Circle Bakery

Open Now

Now Closed

鹹味蛋糕？有一日見到社交平台，全港首創嘅章魚小丸子蛋糕，我真係好奇之下訂咗，我揀左明太子味，我揀咗呢個一盒九個款，好得意，佢真係蛋糕海棉底，面層就配咗章魚燒鹹味，好似真係食咗章魚燒，又好似唔係！好特別，又幾好食🈵👍🏻面層有🈵🈵名太子，令到鹹味蛋糕層次豐富 💯終於生日蛋糕唔係只係得甜味 😍唔鍾意食甜嘅朋友，都可以有蛋糕食 ，👍🏻焦糖pop corn口味蝴蝶酥，香脆可口係佢哋獨立首創產品，出面無咁精緻迷你的😍

😳離晒譜！ 🧂鹹嘅蛋糕咩料啊！？😂 真係離晒譜，I means 好食到離晒譜！🤩🤩🤩 直程係挑戰味蕾嘅極致！ 😋極罕有地一件食到唔同層次嘅甜品！😜蛋糕好似棉花糖一樣咁fluffy☁️，蛋味濃郁🍳，裏面有真章魚🐙 再配埋醬汁、沙律醬、木魚碎⋯👩🏻‍🍳將鹹味同埋甜味嘅混合配搭，提升到天花板嘅層次！ 👼🏻真係有冇搞錯咁好食😜😜😜#推薦唔鍾意食甜品嘅準壽星#推薦唔鍾意忌廉蛋糕嘅朋友#有9or16粒迷你裝#有一人獨食size#最大有六吋夠多人分享#好物冇人知簡直冇天理！

最近上網見到呢間好多人推介既Circle Bakery 今次就試左佢地新推出既卷蛋同期間限定流心奶黃月餅 造型特別小店系一間本地手工甜品網店 香港人工場製作 專賣蛋糕、曲奇、麵包、月餅等等 有自家工作室和銅鑼灣實體店🥰有興趣既可以支持下🤣👍🏻💓芋泥流心月餅第一次食芋頭味既月餅😋有驚喜 芋泥好綿密 滿滿既芋頭香 配埋佢哋嘅流心蛋黃 鹹甜味既口感豐富 食完唔會好膩🔥💓流心奶黃兔兔月餅兔仔造型超級可愛 完全唔捨得食🐰餅皮外層香脆又充滿牛油香 食落鬆化 個人建議室溫解凍 再放入微波爐叮10秒左右就食得 甜味適中 再加上鹹蛋黃 食完一啖接一啖停唔到口😋🔥月餅儲存方法:取貨後放雪櫃0-4度 可放3-4星期/冰格-18度 可放3個月食之前先在室溫解凍 再放入微波爐叮10秒左右或用焗爐200度焗3分鐘/氣炸鍋180度2分鐘 如果室溫儲存 就要取貨內2天享用💓火炙芝士鰻魚肉鬆卷蛋佢哋最近出咗呢款新品芝士鰻魚肉鬆蛋捲 望到都勁想食‼️面層系用火燒過嘅鰻魚 同芝士夾埋一齊食燒 口感勁豐富🥰而卷蛋裏面內藏肉鬆同紫菜 鬆軟無比 鹹味嘅卷蛋好小食 鹹香味十足👍🏻

