Coast Coffee (Closed)

本身工作關係間唔中會來銅鑼灣，到LUNCH時間就鍾意同同事四周逛下睇下有冇好野食，行到新會道見到間門面企理的西餐咖啡店，同事都OK咁就入去試下，一入去望見FULL左，侍應都好NICE又有禮貌咁安排我係門口等左約7-8分鐘就有客人埋單走了。坐低後我地同侍應傾左兩句知道原來剛剛新開左未夠一個月，唔怪得之前四圍逛都冇見過呢間餐廳。環顧四周，室內裝修以relaxing作為主題概念，室內牆身安裝左D鏡，巧妙地將天花的射燈燈光反射到枱面，個感覺即時諗番以前係泰國華欣海邊酒店咖啡室食野咁，門面亦用落地玻璃設計，採光度夠高影靚相打卡一流。主菜方面我點左個全日早餐，隻太陽蛋煎得好靚個蛋黃入口好重蛋香味，腸同薯餅熱辣辣口感爽脆，最驚喜係個包，佢用焦糖烤係面食既時候又香甜又有口感，成個餐份量亦唔細。跟手試埋個忌廉湯，好重黑松露香好creamy 又係我鍾意既味道。飲品因我試左荔枝soda亦好清甜同個早餐好夾。最後食埋件蘋果芝士蛋糕，裡面中層既蘋果肉令到成個cake即時唔漏而個芝士亦係好實在的芝士香味又係超鍾意。同事就點左牛肉漢堡餐同香辣虎蝦意粉餐，因為我冇食就唔評論了，但係佢地已經講緊下次過來銅鑼灣做野都要過

作為coffee愛好者，經常會同女友搜尋不同類型的cafe餐廳試下各式各樣既西式食品。今日行經銅鑼灣發現呢間coast coffee新開試業中，當然要試試啦。裝潢配色素雅，店內燈光充足，令人感覺舒適。點了lunch set 內的burger餐 + 香辣虎蝦扁意粉加配了蛋黃雞翼（忘了拍照）及兩件cakes (四季春茶味&caramel double cheese)餐飲方面叫左hot chocolate 同lemon espressoda食物comment:-burger 配有特製既醬汁，酸甜開胃。薯條香脆可口不油膩。-虎蝦食落非常鮮甜彈牙，意粉軟硬適中，辣汁亦冇蓋過蝦既鮮味。-兩杯飲品及蛋糕亦有驚喜，層次豐富有口感，一人一件食晒都不覺滯。熱朱古力拉花手勢不錯，espressoda 檸汁咖啡亦配搭得宜。總結 性價比高 值得回頭👍

意式卡邦尼意粉🍝喜出望外，一直以為係滿口cream嘅感覺，原來呢度用咗意式嘅煮法做，煙肉富有口感，充滿油香，旦黃與芝士汁完美掛在意粉上，沒有油膩感。好味😋😋

個焦糖蘋果cheese cake超級好味😋，兩個小朋友都話要再食多件😂😂沖咖啡個姐姐好有心機🥹,專登幫我女女沖了杯好得意嘅朱古力拉花👍🏻👍🏻👍🏻

【銅鑼灣 │ Coast Coffee新分店】銅鑼灣新店‼️小巷中又多咗一間咖啡店😍空間就冇天后店咁大 但裝修風格好似✔️都係小清新嘅感覺 簡約純白風再加上植物🪴食物甜品飲品選擇多 而且有Vegan嘅選擇食物質素很不錯 只是咖啡有點失望🫢🔸煙三文魚班尼迪蛋配英式鬆餅 $108 水波蛋好流心 配埋煙三文魚味道唔錯下面係英式鬆餅幾得意 旁邊有沙律菜🥗整體味道正常發揮 冇話好特別😝🔸是拉差蜆肉忌廉蝴蝶粉 $118 呢款係銅鑼灣限定嘅意粉 非常好食💯味道幾有驚喜 甜甜辣辣好惹味蜆肉亦都冇腥味同沙 很推介！🔸焦糖蘋果雙層芝士蛋糕 $60 見好多人大讚呢款甜品 味道果然唔錯😋上面有焦糖餅碎配上原味芝士蛋糕 中間夾心係焦糖蘋果粒 下層係焦糖味芝士蛋糕🧀蛋糕軟身 味道好有層次👅甜度偏高 餅底可以脆多少少👈🏻🔸Flat White $45 🔸Hojicha Latte $48 咖啡反而唔係好掂 飲落好水 冇乜咖啡味🥲焙茶Latte反而唔錯 味道濃郁冇粉感✄-------------------------✄整體味道😋: 7.5/10性價比💵: 7/10打卡指數😍: 7/10 環境服務🥂: 8/10推薦指數👍