋慢慢散步落咗去石塘咀食糖水。上網搵選擇又唔係好多所以就去咗呢間松記，原本我哋都有啲猶豫，因為見網上嘅食評寫到好差，但係明明松記就係松記，我哋成日都係公司叫外賣，唔明白會差得去邊，所以我就堅持要來食。黎度見到好多人等緊位，最後都係決定買外賣返屋企食。合桃露加芋圓 - 餐牌上邊冇呢個組合，膽粗粗問店員可唔可以咁樣計，佢話當然冇問題啦，我自己好鍾意食芋圓，返到屋企食雖然合桃露已經唔唔再熱鬧啦，但係芋圓煙煙銀銀，好味，略嫌合桃露甜左少少。綜合水果仙草 - 想食熱嘅，不過佢哋夏天只做凍嘅，返到屋企打開個外賣碗都有啲嚇親，因為啲水果好多，樣樣都切得大大嚿，芋圓可能因為凍嘅關係變咗索索聲，有啲搞笑，仙草唔會太甜，加埋水果一齊食又唔會唔夾喎！下次都係返去食六寶！

同老朋友食完晚飯就去左西環石塘咀既松記度食糖水。我地攞完飛之後，見到有位，但店員都冇示意我地入去坐。再等多一陣，我地要主動問佢地可唔可以入去坐。我地桂圓蓮子蛋茶 (HKD 28)同埋珍珠綠豆鮮草冰 (HKD 28)。有啲甜品冇價錢，問店員，但態度就比較差。 杯蛋茶尚算可以，味道一般，夠熱，但分量略細。至於個鮮草冰，真係不堪一提，鮮草係一大塊，無剪過就攞出黎俾我地。另外，亦無附送匙羹，有啲唔細心。至於個味道就真係幾一般。

以為松記糖水伏極有限 叫左個榴槤西米露 一上臺真係呆左 佢比左碗透透地明灰灰地既水咁樣既野我 一碗好似米水咁既野 隱若見到有d榴槤肉 撈下個底先有少少白色 （好可惜撈勻左冇影到佢一上臺個樣）食落係冇咩味 淨係有少少甜味同少少榴槤味 佢話個底係奶+西米 但係食落完全冇奶味 質地極之稀 感覺飲緊榴槤+水 極之難食 冇諗過d 糖水可以咁既味 真係侮辱左松記個名. 係我食過最難食最伏既糖水 仲要成$35 點解松記宜加可以變成咁.........

太過份，貴左，又不食，好不開心，細個係深水埔食開，好好吃又平。 見西環開，試下，個summer 一黎，甘細？ 我馬上問佢，甘細？啲生果去左邊？佢話，係甘細。無下次架啦！.\_/.

落雨無得打🎾仲走左去食糖水。黎到好出名嘅松記，呢間西環店好似開左1年左右🤔？2人點左榴槤西米露（$35）、椰皇花膠燉牛奶（$68）。榴槤西米露。食過好多間糖水店都好穩陣！點知呢個糖水一上枱，做乜個賣相咁嘅！？食落，唔可以用好味黎形容，榴槤得1小件，西米露好稀又唔夠奶味... ... 食食下無啦啦有條膠條（如下列照片）！？攪乜😤椰皇花膠燉牛奶。呢個我地本來都抱好大期望，點知... ... 椰肉極硬到差啲「剷」唔起黎食！牛奶ok，有好多粒芋圓都ok，但唔覺有椰味，似就咁飲緊熱牛奶。食食下，唔對路，花膠呢？？好辛苦搵搵搵，原來成個椰皇入面得3粒仔花膠😱😱當然我唔係expect $68會有1大堆好大塊嘅花膠，但都唔好咁無睇頭咁求其搵幾粒花膠碎黎hea我地啦😤硬到1個點嘅椰肉😓得3粒仔花膠😑芋圓反而一大堆（望落芋圓仲大粒過花膠🤣）明明喺銅鑼灣食過佢嘅分店覺得幾好，點解開喺西環會變成咁😤😤

平時食開深水埗總店，今曰喺呢頭食飯想食湯丸就第一次黎呢間！ 一坐低先話賣晒湯丸… 叫咗芝麻糊 杏仁露 合桃露 ，超級難食… 做衰晒松記個名！等咗好耐， service 好差！ 不知所謂！

日日經過呢條街，呢間糖水鋪我係睇住佢開業，但今日先第一次入去食。餐牌好多款糖水甜品選擇，但見佢重點推介秋冬限定呢款椰皇鮮奶燉花膠，咪叫嚟試下。都等咗十幾廿分鐘，唔通係即叫即燉？我唔知。終於出場，實物係咁：芋圓同花膠各五至六粒沉在牛奶入面，因為兩者都係冇味嘅，椰子亦唔太夠味，結果就好似只係飲咗一大杯熱鮮奶咁。今次呢個配搭真係爭啲，仲有點貴。