甜品控成日食甜品 最近食左個鹹味甜品 好新穎Circle Bakery既鹹味蛋糕 名不虛傳🥰創意十足 打卡一流 味道好有驚喜 😋難怪網店開業15年屹立不倒 而家仲有實體店 👍🏻 Circle Bakery有一系列自家手作餅點 手工曲奇 蛋糕 而家仲有鹹味既卷蛋同蛋糕全部都冇加防腐劑 每日新鮮出爐咁岩見到佢既章魚小丸子蛋糕 造型神似 好可愛 😍作為章魚小丸子控 忍唔住要試下😎💥迷你章魚燒丸子棉花蛋糕 9粒裝幾可像真既章魚燒丸子棉花蛋糕 勁得意😍上面加左日式燒汁同沙津醬 仲有木魚同海苔粉細細粒既球形海棉蛋糕 咬開入面仲有章魚粒海棉蛋糕濕潤又鬆軟 味道甜中又帶點鹹出乎意料地夾同好味 又唔會膩😋💥章魚小丸子蛋糕呢個係一個放大版既章魚小丸子蛋糕 創意十足🥰為食既我怕9粒裝一下子俾屋企人食哂所以再訂多個5寸既巨型明太子章魚小丸子蛋糕🤣如同章魚小丸子一樣 入面既材料都大同小異仲有好多肉鬆 食落好有口感 勁香好惹味😌唔中意食甜蛋糕既家人竟然都係咁食呢😛💥雜錦迷你鹹味棉花卷彷似玉子燒既迷你鹹味棉花卷 賣相吸睛📸1盒12件 分別有4個味 🔴章魚肉鬆🟠肉鬆麻糬🟡明太子蟹籽肉鬆 🟢火炙芝士鰻魚肉鬆口味4款口味

仲有唔夠一個月就中秋啦，唔知大家買左月餅未呢🤭 其實香港有好多本地嘅小店好值得支持，唔洗幫襯美x、東x堂嗰啲連鎖店啦💩 今次我就揀左倉上胃子聯成Circle Bakery推出嘅流心奶皇月餅禮盒🥮 上倉胃子係香港深受歡迎嘅零食網購平台，有齊曬來自世界唔同國家嘅零食、飲品同生活雜貨🤩 It’s almost Mid Autumn festival, which means time for mooncakes! Fillfullsnacks is an online platform that sells snacks and home essentials, and they have collaborated with Circle Bakery to introduce their mooncake gift set. 佢地嘅月餅禮盒好特別，無論係包裝、月餅圖案甚至佢背後嘅故事都與別不同😊 「人齊夠做」，相信呢幾年因為政治立場、移民、社交限制等等令到人與人之間嘅關係變得疏離，咁今年籍住中秋節就搵返佢地聚一聚，嘆返個月餅啦❤️ Their motto “Everyone’s here”

碌 FB 見到又有快閃，今次係 tiramisu 同 柚子芝士盒子，用海澡糖做嘅低糖甜品，我揀咗 2 盒柚子加一盒 Tiramisu，其中一盒柚子送比人。攞咗 3 盒甜品，比想像中細盒，先試 tiramisu, 好香酒味，芝士好香滑。第 2 晚試埋個柚子，面頭柚子啫喱有柚子皮，芝士好濃滑，呢個有驚喜 💖💖 可能見 FB 比較多各搶 tiramisu 所以期望大啲。早兩日再有百香果柚子快閃，今次用稀少糖，但覺得個芝士無上次咁濃滑，味道還是可以的。

快閃呢家嘢真係好講緣份，咁啱見到店主出 post 啱時間去攞就要揸定主意即訂，唔係就買唔到架啦🤣🤣🤣前排買到香葱肉鬆蛋卷，通常蛋卷都係甜食，呢個咸點攞到手已經好香，可惜當日無時間食 ，但隔咗日都仲好香口，可能豬肉鬆就無咁脆。切開可以見到店主無揸流灘，卷有滿滿嘅豬肉鬆，啱晒我呢個豬肉鬆怪嘅口味 🤣🤣🤣重點係卷蛋上那邪惡嘅沙律醬，帶點酸酸又好香，真係可以食唔停口 😅😅地點雖然喺工廈，但好近火炭站好易揾，都好方便架 👍👍

我今次買嚟係做散水餅嘅，覺得咁樣一盒仔派比同事好得體😚佢都有啲唔同大細包裝可以比你哋選擇，公司多人少人都唔怕啦🤗今次我訂咗兩款，一口菠蘿波 ($55)🍍同埋原味蝴蝶酥 ($38)🥨 菠蘿波咬落去好鬆化，不過真係要搵紙巾接住，唔係一地都係碎🤣外皮好香蛋黃味，裡面菠蘿餡甜度啱啱好，會咬到一絲絲菠蘿肉😚我建議唔好咬開，一啖食哂，方便又好食👍🏻蝴蝶酥望落覺得佢好薄，但食落發現味道係好有濃厚嘅牛油味😆而且好脆，可以媲美出面啲出名餅店🤣有一樣嘢想讚嘅係佢有塊膠比你蓋住個樽口，令啲食物冇咁易淋，好貼心😆不過同事表示食完一舊就忍唔住係咁食，食哂😂

