松記糖水店

Open Now

Now Closed

話說晚餐食完酸酸麻麻辣辣，好想甜下個口，所以我哋慢慢散步落咗去石塘咀食糖水。上網搵選擇又唔係好多所以就去咗呢間松記，原本我哋都有啲猶豫，因為見網上嘅食評寫到好差，但係明明松記就係松記，我哋成日都係公司叫外賣，唔明白會差得去邊，所以我就堅持要來食。黎度見到好多人等緊位，最後都係決定買外賣返屋企食。合桃露加芋圓 - 餐牌上邊冇呢個組合，膽粗粗問店員可唔可以咁樣計，佢話當然冇問題啦，我自己好鍾意食芋圓，返到屋企食雖然合桃露已經唔唔再熱鬧啦，但係芋圓煙煙銀銀，好味，略嫌合桃露甜左少少。綜合水果仙草 - 想食熱嘅，不過佢哋夏天只做凍嘅，返到屋企打開個外賣碗都有啲嚇親，因為啲水果好多，樣樣都切得大大嚿，芋圓可能因為凍嘅關係變咗索索聲，有啲搞笑，仙草唔會太甜，加埋水果一齊食又唔會唔夾喎！下次都係返去食六寶！