會所1號 科學園 (Closed)

中午到club one飲茶 ， 見到有會員價，查詢下reception同事介紹 比$1480 入會就可以有$1800回贈。 我再同店員重覆一次是否$1800。 店員話正確。但到付款時$1113後得結餘$67。 再查詢同一個店員（都幾惡）竟然話回贈係$1180，唔係$1800。 睇埋張單竟重有$300手續費。 大家下次申請 可以睇真啲。

12:57入單嘅炒飯，等到1:36分先到，先唔好講味道，等到個炒飯黎，其他野都凍哂。個飯仲以為好好味，以為等得值得，點知同屋企炒飯差唔多。侍應唔係睇唔到就聽唔到，舉手舉到遇溺咁都睇唔到，講唔該講到要罵人先聽到。唔係住戶無折我睇到，唔洗問完一次又一次

一行數人去club one lunch, 點左多款賣相精緻既小菜，味道都唔錯，唯獨是魚方面比較腥。熱情果醬配帶子-整體味道清新，黑醋與熱情果醬令帶子感覺提鮮。豉油雞-雞滷得入味，好食。薏米准山豆苗-准山賣相似帶子並以上湯浸豆苗，准山口感軟硬適中，整體味道清甜，口感較爽。乾炒牛河-牛肉偏冧，整體炒得有鑊氣，再配上蛋絲與蔥，提升口感味道層次。石斑兩面黃-石斑比較腥，兩面黃麵身炸得不夠脆及乾身。紫薯浸白菜仔-有驚喜，紫薯甜，紫薯精華浸於白菜仔中，味道清新好味。荷葉糯米飯-整體味道一般荷葉雲耳蒸魚-魚塊有腥味，下次唔會order椒鹽豆腐-炸得脆，非常香口

今日適逢朋友嘅婚宴嚟到科學園呢間會所一號，首先位置方面如果喺大學站搭巴士過去都只係5分鐘左右嘅路程。都算係方便。至於環境方面，餐廳位置附近都算清幽，而且場景都10分大。今日試咗唔同嘅中菜菜式，當中包括乳豬，西蘭花蝦，魚，魚翅。等等。乳豬較為肥，同埋上菜嘅時候已經有少少凍。而西蘭花蝦就相當出色，蝦又新鮮又大隻。而嗰條魚係一條東星班，所以魚肉質感都幾滑。但係魚翅就相對較淡而無味需要落多啲醋去調味。去到最尾當然仲有炒飯炒麵等等同埋炸雞。但炸雞味道較為粗糙。炒飯同炒麵就相當普通。但整體比我嘅感覺都係唔錯。

環境好 野食都好☺️☺️☺️👍🏻👍🏻👍🏻$28一隻乳鴿 好抵食👍🏻👍🏻👍🏻👍🏻科學園難得少有 唔洗等位地方除左點心仲有午市套餐 荷葉飯同古嚕蝦球

今日lunch 黎輕鬆飲下茶，叫咗佢個套餐：荷葉飯好味，非常香。甜酸蝦都特別，但蝦嘅質素我覺得一般，感覺唔算特別新鮮。蝦餃等點心就不過不失。都係環境非常好，非常休閒，價錢又不算貴，絕對可以再去

科學園會所一號一直是我們喜愛的食肆，只是疫情後很久沒去過。今天約朋友在此茶聚，叫了蝦餃、叉燒包、上湯牛肉球、鮑汁鳳爪、魷魚鬚、八味豆腐粒，覺得每樣點心都不錯，尤其是魷魚鬚和豆腐更是出色。但臨尾叫了龍躉兩面黃，和棗皇糕，棗皇糕是頂點，所以有些期望。誰知那兩面黃一上檯已知好極有限，一灘漿糊似的獻汁鋪在面，脆麵也會變軟啦，那些麵韌的，不酥脆，味道普通，那灘獻汁讓人倒胃口！ 令人懷疑是學徒煮的。差！棗皇糕一樣令人失望，一丁點棗味也沒有，不知用了什麼材料可以做得這樣差，虧它夠膽當頂點賣！我真想叫那負責的廚師自己食一件，睇吓佢夠唔夠膽話好味！ 唔識整就唔好整喇！差！