今次買左宜蘭三星蔥脆餅$45 @1樽呢間係火炭的黃店餅家💛💛所以買來試試，每次購買也是快閃大家要留意店鋪資料才買到三星蔥味道濃郁， 原來加入去餅乾味道都好夾，而且每塊都有好多蔥，鐘意食蔥的朋友記得試試我都買左比自己同送比朋友，一齊分享店鋪用心製作，每次製作少量食品，保持最佳水準而且太耐冇去台灣旅行🧳，食住宜蘭三星蔥餅過下癮評分：4/5（5分滿分）抵食：3.5/5（5分滿分）包裝：4/5（5分滿分）

尋日見到佢哋出左個限時優惠 賣11個貓山王榴槤巴司克芝士蛋糕 買左個試 $198 吾包運費 做飯後甜品 一開頭見到個蛋糕 賣相一般 有少少失望 不過一貫巴司克蛋糕賣相都麻麻既 而Circlebakery 既cake用左香草同少少金箔做裝飾 閃閃炩咁 都見到佢地比左啲心思！ 佢嘅味道好過預期咼 蛋糕都幾重creamcheese味 配埋榴槤餡 令個蛋糕特別左 高貴左有一啖接一啖既沖動😆 不過個人覺得如果個蛋糕可以再creamy 小小 榴槤比例多小小就perfect 了CP:🍰🍰🍰😋: 🍰🍰🍰🍰回購: 🍰🍰🍰伯爵茶曲奇 $55哩個曲奇好鬆脆 好香伯爵茶味 又吾會太甜 吾算好油膩 好正 推介🤗好食到我哥不斷回購！CP:🍪🍪😋: 🍪🍪🍪🍪回購: 🍪🍪🍪🍪香橙蝴蝶酥 $55 我從來未試過哩個口味 好特別呀 不過啲果醬有少少痴牙其他就還好 佢除左香橙仲有好多其他味架 例如黑椒等等 吾中意香橙既你都可以試下其他☺️CP:🍪🍪😋: 🍪🍪🍪回購: 🍪🍪

喺工廈入面嘅舖頭真係要特登搵，唔會話行行吓街見到就walk-in。唔知有冇現貨，就whatsapp問咗先，覆咗有就即刻上去買。疫情關係唔對外開放，㩒完鐘就等店主開門對答同交收。一口菠蘿波造型好cute啊 唔知係咪落咗少少奶粉，好有奶香味！咬落食到台灣土鳳梨酥個餡咁樣樣嘅菠蘿肉，不過好似我咁中間咬開黎影相會好易散(我仲要第一次咬開一半係碎咗，第二次就住黎咬先影到張product shot)，建議成粒完整咁啪落口再咬。

好耐無分享過 Circle Bakery 既好味蛋糕啦！其實我一直好鍾意佢哋既出品，選料同味道都好好，唔會將價就貨既良心舖頭，今次介紹佢哋5吋最新出品香芋芝士焦糖布丁凍餅同古早蛋糕啦！香芋芝士焦糖布丁凍餅由新鮮芋頭做成， 少甜，加上無添加香精同色素，都好岩健康一族人士食用！！食落有淡淡芋頭味，兩個人一齊Tea份量岩岩好，而且餅底好好味添！另一款古早蛋糕更加係佢哋自創的口味 - 香蔥肉鬆古早味戚風蛋糕，出面食唔到嫁！食落唔甜，而且好鬆軟！配搭上都好特別，有煙肉係面。有時想同媽咪兩個人食細細份蛋糕過吓口癮，又想食得健康，Circle Bakery會係好好既選擇！！