Video
Above information is for reference only. Please check details with the restaurant.
有次同老婆晌屋企附近行完轉短山上石梨貝水塘，之後入咗Circle K打個轉，初頭諗住買啲嘢飲吓就算，再返屋企煮嘢食，但發現有啲即買即食嘅薄餅，咁就改改策略速食薄餅。呢間Circle K有少少特別，就喺裡面有個烘焙廚房，不時都有新鮮出爐麵包賣。而上述嘅薄餅，都喺晌店內焗製，可謂新鮮出爐。啲薄餅睇落唔錯，又唔貴，故決定買個返去試吓。口味仲有好幾款選擇，如辣肉腸、夏威夷、煙肉蘑菇……店員話不時轉款。此外，仲提供一啲雞翼、雞鎚小食，亦都唔貴啊！最後，買咗一款薄餅，再加蛋撻，啲蛋撻一買就要4個，即喺兩盒（每盒兩個），既然喺兩個裝嘅包裝，點解無兩個兩個咁買，試過之後明白點解。燒汁海鮮雜燴薄餅 $22拎到返屋企當然唔會熱焫焫，所以，我哋都稍微放入焗爐烘番熱少少。你見都算叫幾多料，又加咗唔少芝士，唔會太hea，而厚身嘅批底咬落軟熟，廿蚊貨仔，真喺算唔錯架，比起啲急凍就肯定好食好多，最緊要都方便嘛。蛋撻 $14 / 4個單賣一個標$5，比起周邊嘅麵包鋪，唔喺平，佢哋喺包裝好，每盒喺兩個，所以，基本上無一個個咁賣，而買兩個又好唔抵喎，故此，大多數嘅人都被綑綁一買就4個。啲蛋撻望落真喺幾靚仔，但味道真喺麻麻哋，唔喺難食，但無乜蛋香，反而有陣陣好重嘅奶粉味，總之，感覺有少少怪怪哋，幸而撻殼都脆，叫做還可以。之前都有試過佢哋啲麵包，其實都幾OK架，不過，今次嘅蛋撻真喺麻麻。
continue reading
黑椒牛肉潛艇🐮🥖 $20睇個樣真係同subway有幾分相似🤣見佢咁平就買黎試吓😚呢個包足足有9吋長9️⃣內餡有好多片燒牛肉😍仲有好多芝士🧀叮番熱黎食真係唔錯🔥不過牛肉食落似乾身少少嘅黑椒味火腿🧐芝士同平時嗰啲片裝芝士唔同 呢隻相對冇咁鹹淡味少少🤏🏻入面仲搽咗好多蜜糖芥末醬 可能因為咁搞到啲生菜好濕好腍~~同埋個味有啲濃🤭包包嘅口感係超級軟熟 我自己唔太鍾意🙈但係佢加咗啲芝麻同亞麻籽落去 食落有淡淡嘅香味😋以呢個價錢黎講真係幾抵食‼️仲記得細個屋企樓下有間subway😭好掛住佢💔
continue reading