疫情之下， 參加4人一枱的婚宴， 餸菜都是預先分好才上枱。會所一號的科學園場地已經是第二次來， 但第一次來要擔當兄弟及婚禮司儀， 都沒好好的食， 忙碌過後餸菜放到凍冰冰才吃。今次我只是普通的賓客， 可以續一品嘗菜餚了。場地音響都是不錯的， 但食物就不失不過吧。

今日又全家過黎飲茶，野食仍然保持水準。蝦餃蝦彈牙，流沙包都有少少流心，另外叫咗兩個乳鴿仲有肉絲炒麵，乳鴿真係非常細隻，冇咩肉，但係味道ok 。非常推介肉絲炒麵，炒麵底整得好味香脆，肉絲嫩滑，但係性價比唔高

今日同舊同事黎到科學園食lunch , 嚟咗間唔多人嘅酒樓，只係點左兩樣野，但味道都不錯。叉燒包中規中矩，但佢嘅龍蝦伊麵幾好味，芝士味濃，龍蝦肉質不錯，枱與枱之間距離大，而且嗰邊樓底好高，非常休閒

我覺得這間餐廳非常取巧，成日咩野食都冇晒。之前有個特價乳鴿，佢地開12點，我地12:30黎到想order，佢已經講冇晒。之後有次黎食晚餐，7點落單已經話4人套餐冇晒。。。。逼人要散叫小菜，而且侍應態度非常差，絕對唔recommend 😑😑

親友新居入伙, 選擇在附近的科學園午餐. 無奈這區几家餐廳都滿座, 不接受訂位. 唯有這家CLUB ONE接受預約, 剛好親友是會員有優惠, 一行12人就在此午餐了!   餐廳接受當日訂座的原因 = 中午12點開始營業.   大家在12點來到, 當然有座位!   內堂樓底高又大又靚, 是婚宴的好地方. 行多步果然找到午餐的幸福!   在接近小花園那邊, 大家分開几張枱就座, 集中點餐後, 慢慢等待食物來到.  點了二人1套餐, 3份雙拼, 再散點不同的點心和甜品, 應該足夠12人的食量吧!    籠籠點心先上. 全部BASIC款, 保證合大家口味!  可是燒賣底部仍未熟透,    黃色麵粉皮仍是糊狀.     在套餐和雙拼組合, 共有4款炒粉麵飯.   鮑汁荷葉飯是最先上枱. 大家在飢餓之中, 所以覺得這款最美味.  自己嚐過多件點心, 也覺得這個荷葉飯不油膩, 鮑汁味不太濃, 仍感到荷葉的清香, 整體清爽易入口. 小米添完又添了! 還有瑤柱蛋白炒飯&菜遠蝦球炒河        大家把3款粉麵飯都消滅後, 可是魚籽薑蔥蟹肉炒飯仍然未見踪影. 要向經理追問, 才等到這個蟹肉炒飯.  雙拼

山長水遠一心諗住入嚟科學園可以去下飲茶，登記左電話，點知話要等半個鐘，好，咁就等，等左一陣再問都是話要等夠鐘，等等下，點知望一望其他人一入來就有位，真係火都嚟，入到去大把吉枱。有枱無人坐，要枱就唔比，真係超趕客，服務極差。😡

今天第一次家裡叫外賣點了好幾個菜包含金沙蝦，蛋白炒飯，乾炒牛河，燒腩仔肉和海鮮雜菜煲，本來以為味道還不錯，沒想到吃了一半後就發現有一隻大蒼蠅在海鮮雜菜煲裡面，太太起碼吐了幾分鐘，非常嘔心。狂打電話去餐廳投訴都打不通，也沒有回覆，惟有馬上電話食物環境衛生處投訴。這餐廳衛生環境多欠佳可想而知。已經留了圖片和食物證據。大街小心用餐。不希望別的用家食客會受到影響身體不舒服。希望餐廳跟進衛生情況並與本人聯絡。我們家現在還擔心會不會吃完這裏東西後會有甚麼後遺症出現。

今天來飲茶本來好開心可以去club one係科學園 但佢地服務態度非常差 惡劣 無禮貌 完全唔想招呼客人 在場樓面的人服務好唔耐煩 咁既時勢覺得自己生意仲好好咁 不知所謂 好討厭